Mahsulotning ko'rinishi saytdagi rasmdan farq qilishi mumkin.

REVALGIN inyeksiya uchun eritma 5ml N5

Kategoriya:

- Og'riq qoldiruvchi

Ishlab chiqarilish joyi:

- Hindiston

Faol modda:

Метамизол натрия, Питофенон, Фенпивериния бромид

ko'proq ko'rsatish

Qadoqda soni:

- 5

Ishlab chiqaruvchi:

- Shreya Life Sciences PVT. LTD.

Vakil:

- Shreya Life Sciences

ATX kodi:

- N02BB52

Barcha Revalgin dorilari

Noaniqliq haqida habar berish

Toshkentning 70600.00 ta dorixonasida topildi

ico 70 600 s`om dan

Dorixonalardan izlash

O'xshash dorilar

NO SHPA tabletkalari 40mg N100 Хиноин Завод Фармац. и Хим.продуктов, ЗАО Vengriya

55 000 s`om dan

[ls]Форсил экспресс капсулы 200мг N10:uz:Forsil express kapsulalari 200mg N10[/ls]

Forsil express kapsulalari 200mg N10 Узбекистан

NoveksKold poroshok Herbion Pakistan PVT LTD

50 000 s`om dan

PARASETAMOL tabletkalari 200mg N10 Radiks, ЧНПП

800 s`om dan

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Dori shakli

Инъекция учун эритма 5 мл қаҳрабо рангли қорамтир шиша ампулаларда. 5 ампуладан юқори зичликдаги полиэтилен поддонда. 1 лоток қўллаш бўйича йўриқномаси билан бирга картон қутига жойланган.

Tarkibi va ishlab chiqarilish shakli

1 мл эритма сақлайди:
Фаол моддалар:
метамизол натрий (анальгин) - 500 мг
питофенон гидрохлориди - 2 мг
фенпивериний бромиди - 0,02 мг.
Ёрдамчи моддалар: натрий метабисульфит, динатрий эдетати, калий дигидрофосфат, натрий гидроксид, инъекция учун сув.

Farmakologik ta'sir

Ревалгин – комбинацияланган препарат, унинг таркибига киради: нонаркотик анальгетик метамизол натрий (анальгин), миотроп спазмолитик восита питофенон гидрохлориди ва М-холиноблокловчи восита фенпивериний бромид.
Метамизол оғриқ қолдирувчи, ҳароратни туширувчи ва яллиғланишга қарши таъсирга эга. Питофенон папаверин каби, ички аъзоларни силлиқ мушакларига бевосита миотроп таъсир кўрсатади ва уларни бўшашишини чақиради. Фенпивериний бромид М-холиноблокловчи таъсири ҳисобига силлиқ мушакларга қўшимча бўшаштирувчи таъсир кўрсатади.

Nojo'ya samaralari

Терапевтик дозаларда препарат одатда яхши ўзлаштирилади. Баъзида аллергик реакциялар бўлиши мумкин (тери тошмалари, қичима, жуда кам – анафилактик шок, эшакеми), ангионевротик шиш. Якка ҳолларда – эпигастрал соҳада ачишиш ҳисси, оғизнинг қуриши, бош оғриғи. Бош айланиши, артериал босимни пасайиши, тахикардия, цианоз бўлиши мумкин.
Узоқ муддат қабул қилинганида - қон яратилишини бузилиши: тромбоцитопения, лейкопения, агранулоцитоз (қуйидаги белгилар билан намоён бўлиши мумкин: сабабсиз ҳароратни кўтарилиши, қалтираш, томоқ оғриғи, ютишни қийинлашуви, стоматит, шунингдек вагинит ва проктит кўринишлари). Бронхоспазмга мойиллик бўлганида хуружни қўзғатиши мумкин.
Жуда кам ҳолларда – хавфли экссудатив эритема (Стивенс-Джонсон синдроми), токсик эпидермал некролиз (Лайелл синдроми). Кам (одатда узоқ вақт қабул қилганда ёки катта дозаларда буюрилганида) – буйрак фаолиятини бузилиши: олигурия, анурия, протеинурия, интерстициал нефрит, сийдикни қизил рангга бўялиши. Жуда кам – тер ажралишини пасайиши, аккомодацияни парези, сийишни қийинлашуви.
Маҳаллий реакциялар: мушак ичига юборилганида юборилган жойида инфильтратлар бўлиши мумкин.
Барча ножўя таъсирлари ҳақида даволовчи шифокорга хабар бериш керак.

