Mahsulotning ko'rinishi saytdagi rasmdan farq qilishi mumkin.

TAYVERB plyonka qobiqli tabletkalar 250 mg N70

Retseptli preparat
Kategoriya: - O'smaga qarshi
Ishlab chiqarilish joyi: - Ispaniya
Faol modda:lapatinib
Количество в упаковке: - 70
Ishlab chiqaruvchi: - Novartis Pharma AG, Швейцария произведено: Glaxo Wellcome S.A.
ATX kodi: - L01XE07
Noaniqliq haqida habar berish
O'zbekiston Sog'liqni Saqlash Vazirligi tomonidan 11.09.2015 da DV/X 00766/09/15 registratsion raqami bilan ro'yxatdan o'tgan

Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
TAYVERB plyonka qobiqli tabletkalar 250 mg N70 qo'lanishi bo'yicha ko'rsatmalar

QO‘LLASH BO‘YICHA YO‘RIQNOMA

TAYVERB®

TYVERB®

 

Preparatning savdo nomi: Tayverb®

Ta‘sir etuvchi modda (XPN): lapatinib.

Dori shakli: plyonka qobiq bilan qoplangan tabletkalar.

Tarkibi:

1 plyonka qobiq bilan qoplangan tabletka quyidagilarni saqlaydi:

faol modda: 405,0 mg lapatinib ditozalat monogidrati (250,0 mg lapatinibga ekvivalent)

yordamchi moddalar: 387,0 mg mikrokristall sellyuloza, 58,5 mg povidon K30, 40,5 mg natriy karboksimetilkraxmal (A turi), 9,0 mg magniy stearati

tabletkaning plyonka qobig‘ini tarkibi: 27,0 mg Opadray® sariq YS-1-12524-A (17,23 mg gipromelloza, 7,13 mg titan dioksidi, 2,16 mg makrogol-400, 0,27 mg polisorbat-80,
0,21 mg temir II oksidi bo‘yovchisi (Ye172), 0,005 mg temir III oksidi bo‘yovchisi (Ye172)).

Ta‘rifi: oval shaklli, ikki yoqlama qavariq, sariq rangli, plyonka qobiq bilan qoplangan tabletkalar. Tabletkaning bir tomoni silliq, boshqa tomonida ”GS XJG” yozuvi bor.

Farmakoterapevtik guruhi: o‘smalarga qarshi boshqa preparatlar; proteinkinaza ingibitorlari; lapatinib.

ATX kodi: L01XE07.

Farmakologik xususiyatlari

Farmakodinamikasi

Ta‘sir mexanizmi

Lapatinib – noyob ta‘sir mexanizmiga eaga bo‘lgan 4-anilinokvinazolinkinazaning prinsipial yangi ingibitori, chunki u ErbB1 epidermal o‘sish omili va odamning ErbB2 epidermal o‘sish omili (yakuniy qiymat Kiapp muvofiq mavjud 3nM va 13nM ni tashkil qiladi) reseptorlari bilan bog‘lanadigan, bu reseptorlar bilan bog‘langan bog‘idan dissosiasiya tezligi sekin bo‘lgan (yarim chiqarilish davri ≥ 300 minutni tashkil qiladi), tirozinkinazaning xujayra ichki domenlarini kuchli, qaytuvchi va selektiv ingibitori hisoblanadi. Bunday dissosiasiya tezligi 4-anilinokvinazolinkinazaning boshqa o‘rganilgan ingibitorlariga nisbatan sekinroq ekanligi aniqlangan. Lapatinib in vitro sharoitlarida ErbB ta‘sirida va xayvonlardagi turli modellarda o‘sma xujayralarni o‘sishini ingibisiya qiladi.

Lapatinibni monoterapiya ko‘rinishidagi faolligiga qo‘shimcha, in vitro sharoitlarda tekshirilganda additiv samarasi aniqlangan, unda lapatinib va 5-FU (kapesitabinning faol metaboliti) majmuasi o‘sma xujayralarning o‘rganilayotgan to‘rt yo‘nalishlarida qo‘llanilgan. In vitro olingan bu natijalarning klinik ahamiyati noma‘lum.

Lapatinib va trastuzumab majmuasi additiv ta‘sir mexanizmi, shuningdek anti-HER2 davolashga rezistentlikni kuzatilishi mumkin parallel bo‘lmagan mexanizmlarni ta‘minlashi mumkin. Ingibisiya qiluvchi samara trastuzumab bilan ishlov berilgan xujayralarda baholangan. Lapatinib in vitro sharoitlarda trastuzumab  saqlovchi muxitda uzoq muddat o‘stirish uchun tanlab olingan HER2 amplifikasiyali sut bezi rakining xujayralariga nisbatan ahamiyatli faollik namoyish qilgan,  va ko‘rsatilgan xujayra tizimlarida trastuzumab bilan sinergizm namoyon qilgan. Olingan natijalar HER2/neu (ErbB2) ga ta‘sir qiluvchi bu ikki moddalar orasida kesishgan chidamlilik yo‘qligini ko‘rsatadi.

Sut bezining gormonga-sezgir xujayra liniyalari (estrogen reseptorlari [ER] va/yoki progesteron reseptorlariga [PgR] nisbatan ijobiy), ular bir vaqtda HER2 ni ekspressiya qilganlar, belgilangan gormonal davolashga nisbatan rezistentlikka moyil ega bo‘lganlar. Dastlab ErbB1 yoki  ErbB2 bo‘lmagan sut bezi rakining gormonga-sezgir xujayralarida bu reseptorlarning faollashishi yuz beradi, va o‘sma gormonal davolashga rezistentlik orttiradi. Sut bezining gormonga-sezgir rakini o‘rganish bo‘yicha o‘tkazilgan randomizasiyalangan tekshirishlarning natijalari, sut bezining gormonga-sezgir rakida gormonal davolashga tirozinkinazaning ErbB1 yoki  ErbB2 ingibitorlarini qo‘shish, yashovchanlikni zo‘raymasdan (O‘KYAQ) yaxshilanishiga olib kelishi mumkin.

Farmakokinetikasi

So‘rilishi

Ichga qabul qilingandan keyin lapatinibning so‘rilishi to‘liq emas va o‘zgaruvchan (“konsentrasiya-vaqt” farmakokinetik egri chizig‘i ostidagi maydoni (AUC) bo‘yicha o‘zgarish koeffisenti taxminan 50% dan 100% gacha foizni tashkil qiladi). Lapatinibning zardob konsentrasiyasi o‘rtacha 0,25 soatdan keyin (chegarasi 0 dan 1,5 soatgacha) aniqlanadi. Lapatinib qon plazmasida maksimal konsentrasiyasiga (Smax) qabul qilingandan so‘ng taxminan 4 soatdan keyin erishiladi. Lapatinib har kuni
1250 mg dozada qabul qilinganda Smax muvozanat holatida (ishonch intervali 95%) o‘rtacha 2,43 (1,57-3,77) mkg/ml, AUC esa – 36,2 (23,4-56,0) mkg x soat/ml ni tashkil qiladi.

Preparat ovqat bilan bir vaqtda qabul qilinganda lapatinibning tizimli ekspozisiyasi oshadi (Qo‘llash usuli va dozalari va Dorilarning o‘zaro ta‘siri bo‘limlariga qarang). Past kaloriyali (5% yog‘ yoki 500 kaloriya) yoki yuqori kaloriyali (50% yog‘ yoki 1000 kaloriya) ovqat qabul qilganda AUC muvofiq ravishda 3 va 4 marta (Smax – taxminan 2,5 va 3 marta) oshadi.

