Mahsulotning ko'rinishi saytdagi rasmdan farq qilishi mumkin.

GLIVEK tabletkalar 100 mg, plyonka qobiqli N60

Retseptli preparat
Kategoriya: - O'smaga qarshi
Ishlab chiqarilish joyi: - Germaniya
Faol modda:Imatinib
Количество в упаковке: - 60
Ishlab chiqaruvchi: - Novartis Pharma AG., Швейцария произведено: Novartis Pharma Produktions GmbH
ATX kodi: - L01XE01
Noaniqliq haqida habar berish
O'zbekiston Sog'liqni Saqlash Vazirligi tomonidan 14.06.2019 da DV/X 06395/06/19 registratsion raqami bilan ro'yxatdan o'tgan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
GLIVEK tabletkalar 100 mg, plyonka qobiqli N60 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

GLIVEK®

GLIVEC®

 

Preparatning savdo nomi: GLIVEK®

Ta‘sir etuvchi modda (XPN): imatinib

Dori shakli: plyonka qobiq bilan qoplangan tabletkalar.

Tarkibi:

1 tabletka quyidagilarni saqlaydi:

faol modda: imatinibga qayta hisoblanganda 100 mg yoki 400 mg imatinib mezilati saqlaydi;

yordamchi moddalar: mikrokristall sellyuloza, krospovidon, gipromelloza, magniy stearati, suvsiz kolloid kremniy dioksidi;

qoplamasi: gipromelloza, makrogol, talk, temir (III) oksidi (Ye 172), temir (II) oksidi (Ye 172).

Ta‘rifi:

Plyonka qobiq bilan qoplangan 100 mg li tabletkalar: juda ham to‘q sariq rangdan to jigar rang-to‘q sariq ranggacha bo‘lgan, dumaloq shaklli, ikki tomonlama qavariq, chekkalari qiya, bir tomonida «NVR» yozuvi va ikkinchi tomonida «SA» yozuvi va riskasi bo‘lgan tabletkalar.

Plyonka qobiq bilan qoplangan 400 mg li tabletkalar: juda ham to‘q sariq rangdan to jigar rang-to‘q sariq ranggacha bo‘lgan, ovalsimon uzunchoq shaklli, ikki tomonlama qavariq, chekkalari qiya, bir tomonida «NVR» yozuvi va ikkinchi tomonida «SL» yozuvi bo‘lgan tabletkalar.

Farmakoterapevtik guruhi: Antineoplastik vositalar. Boshqa antineoplastik vositalar. Proteinkinaza ingibitorlari. Imatinib.

ATX kodi: L01XE01

 

Farmakologik xususiyatlari

Farmakodinamikasi

Imatinib potensial ravishda Bcr-Abl-tirozinkinazani in vitro va in vivo sharoitlarda so‘ndiradigan protein tirozinkinaza ingibitori bo‘lib hisoblanadi. Imatinib Bcr (breakpoint cluster region) geni va Abl (Abelson) protoonkogeni uchastkalari bilan kodlanuvchi Bcr-Abl-tirozinkinaza fermentiga hujayra darajasida tanlangan holda ingibisiya qiluvchi ta‘sir ko‘rsatadi, proliferasiyani selektiv ravishda so‘ndiradi va Bcr-Abl-tirozinkinazani ekspressiya qiluvchi hujayra liniyalarining, shu jumladan filadelfiya xromosoma bo‘yicha musbat bo‘lgan surunkali mieloleykozli (Ph+ SML) va o‘tkir limfoblast leykozli (Ph+ O‘LL) pasientlarda hosil bo‘ladigan yetilmagan leykoz hujayralarining apoptozini keltirib chiqaradi.

Imatinib surunkali mieloleykozli bemorlarning qon hujayralari va suyak ko‘migidan ex vivo hosil qilingan Bcr-Abl-musbat koloniyalarni selektiv ravishda ingibisiya qiladi.

Hayvonlarda Bcr-Abl-musbat o‘sma hujayralari modelida mono-modda sifatida qo‘llanilganida birikma o‘smalarga qarshi faollikni in vivo sharoitda namoyon qiladi.

Imatinib shuningdek trombositar o‘sish omili (TO‘O) va embrional hujayra omili (EHO) tirozinkinazasi reseptorining, KIT ning ingibitori bo‘lib hisoblanadi va hujayralar tomonidan TO‘O va EHO vositasidagi o‘zgarishlarni so‘ndiradi.

In vitro sharoitda imatinib Kit reseptori mutasiya qilingan holda tirozinkinazani ekspressiyalovchi MIY ning stromal o‘smalari hujayralarining proliferasiyasini ingibisiya qiladi va apoptozini induksiya qiladi.

TO‘O yoki Bcr-Abl-tirozinkinaza reseptorini konstitutiv faollashtirish patogenezda ishtirok etadigan va MDS/MPZ (mielodisplastik/mieloproliferativ kasalliklar), GES/SEL (gipereozinofil sindromi/surunkali eozinofiliyali leykemiya) va operasiya qilib bo‘lmaydigan, qaytalanuvchi va/yoki metastatik bo‘rtib chiquvchi dermatofibrosarkomalar (DFSP) rivojlanishi sababi bo‘lishi mumkin bo‘lgan turli oqsillar bilan integrasiya qilish yoki TO‘O sintezini rag‘batlantirish natijasi bo‘lib hisoblanadi. Qo‘shimcha ravishda Kit yoki TO‘O reseptorini konstitutiv faollashtirish TM patogenezi asosida bo‘lishi mumkin. Imatinib TO‘O, Kit va Abl kinaza faolligining disregulyasiyasidan kelib chiqadigan signal yo‘llarini va hujayralar proliferasiyasini so‘ndiradi.

 

Farmakokinetikasi

Glivek® preparatining farmakokinetik ko‘rsatkichlari 25 mg dan 1000 mg gacha bo‘lgan dozalar diapazonida baholangan. Farmakokinetik profillar qo‘llanilishining 1-kuni, shuningdek imatinibning plazmada muvozanat konsentrasiyalariga erishilganida 7 yoki 28-kuni tahlil qilingan.

So‘rilishi

Preparatning biokiraolishligi o‘rtacha 98% ni tashkil etadi. Qon plazmasida imatinib AUC darajasining o‘zgaruvchanligi koeffisienti preparatni peroral qabul qilinganidan keyin 40–60% chegarasida bo‘lgan. Agar preparat yuqori miqdorda yog‘li ovqat bilan birgalikda qabul qilingan bo‘lsa, och qoringa bo‘lgan holat bilan taqqoslanganda AUC darajasi sezilarsiz miqdorda (7,4%) kamaygan holda imatinibning so‘rilishi darajasi minimal darajada kamaygan (Cmax 11% ga kamaygan va tmax 1,5 soatga uzaygan).

Taqsimlanishi

In vitro sharoitdagi ma‘lumotlari bo‘yicha imatinibning klinik jihatdan ahamiyatli konsentrasiyalarida uning qon plazmasi oqsillari (eng avvalo, albumin va kislotali α-glikoprotein va sezilarsiz darajada lipoprotein) bilan bog‘lanishi 95% ni tashkil etadi.

Metabolizmi

Dastlabki moddaning faolligiga yaqin bo‘lgan in vitro sharoitda faollikni namoyon qiluvchi N-demetilizasiya qilingan piperazin hosilasi odamlarda asosiy aylanib yuruvchi metaboliti bo‘lib hisoblanadi. Ushbu metabolitning plazmadagi AUC qiymati imatinib AUC qiymatining faqat 16 % tashkil etadi. Qon plazmasidagi oqsillar bilan N- demetilizasiya qilingan metabolitning bog‘lanishi dastlabki birikmaning bog‘lanishiga yaqin bo‘ladi.

Chiqarilishi

[14S] radiofaol izotopi bilan nishonlangan imatinib peroral qo‘llanilganidan keyin dozaning taxminan 81 foizi 7 kun ichida axlatda (dozaning 68 %) va siydikda (dozaning 13 %) aniqlanadi. Dozaning taxminan 25 % (20 % axlatda va 5 % siydik bilan) o‘zgarmagan ko‘rinishda chiqariladi. Preparatining qolgan qismi metabolitlar ko‘rinishida chiqariladi.