Maxsus shartlar

Қориндаги ўткир оғриқларни йўқ қилиш учун ишлатилмасин (сабаби аниқланмагунича). Препарат билан даволаниш даврида алкоголь қабул қилиш мумкин эмас; транспорт воситаларини бошқариш ва бошқа тезкор жисмоний ва рухий реакцияларни талаб қилувчи потенциал хавфли фаолиятни турлари билан шуғулланиш тавсия қилинмайди.
Парентерал юбориш одатда шошилинч ҳолларда ишлатилади (буйрак ёки жигар санчиқларида) ва ичга қабул қилишни имконияти бўлмаган ҳолларда (ёки меъда-ичак йўлларидан сўрилиши бузилганда). 2 мл ва кўпроқ эритма юборилганида махсус эҳтиёткорлик талаб қилинади (артериал босимни кескин тушиб кетиши хавфи). Вена ичига инъекцияни аста-секин ётган ҳолда артериал босимни, юрак қисқаришлари частотасини ва нафас частотасини назорати остида ўтказиш керак. Препарат узоқ вақт (ҳафтадан ортиқ) қўлланганида периферик қон кўринишини ва жигарни функционал ҳолатини назорати керак.
Препарат болалар олаолмайдиган жойда сақлансин ва яроқлилик муддати ўтганидан сўнг ишлатилмасин.

Qo'llanilishi

Ички аъзоларни силлиқ мушакларини спазмларидаги оғриқ синдроми, шу жумладан: буйрак санчиғи, жигар санчиғи, ўт-сафро санчиқлари, ичак санчиғи, ўт-сафро чиқариш йўлларини дискинезияси, альгодисминорея.
Қисқа муддатли симптоматик даволаш учун артралгия, невралгия, ишиалгия.
Ёрдамчи дори воситаси сифатида: хирургик аралашувлар ва диагностик муолажалардан кейинги оғриқ синдроми.

Qo'llanilishi mumkin bo'lmagan holatlar

Пиразолон ҳосилалари (бутадион) ва препаратни бошқа компонентларига бўлган юқори сезувчанлик; суяк кўмигида қон яратилишини бузилиши; турғун ва турғун бўлмаган стенокардия; декомпенсация босқичидаги юракни сурункали етишмовчилиги; жигар ёки буйрак фаолиятини яққол бузилиши; глюкоза-6-фосфатдегидрогеназани генетик йўқлиги; тахиаритмия, глаукомани ёпиқ бурчакли шакли; сийдик тутилишига мойиллиги бўлган простата безини гипертофияси; меъда-ичак ўтказмаслиги ва мегоколон; коллаптоид ҳолатлар; ҳомиладорликнинг биринчи уч ойлиги ва охирги 6 ҳафтаси; лактация даври; болалик ёши (3 ойликкага ёки тана вазни 5 кг дан кам). Эҳтиёткорлик билан
Жигар ва/ёки буйрак фаолияти бузилган беморларда, гипертония, бронхоспазмга мойиллиги бўлганларда, шунингдек ностероид яллиғланишга қарши воситаларга ёки нонаркотик анальгетикларга (шу жумладан «аспирин» триадаси) шахсий юқори сезувчанлиги бўлганларда, препарат эҳтиёткорлик билан ва шифокор назорати остида қўлланилиши керак. Болалар ва 18 ёшгача бўлган ўспиринларда препарат фақат шифокор кўрсатмаси бўйича қўлланилиши керак.

