DUOTRAV ko'z tomchilari 40 mkg/ml+5 mg/ml 2,5ml

QO‘LLASH BO‘YICHA YO‘RIQNOMA

DUOTRAV

DUOTRAV

Preparatning savdo nomi: DUOTRAV*

Ta‘sir etuvchi modda (XPN): travoprost + timolol

Dori shakli: ko‘z tomchilari, eritma.

Tarkibi:

Har 1 ml eritma quyidagilarni saqlaydi:

faol moddalar: 40 mikrogramm travoprost va 5 mg timolol (timolol maleati ko‘rinishida).

Konservant: 10 mikrogramm polikvaternium – 1 (POLIKVAD*)

yordamchi moddalar: mannitol (Ye421), propilenglikol (Ye1520), 1 mg polioksietilen gidrogenlangan kanakunjut moyi 40 (GKM-40), borat kislotasi, natriy xloridi, natriy gidroksidi va/yoki xlorid kislotasi (rN ni muvofiqlashtirish uchun), tozalangan suv.

Ta‘rifi: tiniq, rangsiz eritma.

Farmakoterapevtik guruhi: Oftalmologik vosita. Glaukomaga qarshi preparatlar va miotiklar.

ATX kodi: S01ED51.

Farmakologik xususiyatlari

Farmakodinamikasi

Ta‘sir mexanizmi

DUOTRAV ko‘z tomchilari ikkita faol modda: travoprost va timolol maleati saqlaydi. Bu ikki komponent ta‘sirini o‘zaro to‘ldirish mexanizmi tufayli ko‘z ichki bosimini pasaytiradilar, va majmuaviy ta‘sir faqat buning natijasida preparatni alohida qo‘llash bilan solishtirganda ko‘z ichki bosimini (KIB) qo‘shimcha pasayishiga olib keladi.

Travoprost prostaglandin F_2a ning analogi bo‘lib, yuqori selektiv agonist hisoblanadi, prostaglandin FR-reseptori bilan kuchli yaqinlikka ega va trabekulyar to‘r va uveosklear yo‘llar orqali ko‘z suyuqligini oqib chiqishini oshirib, ko‘z ichki bosimini pasaytiradi. Odamda ko‘z ichki bosimini pasayishi yuborilganidan keyin taxminan 2 soat o‘tgach boshlanadi, maksimal samaraga esa 12 soatdan keyin erishiladi. Ko‘z ichki bosimini ahamiyatli pasayishi preparat bir marta yuborilganidan keyin 24 soat davomida saqlanishi mumkin.

Timolol – noselektiv adrenergik blokator, u simpatomimetik faollikka ega emas, bevosita miokardga depressiv ta‘sir ko‘rsatmaydi, membranani barqarorlashtiruvchi faollikka ega emas. Odamlarda o‘tkazilgan tonografik va flyurofotometrik tekshirishlar, uning faol ta‘siri ko‘z suyuqligini hosil bo‘lishini kamayishi va uni oqib chiqishini biroz oshishi bilan bog‘liq deb taxmin qilinadi.

Ikkilamchi farmakologiya

Travoprost quyonlarda 7 kun davomida mahalliy (1,4 mikrogramm, har kuni bir marta) qo‘llanganidan so‘ng ko‘ruv nervi diskining tomirlarida qon oqimini ahamiyatli oshiradi.

Polikvaternium-1 konservanti qo‘shilgan DUOTRAV ko‘z tomchilari, benzalkoniy xloridi konservanti qo‘shilgan ko‘z tomchilari bilan solishtirganda kultivasiya qilingan odam shox pardasi xujayralarida kulturasida va keyin quyonlarda mahalliy qo‘llanganida ko‘zga minimal toksiklik chaqirgan.

Farmakodinamik ta‘siri

Klinik samaralari

O‘n Ikki oylik nazoratli klinik tekshirishlarda, ochiq burchakli glaukomasi yoki boshlang‘ich o‘rtacha KIB 25-27 mm sm. ust. ga teng ko‘z gipertenziyasi bo‘lgan pasientlarda, DUOTRAV ko‘z tomchilarining ta‘sirida bosimni pasayishini o‘rtacha samarasi, Har kungi ertalabki bir martalik dozada 8 dan 10 mm sm. ust. gacha bo‘lgan.. KIB ni pasayishiga nisbatan DUOTRAV ko‘z tomchilarining 50 mkg/ml latanoprost + 5 mg/ml timolol bilan solishtirganda kam bo‘lmagan samaradorligi har safar kelganda  namoyish etilgan.