Plazmada farmakokinetikasi

Sog‘lom ko‘ngillilar tomonidan peroral qabul qilinganidan keyin yarim chiqarilishi davri t1/2 taxminan 18 soatni tashkil etadi, bu preparatni sutkada bir marta qabul qilish kerakligidan dalolat beradi. Doza oshirilganida AUC o‘rtacha qiymatini oshishi proporsional bog‘liqlikka ega va ichga qabul qilinganidan keyin imatinibning 25 mg dan 1000 mg gacha diapazondagi dozasiga proporsionaldir. Takroriy yuborilganidan keyin imatinib kinetikasida o‘zgarishlar kuzatilmagan, to‘planishi esa preparatni sutkada bir marta yuborilganida muvozanat holatida 1,5–2,5 marta ko‘p bo‘lgan.

Populyasiyalarda farmakokinetikasi

Populyasiyalarda farmakokinetikasiga doir ma‘lumotlar tahlili natijalari taqsimlanish hajmiga yoshning sezilarli bo‘lmagan ta‘sirini (> 65 yoshdan katta bo‘lgan pasientlarda 12% ga oshishini) ko‘rsatdi. Bunday o‘zgarish klinik jihatdan ahamiyatli hisoblanmaydi. Tana vaznini imatinib klirensiga ta‘siri: tana vazni 50 kg bo‘lgan pasientlar uchun o‘rtacha klirens 8,5 l/soat bo‘lishi kutiladi, ayni vaqtda tana vazni 100 kg bo‘lgan pasientlar uchun klirens 11,8 l/soat gacha ortadi. Bunday o‘zgarishlar dozaga tana vazni kilogrammlar asosida tuzatish kiritishni talab qilish uchun yetarlicha bo‘lib hisoblanmaydi. Jinsni imatinib kinetikasiga ta‘siri aniqlanmagan.

Bolalarda farmakokinetikasi

Katta yoshdagi pasientlardagi kabi imatinib I faza va II faza tadqiqotlarida pediatrik pasientlar tomonidan peroral qabul qilinganidan keyin tezda so‘rilgan. Bolalarga sutkada 260 va 340 mg/m2 doza yuborilganida katta yoshdagi pasientlarda muvofiq ravishda 400 mg va 600 mg dozalardagi kabi ekspozisiyaga erishilgan. Sutkada 340 mg/m2 doza qo‘llanilganida AUC(0-24) ni 8-kun va 1-kunda taqqoslanishi sutkada bir marta takroriy qabul qilinishidan keyin 1,7 martalik to‘planishini ko‘rsatdi.

Gematologik kasalliklari bo‘lgan (SML, Ph+ O‘LL yoki boshqa kasalliklarda imatinib qo‘llanilgan) pediatrik pasientlarda ma‘lumotlarning populyasiyadagi farmakokinetik tahlili natijalari tana yuzasi maydoni (TYUM) oshishi bilan imatinib klirensi ortib borishini ko‘rsatadi. TYUM ga nisbatan tuzatishlar kiritilganidan keyin yosh, tana vazni va tana vazni indeksi kabi boshqa demografik tavsif ko‘rsatkichlari imatinib ekspozisiyasiga klinik jihatdan ahamiyatli ta‘sirni ko‘rsatmagan.

A‘zolar funksiyasini buzilishi

Imatinib va uning metabolitlari buyraklar orqali sezilarli hajmda chiqarilmaydi. Buyrak funksiyasi yengil va o‘rtacha darajada buzilishi bo‘lgan pasientlar buyrak funksiyasi normal bo‘lgan pasientlarga qaraganda yuqoriroq plazma ekspozisiyasiga ega. Ekspozisiyaning oshishi taxminan 1,5-2 martani tashkil etadi, bu plazmada imatinib sezilarli darajada bog‘lanadigan alfa-glikoproteini darajasini 1,5 marta oshishiga mos keladi. Imatinib uchun erkin preparat klirensi buyrak yetishmovchiligi bo‘lgan va buyrak funksiyasi normal bo‘lgan pasientlarda qiymati bo‘yicha ehtimol yaqin bo‘ladi, chunki buyrak ekskresiyasi imatinib chiqarilishi yo‘li bilan ikkinchi darajali bo‘lib hisoblanadi.

Garchi farmakokinetika tahlili natijalari sezilarli shaxslararo o‘zgaruvchanlik mavjudligini ko‘rsatgan bo‘lsa ham, imatinibning o‘rtacha ekspozisiyasi jigar funksiyasi normal bo‘lgan pasientlarga nisbatan jigar funksiyasining turli darajadagi buzilishlari bo‘lgan pasientlarda yuqori bo‘lmagan.

 

Qo‘llanilishi

  • Filadelfiya xromosomasi (Ph+) bo‘yicha birinchi bor musbat tashhislangan surunkali mieloleykozli (SML) kattalar va bolalarni davolash.
  • Blast krizi fazasida, akselerasiya fazasida, shuningdek ilgari interferon alfa bilan davolash samarasizligi tufayli surunkali fazada bo‘lgan surunkali mieloleykozli kattalar va bolalarni davolash.
  • Filadelfiya xromosomasi (Ph+) bo‘yicha birinchi bor musbat tashhislangan o‘tkir limfoblast leykozli (Ph+ O‘LL) kattalar va bolalarni ximioterapiya bilan majmuada davolash.
  • Qaytalanuvchi yoki refrakter Ph+ O‘LL (o‘tkir limfoblast leykozli) katta yoshdagi pasientlarni monoterapiya sifatida davolash.
  • Trombositar o‘sish omili reseptorini genetik jihatdan qayta tuzilishi bilan bog‘liq mielodisplastik/mieloproliferativ kasalliklari (MDS/MPK) bo‘lgan katta yoshdagi pasientlarni davolash.
  • D816Vc-Kit mutasiya yoki noma‘lum c-Kit mutasion statusi mavjud bo‘lmagan holda tizimli mastositozli (TM) katta yoshdagi pasientlarni davolash.
  • Gipereozinofil sindromi (GES) va/yoki surunkali eozinofil leykemiyali (SEL) katta yoshdagi pasientlarni davolash.
  • Operasiya qilib bo‘lmaydigan va/yoki c-Kit (CD 117) bo‘yicha musbat MIY metastatik xavfli stromal o‘smalari bo‘lgan katta yoshdagi pasientlarni davolash.
  • Katta yoshdagi pasientlarda c-Kit bo‘yicha musbat MIY stromal o‘smalar rezeksiyasidan keyingi adyuvant davolash.
  • Operasiya qilib bo‘lmaydigan, qaytalanuvchi va/yoki metastatik bo‘rtib chiquvchi dermatofibrosarkomali (Dermatofibrosarcoma protuberans DFSP) katta yoshdagi pasientlarni davolashda qo‘llanadi.

 

Qo‘llash usuli va dozalari

Davolashni qon xavfli o‘smalari va xavfli sarkomalari bo‘lgan pasientlarni davolash tajribasiga ega shifokor nozologiyaga bog‘liq ravishda olib borishi kerak.

Buyurilgan dozalarni me‘da-ichak yo‘llarining ta‘sirlanishi xavfini eng kam darajaga keltirish uchun ovqatlanish vaqtida ko‘p miqdordagi suv bilan peroral qabul qilish lozim. Preparat 400 mg yoki 600 mg dozalarda sutkada bir marta buyuriladi, 800 mg li dozani esa sutkada 2 marta, ertalab va kechqurun 400 mg dan buyurish lozim.

Qobiq bilan qoplangan tabletkani yutolmaydigan pasientlar uchun tabletkani bir stakan suv yoki olma sharbatida eritish mumkin. Tabletkalarning zarur miqdorini suyuqlikning tegishli hajmiga (100 mg li tabletka uchun taxminan 50 ml va 400 mg li tabletka uchun taxminan 200 ml) solish va qoshiq bilan aralashtirish lozim. Suspenziyani tabletka (tabletkalar) to‘liq eriganidan keyin darhol ichish lozim.

Davolashni pasientda klinik samara kuzatilishiga qadar davom ettirish lozim.

Ph+ SML li pasientlarda suboptimal javobni aniqlash uchun Glivek® preparati bilan davolashga, shu jumladan davolash o‘zgartirilganida unga javob, davolashga javobni yo‘qotilishi, pasient tomonidan davolash dozalarini qabul qilish tartibiga yetarlicha rioya qilinmasligi yoki boshqa preparatlar bilan o‘zaro ta‘sirlar ehtimoli yuzasidan muntazam kuzatuvni olib borish lozim. SML ni to‘g‘ri davolash kuzatuv natijalari bilan olib borilishi kerak.