Taqsimlanishi

Lapatinib qon plazmasi albumin va alfa1-nordon glikoprotein bilan yuqori bog‘lanish darajasiga (99% dan ko‘p) ega. In vitro sharoitlarda o‘tkazilgan tekshirishlarda lapatinib BCRP (sut bezi raki rezistentligini oqsili, ABCG2 – ATFga-bog‘lovchi kassetali G2 tashuvchisi) va r-glikoproteinni (AVSV1 – ATFga-bog‘lovchi kassetali V1 tashuvchisi) tashuvchilar uchun substrat ekanligini ko‘rsatdi. Bundan tashqari, lapitinib in vitro sharoitlarda klinik ahamiyatli konsentrasiyalarda Pgp (IC50 2,3  mkg/ml), BCRP (IC50 0,012 mkg/ml) va jigar tomonidan OATR1B1 ni qamrab olinishini tashuvchisini ingibisiya qilinishi ko‘rsatilgan. Bu samaralarni boshqa dori vositalarining farmakokinetikasiga yoki onkologik preparatlarning farmakologik faolligiga klinik ahamiyati noma‘lum. Lapatinib buyraklarda OAT va OST tashuvchilarga ahamiyatli ingibisiya qiluvchi ta‘sir ko‘rsatmaydi (in vitro IC50 ≥ 6,9 mkg/ml).

Metabolizmi

Lapatinib asosan CYP3A4 va CYP3A5 izofermentlari ishtirokida, CYP2C19 va CYP2C8 izofermentlarni katta bo‘lmagan xissasi bilan, turli oksidlangan metabolitlarini hosil bo‘lishi bilan jadal metabolizmga uchraydi, ular axlat bilan chiqariladigan dozaning 14% dan yoki qon plazmasidagi lapatinibning konsentrasiyasini 10% dan oshmaydi.

in vitro sharoitlarda Lapatinib klinik ahamiyatli konsentrasiyalarda CYP3A (Ki 0,6 dan 2,3 mkg/ml gacha) va CYP2C8 faolligini bostiradi. Lapatinib odam jigari mikrosomalarida quyidagi fermentlar: CYP1A2, CYP2C9, CYP2C19, va CYP2D6 yoki UGT ahamiyatli darajada ingibisiya bo‘lishini chaqirmagan (in vitro IC50 ≥ 6,9 mkg/ml).

Ketokonazolni 200 mg dozada sutkada 2 marta 7 kun davomida, qabul qilgan sog‘lom ko‘ngillilarda (CYP3A4 izofermentning ingibitori) lapatinibning tizimli ekspozisiyasi taxminan 3,6 marta, yarimchiqarilish davri – 1,7 marta oshgan.

Karbamazepinni (CYP3A4 izofermentning induktori) 100 mg dozada sutkada 2 marta 3 kun davomida va 200 mg dan sutkada 2 marta 17 kun davomida, qabul qilgan sog‘lom ko‘ngillilarda lapatinibning tizimli ekspozisiyasi taxminan 72% ga pasaygan.

Chiqarilishi

Lapatinibning yarim chiqarilish davri (T1/2)  bir martalik dozalarda qabul qilinganda

dozaga bog‘liq ravishda oshadi. Shunga qaramasdan, lapatinib har kuni qo‘llanganda muvozanat holatiga erishish  olti-etti kun davomida yuz beradi, bu 24 soatni tashkil qiluvchi samarali yarim chiqarilish davridan dalolat beradi. Lapatinibning chiqarilishi asosan CYP3A4/5 izofermenti orqali metabolizm yo‘li bilan amalga oshiriladi. Lapatinib va uning metabolitlari asosan ichak orqali chiqariladi, ichga qabul qilingan lapatinibning o‘rtacha 27% (3 dan 67% gacha chegarada) dozasi o‘zgarmagan xolda chiqariladi. Qabul qilingan dozaning 2% dan kamroq qismi siydik bilan o‘zgarmagan xolda va metabolitlari ko‘rinishida chiqariladi.

Ayrim pasientlar guruhi

Buyrak faoliyatini buzilishi bo‘lgan pasientlar

Buyrak faoliyatini buzilishi bo‘lgan pasientlarda yoki gemodializda bo‘lgan pasientlarda lapatinibning farmakokinetikasi maxsus o‘rganilmagan. Lekin, preparatning chiqarilish mexanizmini hisobga olib (buyraklar orqali qabul qilingan dozaning 2% dan kamroq qismi lapatinib va uning metabolitlari ko‘rinishida chiqariladi), buyrak faoliyatini buzilishini lapatinibning farmakokinetikasiga ta‘sir qilish ehtimoli kam.

Jigar faoliyatini buzilishi bo‘lgan pasientlar

Lapatinibning farmakokinetikasi jigar faoliyatini o‘rtacha (n=8) va og‘ir (n=4) darajada buzilishi bo‘lgan pasientlarda, shuningdek nazorat guruhidan bo‘lgan 8 sog‘lom ko‘ngillilarda o‘rganilgan. Jigar faoliyatini o‘rtacha va og‘ir darajada buzilishi bo‘lgan pasientlarda 100 mg bir martalik doza qabul qilingandan keyin lapatinibning tizimli ekspozisiyasi (AUC) muvofiq ravishda taxminan 56% va 85% oshgan. Preparatining tizimli ekspozisiyasini oshishi tufayli, jigar faoliyatini buzilishi bo‘lgan pasientlarga Tayverb® preparatini ehtiyotkorlik bilan buyurish kerak. Anamnezida og‘ir jigar yetishmovchiligi bo‘lgan pasientlarda lapatinibning dozasini pasaytirish tavsiya etiladi. Davolash davomida pasientlarda og‘ir gepatotoksiklik paydo bo‘lganda, Tayverb® preparatini bekor qilish va uni qo‘llashni qayta tiklamaslik kerak (Qo‘llash usuli va dozalari  va Maxsus ko‘rsatmalar bo‘limilariga qarang).

Klinik tadqiqotlar

Tadqiqot ma‘lumotlari, ma‘lum sharoitlarda lapatinib bilan davolash, trastuzumab ososidagi davolash sxemasiga nisbatan kamroq samarali ekanligini ko‘rsangan.

Xavfsizlik bo‘yicha klinikagacha bo‘lgan ma‘lumotlar

Lapatinib homilador kalamushlar va quyonlarda o‘rganilgan, ularga preparat peroral sutkada 30, 60 va 120 mg/kg dozalarda yuborilgan. Teratogen samaralar bo‘lmagan; shu bilan birga kalamushlarda urg‘ochi organizmi uchun toksik sutkada 120 mg/kg dozalarda (1250 mg lapatinib va 2000 mg/m2 kapesitabin qabul qilganda odamda kutiladigan klinik ekspozisiyasidan 6,4 marta yuqori) katta bo‘lmagan anomaliyalar (chap tomonli kindik arteriyasi, bo‘yin qovurg‘asi va muddatidan oldin suyaklanish) paydo bo‘lgan. Quyonlarda lapatinib sutkada 60 va 120 mg/kg dozalarda qo‘llanganida (1250 mg lapatinib va 2000 mg/m2 kapesitabin qabul qilganda odamda kutiladigan klinik ekspozisiyasidan muvofiq 6,5% va 19% ga yuqori) urg‘ochi organizmi uchun toksiklik bilan bog‘liq bo‘lgan, sutkada 120 mg/kg dozada esa abortlarga olib kelgan. Urg‘ochi organizmi uchun toksikligi homilaning tana vaznini pasayishi va skeletning biroz o‘zgarishlari bilan birga kechgan. Kalamushlarda preparat va postnatal rivojlanishni o‘rganish yuzasidan o‘tkazilgan tadqiqotlarda sutkada 60 mg/kg yoki yuqori dozalarda (1250 mg lapatinib va 2000 mg/m2 kapesitabin qabul qilganda odamda kutiladigan klinik ekspozisiyasidan 3,3 marta yuqori), yuborilganda tug‘ilish va tug‘ilgandan keyingi 21 kun orasidagi davrda avlodning yashab qolishini pasayishi kuzatilgan. Bu tadqiqotda noxush samaralar chaqirmaydigan eng yuqori doza sutkada 20 mg/kg ni tashkil qilgan.

Kalamushlarda sutkada 120 mg/kg gacha (urg‘ochilar) va sutkada 180 mg/kg gacha (erkaklar) yuborilganda (1250 mg lapatinib va 2000 mg/m2 kapesitabin qabul qilganda odamda kutiladigan klinik ekspozisiyasidan muvofiq 6,4 va 2,3 marta yuqori), erkaklar va urg‘ochilarning jinsiy bezlari faoliyatiga, qo‘shilishiga yoki fertilligiga ta‘siri bo‘lmagan. Odamlarda fertillikka ta‘siri noma‘lum.