Uch oylik nazoratli klinik tekshirishlar ochiq burchakli glaukomasi yoki boshlang‘ich o‘rtacha KIB 27-30 mm sm. ust. ga teng ko‘z gipertenziyasi bo‘lgan pasientlarda, DUOTRAV ko‘z tomchilari ta‘sirida bosimni o‘rtacha pasayishi, har kuni ertalab bir martalik dozada 9-12 mm sm. ust. gacha va faqat travoprost 40 mikrogramm/ml dozada xar kuni kechqurun qo‘llashga qaraganda 2 mm sm. ust. gacha yuqori, va timolol 5 mg/ml dozada kuniga ikki marta qo‘llashga qaraganda 2 dan 3 mm sm. ust. gacha yuqori bo‘lgan. KIB ni o‘rtacha pasayishi ertalab (8,00 – DUOTRAV ko‘z tomchilarining oxirgi dozasidan keyin 24 soat o‘tgach) travoprost bilan solishtirganda barcha tekshirish davomidagi hamma tashriflarda statistik jixatdan kuchliroq pasayishi kuzatilgan.

Ikki uch oylik nazoratli klinik tekshirishda ochiq burchakli glaukomasi yoki boshlang‘ich o‘rtacha KIB 23 dan 26 mm sm. ust. ga teng ko‘z gipertenziyasi bo‘lgan pasientlarda, DUOTRAV ko‘z tomchilari ta‘sirida bosimni o‘rtacha pasayishi, har kuni ertalab bir martalik dozada 7 dan 9 mm sm. ust. gacha bo‘lgan.. KIB ni o‘rtacha pasayishi yomon bo‘lmagan, garchi travoprost 40 mikrogramm/ml dozada har kuni kechqurun bir marta va timolol
5 mg/ml dozada xar kuni ertalab bir marta majmuada qo‘llangandagiga qaraganda samarasi pastroq bo‘lgan.

Olti haftalik nazoratli klinik tekshirishda ochiq burchakli glaukomasi yoki boshlang‘ich o‘rtacha KIB 24 dan 26 mm sm. ust. ga teng ko‘z gipertenziyasi bo‘lgan pasientlarda DUOTRAV (polikvaternium-1 saqlovchi) ko‘z tomchilari ta‘sirida bosimni o‘rtacha pasayishi, har kuni ertalab bir martalik dozada 8 mm. sm .ust. ni bo‘lgan, bu DUOTRAV (benzalkoniy xloridi saqlovchi) ko‘z tomchilari samarasiga teng.

Kiritish mezonlari KIB ni boshlang‘ich qiymatlari va KIB ni ilgarigi davolash samarasidan tashqari, barcha tekshirishlarda umumiy bo‘lgan. DUOTRAV ko‘z tomchilarini yaratish jarayoni oldin davolangan pasientlarni ham, davolanmagan pasientlarni ham o‘z ichiga olgan. Monoterapiyaga yetarli bo‘lmagan sezuvchanlik kiritishga mezon hisoblanmaydi.

Mavjud bo‘lgan ma‘lumotlar preparatni kechqurun qo‘llash KIB ni o‘rtacha pasayishida ma‘lum bir afzalliklarga egaligidan dalolat beradi. Ertalabki dozani buyurishda kechqurungi qabul bilan solishtirganda pasient uchun qulayligini va ular tomonidan qabul qilish tartibiga rioya qilish omillarini ko‘rish kerak.

Farmakokinetikasi

So‘rilishi

Travoprost va timolol shox parda orqali so‘riladi. Travoprost shox pardada faol erkin kislotagacha efirli gidroliz o‘tuvchi old dori hisoblanadi. Sog‘lom sub‘ektlarda (N=22) DUOTRAV ko‘z tomchilari (polikvaternium-1 saqlovchi) har kuni bir marta qabul qilinganidan keyin 5 kun davomida ko‘pchilik sub‘ektlarning (94,4%) plazmasi namunalarida travoprostning erkin kislotasi konsentrasiyasi, qo‘llagandan keyin bir soat o‘tgach aniqlanmagan. O‘lchab bo‘ladigan qiymatlarda (miqdoriy aniqlashning chegarasi > 0,01 ng/ml), konsentrasiya 0,01 dan 0,03 ng/ml gacha diapozonda bo‘lgan. DUOTRAV ko‘z tomchilari bir marta qabul qilinganidan keyin timololning o‘rtacha stasionar konsentrasiyasi S_max 1,34 ng/ml ni, T_max esa taxminan 0,69 soatni tashkil qilgan.