Surunkali mieloleykozda (SML) dozalari

Surunkali fazadagi SML li pasientlar uchun Glivek® preparatining tavsiya etilgan dozasi sutkada 400 mg ni tashkil etadi, akselerasiya yoki blast krizi fazasidagi pasientlar uchun esa preparat dozasi sutkada 600 mg ni tashkil etadi.

Kasallikning surunkali fazasidagi pasientlarda dozani 400 mg dan 600 mg yoki 800 mg gacha yoki akselerasiya yoki blast krizi fazasidagi pasientlarda dozani 600 mg dan ko‘pi bilan 800 mg gacha oshirish masalasi preparatga nisbatan og‘ir nojo‘ya reaksiyalar mavjud bo‘lmaganda va quyidagi:

kasallikning avj olishi (istalgan vaqtda), eng kamida 3 oylik davolashdan keyin qoniqarli gematologik javobning yo‘qligi, 12 oylik davolashdan keyin sitogenetik javobning yo‘qligi yoki avval erishilgan gematologik va/yoki sitogenetik javobni yo‘qotilishi vaziyatlarida leykemiya bilan bog‘liq bo‘lmagan og‘ir neytropeniya yoki trombositopeniya mavjud bo‘lmaganda ko‘rib chiqilishi mumkin.

Bolalarda SML da dozalari

Bolalarda dozalari tana yuzasi maydoniga (mg/m2) bog‘liq holda hisoblanishi kerak. Surunkali va rivojlanishdagi fazasidagi SML li bolalar uchun tavsiya etiladigan doza sutkada 340 mg/m2 ni (maksimal sutkalik doza 600 mg dan oshmagan holda) tashkil etadi. Preparatni sutkada bir marta buyurish yoki muqobil dozani 2 marta – ertalab va kechqurun qabul qilish uchun ajratish mumkin.

Musbat filadelfiya xromosomali (Ph+ O‘LL) o‘tkir limfoblastli leykozda dozalari

Ph+ O‘LL bo‘lgan katta yoshdagi pasientlarni davolash uchun Glivek® preparatining tavsiya etiladigan dozasi sutkada 600 mg ni tashkil etadi.

Bolalarda musbat filadelfiya xromosomali (Ph+ O‘LL) o‘tkir limfoblastli leykozda dozalari

Bolalarda dozalari tana yuzasi maydoniga bog‘liq holda (mg/m2) hisoblanishi kerak. Ph+ O‘LL bo‘lgan bolalarda tavsiya etiladigan dozasi sutkada 340 mg/m2 ni (maksimal sutkalik doza 600 mg dan oshmagan holda) tashkil etadi. Preparatni sutkada bir marta buyurish yoki muqobil dozani 2 marta – ertalab va kechqurun qabul qilish uchun ajratish mumkin.

Mielodisplastik/mieloproliferativ kasalliklarda (MDS/MPK) dozalari

MDS/MPK bo‘lgan katta yoshdagi pasientlarni davolash uchun Glivek® preparatining tavsiya etiladigan dozasi sutkada 400 mg ni tashkil etadi.

Tizimli mastositoz (TM)

D816V KIT mutasiyasiz TM li katta yoshdagi pasientlarni davolash uchun Glivek® preparatining tavsiya etiladigan dozasi sutkada 400 mg ni tashkil etadi. Agar KIT mutasiyaning maqomi noma‘lum bo‘lsa yoki ma‘lumot olish mumkin bo‘lmasa, boshqa dori vositalari bilan davolash samarasiz bo‘lgan TM li pasientlarga Glivek® preparatini sutkada 400 mg dozada buyurish haqidagi masalani ko‘rib chiqish mumkin.

Eozinofiliya bilan assosiasiyalangan TM li pasientlar uchun, agar klonal gematologik patologiya FIP1L1-PDGFR-alfakinazalar sintezi bilan bog‘liq bo‘lsa, tavsiya etiladigan boshlang‘ich doza sutkada 100 mg ni tashkil etadi. Pasientlarning mazkur guruhi uchun dozani 100 mg dan 400 mg gacha oshirilishi davolash samaradorligi yetarli darajada bo‘lmaganida va preparatni qabul qilishda nojo‘ya reaksiyalar mavjud bo‘lmagan taqdirda ko‘rib chiqilishi mumkin.

GES/SEL da dozalari

GES/SEL bo‘lgan katta yoshdagi pasientlarni davolash uchun Glivek® preparatining tavsiya etiladigan dozasi sutkada 400 mg ni tashkil etadi. FIP1L1-PDGFR-alfakinazalar faolligi darajasi yuqori bo‘lgan pasientlar uchun tavsiya etiladigan doza sutkada 100 mg ni tashkil etadi. Dozani 100 mg dan 400 mg gacha oshirilishi davolashga javob yetarli darajada samarador bo‘lmagan pasientlar uchun va nojo‘ya reaksiyalar mavjud bo‘lmaganda ko‘rib chiqilishi mumkin.

MIY ning xavfli stromal o‘smalarida dozalari

MIY ning operasiya qilib bo‘lmaydigan va/yoki metastatik xavfli stromal o‘smasi bo‘lgan katta yoshdagi pasientlarni davolash uchun Glivek® preparatining tavsiya etiladigan dozasi sutkada 400 mg ni tashkil etadi. Dozani 400 mg dan 600 mg yoki 800 mg gacha oshirilishi davolash samaradorligi yetarli darajada bo‘lmaganida va preparatga nisbatan nojo‘ya reaksiyalar mavjud bo‘lmaganida ko‘rib chiqilishi mumkin.

Me‘da-ichak yo‘llarining operasiya qilib bo‘lmaydigan va/yoki metastatik xavfli stromal o‘smalari bo‘lgan pasientlar ishtirokidagi klinik tadqiqotlarda Glivek® preparati bilan davolash kasallik rivojlanishiga qadar yoki o‘zlashtirib bo‘lmaydigan toksiklik paydo bo‘lishiga qadar davom etgan.

Me‘da-ichak stromal o‘smalari rezeksiyasidan keyin ad‘yuvant davolash buyurilganida katta yoshdagi pasientlar uchun Glivek® preparatining tavsiya etiladigan dozasi sutkada 400 mg ni tashkil etadi. Ad‘yuvant tartibda Glivek® preparati bilan davolashning optimal davomiyligi hali aniqlanmagan. Klinik tadqiqotlarning ma‘lumotlariga ko‘ra davolashning tavsiya etiladigan minimal davomiyligi ushbu qo‘llash holatida 36 oyni tashkil etadi.

Bo‘rtib chiquvchi dermatofibrosarkomada (Dermatofibrosarcoma protuberans -DFSP) dozalari

DFSP li pasientlarni davolash uchun Glivek® preparatining tavsiya etiladigan dozasi sutkada 800 mg ni tashkil etadi.

Nojo‘ya reaksiyalar rivojlanganida dozaga tuzatish kiritish

Nogematologik nojo‘ya reaksiyalar

Glivek® preparati qo‘llanilganida og‘ir nogematologik nojo‘ya reaksiyalar rivojlangan taqdirda, vaziyat hal qilinishiga qadar davolashni to‘xtatish lozim. Keyinchalik davolashni avvalgi dozalarni qabul qilishda kuzatilgan nojo‘ya reaksiyalar og‘irligini hisobga olgan holda qaytadan boshlash mumkin.

Bilirubin darajasi normaning yuqori chegarasidan (NYUCH) 3 marta yuqori bo‘lganida (yoki jigar transaminazalari darajasi NYUCH dan 5 martadan ortiq oshganida) bilirubin NYUCH dan 1,5 martadan kamroq oshadigan darajagacha, transaminazalar esa NYUCH dan 2,5 martadan kamroq oshadigan darajagacha pasayishiga qadar Glivek® preparati qo‘llanilishini to‘xtatish lozim. Glivek® preparati bilan davolash pasaytirilgan sutkalik dozalarda davom ettirilishi mumkin. Kattalar uchun dozani sutkada 400 mg dan 300 mg gacha yoki sutkada 600 mg dan 400 mg gacha yoki sutkada 800 mg dan 600 mg gacha, bolalar uchun esa sutkada 340 mg/m2 dan 260 mg/m2 gacha pasaytirish lozim.