Qator sinamalarda, shu jumladan xitoy og‘maxonida xromosomali aberrasiyalar sinamasi, Eyms testi, odam limfositlaridagi xromosomali abberasiyalar testi va kalamush suyak ko‘migida in vivosharoitlardagi xromosomali abberasiyaga ko‘pyadroli sinamada, lapatinib klastogen yoki mutagen xususiyatlarga ega bo‘lmagan.

Lapatinibni peroral yuborishda kanserogenlikni o‘rganish bo‘yicha o‘tkazilgan  tadqiqotlarida maksimal sinalgan dozalarda qo‘llanganida terining og‘ir shikastlanishlari aniqlangan, ular 1250 mg lapatinib va 2000 mg/m2 kapesitabin qabul qilganda odamdagi ekspozisiyasidan AUC asosida sichqonlar va erkak kalamushlarda 1,7 martagacha yuqori va urg‘ochi kalamushlarda 12 martagacha yuqori ekspozisiyaga olib kelgan. Preparat sichqonlarda qo‘llanganida kanserogenlik belgilari bo‘lmagan. Kalamushlarda charvidagi limfatik tugunlarning xavfsiz gemangiomasini paydo bo‘lish tezligi ayrim guruhlarda, parallel nazorat guruhlardagiga nisbatan yuqoriroq bo‘lgan, lekin sezilarli o‘zgarishlar chegaralarida bo‘lgan. Urg‘ochi kalamushlarda 1250 mg lapatinib va 2000 mg/m2 kapesitabin qabul qilganda odamdagi ekspozisiyaga nisbatan 6 va 8 marta katta ekspozisiyalarda, buyrak infarktlari va papillyar nekroz hollari sonini oshishi aniqlangan. Bu natijalarning odam organizmi uchun ahamiyati noma‘lum.

Qo‘llanilishi

Tayverb® kapesitabin bilan majmuada sut bezining lokal tarqalgan yoki HER2/neu (ErbB2) giperekspressiyali metastatik raki va metastatik holatlarni trastuzumab bilan boshlang‘ich davolashda kasallikni zo‘rayib borishi bilan kechuvchi pasientlarni davolash uchun ko‘rsatilgan.

Tayverb® trastuzumab bilan majmuada sut bezining HER2/neu (ErbB2) o‘sma reseptorlarini giperekspressiya bo‘lgan gormon-manfiy metastatik raki va metastatik holatlarni ximioterapiyani trastuzumab majmuada bilan boshlang‘ich davolashda kasallikni zo‘rayib borishi bilan kechuvchi pasientlarni davolash uchun ko‘rsatilgan.

Tayverb® paklitaksel bilan majmuada, trastuzumab bilan davolash to‘g‘ri kelmaydigan, sut bezining HER2/neu (ErbB2) o‘sma reseptorlarining giperekspressiyali metastatik raki bo‘lgan pasientlarda birinchi qator davolash sifatida ko‘rsatilgan.

Tayverb® aromataza ingibitori bilan majmuada sut bezining garmon-musbat maxalliy tarqalgan yoki endokrin davolash olayotgan postmenopauza davridagi ayollarda HER2/neu (ErbB2) o‘sma reseptorlarining giperekspressiyali rakini davolash uchun ko‘rsatilgan.

Qo‘llash usuli va dozalari

Tayverb® preparati bilan davolash kursini faqat o‘smalarga qarshi preparatlarni qo‘llash tajribasiga ega bo‘lgan mutaxassis o‘tkazishi mumkin.

Davolashni boshlashdan oldin chap qorinchaning zarb fraksiyasi (CHQZF) belgilangan norma chegaralarida ekanligiga ishonch hosil qilish uchun, CHQZF ni aniqlash shart (Maxsus ko‘rsatmalar bo‘limiga qarang). Chap qorincha zarb fraksiyasining darajasini,  uni yo‘l qo‘yiladigan norma darajadan pasayishidan saqlanish uchun tayverb bilan davolash vaqtida nazorat qilish kerak. (Qabul qilishni to‘xtatish va dozani pasaytirish – Yurak-qon tomir tizimi tomonidan buzilishlar ga qarang).

TayverbTM preparatini ovqatdan kamida 1 soat oldi yoki ovqatdan 1 soat keyin qabul qilish kerak (Dorilarning o‘zaro ta‘siri va Farmakokinetika – So‘rilishi bo‘limlarga qarang). Tayverb® preparatining tavsiya etilgan sutkalik dozasini bo‘lish mumkin emas (bir marta qabul qilish kerak). Preparatning o‘tkazib yuborilgan dozalarini qo‘shimcha qabul qilish kerak emas, preparatni navbatdagi dozasi qabul qilish grafikiga muvofiq davom ettiriladi (Dozani oshirib yuborilishi bo‘limiga qarang).

Majmuaviy davolashda parallel buyurilayotgan preparatlarning yo‘riqnomalaridagi ularni dozalash, qo‘llash mumkin bo‘lmagan holatlar va xavfsizligi bo‘yicha ma‘lumotlar bilan tanishish kerak.

Tayverb®ni kapesitabin bilan majmuada qo‘llash

Tayverb®ning tavsiya etiladigan dozasi 1250 mg (5 tabletka) ni tashkil qiladi, sutkada bir marta har kuni kapesitabin bilan majmuada qabul qilinadi.

Kapesitabinning tavsiya etiladigan dozasi – sutkada 2000 mg/m2, 2 martada har 12 soatda 21 kunlik davolash kursining 1-14 kunlari har kuni qabul qilinadi. Kapesitabinni ovqat bilan yoki ovqat qabul qilgandan so‘ng 30 minut davomida qabul qilish tavsiya etiladi.

Tayverb®ni trastuzumab bilan majmuada qo‘llash

Tayverb®ning tavsiya etilgan dozasi 1000 mg (4 tabletka) ni tashkil qiladi, sutkada bir marta har kuni trastuzumab bilan majmuada qabul qilinadi.

Trastuzumabning tavsiya etiladigan dozasi – 4 mg/kg, vena ichiga yuklama doza sifatida, so‘ngra 2 mg/kg vena ichiga haftada bir marta yuboriladi.

Tayverb®ni paklitaksel bilan majmuada qo‘llash

Tayverb®ning tavsiya etiladigan dozasi 1500 mg (6 tabletka) ni tashkil qiladi, sutkada bir marta har kuni paklitaksel bilan majmuada qabul qilinadi..

Tayverb® bilan bir vaqtda buyurilganda paklitakselning tavsiya etiladigan dozasi har 28 kunlik davolash siklining 1, 8 va 15 kuni 80 mg/m2 ni tashkil qiladi. Paklitaksel har 21 kuni 175 mg/m2 dozada muqobil buyurilishi mumkin.

Tayverb®ni aromataza bilan majmuada qo‘llash

Tayverb®ning tavsiya etiladigan dozasi 1500 mg (6 tabletka) ni tashkil qiladi, sutkada bir marta har kuni aromataza ingibitori bilan majmuada qabul qilinadi.

Tayverb® bilan majmuada qabul qilinganda letrozolning (aromataza ingibitori) tavsiya etiladigan dozasi 2,5 mg ni tashkil qiladi sutkada bir marta har kuni qabul qilinadi. Agar Tayverb® boshqa aromataza ingibitori bilan majmuada buyurilgan bo‘lsa, bu guruhdagi muvofiq preparatining dozalash rejimini o‘zgartirish kerak.

Qabul qilishni to‘xtatish va dozani pasaytirish (barcha ko‘rsatmalar)

Yurak-qon tomir tizimi tomonidan buzilishlar (Maxsus ko‘rsatmalar bo‘limiga qarang).