Taqsimlanishi

Travoprostning erkin kislotasini birinchi bir necha soat davomida xayvonlarning ko‘z suyuqligida, odamlarda esa DUOTRAV ko‘z tomchilari  tomizilgandan so‘ng faqat birinchi soatda aniqlash mumkin. DUOTRAV ko‘z tomchilari maxalliy qo‘llangandan keyin timololni odamning ko‘z suyuqligida va qon plazmasida 12 soatgacha vaqt davomida aniqlash mumkin.

Biotransformasiyasi

Metabolizm travoprost uchun ham faol erkin kislota uchun ham asosiy chiqarish yo‘li hisoblanadi. Tizimli metabolik yo‘llari endogen prostaglandin F_2a ning metabolik yo‘llariga parallel, ular 13-14 ikkilangan bog‘ni qisqarishi, 15-gidroksilni oksidlanishi va zanjirning yuqori tomonini b-oksidlanishi parchalanishi bilan xarakterlanadi.

Timolol ikki yo‘l bilan metabolizmga uchraydi. Birinchi usulda tiadiazol xalqada etanolaminli yon zanjir hosil qiladi, boshqasida – morfolin azotida etanolaminli yon zanjir va azotga yondosh karbonil guruhi bilan ikkinchi yon zanjir hosil qiladi. DUOTRAV ko‘z tomchilari maxalliy qo‘llanganidan keyin timololning T_1/2 4 soatni tashkil qiladi.

Chiqarilishi

Travoprostning erkin kislotasi va uning metabolitlari asosan buyraklar orqali chiqariladi. Siydikda erkin kislota ko‘rinishidagi travoprostning oftalmologik dozasini 2% dan kamrog‘i aniqlanadi. Timolol va xosilbo‘layotgan metabolitlari asosan buyraklar orqali chiqariladi. Timolol dozasining taxminan 20% o‘zgarmagan holda siydik bilan, qolgan qismi metabolitlari ko‘rinishida chiqariladi.

Xavfsizligi bo‘yicha klinikagacha bo‘lgan  ma‘lumotlari

Maymunlarda DUOTRAV ko‘z tomchilarini xar kuni ikki marta qabul qilish, prostanoidlar mahalliy qo‘llanganda kuzatilgandek, ko‘z yoriqlarini kengayishini chaqirgan va  rangdor pardaning pigmentasiyasini kuchaytirgan.

Travoprost

Travoprostni maymunlarda 0,012% gacha konsentrasiyada  o‘ng ko‘ziga kuniga ikki marta bir yil davomida mahalliy qo‘llash, umumiy toksiklikka olib kelmagan.

Travoprost bilan reproduktiv toksiklikning tekshirishlari tizimli usulda kalamushlar, sichqonlar va quyonlarda o‘tkazilgan. Natijalar bachadonning FP-reseptorlarga nisbatan embrionni erta nobud bo‘lishi, homilani implantasiyadan keyingi o‘limi, fetotoksiklik bilan namoyon bo‘luvchi agonist faolligi bilan bog‘liq. Organogenez davrida homilador kalamushlarga travoprostning klinikdan 200 marta yuqori dozada tizimli buyurish tug‘ma nuqsonlar xollarini oshishiga olib kelgan. ³N- travoprost qabul qilgan homilador kalamushlarning amniotik suyuqligi va to‘qimalarida radiofaollikning past darajasi aniqlangan. Reprodkusiya va rivojlanishning tekshirishlari, kalamushlar va sichqonlarda yuqori dozalar qabul qilinganda homila tashlashga 1,2-6 marta yuqori dozalar (25 pg/ml gacha) kuchli ta‘sirini ko‘rsatadi (plazmasida mos ravishda 180 pg/ml va 30 pg/ml).