Gematologik nojo‘ya reaksiyalar

Yaqqol ifodalangan neytropeniya va trombositopeniya rivojlanganida quyida keltirilgan jadvalda ko‘rsatilganidek preparat dozasini pasaytirish yoki davolashni to‘xtatish tavsiya etiladi.

Eozinofiliyali va GES/SEL bog‘liq TM, FIP1L1-PDGFR – alfa kinaza sintez qilingan holda (boshlang‘ich doza 100 mg).NMM <1,0×109/l va/yoki trombositlar miqdori <50×109/l.1. NMM darajasi ≥1,5 x109/l ga va trombositlar darajasi ≥75 x109/l ga tiklanishiga qadar Glivek® preparati bilan davolashni to‘xtatish kerak.

2. Glivek® preparati bilan davolashni avvalgi dozada (ya‘ni og‘ir nojo‘ya reaksiyasi rivojlanishiga qadar bo‘lgan dozada) qayta boshlash kerak.

 

SML surunkali fazasi, MDS/MPK, TM, GES/SEL va MIY stromal o‘smasi (boshlang‘ich doza 400 mg).NMM <1,0×109/l va/yoki trombositlar miqdori <50 x109/l.1. NMM darajasi ≥1,5 x109/l ga va trombositlar darajasi ≥75 x109/l ga tiklanishiga qadar Glivek® preparati bilan davolashni to‘xtatish kerak.

2. Glivek® preparati bilan davolashni avvalgi dozada (ya‘ni og‘ir nojo‘ya reaksiyasi rivojlanishiga qadar bo‘lgan dozada) qayta boshlash kerak.

3. NMM <1,0×109/l ga va/yoki trombositlar soni <50×109/l ga takroran pasayganida 1-qadamga qaytish va Glivek® preparati bilan 300 mg reduksiya qilingan dozada davolashni qayta boshlash kerak.

Surunkali fazada SML li bolalar (340 mg/m2 dozada).NMM <1,0×109/l va/yoki trombositlar miqdori <50 x109/l.1. NMM darajasi ≥1,5 x109/l ga va trombositlar darajasi ≥75 x109/l ga tiklanishiga qadar Glivek® preparati bilan davolashni to‘xtatish kerak.

2. Glivek® preparati bilan davolashni avvalgi dozada (ya‘ni og‘ir nojo‘ya reaksiyasi rivojlanishiga qadar bo‘lgan dozada) qayta boshlash kerak.

3. NMM <1,0×109/l ga va/yoki trombositlar soni <50×109/l ga takroran pasayganida 1-qadamga qaytish va Glivek® preparati bilan 260 mg/m2 reduksiya qilingan dozada davolashni qayta boshlash kerak.

SML, Ph+ O‘LL da akselerasiya va blast krizi fazasi

(boshlang‘ich dozasi 600 mgc)

aNMM <0,5×109/l va/yoki trombositlar miqdori <10 x109/l.1. Sitopeniyani leykemiya bilan bog‘liqligi tekshirilishi (suyak ko‘migi punksiyasi yoki biopsiyasi) kerak.

2. Agar sitopeniya leykemiya bilan bog‘liq bo‘lmasa, Glivek® dozasini 400 mgb gacha pasaytirish kerak.

3. Agar sitopeniya 2 hafta davomida saqlansa, dozani 300 mgd gacha pasaytirish kerak.

4. Agar sitopeniya 4 hafta davomida saqlansa va uning leykemiya bilan bog‘liqligi tasdiqlanmasa, NMM darajasi ≥ 1 x 109/l ga va trombositlar darajasi ≥20 x 109/l ga erishilishiga qadar Glivek® preparatini qabul qilish to‘xtatilishi kerak, so‘ngra davolashni  300 mgd dozada qayta boshlash kerak.

Bo‘rtib chiquvchi dermatofibrosarkoma

(boshlang‘ich doza 800 mg).

NMM <1,0×109/l va/yoki trombositlar miqdori <50 x109/l.1. NMM darajasi ≥1,5 x109/l ga va trombositlar darajasi ≥75 x109/l ga tiklanishiga qadar Glivek® preparati bilan davolashni to‘xtatish kerak.

2. Glivek® preparati bilan davolashni 600 mg dozada qayta boshlash kerak.

3. NMM <1,0×109/l ga va/yoki trombositlar soni <50×109/l ga takroran pasayganida 1-qadamga qaytish va Glivek® preparati bilan 400 mg dozada davolashni qayta boshlash kerak.

NMM = neytrofillarning mutloq miqdori

a davolashdan keyin kamida bir oy o‘tgach kuzatiladi

b yoki bolalarda qo‘llanilganida 260 mg/m2

c yoki bolalarda qo‘llanilganida 340 mg/m2

d yoki bolalarda qo‘llanilganida 200 mg/m2

 

Pasientlarning alohida guruhlari

Pediatriyada qo‘llanilishi

Glivek® preparatini 2 yoshgacha bo‘lgan SML li bolalarda va 1 yoshgacha bo‘lgan Ph+O‘LL li bolalarda qo‘llash tajribasi yo‘q. Glivek® preparatini boshqa ko‘rsatmalarda bolalarda qo‘llash tajribasi shuningdek cheklangan yoki mavjud emas.

Jigar funksiyasini buzilishi

Imatinib asosan jigarda metabolizmga uchraydi. Jigar funksiyasini yengil, o‘rtacha va og‘ir darajada buzilishi bo‘lgan pasientlarga preparatni minimal tavsiya etilgan 400 mg dozada buyurish lozim. Preparat o‘zlashtiraolinmaganida preparat dozasini kamaytirish mumkin.

Buyrak funksiyasini buzilishi

Buyraklar imatinib va uning metabolitlarini chiqarilishida muhim ahamiyat kasb etmaydi.

Buyrak funksiyasini buzilishi bo‘lgan pasientlarda yoki gemodializ muolajasida bo‘lgan pasientlarda Glivek® preparati bilan davolashni boshlang‘ich doza sifatida sutkada 1 marta minimal tavsiya etilgan 400 mg dozada boshlash lozim.

Biroq, mazkur toifadagi pasientlarga preparatni ehtiyotkorlik bilan buyuriladi. Dozani preparat o‘zlashtiraolinmaganida kamaytirish yoki samaradorligi yetarlicha bo‘lmaganida oshirish mumkin.

Keksa yoshdagi pasientlar

65 yosh va undan katta yoshdagi 20% dan ortiq pasientlarni o‘z ichiga olgan katta yoshdagi pasientlar o‘rtasida o‘tkazilgan klinik tadqiqotlarda preparat farmakokinetikasida yosh bilan bog‘liq bo‘lgan alohida farqlar kuzatilmagan. Keksa yoshdagi pasientlarda dozalash bo‘yicha maxsus tavsiyalar talab qilinmaydi.

 

Nojo‘ya ta‘sirlari

Umumiy xavfsizlik profili

Klinik amaliyotda qo‘llanilishining 12 yildan ortiq bo‘lgan tajribasida Glivek® preparatining xavfsizlik profili yaxshi o‘rganilgan. Preparatning klinik tadqiqotlari davomida u qo‘llanilganida bemorlarning ko‘pchiligi biror vaqt davomida u yoki boshqa noxush holatlarni sezganlar. Neytropeniya, trombositopeniya, anemiya, bosh og‘rig‘i, dispepsiya, shishlar, tana vaznining oshishi, ko‘ngil aynishi, qusish, mushak tirishishlari, mushak-skelet og‘rig‘i, diareya, toshma, xolsizlik, qorinda og‘riq preparatning qo‘llanilishi bilan bog‘liq eng ko‘p qayd etilgan nojo‘ya reaksiyalar (>10%) bo‘lgan. Asosan ushbu noxush holatlar yengil yoki o‘rtacha ifodalangan bo‘lgan. Faqat 2-5% bemorlar Glivek® preparati bilan davolashni noxush holatlar rivojlanishi tufayli to‘xtatgan. Ph+ leykozli katta yoshdagi pasientlar va bolalarda qo‘llanilganida Glivek® preparati o‘xshash xavfsizlik profiliga ega.