AQSH dagi Rakni o‘rganish milliy instituti (NCI) nojo‘ya samaralarning umumiy

mezonlari terminologiyasiga muvofiq chap qorinchaning zarb fraksiyasini (CHQZF) 3 yoki yuqori darajagacha pasayishi simptomlari paydo bo‘lganida yoki CHQZF darajasi yo‘l qo‘yilgan chegaradan pasayganida, Tayverb® preparati bilan davolash to‘xtatilishi kerak. Tayverb® preparati bilan davolash kamida 2 haftadan keyin va kam dozada (trastuzumab bilan majmuada buyurilganda dozasi sutkada 1000 mg dan sutkada 750 mg gacha, kapesitabin bilan majmuada buyurilganda sutkada 1250 mg dan sutkada 1000 mg gacha yoki aromataza ingibitori yoki paklitaksel bilan buyurilganda sutkada 1500 mg dan sutkada 1250 mg gacha pasaytirish), va faqat chap qorinchani zarb fraksiyasining darajasi  normaning yo‘l qo‘yilgan chegaralarida bo‘lganda va xarakterli simptomlari bo‘lmaganida qayta tiklanishi mumkin. Mavjud bo‘lgan ma‘lumotlarga ko‘ra CHQZF pasayishini ko‘pchilik hollari Tayverb® preparati bilan davolashni birinchi 12 haftasi davomida kuzatiladi. Lekin preparatni uzoq muddat qo‘llash bo‘yicha ma‘lumotlar cheklangan.

O‘pkalarni interstisial kasalligi/pnevmonitlar (Maxsus ko‘rsatmalar va Nojo‘ya ta‘sirlar bo‘limlariga qarang)

AQSH dagi Rakni o‘rganish milliy instituti (NCI) nojo‘ya samaralarning umumiy mezonlar terminologiyasiga muvofiq 3 darajali yoki yuqori undan bo‘lgan o‘pkalarning interstisial kasalligi va/yoki pnevmonitni rivojlanishidan dalolat beruvchi o‘pka simptomlari paydo bo‘lganida, Tayverb® preparati bilan davolashni to‘xtatish kerak.

Diareya (Maxsus ko‘rsatmalar va Nojo‘ya ta‘sirlar bo‘limlariga qarang)

3 darajali yoki yo‘ldosh simptomlari (AQSH dagi Rakni o‘rganish milliy instituti (NCI) nojo‘ya samaralarning umumiy mezonlari terminologiyasiga muvofiq qorinda o‘rtacha yoki og‘ir darajadagi spastik og‘riqlar, mexnat 2 darajadagi yoki undan yuqori bo‘lgan ko‘ngil aynishi yoki qusish qobiliyatini pasayishi, isitma, sepsis, neytropeniya, ochiq qon ketishi, degidratasiya) bo‘lgan 1 yoki 2 darajali diareyasi bo‘lgan pasientlarda Tayverb® preparatini qabul qilish to‘xtatilishi kerak. Pasientning holati 1 yoki pastroq darajadagi diareyagacha yaxshilanganida Tayverb® preparati bilan davolash kamroq dozalarda qayta tiklanishi mumkin (trastuzumab bilan majmuada buyurilganda dozani sutkada 1000 mg dan sutkada 750 mg gacha, kapesitabin bilan majmuada buyurilganda sutkada 1250 mg dan sutkada 1000 mg gacha yoki aromataza ingibitori yoki paklitaksel bilan buyurilganda sutkada 1500 mg dan sutkada 1250 mg gacha pasaytirish) mumkin. AQSH dagi Rakni o‘rganish milliy instituti (NCI) nojo‘ya samaralarning mezonlarini umumiy terminologiyasiga muvofiq 4 darajali diareya rivojlanganida TayverbTM preparati bilan davolash  keyinchalik va boshlamasdan butunlay bekor qilinishi kerak.

Preparatning toksikligini boshqa ko‘rinishlari

Tayverb® preparati bilan davolashni to‘xtatish yoki tanaffus qilish xaqida qaror, AQSH dagi Rakni milliy instituti (NCI) nojo‘ya samaralarning umumiy mezonlari terminologiyasiga muvofiq rivojlanayotgan toksik samaralarning yaqqolligi 2 darajadan yuqori yoki teng bo‘lganda qabul qilinadi. Agar toksik samaralarning yaqqolligi 1 daraja va undan kamaysa, davolash trastuzumab bilan majmuada buyurilganda sutkada 1000 mg, kapesitabin bilan majmuada buyurilganda sutkada 1250 mg yoki paklitaksel yoki aromataza ingibitori bilan majmuada buyurilganda sutkada 1500 mg standart dozada qayta boshlanishi mumkin. Toksik samaralar qayta paydo bo‘lganida Tayverb® preparati bilan davolash kichikroq dozalarda qayta boshlanishi kerak (trastuzumab bilan majmuada buyurilganda dozani sutkada 1000 mg dan 750 mg gacha, kapesitabin bilan majmuada buyurilganda sutkada 1250 mg dan 1000 mg gacha yoki aromataza ingibitori yoki paklitaksel bilan buyurilganda sutkada 1500 mg dan 1250 mg gacha pasaytirish).

Aloxida pasientlar guruhi

Buyraklar faoliyatini buzilishi bo‘lgan pasientlar

Og‘ir darajadagi buyrak yetishmovchiligi bo‘lgan pasientlarda Tayverb® preparatini qo‘llash tajribasi yo‘q, lekin buyrak yetishmovchiligida Tayverb® preparatining dozasini pasaytirish uchun asos yo‘q, chunki qabul qilingan dozaning 2% dan kam qismi (lapatinib va uning metabolitlari) buyraklar orqali chiqariladi (Farmakokinetikasi – Alohida pasientlar guruhi bo‘limiga qarang).

Jigar faoliyatini buzilishi bo‘lgan pasientlar

Lapatinib jigarda metabolizmga uchraydi. Jigar faoliyatini o‘rtacha va og‘ir darajadagi buzilishlari tizimli ekspozisiyani muvofiq 56% va 85% ga oshishi bilan assosiasiyalanadi. Preparatning ekspozisiyasi yuqori bo‘lganligi tufayli jigar faoliyatini buzilishi bo‘lgan pasientlarga Tayverb®ni ehtiyotkorlik bilan buyurish kerak. (Maxsus ko‘rsatmalar – Farmakokinetikasi – Alohida pasientlar guruhi bo‘limiga qarang).

Jigar faoliyatini og‘ir darajadagi buzilishlari bo‘lgan pasientlarda (Chayld-Pyu shkalasi bo‘yicha S sinfi) Tayverb®ning dozasini pasaytirish kerak. Dozani sutkada 1250 mg dan 750 mg gacha yoki pasaytirish sutkada 1500 mg dan 1000 mg gacha pasaytirishi bunday pasientlarda AUC ko‘rsatgichlarini optimal qiymatlargacha normallashishiga olib keladi. Lekin og‘ir darajadagi jigar yetishmovchiligini bo‘lgan pasientlarda dozaga tuzatish kiritish uchun klinik ma‘lumotlar yo‘q.. (Maxsus ko‘rsatmalar – Farmakokinetikasi – Alohida pasientlar guruhi bo‘limiga qarang).

Bolalar

Pediatrik pasientlar guruhi Tayverb® preparatini qo‘llash xavfsizligi va samaradorligi baxolanmagan.

Keksa yoshli pasientlar

65 va undan katta yoshli pasientlarda Tayverb® preparatini qo‘llash bo‘yicha ma‘lumotlar yetarli emas (1-jadvalga qarang).

1-jadval. Keksa yoshli pasientlardagi ekspozisiyasi

Pasientning yoshi (yillarda)≥ 65≥ 75
TAYVERBTM + kapesitabin (N=198)  (EGF100151)33 (17%)2 (1%)
TAYVERBTM + trastuzumab (N=148)  (EGF104900)23 (16%)6 (4%)
TAYVERBTM + paklitaksel (N=222(EGF104535)16 (7%)0
TAYVERBTM + letrozol (N=642(EGF30008)285 (44%)77 (12%)
TAYVERBTM bilan Monoterapiya  (N=599) 

(EGF20002, EGF20008, EGF20009, EGF103009)

101 (17%)24 (4%)

Umuman bu rejimlarning xavfsizligi yoki samaradorligini yoshga bog‘liqligi aniqlanmagan. Klinik tajribaga oid boshqa ma‘lumotlarda keksa va yosh pasientlarning javob reaksiyasida farqlar aniqlanmagan. Keksa yoshli pasientlarning farmakosezuvchanligi kattaligini istisno qilish mumkin emas.