Timolol

Klinik bo‘lmagan ma‘lumotlar farmakologik xavfsizligi, ko‘p martalik dozalarning toksikligi, gepatotoksikligi va kanserogen potensialini odatdagi tekshirishlari asosida timololning odamlar uchun alohida xavf aniqlanmaganligini ko‘rsatdi. Timololni reproduksion toksikligi bo‘yicha tekshirishlar kalamushlarning homilasida keyingi postnatal rivojlanishda nojo‘ya samaralar kuzatilmaganida suyak moddasini hosil bo‘lishini kechikishini (klinik dozadan 7000 marta ortiq dozalarda) va quyonlarning homilasida resorbsiya tez-tezligining oshishini (klinik dozalaridan 14000 marta yuqori dozalarda qo‘llanganida) ko‘rsatdi.

Qo‘llanilishi

Terapevtik ko‘rsatmalar

Ochiq burchakli glaukoma yoki ko‘z gipertenziyasi bo‘lgan, mahalliy beta-blokatorlar yoki prostaglandinning analoglari yetarli darajada samara bermagan katta yoshli odamlarda ko‘zning ichki bosimini (KIB) kamaytirish uchun qo‘llanadi.

Qo‘llash usuli va dozalari

Kattalarda, shu jumladan keksalarda qo‘llanishi

DUOTRAV ko‘z tomchilarining dozasi kasallangan ko‘zning kon‘yunktiva qopchasiga bir tomchidan sutkada bir marta ertalab yoki kechqurunni tashkil qiladi. Tomchilarni aynan bir vaqtda qo‘llash kerak.

Agarda doza o‘tkazib yuborilgan bo‘lsa, unda davolashni navbatdagi dozada davom ettirish kerak. Preparatning sutkalik dozasi kasallangan ko‘zning kon‘yunktiva qopchasiga sutkada bir marta 1 tomchidan oshmasligi kerak.

Alohida pasientlari

Jigar va buyrak yetishmovchiligi

Jigar yoki buyrak yetishmovchiligi bo‘lgan pasientlarda DUOTRAV ko‘z tomchilari yoki timolol 5 mg/ml ko‘z tomchilarini qo‘llash bo‘yicha tekshirishlar o‘tkazilgan.

Travoprostni qo‘llash yengildan og‘ir darajagacha jigar yetishmovchiligi bo‘lgan pasientlarda ham, yengildan og‘ir darajagacha buyrak yetishmovchiligi (kreatinin klirensi minutiga 14 ml/min dan yuqori) bo‘lgan pasientlarda ham tekshirilgan. Bunday pasientlar uchun dozani to‘g‘rilash talab qilinmaydi.

Jigar yoki buyrak yetishmovchiligi bo‘lgan pasientlarda DUOTRAV ko‘z tomchilarining dozasini to‘g‘rilash talab qilinishini ehtimoli kam.

Pediatrik pasientlar

Bolalarda va 18 yoshdan kichik bo‘lgan o‘smirlarda DUOTRAV ko‘z tomchilarining xavfsizligi va samaradorligi aniqlanmagan. Ma‘lumotlar yo‘q.

Qo‘llash usuli

Ko‘zga qo‘llash uchun.

Pasient tashqi himoya qobig‘ini bevosita birinchi marta ishlatishdan oldin yechish kerak.

Flakon-tomizgich va uning ichidagisini ifloslanishidan saqlanish uchun, flakon-tomizgichning uchi bilan qovoqlar, atrof sohalarga yoki boshqa qanday-bo‘lmasin yuzalarga tegib ketmaslik kerak.

Qo‘llashdan keyin ko‘z yosh kanalini berkitish yoki yumilgan qovoqlarni yengil bosish tavsiya qilinadi. Bu ko‘zlarga mahalliy qo‘llanganida preparatning tizimli so‘rilishini pasaytirish va tizimli nojo‘ya reaksiyalarning rivojlanishini kamaytirishi mumkin.

Agarda bittadan ortiq mahalliy oftalmologik tibbiy preparat ishlatiladigan bo‘lsa, tibbiy preparatlarni minimum 5 minutlik interval bilan qo‘llash kerak.

 Boshqa oftalmologik glaukomaga qarshi tibbiy preparat DUOGLAV ko‘z tomchilariga o‘zgartirilganida, boshqa tibbiy preparatni qo‘llashni to‘xtatish, DUOTRAV ko‘z tomchilarini esa keyingi kundan buyurish kerak.

DUOTRAV ko‘z tomchilarini tomizishdan oldin yumshoq kontakt linzalarni yechish va tomizgandan so‘ng ularni 15 minut davomida qo‘ymaslik kerakligi haqida pasientlarni ogohlantirish kerak.