Ph+ leykozlar va kattagina o‘smalar o‘rtasida xavfsizlik profilidagi farqlanish faqat quyidagilardan: Ph+ leykemiyali pasientlarda mielosupressiya hollari yuzaga kelishidan va og‘irligining ancha yuqori tez-tezligi hamda MIY stromal o‘smalari bo‘lgan pasientlarda ehtimol asosiy kasalligi munosabati bilan me‘da-ichakda va o‘sma ichida qon ketishlarning ko‘proq yuzaga kelishidan iborat bo‘lgan.

Glivek® preparati qo‘llanilganida mielosupressiya, MIY tomonidan noxush holatlar, shishlar va toshma Ph+ leykemiyalarda ham, MIY xavfli stromal o‘smalarida ham teng darajada yuzaga keladi. MIY obstruksiyasi, teshilishlar va yaralanishlar kabi MIY tomonidan boshqa buzilishlar ko‘proq MIY stromal o‘smalarida uchraydi.

Gepatotoksiklik, o‘tkir buyrak yetishmovchiligi, gipofosfatemiya, nafas olish tizimi tomonidan buzilishlar, o‘sma lizisi sindromi va bolalarda o‘sishni to‘xtab qolishi Glivek® preparati qo‘llanilganida boshqa jiddiy noxush holatlar bo‘lib hisoblanadi. Noxush holatlarning ifodalanganligi darajasiga bog‘liq holda preparat dozasiga tuzatish kiritilishi, ayrim hollarda preparat qo‘llanilishi bekor qilinishi ham mumkin.

Quyida sanab o‘tilgan nojo‘ya reaksiyalar eng ko‘p uchraydiganidan boshlab tez-tezlikda, quyidagi shartli belgilardan foydalangan holda tasniflangan: juda tez-tez (≥ 1/10); tez-tez (≥ 1/100, <1/10); tez-tez emas (≥ 1/1000, <1/100); kam hollarda (≥ 1/10000, <1/1000), juda kam hollarda (<1/10 000), shu jumladan yakka holatlar.

SML va MIY stromal o‘smalari bo‘lgan pasientlarda o‘tkazilgan

klinik tadqiqotlar bazasidagi nojo‘ya reaksiyalar

Infeksiyalar va parazitar kasalliklar
Tez-tez emasO‘rab oluvchi gerpes, oddiy gerpes, nazofaringit, pnevmoniya1, sinusit, teri osti to‘qimalarining yallig‘lanishi, yuqori nafas yo‘llari infeksiyasi, gripp, siydik chiqarish yo‘llari infeksiyasi, gastroenterit, sepsis
Kam hollardaZamburug‘li infeksiya
Qon va limfatik tizim tomonidan buzilishlar
Juda tez-tezNeytropeniya, trombositopeniya, anemiya
Tez-tezPansitopeniya, febril neytropeniya
Tez-tez emasTrombositopeniya, limfopeniya, suyak ko‘migi faoliyatini so‘ndirilishi, eozinofiliya, limfoadenopatiya
Kam hollardaGemolitik anemiya
Moddalar almashinuvi va ovqatlanish tomonidan buzilishlar
Tez-tezAnoreksiya
Tez-tez emasGipokaliemiya, ishtahaning yuqoriligi, gipofosfatemiya, ishtahaning pastligi, degidratasiya, podagra, giperurikemiya, giperkalsiemiya, giperglikemiya, giponatriemiya
Kam hollardaGiperkaliemiya, gipomagniemiya
Ruhiyat tomonidan buzilishlar
Tez-tezUyqusizlik
Tez-tez emasDepressiya, libidoning pasayishi, xavotirlik
Kam hollardaOngning xiralashuvi

 

Nerv tizimi tomonidan buzilishlar
Juda tez-tezBosh og‘rig‘i2
Tez-tezBosh aylanishi, paresteziya, ta‘m sezish hislarining buzilishi, gipesteziya
Tez-tez emasMigren, uyquchanlik, hushdan ketish, periferik neyropatiya, xotraning yomonlashuvi, ishias, charchoq oyoqlar sindromi, tremor, bosh miyaga qon quyilishi
Kam hollardaMiya ichki bosimini oshishi, tirishishlar, ko‘ruv nervi nevriti
Ko‘rish a‘zosi tomonidan buzilishlar
Tez-tezQovoqlarning shishi, yosh ajralishining oshishi, kon‘yunktivaga qon quyilishi, kon‘yunktivit, ko‘zlarning qurukligi, ko‘rishning xiralashishi
Tez-tez emasKo‘zlarning achishishi, ko‘zlarda og‘riq, orbital shish, ko‘zning oq pardasiga qon quyilishi, to‘r pardaga qon quyilishi, blefarit, makulyar shish
Kam hollardaKatarakta, glaukoma, ko‘ruv nervi diskining shishi
Eshitish a‘zosi va muvozanat tomonidan buzilishlar
Tez-tez emasVertigo, quloqlarda shovqin, eshitish qobiliyatini yo‘qotish
Yurak tomonidan buzilishlar
Tez-tez emasYurakning urib ketishi, taxikardiya, turg‘un yurak yetishmovchiligi3, o‘pka shishi
Kam hollardaAritmiya, yurak bo‘lmachalarining fibrillyasiyasi, yurakning to‘xtab qolishi, miokard infarkti, stenokardiya, perikardial nazla
Qon tomir tizimi tomonidan buzilishlar4
Tez-tezQuyilishlar, qon ketishi
Tez-tez emasArterial gipertenziya, gematoma, subdural gematoma,  qo‘l-oyoqlarning muzlashi, arterial gipotenziya, Reyno sindromi
Nafas olish, ko‘krak qafasi va ko‘ks oralig‘i a‘zolari tomonidan buzilishlar
Tez-tezHansirash, burundan qon ketishi, yo‘tal
Tez-tez emasPlevrada suyuqlik to‘planishi5, tomoq va halqumda og‘riq, faringit
Kam hollardaPlevral og‘riq, o‘pka fibrozi, o‘pka gipertenziyasi, o‘pkadan qon ketishi
MIY tomonidan buzilishlar
Juda tez-tezKo‘ngil aynishi, diareya, qusish, dispepsiya, qorinda og‘riq6
Tez-tezMeteorizm, qorin shishishi, gastroezofageal reflyuks, qabziyat, og‘izning qurishi, gastrit
Tez-tez emasStomatit, og‘iz bo‘shlig‘i shilliq qavatining yaralanishi, me‘da-ichakdan qon ketishi7, kekirish, melena, ezofagit, assit, me‘da yarasi, qon qusish, xeylit, disfagiya, pankreatit
Kam hollardaKolit, ichak tutilishi, ichakning yallig‘lanishi
Jigar va o‘t chiqarish yo‘llari tomonidan buzilishlar
Tez-tezJigar fermentlari darajasining oshishi
Tez-tez emasGiperbilirubinemiya, gepatit, sariqlik
Kam hollardaJigar yetishmovchiligi8, jigar nekrozi8
Teri va teri osti to‘qimasi tomonidan buzilishlar
Juda tez-tezPeriorbital shish, dermatit/ekzema/toshma
Tez-tezQichishish, yuzning shishi, teri qurishi, eritema, alopesiya, tungi terlash, fotosezuvchanlik reaksiyalari
Tez-tez emasPustulyoz toshma, lat yeyishlar, kuchli terlash, eshakemi, ekximoz, gematomalar hosil bo‘lishiga yuqori moyillik, gipotrixoz, terining gipopigmentasiyasi, eksfoliativ dermatit, tirnoqlarning mo‘rtligi, follikulit, petexiyalar, psoriaz, purpura, terining giperpigmentasiyasi, bullyoz toshma
Kam hollardaO‘tkir febril neytrofil dermatoz (Svit sindromi), tirnoq ranglarining o‘zgarishi, angionevrotik shish, vezikulyar toshmalar, ko‘p shaklli eritema, leykoklastik vaskulit, Stivens-Djonson sindromi, o‘tkir tarqoq ekzematoz pustulyoz
Suyak-mushak tizimi va biriktiruvchi to‘qimalar