Nojo‘ya ta‘sirlari

Klinik tadqiqotlarning ma‘lumotlari

Tayverb® preparatining xavfsizligi klinik tadqiqotlar vaqtida rakning har xil turlarini davolash uchun xam monoterapiyada, xam ximioterapiya uchun boshqa preparatlar bilan majmuada 20000 dan ortiq pasientlarda baxolangan, shu jumladan Tayverb®ni kapesitabin bilan majmuada olgan 198 pasientlarda, Tayverb®ni trastuzumat bilan majmuada olgan 139 pasientlarda Tayverb®ni paklitaksel bilan majmuada olgan 222 pasientlarda, Tayverb®ni 175 mg/m2 dozada har 3 haftada paklitaksel bilan majmuada 293 olgan 293 pasientlarda, va Tayverb®ni letrozol bilan majmuada majmuada olgan 654 pasientlarni baxolangan (Klinik sinovlar bo‘limiga qarang).

Noxush ko‘rinishlarni rivojlanishi tez-tezligi quyidagicha tasniflangan:

juda tez-tez (≥ 1/10);

tez-tez (≥ 1/100 dan < 1/10 gacha);

ba‘zida (≥ 1/1000 dan < 1/100 gacha);

kam hollarda (≥ 1/10000 dan < 1/1000 gacha);

juda kam hollarda (< 1/10000)

Tayverb® bilan monoterapiyadagi nojo‘ya reaksiyalar

Moddalar almashinuvi va ovqatlanish
Juda tez-tezAnoreksiya
Yurak tomonidan
Tez-tezChap qorinchaning zarb tashlash fraksiyasini pasayishi1 (Qo‘llash usuli va dozalari – Qabul qilishni to‘xtatish va dozani pasaytirish – Yurak-qon tomir tizimi tomonidan buzilishlar va Maxsus ko‘rsatmalar bo‘limlariga qarang)
1 Chap qorinchaning zarb fraksiyasini (CHQZF) pasayishi taxminan 1% pasientlarda aniqlangan va 70% dan ko‘proq hollarda simptomlarsiz kechgan. Tayverb preparati bekor qilingandan keyin 70% dan ko‘proq hollarda yaxshilanish yoki CHQZF ni tiklanishi kuzatilgan. CHQZF ni simptomatik pasayishi Tayverb olgan pasientlarning taxminan 0,3% da kuzatilgan. Bunda kuzatilgan noxush ko‘rinishlar dispnoe, yurak yetishmovchiligi va yurakni tez urishidan iborat bo‘lgan.
Nafas tizimi, ko‘krak qafasi va ko‘ks oralig‘i a‘zolari tomonidan
Ba‘zidaO‘pkani interstisial kasalligi/pnevmonit
Me‘da-ichak yo‘llari tomonidan
Juda tez-tezDiareya2, u degidratasiyaga olib kelishi mumkin3 (Qo‘llash usuli va dozalari – Qabul qilishni to‘xtatish va dozani pasaytirish – Diareya va Maxsus ko‘rsatmalar bo‘limlariga qarang).

Ko‘ngil aynishi.

Qusish

2 Diareya va toshma asosan minimal og‘irlikda bo‘lgan va Tayverb preparatini bekor qilishni talab qilmagan. Diareyani davolash uni tez yo‘qolishiga olib keladi (Maxsus ko‘rsatmalar bo‘limiga qarang). Toshma ko‘pchilik hollarda o‘tkinchi xarakterga ega bo‘lgan.

3 Ko‘pchilik hollarda 1 yoki 2 og‘irlik darajasidagi diareya

Jigar va o‘t chiqarish yo‘llari tomonidan
Ba‘zidaGiperbilirubinemiya4, gepatotoksiklik
4 Bilirubinning darajasini oshishi lapatinib tomonidan organik tashuvchi anionli protein 1V1 (OATR1V1) qamrab olinishini tormizlanishi bilan yoki R-glikoprotein (R-glicopeotein) orqali yoki sut bezi raki rezistentligini oqsili (BCRP) orqali safroga chiqarilishini tormozlanishi tormozlanishi bilan bog‘liq bo‘lishi mumkin.
Teri va teri osti to‘qimalari tomonidan
Juda tez-tezToshma2 (shu jumladan akne shakilli dermatit) (Qo‘llash usuli va dozalari – Qabul qilishni to‘xtatish va dozani pasaytirish – preparatning toksiklikligini boshqa ko‘rinishlari bo‘limlariga qarang)
Tez-tezTirnoqlarni shikastlanishi, shu jumladan paronixiya

 

Immun tizimi tomonidan
Kam hollardaO‘ta yuqori sezuvchanlik reaksiyalar, shu jumladan anafilaktik reaksiyalar (Qo‘llash mumkin bo‘lmagan holatlar bo‘limiga qarang)
Umumiy buzilishlar va yuborish joyidagi buzilishlar
Juda tez-tezHolsizlik

Tayverb®ni kapesitabin bilan majmuada davolashdagi nojo‘ya reaksiyalar

Tayverb® bilan monoterapiyada yuqorida ta‘riflangan nojo‘ya reaksiyalarga qo‘shimcha, Tayverb preparati va kapesitabinni birga qo‘llash fonida, kapesitabin bilan monoterapiyaga  nisbatan 5% ga ko‘p hollarda quydagi nojo‘ya reaksiyalar kuzatilgan. Ma‘lumotlar ushbu majmuani 198 pasientlarda qo‘llash tajribasiga asoslangan.

Me‘da-ichak yo‘llari tomonidan
Juda tez-tezDispepsiya.
Teri va teri osti to‘qimalari tomonidan
Juda tez-tezTerini qurishi

Tayverb® preparati kapesitabin bilan bir vaqtda qo‘llanganda qo‘shimcha quyidagi nojo‘ya reaksiyalar kuzatilgan, lekin kapesitabin bilan monoterapiyaga nisbatan bir xil tezlikda kuzatilgan.

Me‘da-ichak yo‘llari tomonidan
Juda tez-tezStomatit, qabziyat, qorin soxasida og‘riq
Teri va teri osti to‘qimalari tomonidan
Juda tez-tezQo‘l kafti-oyoq kafti eritrodizesteziyasi
Umumiy buzilishlar va yuborish joyidagi buzilishlar
Juda tez-tezOg‘iz bo‘shlig‘i shilliq qavatini yallig‘lanishi
Suyak-mushak va biriktiruvchi to‘qima tomonidan
Juda tez-tezQo‘l-oyoqlarda og‘riq, belda og‘riq
Nerv tizimi tomonidan
Tez-tezBosh og‘rig‘i
Ruxiyat tomonidan
Juda tez-tezUyqusizlik

Tayverb®ni trastuzumab bilan majmuada davolashdagi nojo‘ya reaksiyalar

Tayverb® trastuzumab bilan majmuada qo‘llanganda, lapatinib bilan bog‘liq bo‘lgan qo‘shimcha noxush ko‘rinishlar aniqlanmagan. Kardiotoksiklikni paydo bo‘lish tezligini oshishi kuzatilgan, lekin bu ko‘rinishlar xarakteri va og‘irligi bo‘yicha ilgari Tayverb®ni klinik tekshirishlari dasturida kuzatilgan ko‘rinishlarga o‘xshash bo‘lgan (Maxsus ko‘rsatmalar – Kardiotoksiklik bo‘limiga qarang). Ma‘lumotlar klinik tadqiqotlar vaqtida ushbu majmuada 149 pasientda qo‘llash tajribasiga asoslangan.