Nojo‘ya ta‘sirlari

DUOTRAV ko‘z tomchilarining klinik sinovlari vaqtida quyidagi nojo‘ya reaksiyalar kuzatilgan. Ular quyidagi tartibda tasniflangan: juda tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam (≥1/10000 dan < 1/1000 gacha), juda kam (<1/10000). Har bir tez-tezlik guruhida nojo‘ya reaksiyalar jiddiyligi bo‘yicha kamayishi tartibida keltirilgan.

Sotuvga chiqarilganidan keyingi tekshirishda identifikasiyalangan qo‘shimcha nojo‘ya reaksiyalari quydagilarni o‘z ichiga oladi. Bor bo‘lgan ma‘lumotlar bo‘yicha ularning tez-tezligini hisoblash mumkin emas.

Faol moddalarning biri bilan aniqlanadigan qo‘shimcha nojo‘ya reaksiyalar, potensial DUOTRAV ko‘z tomchilari qo‘llanganda xam paydo bo‘lishi mumkin:

Travopost

Ko‘rishni buzilishlari – uveit, kon‘yunktivani buzilishi, follikulez kon‘yunktivit, rangdor pardaning giperpigmentasiyasi.

Teri va teri osti to‘qimalari tomonidan buzilishlar: terini qipiqlanishi.

Timolol

Moddalar almashinuvini va ovqatlanish tomonidan buzilishlar:  gipoglikemiya.

Nerv tizimi tomonidan buzilishlar:  serebral ishemiya, gravis miasteniyasi.

Ko‘rishni buzilishlari:  diplopiya.

Yurak tomonidan buzilishlar: yurakni to‘xtashi, atrioventikulyar blokada, yurak urishini tezlashishi.

Nafas tizimi, ko‘krak qafasi va ko‘ks oralig‘i a‘zolari tomonidan buzilishlar: nafas faoliyatini buzilishi, burunni bitishi.

Me‘da-ichak yo‘llari tomonidan buzilishlar:  diareya, ko‘ngil aynishi.

Umumiy buzilishlar va qo‘llash joydagi buzilishlar: asteniya.

Qo‘llash mumkin bo‘lmagan holatlar

Faol moddalarga yoki yordamchi moddalarning har qandayiga yuqori sezuvchanlik.

Nafas yo‘llarining reaktiv kasalliklari, shu jumladan bronxial astma yoki anamnezdagi bronxial astma, o‘pkaning og‘ir surunkali obstruktiv kasalligi.

Sinusli bradikardiya, sinus tugunining kuchsizligi sindromi, shu jumladan sinoartrial blokada, II yoki III darajali atrioventikulyar blokada, dekompensasiyalangan yurak yetishmovchiligi yoki kardiogen shok.

Dorilarning o‘zaro ta‘siri

• Tizimli beta-blokadani kuchayishi (masalan, yurak qisqarishlarini kamayishi, depressiyalar) CYP2D6 ingibitorlari (masalan, xinidin, flyuksetin, paroksetin) va timolol bilan majmuaviy davolash vaqtida aniqlangan.
• Timololli ko‘z tomchilari ichga qabul qilish uchun kalsiy kanallarining blokatorlari, guanetidin, beta-blokatorlar, antiaritmik preparatlar, yurak glikozidlari yoki parasimpatomimetiklar bilan bir vaqtda qo‘llanganda, gipotenziya/yoki yaqqol bradikardiya rivojlanishiga olib keluvchi additiv samara ehtimoli mavjud. Klonidin keskin bekor qilinganidan keyin gipertenziya rivojlanishi beta-blokatorlar qabul qilinganda kuchayishi mumkin.
• Beta-blokatorlar diabetga qarshi vositalarning gipoglikemik ta‘sirini kuchaytirishlari mumkin. Beta-blokatorlar gipoglikemiya simptomlarini niqoblashlari mumkin.
• Beta-blokatorlar anafilaktik reaksiyalarni davolash uchun qo‘llanadigan adrenalinga reaksiyani kamaytirishlari mumkin. Anamnezida atopiyasi va anafilaksiyasi bo‘lgan pasientlarga preparatni buyurishda ayniqsa extiyot bo‘lish kerak.
• Oftalmologik beta-blokatorlar va adrenalin yondosh qo‘llanishi natijasida. vaqti-vaqti bilan midriaz aniqlangan.

Maxsus ko‘rsatmalar

Umumiy

• Boshqa mahalliy qo‘llanadigan oftalmologik dori preparatlar kabi, travoprost va timolol tizimli qon oqimiga so‘riladi. Timololning beta-adrenergik ta‘siri tufayli yurak tomir va nafas tizimi tomonidan shunday nojo‘ya reaksiyalar kuzatilishi mumkinki, bu tizimli beta-adrenergik blokator dori preparatlari qo‘llanganda ham kuzatiladi.
• Burun-ko‘z yoshi okklyuziyasi ishlatilganda yoki qovoq 2 minutga bekilganda tizimli so‘rilishi qisqaradi. Bu tizimli nojo‘ya samaralarini qisqarishiga va maxalliy faolligini oshishiga olib kelishi mumkin.

Yurak buzilishlari

• Timolol bilan davolashni boshlashgacha yurak yetishmovchiligini tegishli tarzda nazorat qilish kerak. Anamnezida og‘ir yurak yetishmovchiligi bo‘lgan pasientlarda yurak yetishmovchiligining belgilari borligi kuzatilishlari kerak, shuningdek ularning pulsini tez-tezligini tekshirish kerak. Timolol maleati qabul qilinganidan keyin respirator reaksiyalar va yurak reaksiyalari, astmasi bo‘lgan pasientlarda bronxospazm oqibatida hattoki o‘lim va, kam hollarda esa yurak yetishmovchiligi oqibatida ham o‘lim kuzatilgan. Spontan gipoglikemiyasi bo‘lgan pasientlarga va qandli diabeti bo‘lgan bemorlarga (ayniqsa o‘zgaruvchan diabeti bo‘lgan) beta-adrenergik blokator dori preparatlarni ehtiyotkorlik bilan buyurish kerak, chunki beta-adrenergik blokator dori preparatlari o‘tkir gipoglikemiyaning simptomlarini niqoblashi mumkin. Ular shuningdek, gipertireozning belgilarini niqoblashi, Prinsmetal stenokardiyasini yomonlashishini, og‘ir periferik va markaziy qon aylanishini buzilishlarini va gipotenziyani chiqarishi mumkin.

Anafilaktik reaksiyalar

• Beta adrenergik blokator dori preparatlarni qabul qilishda anamnezda qator allergenlarga nisbatan og‘ir anafilaktik reaksiyalari yoki atopik kasalliklari bo‘lgan pasientlarda, beta-adrenoblokatorlar qabul qilish fonida anafilaktik reaksiyalarni davolash uchun adrenalinni odatdagi dozalarda qo‘llash samarasiz bo‘lishi mumkin.

Yondosh davolash

• Timolol boshqa preparatlar bilan o‘zaro ta‘sir qilishi mumkin. Peroral beta-blokatorlar qabul qilayotgan pasientlarga DUOTRAV ko‘z tomchilari buyurilganida, ko‘z ichki bosimiga ta‘siri yoki tizimli beta-blokadaning ma‘lum bo‘lgan ta‘siri kuchayishi mumkin. Bu pasientlarning reaksiyasini sinchiklab kuzatish kerak. Ikki mahalliy beta-adrenergik blokator dori preparatlari yoki ikki mahalliy prostaglandinlarni ishlatish tavsiya etilmaydi.