tomonidan buzilishlar

Juda tez-tezMushak spazmlari va tirishishlari, mushak-skelet og‘rig‘i, shu jumladan mialgiya, artralgiya, suyaklarda og‘riq9
Tez-tezBo‘g‘imlarning shishi
Tez-tez emasBo‘g‘imlar va mushaklarning tangligi
Kam hollardaMushak zaifligi, artrit
Buyraklar va siydik chiqarish yo‘llari tomonidan buzilishlar
Tez-tez emasBuyrak og‘rig‘i, gematuriya, o‘tkir buyrak yetishmovchiligi, siydik chiqarilishi tez-tezligining oshishi
Reproduktiv tizim va sut bezlari tomonidan buzilishlar
Tez-tez emasGinekomastiya, erektil disfunksiya, menorragiya, nomuntazam hayz sikli, jinsiy disfunksiya, ko‘krak uchida og‘riq, sut bezlarining kattalashishi, moyakni shishi
Umumiy buzilishlar va preparat yuborilishi joyidagi reaksiyalar
Juda tez-tezSuyuqlikning ushlanib qolinishi va shish, charchash
Tez-tezXolsizlik, tana haroratining oshishi, anasarka, badan uvishishi, titroq
Tez-tez emasKo‘krakda og‘riq, umumiy lohaslik
Tadqiqotlar
Juda tez-tezTana vaznining oshishi
Tez-tezTana vaznining kamayishi
Tez-tez emasQon zardobida kreatinin darajasini oshishi, qon zardobida kreatinfosfokinaza (KFK), laktatdegidrogenaza (LDG), ishqoriy fosfataza (IF) faolligining oshishi
Kam hollardaQon plazmasida amilaza faolligining oshishi

1 SML ni yuqori bosqichlaridagi pasientlarda va MIY stromal o‘smalari bo‘lgan pasientlarda pnevmoniya eng ko‘p qayd etilgan.

2 MIY stromal o‘smalari bo‘lgan pasientlarda bosh og‘rig‘i eng ko‘p qayd etilgan.

3 Pasient-yil hisob-kitobi asosida; yurak tomonidan noxush holatlar, shu jumladan turg‘un yurak yetishmovchiligi, SML ni surunkali fazasida bo‘lgan pasientlarga nisbatan SML ni yuqori bosqichlaridagi pasientlarda ko‘proq kuzatilgan.

4 Quyilishlar MIY stromal o‘smalari bo‘lgan pasientlarda eng ko‘p kuzatilgan, qon ketishlar (gematomalar, gemorragiyalar) esa MIY stromal o‘smalari bo‘lgan eng ko‘p kuzatilgan.

5 Plevrada suyuqlikni to‘planishi SML ni surunkali fazasida bo‘lgan pasientlarga nisbatan MIY stromal o‘smalari bo‘lgan va SML ni yuqori bosqichlaridagi (SML-FA va SML-BK) pasientlarda eng ko‘p uchragan.

6-7 Qorinda og‘riq va me‘da-ichakdan qon ketishlar MIY stromal o‘smalari bo‘lgan eng ko‘p uchragan.

8 Jigar yetishmovchiligi rivojlanishi va jigar nekrozining o‘lim bilan yakunlanadigan ayrim hollari haqida xabar qilingan.

9 Skelet-mushak og‘riqlari va shunga o‘xshash reaksiyalar MIY stromal o‘smalari bo‘lgan pasientlarga nisbatan SML li pasientlarda ko‘proq kuzatilgan.

Nojo‘ya reaksiyalarning quyidagi keyingi turlari haqida ko‘proq postmarketing kuzatuvlar vaqtida va Glivek® preparati qo‘llanilgan holda o‘tkazilgan boshqa qo‘shimcha klinik tadqiqotlar davomida xabar berilgan. Ular katta bo‘lmagan yoki davom etayotgan klinik tadqiqotlarda, keng qamrovli dasturlarda kuzatilgan holatlar, shuningdek preparatga nisbatan jiddiy nojo‘ya reaksiyalar haqidagi spontan xabarlarni ichiga olgan. Ushbu reaksiyalar noma‘lum miqdordagi odamlar guruhida kuzatilganligi sababli, ularning tez-tezligini ishonchli aniqlash yoki imatinib ekspozisiyasi bilan sabab-oqibat bog‘liqligini aniqlash har doim ham mumkin bo‘lavermaydi.

Postmarketing kuzatuvlar vaqtida

xabar berilgan nojo‘ya reaksiyalar

Infeksiyalar va invaziyalar
Noma‘lum tez-tezlikdaV gepatiti virusini reaktivasiyasi
Nerv tizimi tomonidan buzilishlar
Tez-tez emasBosh miya shishi
Ko‘rish a‘zosi tomonidan buzilishlar
Kam hollardaShishasimon tanaga qon quyilishi
Yurak tomonidan buzilishlar
Kam hollardaPerikardit, yurak tamponadasi
Tomir tizimi tomonidan buzilishlar
Tez-tez emasTromboz/emboliya
Juda kam hollardaAnafilaktik shok
Nafas olish, ko‘krak qafasi

va ko‘ks oralig‘i a‘zolari tomonidan buzilishlar

Tez-tez emasO‘tkir nafas olish yetishmovchiligi1, o‘pkaning interstisial kasalligi
Ovqat hazm qilish tizimi tomonidan buzilishlar
Tez-tez emasIchak tutilishi/ichak obstruksiyasi, o‘smali qon ketish/o‘sma nekrozi, me‘da yoki ichakda teshilishlar2

 

Kam hollardaDivertikulit, me‘da antral bo‘limining tomir ektaziyasi
Teri va teri osti to‘qimasi tomonidan buzilishlar
Tez-tez emasKaft-oyoq kafti eritrodizesteziya sindromi
Kam hollardaLixenoidli keratoz, yassi temiratki
Juda kam hollardaToksik epidermal nekroliz
Noma‘lum tez-tezlikdaEozinofiliya va tizimli simptomlar bilan birga dorilar ta‘siridagi toshma (DRESS sindrom)
Suyak-mushak tizimi va biriktiruvchi to‘qima tomonidan buzilishlar
Juda tez-tezDavolash to‘xtatilganidan keyin mushak-skelet og‘rig‘i, shu jumladan mialgiya, qo‘l-oyoqlarda og‘riq, artralgiya, suyaklarda og‘riq, umurtqada og‘riq
Kam hollardaAvaskulyar nekroz/son suyagi boshchasi nekrozi, rabdomioliz/miopatiya
Noma‘lum tez-tezlikdaBolalarda o‘sishning to‘xtab qolishi
Reproduktiv tizim tomonidan buzilishlar
Juda kam hollardaSariq tana kistasidagi/tuxumdon kistasidagi gemorragiyalar
Xavfsiz, xavfli o‘smalar va noma‘lum xarakterli o‘smalar

(shu jumladan kistalar va poliplar)

Kam hollardaO‘sma lizisi sindromi

1 Kasallikning kechki bosqichlarida, og‘ir infeksiyalari, og‘ir neytropeniyasi va boshqa jiddiy birgalikda keluvchi holatlari bo‘lgan pasientlarda fatal holatlar haqida xabar berilgan.

2 MIY teshilishlari rivojlanishining o‘lim bilan yakunlanadigan ayrim hollari haqida xabar berilgan.

Preparatga nisbatan ayrim nojo‘ya reaksiyalarning ta‘rifi

Mielosupressiya

Mielosupressiya Glivek® preparati bilan davolanayotgan, xavfli o‘smalari mavjud bo‘lgan pasientlarda tez-tez uchraydigan belgi bo‘lib hisoblanadi. Mielosupressiya, trombositopeniya, neytropeniya va anemiya eng ko‘p uchraydigan 3 va 4-darajali laboratoriya buzilishlari sifatida qayd etilgan. Glivek® preparatini qabul qilgan SML li pasientlarda mielosupressiya asosan qaytuvchan bo‘lgan va pasientlarning ko‘pchiligida preparat qabul qilinishini vaqtincha to‘xtatilishiga yoki dozani pasayishiga olib kelmagan. Faqat bir nechta pasientlarga davolashni to‘xtatish talab qilingan. Shuningdek pansitopeniya, limfopeniya holatlari yoki suyak ko‘migi bilan qon hosil bo‘lishining so‘ndirilishi ta‘rifgan.