Tayverb®ni paklitaksel bilan majmuada bilan davolashdagi nojo‘ya reaksiyalar

Tayverb® bilan monoterapiya fonida kuzatilgan noxush ko‘rinishlarga qo‘shimcha, Tayverb® paklitaksel(80 mg/m2 har haftada) bilan bir vaqtda qo‘llash fonida kuzatilgan nojo‘ya ko‘rinishlar, paklitaksel  bilan monoterapiyaga nisbatan 5% dan yuqori tezlikda kuzatilgan. Ma‘lumotlar ushbu majmuada 222 pasientlarda qo‘llash tajribasiga asoslangan.

Qon va limfatik tizimi tomonidan
Juda tez-tezNeytropeniya, leykopeniya, anemiya
Nerv tizimi tomonidan
Juda tez-tezPeriferik neyropatiya*
Skelet-mushak va biriktiruvchi to‘qima tomonidan
Juda tez-tezMialgiya*

* Tayverb® paklitaksel (175 mg/m2 har 3 haftada bilan) bir vaqtda qo‘llanganda 293 pasientlarda qo‘shimcha nojo‘ya reaksiyalar, paklitaksel bilan monoterapiya bilan solishtirganda 5% dan yuqori tez-tezlikda kuzatilgan. Ma‘lumotlar ushbu majmuada 654 pasientlarda qo‘llash tajribasiga asoslangan.

Nafas tizimi, ko‘krak qafasi va ko‘ks oralig‘i a‘zolari tomonidan
Juda tez-tezEpistaksis (burundan qon ketishi)
Teri va teri osti to‘qimalari tomonidan
Juda tez-tezAlopesiya, terini qurishi

Qo‘llash mumkin bo‘lmagan holatlar

Tayverb® preparatini, preparatning har qanday komponentiga yuqori sezuvchanligi bo‘lgan pasientlarda qo‘llash mumkin emas (Nojo‘ya ta‘sirlari bo‘limiga qarang).

Dorilarning o‘zaro ta‘siri

Tayverb® asosan sitoxrom CYP3A tizimi orqali metabolizmga uchraydi (Farmakokinetikasi bo‘limiga qarang). Shunday qilib, bu fermentlarning ingibitorlari yoki induktorlari lapatinibning farmakokinetikasiga ta‘sir qilishi mumkin. Tayverb® preparati va CYP3A ning ma‘lum ingibitorlarini (masalan, ketokonazol, itrakonazol yoki greypfrut sharbatini  bir vaqtda qo‘llashdan saqlash kerak.

Tayverb® preparati va CYP3A ning ingibitorlari bir vaqtda qo‘llanganda ehtiyotkorlikka rioya qilish va pasientning klinik holatini va mumkin bo‘lgan noxush reaksiyalarini sinchiklab kuzatish kerak (Maxsus ko‘rsatmalar bo‘limiga qarang). Pasient tomonidan CYP3A4 izofermentining kuchli ingibitorini bir vaqtda qo‘llash zarurati, bo‘lganida farmakokinetik tekshirishlar asosida, Tayverb®ning dozasini lapatinibning AUC, lapatinib ingibitorlarsiz qo‘llanganda to‘g‘ri keladigan kattalikkacha muvofiqlashtirish uchun hisoblangan dozani sutkada 500 mg gacha pasaytirish kerak. Lekin xozirgi vaqtda CYP3A4 izofermentining kuchli ingibitorini olayotgan pasientlarga preparatning dozasiga bunday tuzatish kiritishda lapatinibni qo‘llash bo‘yicha klinik ma‘lumotlar yo‘q. Kuchli ingibitor bekor qilinganidan so‘ng, u organizmdan chiqarilginidan keyin, taxminan 1 hafta o‘tgach Tayverb®ning dozasini tavsiya etiilgan dozagacha yana oshirish mumkin.

Lapatinib va CYP3A4 izofermentining ma‘lum induktorlari (masalan, rifampisin, karbamazepin yoki fenitoin) bir vaqtda qo‘llanganida ehtiyotkorlikka rioya qilish va pasientning klinik holatini va mumkin bo‘lgan noxush reaksiyalarini sinchiklab kuzatish kerak (Maxsus ko‘rsatmalar bo‘limiga qarang). Pasient tomonidan CYP3A4 izofermentining kuchli induktorini bir vaqtda qo‘llash zarurati bo‘lganida, farmakokinetik tekshirishlar asosida, Tayverb®ning dozasini o‘zlashtirilishga qarab, uni sutkada 1250 mg dan 4500 mg gacha yoki sutkada 1500 mg dan 5500 mg gacha asta-sekin oshirib tanlash kerak. Tayverb®ning bu dozasi lapatinibning AUC, lapatinib CYP3A4 izofermentining induktorlarisiz qo‘llaganda to‘g‘ri keladigan kattalikkacha muvofiqlashtirish uchun hisoblanadi. Izofermentning kuchli induktori bekor qilingandan keyin, taxminan 2 hafta o‘tgach Tayverb®ning dozasini tavsiya etilgan dozagacha yana kamaytirish kerak.

Ilgari proton pompasi ingibitori (masalan, ezomeprazol bilan) bilan o‘tkazilgan davolash lapatinibning faolligini o‘rtacha 27% ga (6% dan 49% gacha chegaralarda) pasaytirgan. Ushbu samara yosh taxminan 40 dan 60 gacha oshishi bilan kamayadi. Shuning uchun proton pompasi ingibitorlarini qabul qilgan pasientlarga Tayverb®ni ehtiyotkorlik bilan buyurish kerak.

In vitro sharoitlarda Lapatinib klinik ahamiyatli konsentrasiyalarda CYP3A4 izofermentini ingibisiya qiladi. Tayverb®ni peroral buyuriladigan midazolam bilan bir vaqtda qo‘llash midazolamning AUC ni taxminan 45% ga oshishiga olib keladi. Midazolam vena ichiga yuborilganda AUC ni klinik ahamiyatli oshishi aniqlanmagan. Tayverb® CYP3A4 izofermentining substratlari hisoblangan terapevtik doirasi tor bo‘lgan peroral buyuriladigan preparatlar bilan bir vaqtda qo‘llanganida ehtiyotkorlikka rioya qilish kerak (Farmakokinetikasi bo‘limiga qarang).

In vitro sharoitlarda lapatinib klinik ahamiyatli konsentrasiyalarda CYP2S8 izofermentini ingibisiya qiladi. Tayverb® CYP2S8 izofermentining substratlari hisoblangan terapevtik doirasi tor preparatlar bilan buyurilganida ehtiyotkorlik bilan qo‘llash kerak (Farmakokinetikasi bo‘limiga qarang).

Tayverb®ni vena ichiga yuborish uchun mo‘ljallangan paklitaksel bilan bir vaqtda qo‘llash , lapatinib tomonidan CYP2S8 va/yoki R-glikoproteinni (Pgp) ingibisiya bo‘lishi tufayli paklitakselning ta‘sirini 23% ga oshiradi. Klinik tekshirishlarda lapatinib va paklitaksel majmuada ishlatilganida diareya va neytropeniyaning uchrash tezligi va yaqqolligini oshishi kuzatiladi. Tayverb®ni paklitaksel bilan bir vaqtda ehtiyotkorlik bilan qo‘llash tavsiya etiladi.

Tayverb®ni vena ichiga yuborish uchun mo‘ljallangan dosetaksel bilan bir vaqtda qo‘llash bironta faol moddalarning AUC va Smax ga ahamiyatli ta‘sir ko‘rsatmagan. Lekin dosetaksel tomonidan chaqirilgan neytropeniyaning rivojlanishi tezligini oshishi aniqlangan.

Tayverb®ni irinotekan (FOLFIRI davolash sxemasi chegaralarida yuborilganda), bilan bir vaqtda qo‘llash irinotekanning faol metaboliti SN-38 ning AUC ni taxminan 40% ga oshishiga olib kelgan. Bu o‘zaro ta‘sirning aniq mexanizmi noma‘lum. Tayverb®ni irinotekan bilan bir vaqtda ehtiyotkorlik bilan qo‘llash tavsiya etiladi.