Oftalmologik ta‘siri

• Travoprost melanositlarda melanosoma (pigment granulalari) larning miqdorini oshishi hisobiga, ko‘zlarning rangi asta-sekin o‘zgarishini chaqirishi mumkin. Melanositlarga uzoq muddatli ta‘sir va bu ta‘sirning oqibatlari hozirgi vaqtda noma‘lum. Rangdor pardaning rangi o‘zgarishi sekin yuz beradi va oylar yoki xatto yillar davomida sezilmasligi mumkin. Ko‘z rangini o‘zgarishi ko‘proq rangdor pardasi boshidan aralash rang, masalan, ko‘k-jigarrang, kulrang-jigarrang, yashil-jigarrang yoki sariq-jigarrang bo‘lgan pasientlarda aniqlanadi; biroq bu holat ko‘zlari faqat jigarrang rangli pasientlarda ham kuzatilishi mumkin. Odatda qorachiqning atrofidagi jigarrang pigmentasiya kamalak parda periferiyasiga konsentrik ravshda tarqaladi, bunda rangdor parda butunligicha yoki uning qismlari to‘qroq jigarrang bo‘lishi mumkin. Preparat bekor qilinganda, jigarrang pigmentning miqdorini keyingi oshishi kuzatilmaydi.
• Nazoratli klinik sinovlarda travoprost qabul qilish tufayli ko‘z atrofidagi va/yoki qovoqlarning atrofidagi terining rangini to‘qlashishi kuzatilgan.
• Travoprost asta-sekin davolanayotgan ko‘zning kipriklarini o‘zgarishiga olib kelishi mumkin. Bu o‘zgarishlar klinik tekshirishlarda pasientlarning taxminan yarmida kuzatilgan va quydagilarni o‘z ichiga olgan: kipriklarni uzunlashishi, qalinlashishi, pigmentasiyasi va/yoki ularning miqdorini oshishi. Hozirgi vaqtda bu o‘zgarishlarning mexanizmi va uning uzoq kelajakdagi oqibatlari noma‘lum.
• Afakiyasi bo‘lgan pasientlarda, gavxarning orqa kapsulasi yorilgan psevdofakiyasi bo‘lgan pasientlarda, yoki makulani kistoz shishini ma‘lum xavf omillari bo‘lgan pasientlarda, DUOTRAV ko‘z tomchilarini qo‘llashda ehtiyotkorlik choralarini ko‘rish kerak.
• DUOTRAV ko‘z tomchilarini o‘tkir ko‘z ichki yallig‘lanishi bo‘lgan pasientlarda, shuningdek uveit xavfi omillariga moyilligi bo‘lgan pasientlarda ehtiyotkorlik bilan qo‘llash kerak.
• Ko‘z oldi sohasi va qovoqni o‘zgarishi, shu jumladan qovoq egatini chuqurlashishi, prostaglandin analoglari bilan ham aniqlangan.
• Filtrasiya muolajalaridan keyin suvli bostiruvchi davolash qabul qilishda (masalan, timolol, astemizol) tomirli pardani ko‘chishi aniqlangan.

Tomirlar tomonidan buzilishlar

• Og‘ir periferik sirkulyator buzilishlar (masalan, Reyno kasalligining og‘ir shakli yoki Reyno sindromi) bo‘lgan pasientlarni extiyotkorlik bilan davolash kerak.

Nafas tizimi tomonidan buzilishlar

• Ayrim oftalmologik beta-adrenoblokatorlar qo‘llangandan keyin astmasi bo‘lgan pasientlarda bronxospazm oqibatida respirator reaksiyalar, shu jumladan o‘lim ham aniqlangan.

Gipoglikemiya/diabet

• Beta-blokatorlarni spontan gipoglikemiyaga moyil pasientlarga yoki o‘zgaruvchan diabeti bo‘lgan pasientlarga extiyotkorlik bilan buyurish kerak, chunki beta-blokatorlar o‘tkir gipoglikemiya belgilari va simptomlarini niqoblashi mumkin.

Gipertireoz

• Beta-blokatorlar shuningdek gipertireoz belgilari va simptomlarini xam niqoblashi mumkin.

Mushak kuchsizligi

• Beta-adrenoblokatorlar ayrim miastenik simptomlarga (masalan, diplopiya, ptoz va umumiy kuchsizlik) muvofiq mushak kuchsizligini kuchayishiga nisbatan sezilgan.

Xirurgik anesteziya

• Beta-bloklovchi oftalmologik preparatlar beta-agonistlarning tizimli ta‘sirini bloklashlari mumkin, masalan, adrenalinni. Agarda pasient timolol qabul qilayotgan bo‘lsa, anesteziolog shifokor xabardor qilingan bo‘lishi kerak.

Yordamchi moddalar

• DUOTRAV ko‘z tomchilari terini ta‘sirlanishini chaqirishi mumkin bo‘lgan propilenglikol saqlaydi. DUOTRAV ko‘z tomchilari teri reaksiyalarini chaqirishi mumkin bo‘lgan polioksietilen gidrogenlangan kanakunjit moyi 40 saqlaydi.

Fertillik, homiladorlik va laktasiya

Homiladorlik

Homilador ayollarda ayollarda DUOTRAV ko‘z tomchilari yoki ularning alohida komponentlarini qo‘llash bo‘yicha ma‘lumotlar yo‘q yoki cheklangan miqdorda mavjud.

Travoprostni xayvonlardagi tekshirishlar reproduktiv toksiklikni ko‘rsatgan. Epidemiologik tekshirishlarda tug‘ma nuqsonlar paydo bo‘lishiga ta‘siri aniqlanmagan, lekin beta-adrenoblokatorlar peroral yuborilganda, xomilaning ona qornidagi rivojlanishini kechikishi xavfini ko‘rsatgan. Bundan tashqari, yangi tug‘ilgan chaqaloqlarda beta-blokadaning belgilari va simptomlari (masalan, bradikardiya, gipotenziya, respirator distress-sindrom va gipoglikemiya), tizimli beta-blokatorlar ona tomonidan tug‘ruqqacha qabul qilganda kuzatilgan.

DUOTRAV ko‘z tomchilarini homiladorlik davrida, faqat agarda bu o‘ta zarur bo‘lmasa qo‘llash kerak emas.

Lekin, agarda DUOTRAV ko‘z tomchilarini homiladorlik vaqtida tug‘ruqqacha buyurilsa, yangi tug‘ilgan chaqaloqni hayotining birinchi kunlarida sinchiklab nazorat qilish kerak.

Emizish

Ko‘z tomchilaridan travoprostni odam ko‘krak suti bilan chiqarilishi noma‘lum. Hayvonlardagi tekshirishlar travoprost va uning metabolitlari ko‘krak suti bilan chiqarilishi ko‘rsatilgan. Timolol ko‘krak sutiga chiqariladi. Biroq, ko‘z tomchilarini timololning terapevtik dozasini hisobga olib, yangi tug‘ilgan chaqaloq uchun timololning hisoblangan dozasi shunchalik kam bo‘ladiki, u klinik jixatdan ahamiyatli beta-blokada chaqirmaydi. Emizikli ayollarga DUOTRAV ko‘z tomchilarini qabul qilish tavsiya etilmaydi.

Fertillik

Odamda DUOTRAV ko‘z tomchilarini fertillikka ta‘sir qilishi haqida ma‘lumotlar yo‘q. Hayvonlardagi tekshirishlar odamlar uchun tavsiya qilingan maksimal dozadan 250 marta yuqori dozalarda travoprost va timololni fertillikka xech qanday ta‘sir qilmasligini ko‘rsatdi.

Avtomobilni boshqarish va mexanizmlarni ishlatish qobiliyatiga ta‘siri

Boshqa har qanday ko‘z tomchilaridagi kabi, noaniq ko‘rish yoki boshqa ko‘rishni buzilishlari, avtomobilni boshqarish va mexanizmlarni ishlatish qobiliyatiga ta‘sir qilishi mumkin.

Agarda preparat qo‘llangandan keyin ko‘rish aniqligi vaqtincha pasaysa, unday holda avtomobilni boshqarish yoki mexanizmlarni ishlatish oldidan, pasient ko‘rishni yaxshilanishini kutishi kerak.

Preparat bolalar ololmaydigan joyda saqlansin va yaroqlilik muddati o‘tganidan so‘ng qo‘llanilmasin.

Dozani oshirib yuborilishi

Preparatning dozasi maxalliy oshirib yuborilganda aloxida reaksiyalar kuzatilmaydi.

Tasodifan yutib yuborilgan holda tizimli beta-blokada bo‘yicha dozani oshirib yuborilishining simptomlari bradikardiya, gipotoniya, bronxospazm va yurak yetishmovchiligini o‘z ichiga olishi mumkin.

Tasodifan yutib yuborilgan xolda davolash simptomatik va bir maromda saqlab turuvchi bo‘lishi kerak. Timolol dializga kam duchor bo‘ladi.

Chiqarilish shakli

2,5 ml dan oq, tiniq bo‘lmagan polipropilen qopqoqchali va buraladigan qopqoqli flakonlarda. Flakonga etiketka yopishtiriladi. 1 flakondan davlat va rus tillaridagi qo‘llash bo‘yicha yo‘riqnomalari bilan birga karton qutiga joylanadi.

Saqlash sharoiti

30°S dan yuqori bo‘lgan haroratda saqlanmasin.

Birinchi ochilganidan keyin 4 hafta o‘tgach yo‘q qilinsin.

Yaroqlilik  muddati

24 oy.

Dorixonalardan berish tartibi

Faqat shifokor resepti bo‘yicha.