Qon yaratish faoliyatining so‘ndirilishi ko‘pchilik hollarda yuqori dozalar buyurilganida va SML bosqichiga bog‘liq holda, 3 yoki 4-darajali neytropeniya va trombositopeniya surunkali fazadagi SML birinchi bor tashhislangan pasientlarga (muvofiq ravishda 16,7% va 8,9%) nisbatan taqqoslanganda blast krizi fazasi va akselerasiya fazasidagi SML li pasientlarda (muvofiq ravishda 44% va 63%) 4-6 marta yuqori rivojlangan holda paydo bo‘ladi. Ushbu holatlar odatda dozani pasaytirish bilan yoxud davolashni to‘xtatib turish bilan nazorat qilinadi, ammo kam hollarda preparat qo‘llanilishini to‘liq bekor qilinishini talab qiladi. Gematologik toksiklik rivojlanishi tez-tezligi Ph+leykemiyali pasientlarga nisbatan taqqoslanganda solid o‘smalari bo‘lgan pasientlarda kamroq bo‘ladi, 3 va 4-darajali neytropeniya va trombositopeniya paydo bo‘lgan pasientlarda muvofiq ravishda 10% va 1% holatlarda bo‘ladi.

Laboratoriya ko‘rsatkichlarining og‘ishi

Gematologiya – umumiy qon tahlili

SMLda sitopeniyalar, xususan, neytropeniya va trombositopeniya barcha tadqiqotlarda aniqlanadigan tez-tez, ayniqsa ≥ 750 mg bo‘lgan katta dozalar qo‘llanilganida taxminan yuqoriroq tez-tezlikda uchraydigan laboratoriya belgilari bo‘lib hisoblangangan (I faza tadqiqotlari). Biroq shuni qayd etish lozimki, sitopeniyalarning paydo bo‘lishi kasallik bosqichi bilan shuningdek aniq o‘zaro bog‘liqlikka ega. SML birinchi bor tashhis qo‘yilgan pasientlarda sitopeniyalar SML bo‘lgan boshqa pasientlarga nisbatan kamroq uchragan. 3 yoki 4-darajadagi neytropeniya (AKN <1,0x109/l) va trombositopeniyaning (trombositlar miqdori <50x109/l) uchrashi tez-tezligi surunkali fazadagi SML birinchi bor tashhis qo‘yilgan pasientlarga (16,7% neytropeniya va 8,9% trombositopeniya) nisbatan blast krizida va akselerasiya fazasida 4-6 marta (neytropeniya va trombositopeniya uchun muvofiq ravishda 59-64% va 44-63%) yuqori bo‘lgan. Surunkali fazadagi SML birinchi bor tashhis qo‘yilgan pasientlarda 4-darajadagi neytropeniya (AKN <0,5x109/l) va 4-darajadagi trombositopeniya (trombositlar miqdori <10x109/l) muvofiq ravishda 3,6% va <1% pasientlarda kuzatilgan. Neytropeniya va trombositopeniya epizodlarining davomiyligi medianasi muvofiq ravishda 2 haftadan 3 haftagacha va 3 haftadan 4 haftagacha atrofida o‘zgarib turgan. Bunday holatlarda odatda dozani kamaytirish yoki Glivek® preparati qabul qilinishini vaqtinchalik to‘xtatib turish samarali bo‘ladi, ammo ayrim kam uchraydigan hollarda uzoq vaqt davomida preparat qo‘llanilishini bekor qilishga olib kelishi mumkin. SML bo‘lgan pediatrik pasientlarda 3 yoki 4-darajadagi sitopeniyalar, shu jumladan neytropeniya, trombositopeniya va anemiya eng tez-tez namoyon bo‘ladigan toksiklik hisoblanadi. Ushbu holatlar ko‘p hollarda davolashning dastlabki bir necha oylari davomida kuzatiladi.

MIY ning operasiya qilib bo‘lmaydigan yoki metastatik xavfli stromal o‘smalari bo‘lgan pasientlar ishtirokidagi tadqiqotda (V2222 tadqiqoti) 3 yoki 4-darajadagi anemiya muvofiq ravishda 5,4% va 0,7% pasientlarda qayd etilgan bo‘lib, ushbu pasientlarning ayrimlarida u me‘da-ichakda yoki o‘sma ichidagi qon ketishlar bilan bog‘liq bo‘lishi ham mumkin. 3 yoki 4-darajadagi neytropeniya muvofiq ravishda 7,5% va 2,7% pasientlarda, 3-darajadagi trombositopeniya esa 0,7% pasientlarda kuzatilgan. Pasientlarning hech birida 4-darajadagi trombositopeniya rivojlanmagan. Leykositlar va neytrofillar miqdorining kamayishi ko‘pincha davolashning dastlabki olti haftasida mavjud bo‘lgan, keyinchalik esa ko‘rsatkichlar nisbatan barqaror bo‘lib qolgan.

Qonning biokimyoviy tahlili

Transaminazalar (<5%) yoki bilirubin (<1%) darajasining yaqqol ifodalangan oshishi SML bo‘lgan pasientlarda kuzatilgan va ko‘p hollarda dozani kamaytirish yoki davolashda tanaffus qilish yo‘li bilan tuzatish kiritilgan (bunday epizodlarning davomiyligi medianasi taxminan bir haftani tashkil etgan). Davolash jigar funksiyasining laboratoriya ko‘rsatkichlaridagi og‘ishlar tufayli, SML bo‘lgan pasientlarning 1% dan kamida to‘liq to‘xtatilgan. MIY ning stromal o‘smalari bo‘lgan pasientlarda (V2222 tadqiqoti) 3 yoki 4-darajadagi alaninaminotransferaza (ALT) darajasining oshishi 6,8% hollarda va 3 yoki 4-darajadagi aspartataminotransferaza (AST) darajasining oshishi 4,8% hollarda kuzatilgan. Bilirubin darajasining oshishi 3% dan kam pasientlarda qayd etilgan.

Sitolitik va xolestatik gepatit hamda jigar yetishmovchiligi holatlari, ayrim hollarda o‘lim bilan yakunlanadigan holatlar haqida xabar berilgan.

 

Qo‘llash mumkin bo‘lmagan holatlar

Preparatning ta‘sir etuvchi moddasi yoki har qanday boshqa komponentiga yuqori sezuvchanlikda qo‘llash mumkin emas.

 

Dorilarning o‘zaro ta‘siri

Qon plazmasida imatinib konsentrasiyasini oshirishi mumkin bo‘lgan preparatlar

P450 sitoxromi tizimining CYP3A4 izofermentlari faolligini ingibisiya qiluvchi ta‘sir etuvchi moddalar (masalan, ketokonazol, itrakonazol, eritromisin, klaritromisin) metabolizmni pasaytirishi va qon plazmasida imatinib konsentrasiyasini oshirishi mumkin. Imatinibni ketokonazolning (CYP3A4 ingibitori) bir martalik dozasi bilan bir vaqtda buyurilganida sog‘lom ko‘ngillilarda preparat ekspozisiyasi ko‘rsatkichlarining sezilarli darajada (imatinibning o‘rtacha Cmax va AUC qiymatlarini muvofiq ravishda 26% va 40% ga) oshishi kuzatilgan. Glivek® preparatini CYP3A4 izofermenti ingibitorlari bilan bir vaqtda ehtiyotkorlik bilan buyurish lozim.