Lapatinib PGP va BCRP (sut bezi rakini rezistentlik oqsili) tashuvchi oqsillar uchun substrat hisoblanadi. Bu oqsillarning ingibitorlari va induktorlari lapatinibning faolligini va/yoki taqsimlanishini o‘zgartirishi mumkin (Farmakokinetikasi bo‘limiga qarang). Lapatinib in vitro sharoitlarida klinik ahamiyatli konsentrasiyalarda PGP tashuvchi oqsilni ingibisiya qiladi. Tayverb®ni peroral digoksin bilan bir vaqtda qo‘llash digoksinning AUC ni taxminan 98% ga oshishiga olib keladi. Tayverb®ni Pgp substratlari hisoblangan terapevtik doirasi tor bo‘lgan preparatlar bilan bir vaqtda buyurilganda Tayverb®ni ehtiyotkorlik bilan qo‘llash kerak.

Lapatinib in vitro sharoitlarda BCRP va OATR1V1 tashuvchi oqsillarni ingibisiya qiladi. Bu samaralarning klinik ahamiyati o‘rganilmagan, lekin lapatinib BCRP (masalan, topotekan) va OATR1V1 (masalan, rozuvastatin) substratlarining farmakokinetikasiga ta‘sir qilishi mumkin (Farmakokinetikasi bo‘limiga qarang).

Tayverb®ni kapesitabin, letrozol yoki trastuzumab bilan majmuada buyurish, ko‘rsatilgan preparatlarning (yoki kapesitabinning metabolitlari) yoki lapatinibning farmakokinetika ko‘rsatkichlariga ahamiyatli ta‘sir qilmaydi.

Lapatinibning biokiraolishi ovqat qabul qilishga bog‘liq (Qo‘llash usuli va dozalari va Farmakokinetikasi bo‘limlariga qarang).

Nomutanosiblik

Nomutanosiblik aniqlanmagan.

Maxsus ko‘rsatmalar

Kardiotoksiklik

Tayverb® preparati qo‘llanganda chaq qorincha zarb fraksiyasini (CHQZF) pasayishi xaqida xabar berilgan (Nojo‘ya ta‘sirlari bo‘limiga qarang). Tayverb® preparati chap qorinchaning faoliyatini yomonlashishiga olib kelishi mumkin bo‘lgan klinik holatlari bo‘lgan pasientlarga buyurilganda ehtiyotkorlikka rioya qilish kerak. Davolashni boshlashdan oldin CHQZF belgilangan norma chegaralarida ekanligiga ishonch hosil qilish uchun,  barcha pasientlarda CHQZF ni aniqlash shart. Tayverb® preparati bilan davolash vaqtida CHQZF yo‘l qo‘yilgan qiymatlardan pasayishidan saqlanish uchun, uning nazorati davom ettirilishi kerak (Qo‘llash usuli va dozalari – Qabul qilishni to‘xtatish va dozani pasaytirish – Yurak-qon tomir tizimi tomonidan buzilishlar va Klinik tekshirishlar bo‘lmilariga qarang).

Tayverb® preparatini klinik tekshirishlar dasturi bo‘yicha o‘tkazish vaqtida kardial belgilar, shu jumladan taxminan 1% pasientlarda chap qorincha zarb fraksiyasini pasayishini, rivojlanishi xaqida xabar berilgan. Tayverb® qabul qilayotgan 0,3% pasientlarda, chap qorincha zarb fraksiyasini pasayishi simptomlari rivojlangan. Biroq metastatik holatlarni davolash uchun Tayverb® preparati trastuzumab bilan birga qo‘llanganda, kardial belgilar, shu jumladan CHQZF pasayishini rivojlanish tezligi Tayverb® preparati monoterapiya sifatida (2%) qo‘llangandagiga nisbatan yuqori (7%) bo‘lgan. Bu tekshirishda kuzatilgan kardial ko‘rinishlarning og‘irligi va tabiati Tayverb® uchun ilgari qayd qilinganlar bilan bir xil bo‘lgan.

Tarqalgan o‘sma jarayoni bo‘lgan pasientlarda Tayverb preparatining dozasini oshirish bilan o‘tkazilgan ochiq tekshirishlar davomida, QTc intervalini dozaga bog‘liq holda ahamiyatsiz uzayishi kuzatilgan. Tayverb® QTc intervalini uzayishi bo‘lgan yoki paydo bo‘lishi mumkin bo‘lgan pasientlarga, shu jumladan gipokaliemiya yoki gipomagniemiyasi, QT intervalini tug‘ma uzayishi sindromi bo‘lgan pasientlarga; antiaritmik preparatlarni yoki QT intervalini uzayishiga olib keluvchi ta‘sir mexanizmiga ega bo‘lgan boshqa dori vositalarini qabul qilayotgan pasientlarga buyurilganida ehtiyotkorlikka rioya qilish kerak. Tayverb® preparati bilan davolashni boshlashdan oldin gipokaliemiya, gipokalsiemiya yoki gipomagniemiyani bartaraf qilish kerak.

O‘pkalarni interstisial kasalligi va pnevmonit

Tayverb® preparatini qabul qilish bilan bog‘liq bo‘lgan o‘pkalarning interstisial kasalligi va pnevmonitni rivojlanish hollari xaqida xabar berilgan (Nojo‘ya reaksiyalar bo‘limiga qarang). Pasientlarda o‘pkalarning interstisial kasalligi va/yoki pnevmonitni rivojlanganidan dalolat beruvchi o‘pka simptomlari paydo bo‘lishini istisno qilish uchun, ular kuzatuv ostida bo‘lishlari kerak (Qo‘llash usuli va dozalari bo‘limiga qarang).

Gepatotoksiklik

Klinik tadqiqotlarda (1% kam pasientlarda) va postmarketing qo‘llash vaqtida gepatotoksiklikning ko‘rinishlari (alaninaminotransferaza (ALT) yoki aspartataminotransferaza (AST) ning faolligi normaning yuqori chegarasidan 3 marta oshishi; umumiy bilirubinning miqdorini normaning yuqori chegarasidan 1,5 marta oshishi) kuzatilgan. Gepatotoksiklik og‘ir bo‘lishi mumkin. Garchi Tayverb® preparatini qabul qilish bilan sababli bog‘liqligi aloqasi aniqlanmagan bo‘lsada, o‘lim bilan yakunlangan holatlar qayd qilingan. Gepatotoksiklik davolash boshlangandan keyin bir necha kundan to bir necha oylargacha bo‘lgan davrda rivojlanishi mumkin. Davolashni boshlashdan oldin, so‘ngra davolash kursi davomida har 4-6 haftada va klinik ko‘rsatmalar bo‘yicha jigar faoliyatining laborator ko‘rsatkichlarini (transaminazalar, bilirubin va ishqoriy fosfataza) nazorat qilish kerak. Og‘ir darajadagi jigar yetishmovchiligi rivojlanganda Tayverb® preparati bilan davolashni boshlamasdan to‘xtatish kerak. (Nojo‘ya ta‘sirlari bo‘limiga qarang).

Gepatotoksiklikni rivojlanish xavfi HLA DQBI*02:01 DRBI/07:01 allellar tashuvchilari bilan assosiasiyalanadi. Katta masshtabli klinik tadqiqotlarda Tayverb® preparati monoterapiya sifatida buyurilganda (1194 pasient) jigarni og‘ir shikastlanishini (ALT normaning yuqori chegarasidan 5 marta oshishi, AQSH dagi Rakni milliy o‘rganish instituti (NCI) nojo‘ya samaralar mezonlarining umumiy terminlariga muvofiq 3 daraja) umumiy  rivojlanish tezligi 2% ni tashkil qilgan (1:50). HLA DQBI*02:01 DRBI/07:01 omillarni tashuvchi-pasientlarda jigarni shikastlanish tezligi 8% ni (1:12), bu allel bo‘lmagan pasientlarda – 0,5% ni (1:200) tashkil qilgan. HLA allellarni tashuvchilik xavf guruhi (15 dan to 25% gacha) yevropoid, osiyo, afrika va lotin amerikasi populyasiyalariga xos, lekin yapon populyasiyasida past (1%) bo‘lgan.