Dori vositalarining o'zaro ta'siri

Ревалгинни бошқа нонаркотик анальгетиклар билан бир вақтда қўллаш, ўзаро заҳарли таъсирини кучайтирилишига олиб келиши мумкин. Учциклик антидепрессантлар, ичга қабул қилиш учун ҳомиладорликка қарши воситалар, аллопуринол, метамизолни жигардаги метаболизмини бузади ва уларни заҳарлилигини оширади. Барбитуратлар, фенилбутазон ва бошқа жигарни микросомал ферментларини индукторлари, метамизол таъсирини сусайтиради. Циклоспорин билан бир вақтда қўллаш, қонда охиргисини миқдорини пасайтиради.
Седатив воситалар ва транквилизаторлар Ревалгинни оғриқни қолдирувчи таъсирини кучайтиради.
Н1-гистаминоблокаторлар, бутерофенонлар, фенотиазинлар, амантадин ва хинидин билан бирга қўлланганида М-холинолитик таъсирини кучайиши мумкин.
Этанол билан бирга қўллаганда – ўзаро самарасини кучайтирилиши кузатилади. Хлорпромазин ва бошқа фенотиозин ҳосилалари билан бир вақтда қўлланганида яққол гипертермия ривожланишига олиб келиши мумкин.
Рентгеноконтраст дори воситалари ва коллоидли қон ўрнини босувчилар, метамизол натрий сақловчи препаратлар билан даволаниш вақтида қўлланмаслиги керак.
Метамизол натрий перорал гипогликемик дори воситаларини, билвосита антикоагулянтларни, глюкокортикостероидларни ва индометацинни оқсиллар билан боғлиқлигидан сиқиб чиқариб, улар таъсирини яққоллигини кучайтиради.
Тиамазол ва цитостатиклар лейкопения ривожланиши хавфини оширади.
Кодеин, Н2-гистаминоблокаторлар ва пропранолол самарасини кучайтиради (метамизол натрийни инактивациясини секинлаштирди).
Инъекция учун эритма бошқа дори воситалари билан фармацевтик тўғри келмайди.
Кўрсатилган ва бошқа дори препаратларини бир вақтда қўллаш зарурати бўлганида, шифокор билан маслаҳатлашиш керак.

Ta'rifi

Тиниқ, рангсиздан то оч сариқ ранггача бўлган эритма.

Dozirovkasi

Парентерал (вена ичига, мушак ичига).
Катталар ва 15 ёшдан ошган ўспиринларга ўткир оғир санчиқларда вена ичига (1 минут давомида 1 мл дан) аста-секин 2 мл юборилади; зарурати бўлганида 6-8 соатдан сўнг такроран юборилади.
Аста-секин вена ичига юбориш учун одатда 2 мл препарат етарли.
Мушак ичига 2 мл эритма кунига 2 марта юборилади; суткалик доза 4 мл дан ошмаслиги керак. Даволаш давомийлиги 5 кундан кўп эмас.
Мушак ичига ёки вена ичига Ревалгин болаларга ёшига қараб қуйидаги бир марталик дозаларда буюрилади:
3-11 ойлик (5-8 кг) – фақат м/и – 0,1-0,2 мл;
1-2 ёш (9-15 кг) – в/и – 0,1-0,2 мл, м/и – 0,2-0,3 мл;
3-4 ёш (16-23 кг) – в/и - 0,2-0,3 мл, м/и – 0,3-0,4 мл;
5-7 ёш (24-30 кг) – в/и – 0,3-0,4 мл, м/и – 0,4-0,5 мл;
8-12 ёш (31-45 кг) – в/и – 0,5-0,6 мл, м/и – 0,6-0,7 мл;
12-15 ёш – в/и ва м/и – 0,8-1,0 мл.
Зарурати бўлганида шу дозаларда препаратни юборилиши такроран буюрилиши мумкин.
Эритма бир шприцда бошқа дори воситалари билан тўғри келмайди.
Инъекцион эритма юборилиши олдидан уни қўлда иситиш керак.

Dozani oshirib yuborilishi

Симптомлари: кўнгил айнаши, эпигастрол соҳада оғриқлар, қусиш, артериал гипотензия, уйқучанлик, онгни чалкашиши, жигар ва буйрак фаолиятини бузилиши, тиришишлар. Даволаш: меъдани ювиш, фаолланган кўмир буюриш, симптоматик терапия.

Fikr qoldirish