Qon plazmasida imatinib konsentrasiyasini pasaytirishi mumkin bo‘lgan preparatlar

CYP3A4 izofermentlari faolligini induktorlari bo‘lgan ta‘sir etuvchi moddalar (masalan, deksametazon, fenitoin, karbamazepin, rifampisin, fenobarbital yoki dalachoy preparatlari) metabolizmni kuchaytirishi va qon plazmasida imatinib konsentrasiyasini sezilarli darajada pasaytirishi mumkin. Dastlab 14 nafar sog‘lom ko‘ngillilarga rifampinning ko‘p martalik dozalari (8 sutka davomida har kuni 600 mg dan) va keyinchalik Glivek® preparati 400 mg bir martalik dozada buyurilganida, Glivek® preparatining peroral qabul qilingan dozasining klirensi 3,8 marta (90% II = 3,5–4,3 marta) oshishi kuzatilgan, bu Glivek® preparatini qo‘llashdan oldin rifampin buyurilmagan holdagi tartibdagi tegishli ko‘rsatkichlarga nisbatan Cmax, AUC0-24 va AUC0-∞ qiymatlarini muvofiq ravishda o‘rtacha 54%, 68% va 74% ga pasayishiga olib kelgan. Shunga o‘xshash natijalar karbamazepin, okskarbazepin, fenitoin, fosfenitoin, fenobarbital, primidon kabi tutqanoqqa qarshi enzim-induksiya qiluvchi preparatlarni bir vaqtda qabul qilinganida Glivek® preparatini qabul qilgan xavfli o‘sma – gliomali pasientlarda kuzatilgan. Qon plazmasida imatinibning AUC qiymati tutqanoqqa qarshi enzim-induksiya qiluvchi preparatlarni qabul qilmagan pasientlarga nisbatan 73% ga pasaygan. Ikkita e‘lon qilingan tadqiqotlarda imatinib va tarkibida dalachoy saqlaydigan preparatlar bir vaqtda buyurilganida Glivek® preparatining AUC qiymati 30–32% ga kamayishi kuzatilgan. Rifampin yoki CYP3A4 izofermentining boshqa induktorlari buyurilgan pasientlarda enzim-induksiya qiluvchi potensiali kichikroq bo‘lgan muqobil davolash vositalari qo‘llanilishini ko‘rib chiqish lozim.

Glivek® preparati qo‘llanilganida konsentrasiyasi o‘zgaradigan preparatlar

Imatinib simvastatinning (CYP3A4 substrati) Cmax va AUC o‘rtacha qiymatini muvofiq ravishda 2 va 3,5 marta oshiradi, bu CYP3A4 ni imatinib bilan ingibisiya qilinishini ko‘rsatadi. Shu sababli Glivek® preparatini va terapevtik diapazoni tor bo‘lgan CYP3A4 substratlarini (masalan, siklosporin yoki promozid) ehtiyotkorlik bilan buyurish lozim.

Glivek® preparati CYP3A4 izofermenti vositasida metabolizmga uchraydigan boshqa preparatlarning (masalan, triazolobenzodiazepinlar, kalsiy kanallari digidropiridin blokatorlari, statinlar kabi HMG-CoA reduktazaning ayrim ingibitorlari va boshqalar) konsentrasiyasini qon plazmasida oshirishi mumkin. Imatinib shuningdek CYP2C9 va CYP2C19 faolligini in vitro sharoitda ingibisiya qiladi. Protrombin vaqtini uzayishi varfarin bilan birgalikda qo‘llanilganida kuzatilgan. Shu sababli kumarin hosilalari bilan bir vaqtda buyurilganida Glivek® preparati bilan davolash boshlanishida va oxirida hamda preparat dozalari o‘zgarganida protrombin vaqtini qisqa muddatli monitoringini o‘tkazish lozim. Muqobil sifatida quyi molekulyar geparindan foydalanish haqidagi masalani ko‘rib chiqish lozim.

Glivek® preparati CYP3A4 faolligiga ta‘sir ko‘rsatadigan konsentrasiyalarga o‘xshash konsentrasiyalarda P450 sitoxromi CYP2D6 izofermenti faolligini in vitro sharoitda ingibisiya qiladi. Imatinib sutkada 2 marta 400 mg dozada metoprololning CYP2D6 bilan bog‘liq metabolizmiga metoprolol Cmax va AUC qiymatlari taxminan 23% ga oshgani holda kuchsiz ingibisiya qiluvchi ta‘sir ko‘rsatadi. Imatinibni va metoprolol kabi CYP2D6 substratlarini bir vaqtda buyurilganida dozaga tuzatish kiritish kerak emasligi ravshan hamda dori vositalarining mazkur birgalikda qo‘llanilishi dorilarning o‘zaro ta‘siri bo‘lgan taqdirda, ehtimol xavf omili bo‘lib hisoblanmaydi.

 

Maxsus ko‘rsatmalar

Glivek® preparatini boshqa preparatlar bilan bir vaqtda buyurilganida dorilarning o‘zaro ta‘sirining potensial xavfi mavjud. Glivek® preparatini rifampisin yoki CYP3A4 izofermentining boshqa kuchli induktorlari bilan, shuningdek ketokonazol yoki CYP3A4 izofermentining boshqa kuchli ingibitorlari, tor terapevtik diapazoniga ega CYP3A4 izofermentining substratlari (masalan, siklosporin, pimozid), yoki tor terapevtik diapazoniga ega CYP2C9 izofermentining substratlari (masalan, varfarin va boshqa kumarin hosilalari) bilan bir vaqtda qo‘llanilganida ehtiyotkorlikka rioya qilish lozim.

Gipotireoz

Glivek® preparati bilan davolash vaqtida tireoidektomiyadan keyin levotiroksin bilan o‘rnini bosuvchi davolash o‘tkazilgan pasientlarda gipotireoz rivojlanishining klinik hollari haqida xabar berilgan. Bunday pasientlarda TTG darajasini tez-tez nazorat qilish zarur.

Gepatotoksiklik

Turli og‘irlik darajasidagi (engil, o‘rtacha yoki og‘ir) jigar disfunksiyasi bo‘lgan pasientlarda Glivek® preparati qo‘llanilganida periferik qonni muntazam klinik tadqiqotlarini o‘tkazish va jigar funksiyasini (jigar transaminazalarini) nazorat qilish tavsiya etiladi.

Glivek® preparati yuqori dozali ximioterapiyasi tartiblari bilan majmuada qo‘llanilganida transaminazalar darajasi oshishi va giperbilirubinemiya bilan tavsiflanuvchi tranzitor jigar toksikligi kuzatiladi.

Bundan tashqari, o‘tkir jigar yetishmovchiligi hollari haqida kam hollarda xabar berilgan. Jigar funksiyasini nazorat qilish Glivek® preparatini ximioterapiyasi tartiblari bilan birgalikda qo‘llanilgan, ular buyurilganida jigar disfunksiyasi rivojlanishi bilan bog‘liq hollarda shuningdek tavsiya etiladi.

Suyuqlikning ushlanib qolinishi

Glivek® preparatini qabul qilayotgan, birinchi bor SML tashhisi qo‘yilgan taxminan 2,5% pasientlarda organizmda suyuqlikni yaqqol ifodalangan ushlanib qolishi (plevrada suyuqlikni to‘planishi, shish, o‘pka shishi, assit, periferik shishlar) rivojlanishi hollari haqida xabar berilgan. Shu sababli pasientlarga tana vaznini muntazam ravishda tekshirish tavsiya etiladi. Kutilmagan holda tana vazni tezda ortib ketgan taqdirda sinchkovlik bilan tekshirish o‘tkazish va zarurat bo‘lganida, tegishli davolashni buyurish lozi

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Analoglar
GLIVEK plyonka qobiqli tabletkalar 400 mg N30
  • Ishlab chiqarilish joyi:Germaniya
  • Faol modda:Imatinib
  • Ishlab chiqaruvchi:Novartis Pharma AG., Швейцария произведено: Novartis Pharma Produktions GmbH
GLIVEK tabletkalar qobiqli 400 mg N30
  • Ishlab chiqarilish joyi:Shveytsariya
  • Faol modda:Imatinib
  • Ishlab chiqaruvchi:Novartis Pharma AG, Швейцария произведено: Novartis Pharma Stein AG
Imatinib
  • Ishlab chiqarilish joyi:Rossiya
  • Faol modda:Imatinib
  • Ishlab chiqaruvchi:Amring Farma S.R.L,Румыния произведено Нанофарма Девелопмент,ООО
Ishlab chiqaruvchining dorilari
GLIVEK plyonka qobiqli tabletkalar 400 mg N30
  • Ishlab chiqarilish joyi:Germaniya
  • Faol modda:Imatinib
  • Ishlab chiqaruvchi:Novartis Pharma AG., Швейцария произведено: Novartis Pharma Produktions GmbH
MIFORTIK ichakda eruvchi qobiqli tabletkalar 360 mg N120
  • Ishlab chiqarilish joyi:Germaniya
  • Ishlab chiqaruvchi:Novartis Pharma AG., Швейцария произведено: Novartis Pharma Produktions GmbH
MIFORTIK ichakda eruvchi qobiqli tabletkalar 180 mg N120
  • Ishlab chiqarilish joyi:Germaniya
  • Ishlab chiqaruvchi:Novartis Pharma AG., Швейцария произведено: Novartis Pharma Produktions GmbH