Tayverb® preparat anamnezida jigar faoliyatini og‘ir darajadagi buzilishlari bo‘lgan pasientlarga buyurilganda, preparatni past dozada qo‘llash tavsiya etiladi. Davolanish vaqtida rivojlangan yaqqol gepatotoksiklik pasientlarda Tayverb®ni bekor qilish va uni qo‘llashni qayta boshlamaslik kerak (Qo‘llash usuli va dozalari – Aloxida pasientlar guruhi bo‘limlariga qarang).

Diareya

Tayverb® preparati bilan davolashda diareya, shu jumladan og‘ir darajadagi diareya hollari xaqida xabar berilgan (Nojo‘ya ta‘sirlari bo‘limiga qarang).

Diareya og‘ir darajada bo‘lishi mumkin, o‘lim bilan yakunlangan hollar ta‘riflangan. Odatda, diareya Tayverb® preparati bilan davolashni erta bosqichlarida rivojlangan, bunda pasientlarning deyarli yarmida diareya davolashning birinchi 6 kun davomida paydo bo‘lgan. Diareya odatda 4-5 kun davom etadi. Tayverb® ta‘sirida rivojlangan  diareya, odatda yengil darajada nomoyon bo‘ladi; 3-nchi va 4-nchi darajali diareya, (AQSH dagi Rakni o‘rganish milliy instituti (NCI) nojo‘ya samaralar mezonlarining umumiy terminlariga muvofiq), muvofiq 10% dan kam va 1% dan kam pasientlarda kuzatiladi. Erta aniqlash va o‘z vaqtida davolash diareyani optimal nazorat qilish uchun katta ahamiyatga ega. Pasientlarni ichak tomonidan buzilishlarning har qanday simptomlari rivojlanganda ular zudlik bilan shifokorga xabar berishlari kerakligi xaqida ogoxlantirish kerak. Og‘ir darajadagi diareyada suv-tuz almashinuvini adekvat tutib turish uchun elektrolitlar va suyuqlik buyurish (peroral yoki vena ichiga), ftorxinolonlar kabi antibiotiklarni qo‘llash (ayniqsa, agar diareya 24 soatdan ortiq davom etsa; agar isitma yoki 3-nchi yoki 4-nchi darajadagi neytropeniya kuzatilsa), va Tayverb® preparatini qabul qilishni to‘xtatish yoki bekor qilish talab qilinishi mumkin. (Qo‘llash usuli va dozalari – Qabul qilishni to‘xtatish va dozani pasaytirish – Diareya bo‘limlariga qarang).

CYP3A4 ingibitorlari yoki induktorlarini bir vaqtda qo‘llash

Lapatinib CYP3A4 ingibitorlari yoki induktorlari bilan birga, lapatinibning tizimli ta‘sirini muvofiq oshishi yoki pasayishi xavfi tufayli, ehtiyotkorlik bilan buyurish kerak (Dorilarning o‘zaro ta‘siri bo‘limiga qarang).

Homiladorlik va laktasiya

Fertillik

Muvofiq ma‘lumotlar yo‘q.

Homiladorlik

Homilador ayollar ishtirokida Tayverb® preparatini muvofiq va yaxshi nazoratli tekshirishlari o‘tkazilmagan. Tayverb®ni odamning homiladorligiga ta‘siri noma‘lum. Tayverb®ni homiladorlik davrida, ona uchun davolashdan kutilayotgan foyda, homila uchun potensial xavfdan ustun bo‘lgan holatdagina qo‘llash kerak. Reproduktiv yoshdagi ayollar, Tayverb® preparati bilan davolanish vaqtida homiladorlik yuz berishidan saqlanish uchun, ishonchli kontraseptiv vositalardan foydalanishlari kerak.

Tayverb®, homilador kalamushlar va quyonlar ishtrokida o‘tkazilgan tekshirishlarda teratogen xususiyatlarga ega bo‘lmagan, lekin, ayni vaqtda, ona uchun toksik dozalarda qo‘llanganda rivojlanishdagi ayrim buzilishlarni paydo bo‘lishiga sababchi bo‘lgan (Xavfsizlik bo‘yicha klinikagacha bo‘lgan ma‘lumotlar bo‘limiga qarang).

Laktasiya

Lapatinibni ko‘krak suti bilan ajralib chiqarilishi noma‘lum. Ko‘pchilik preparatlar ko‘krak suti bilan ajralib chiqarilishi tufayli va lapatinibni qo‘llash oqibatida emizikli bolada xarakterli noxush reaksiyalar paydo bo‘lishi mumkinligi tufayli, Tayverb® preparati bilan davolanish vaqtida emizishni to‘xtatish tavsiya etiladi.

Transport vositalarini boshqarish va mexanizmlar bilan ishlash qobiliyatiga ta‘siri

Preparatni transport vositalarini boshqarish va mexanizmlar bilan ishlash qobiliyatiga ta‘siri o‘rganilmagan. Tayverb®ning farmakologiyasidan kelib chiqib, bunday faoliyat turlariga preparatning noxush ta‘siriga gumon qilish mumkin emas. Lekin pasientning umumiy holatini, Tayverb®ning nojo‘ya ta‘sirlari profilini hisobga olib, transport vositalarini boshqarish va diqqatni jamlash holida psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanishda ehtiyotkorlikka rioya qilish kerak.

Preparatni yaroqlilik muddati tugaganidan so‘ng qo‘llash mumkin emas va bolalar ololmaydigan joyda saqlash kerak.

Dozani oshirib yuborilishi

Tirozinni fosforlanishini bilan ErbB1 (EGFR) va/yoki ErbB2 ingibisiya bo‘lishi uchun spesifiq antidot mavjud emas. Klinik tekshirishlarda Tayverb® preparatining maksimal sutkalik dozasi 1800 mg tashkil qilgan sutkada 1 marta qabul qilingan.

Klinik tekshirishlarda, Tayverb® preparatini tez-tez kabul qilish qon zardobida lapatinibning konsentrasiyasini oshishiga olib kelishi mumkinligi ko‘rsatilgan, shuning uchun qabullar orasidagi intervallarni kamaytirib, o‘tkazib yuborilgan dozalarni qabul qilish mumkin emas. Preparatni qabul qilishni navbatdagi rejalashtirilgan sutkalik dozadan boshlab qayta tiklash kerak (Qo‘llash usuli va dozalari bo‘limiga qarang).

Simptomlari va belgilari

Tayverb® preparatini qabul qilgan pasientlarda dozani oshirib yuborilishini simptomsiz kechishi va simptomatik belgilari aniqlangan. Kuzatilgan simptomlar Tayverb®ning nojo‘ya ta‘sirlari bilan bog‘liq bo‘lgan oqibatlar (Nojo‘ya ta‘sirlari bo‘limiga qarang), va ayrim hollarda terini yaralanishi, sinusli taxikardiya (shunga qaramasdan, normal EKG bilan) va/yoki shilliq qavatini shikastlanishidan iborat bo‘lgan.

Davolash

Tayverb® buyraklar orqali ahamiyatsiz darajada chiqariladi va yuqori darajada plazma oqsillari bilan bog‘lanadi. Shuning uchun Tayverb®ni chiqarilishini kuchaytirish uchun gemodializ samarasiz bo‘lishini kutish mumkin.

Keyingi davolash klinik ko‘rsatmalar bo‘yicha yoki agar bo‘lsa, milliy toksikologik markazning tavsiyalari bo‘yicha o‘tkazilishi kerak.

Chiqarilish shakli

Plyonka qobiq bilan qoplangan tabletkalar 250 mg dan.

70 tabletkadan ximoya membranasi bilan ta‘minlangan va bolalar ochishidan ximoyalangan buraluvchi qopqoq bilan berkitilgan yuqori zichlikdagi polietilen flakonda.

1 flakondan qo‘llash bo‘yicha yo‘riqnomasi bilan birga karton qutida.

Saqlash sharoiti

30oS dan past haroratda saqlansin.

Yaroqlilik muddati

24 oy.

Yaroqlilik muddatining tugash sanasi o‘ramda ko‘rsatilgan.

Dorixonalardan berish tartibi

Resept bo‘yicha.

Ulashish:

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish