Azro
Azro qo'llanmasi
QO‘LLASH BO‘YICHA YO‘RIQNOMA
AZRO
AZRO
Preparatning savdo nomi: Azro
Ta‘sir etuvchi modda (XPN): azitromisin
Dori shakli: ichga qabul qilish uchun suspenziya tayyorlash uchun kukun.
Tarkibi:
Har 5 ml suspenziya quyidagilarni saqlaydi:
faol modda: azitromisin (azitromisin digidrati ko‘rinishida) 200 mg;
yordamchi moddalar: saxaroza (Alveo Sucre Fin), uch asosli natriy fosfati (suvsiz), natriy benzoati, gidroksipropilsellyuloza (Klucel LF), ksantin kamedi, banan xushbo‘yi.
Ta‘rifi: banan hidli, qumoqlarsiz, oq rangli, bir xil mayda granulalar.
Suvda suyultirilganida bir xil oq yoki deyarli oq rangli suspenziya hosil bo‘ladi.
Farmakoterapevtik guruhi: antibiotik (makrolidlar guruhi – azalid).
ATX kodi: J01FA10.
Farmakologik xususiyatlari
Farmakodinamikasi
Azitromisin lakton halqasiga metilen guruhi bog‘langan, azot atomi qo‘shilgan eritromisin tuzilishiga ega, makrolid guruhiga mansub, yarimsintetik azalid antibiotikidir. Kimyoviy tuzilishi bo‘yicha azalidlarning kichik guruhi makrolidlarni a‘zosidir. Keng mikroblarga qarshi ta‘sir doirasiga ega. Ribosomalarning 50S subbirligi bilan bog‘lanadi, mikroorganizmlarning oqsillari biosintezini bostiradi.
In vitro sharoitlarda azitromisin ko‘pchilik grammusbat va grammanfiy bakteriyalar, shu jumladan Streptococcus pneumoniae, Streptococcus pyogenes (A guruhi) va boshqa ko‘rinishdagi streptokokklar: Streptococcus aureus, Crynebactetium diphtheria, Haemophilus influenzae, Haemophilus parainfluenzae, Branhamella catarrhalis, Bacteroides fragilis, Escherichia coli, Bordetella pertussis, Bordetella parapertussis, turli Pasturella, Vibrio, Peptococcus, Parastreptococcus va Shigella; Fusobacterium necrophorum, Propionibacterium acnes, Yersinia, Clostridium perfrtngens, Borrelia burgdorferi, Haemofilius ducrei, Neisseria gonorrhoeae, Chlamydia trachomatis, Chlamydia pneumoniae ga qarshi faollik namoyon qiladi.
Shuningdek azitromisin Legionella pneumophila, Mycoplasma hominis, Mycobacterium avium, Helicobacter ning turli ko‘rinishlariga, Ureaplasma urealyticum, Toxoplasma gondii va Treponema pallidum ga nisbatan faol.
Farmakokinetikasi
Ichga qabul qilinganida azitromisin MIY dan tez so‘riladi va a‘zolar va to‘qimalarga yaxshi kiradi. Natijada to‘qima xujayralarida azitromisinning konsentrasiyasi plazmadagiga qaraganda ahamiyatli darajada yuqori bo‘ladi. Preparat 500 mg dozada bir marta qabul qilinganidan keyin o‘pkalar, bodomsimon bezlar, prostata bezi kabi nishon a‘zolarida azitromisinning konsentrasiyasi ehtimoli mumkin bo‘lgan mikroorganizmlar uchun MIC90 (minimal bostiruvchi konsentrasiya) qiymatidan oshib ketadi.
Plazmadagi cho‘qqi darajasiga taxminan 2-3 soatdan keyin erishiladi. Preparatning biokiraolishligi 37% ni tashkil qiladi. Azitromisin safro bilan, asosan o‘zgarmagan ko‘rinishda chiqariladi va bu asosiy chiqarilish usuli hisoblanadi; dozaning taxminan 6% siydik bilan chiqariladi. Yarimchiqarilish davri 2 kundan 4 kungacha.
Qo‘llanilishi
Azitromisin preparatga sezgir mikroorganizmlar chaqirgan quyidagi infeksiyalarni davolash uchun qo‘llanadi:
- yuqori nafas yo‘llarining va LOR-a‘zolarining infeksiyalari (angina, sinusit, tonzillit, faringit, o‘rta otit);
- quyi nafas yo‘llarining infeksiyalari (bakterial va atipik pnevmoniya, bronxit);
- teri va yumshoq to‘qimalarning infeksiyalari (saramas, impetigo, ikkilamchi infeksiyalangan dermatozlar);
- urogenital yo‘llarning infeksiyalari (asoratlanmagan uretrit va/yoki servisit); shu jumladan Chlamydia trachomatis va Ureaplasma urelyticum chaqirgan jinsiy yo‘llarning asoratlanmagan infeksiyalari.
Qo‘llash usuli va dozalari
Azitromisinni sutkada 1 marta qo‘llash kerak.
Tana vazni 45 kg dan yuqori bo‘lgan bolalarga azitromisin tabletkalarda buyuriladi. tana vazni 45 kg gacha bo‘lgan bolalar uchun azitromisin suspenziya ko‘rinishida buyuriladi.
Doza bolalar uchun tana vazni va yoshiga qarab hisoblanadi:
| Tana vazni | 3 kunlik davolash | 5 kunlik davolash |
| 15 kg gacha
(6 oylik va 3 yoshgacha) |
Bir martalik har kungi doza
10 mg/kg yoki 2,5 ml (100 mg) |
1-kuni bir marta 10 mg/kg yoki 2,5 ml (100 mg), so‘ngra 4 kun davomida 5 mg/kg yoki 1,25 ml (50 mg) dan sutkada 1 marta |
| 15-25 kg
(3-7 yosh) |
5 ml (200 mg) sutkada 1 marta
|
1-kuni sutkada 5 ml (200 mg), so‘ngra 4 kun davomida sutkada 2,5 ml (100 mg) dan |
| 26-35 kg
(8-11 yosh) |
7,5 ml (300 mg) sutkada 1 marta | 1-kuni sutkada 7,5 ml (300 mg), so‘ngra 4 kun davomida sutkada 3,75 ml (150 mg) dan |
| 36-45 kg
(12-14 yosh) |
10 ml (400 mg) sutkada 1 marta | 1-kuni sutkada 10 ml (400 mg) so‘ngra 4 kun davomida sutkada 5 ml (200 mg) dan |
Suspenziyani tayyorlash:
15 ml suspenziya tayyorlash uchun 600 ml azitromisin saqlovchi kukunli flakonga o‘lchov qopqoqchasi yordamida 7,5 ml suvni qo‘shish va yaxshilab chayqatish kerak.
Tayyorlangan suspenziyani xona haroratida 5 kun davomida saqlash mumkin.
Ovqatdan 1 soat oldin yoki ovqatdan 2 soat keyin albatta nahorga qabul qilish kerak, chunki ovqat bilan bir vaqtda qabul qilish azitromisinning so‘rilishini pasaytiradi.
Qabul qilishdan oldin flakon yaxshilab chayqatiladi!
Tayyor pediatrik komplektga ilova qilingan shprisni qo‘llanishi:
10 ml hajmli shpris tayyor suspenziyani dozalashni osonlashtirish uchun 0,25 ml dan bo‘linmalarga bo‘lingan.
- Suspenziya tayyorlaganidan keyin qopqoqchasini oching (1-rasm) va adaptorni flakonning og‘ziga joylashtiring va zich qilib bosing.
- Shprisni adaptorninng tiqiniga kiriting (2-rasm).
- Shprisdagi havo to‘liq chiqarib yuborilishi uchun shprisning porsheni to‘liq pastga tushgan bo‘lishi kerak.
- Shpris kiritilgan flakonni ag‘daring va suspenziyani shprisga olish uchun vertikal ushlab turing (3-rasm).
- Yuqorida amalga oshirilgan hisob-kitobga muvofiq, yoki shifokorning ko‘rsatmasiga binoan, tegishli belgigacha suspenziyani tortib oling (4-rasm). Shprisning graduirovkasi bolaning tana vazniga qarab, suspenziyani 3 yoki 5 kun davomida ishlatishga mo‘ljallangan. Avval kerakli davolash davrini aniqlab oling (3 yoki 5 kun), so‘ngra esa, bolaning tana vazni va jadvalning tegishli kolonkasidagi tavsiya qilingan dozalashga amal qilgan holda suspenziyani tortib olishni amalga oshiring.
- Suspenziya bevosita shprisdan qo‘llanilishi yoki avval o‘lchov qoshiqchasiga o‘tkazilishi mumkin.
- Suspenziya qo‘llanganidan keyin shprisni toza suv bilan yuving.
1-rasm 2-rasm 3-rasm 4-rasm
Nojo‘ya ta‘sirlari
Azitromisin, asosan yaxshi o‘zlashtiriladi. Azitromisin qabul qilinganida nojo‘ya reaksiyalar kam uchraydi.
Ovqat hazm qilish tizimi tomonidan: diareya, ko‘ngil aynishi, abdominal og‘riqlar, dispepsiya, meteorizm, qusish. Boshqa makrolidlar va penisillinlarni qo‘llashdagi kabi, jigar transaminaza fermentlari faolligi orqaga qaytuvchi o‘rtacha oshishi mumkin
Yurak-qon tomir tizimi tomonidan: yurak urishi, aritmiya, shu jumladan qorinchalar taxikardiyasi.
Nerv tizimi tomonidan: bosh aylanishi, bosh og‘rig‘i, uyquchanlik, tirishishlar.
Siydik-jinsiy tizim tomonidan: qin kandidozi, nefrit.
Allergik reaksiyalar: toshma, fotosensibilizasiya, Kvinke shishi.
Boshqalar: yuqori charchoqlik, og‘iz bo‘shlig‘i shilliq qavatining kandidomikozi.
HAR QANDAY NOJO‘YA SAMARA RIVOJLANGANIDA DAVOLOVCHI SHIFOKORGA XABAR BERISH KERAK!
Qo‘llash mumkin bo‘lmagan holatlar
Azitromisinni makrolid antibiotiklar yoki tarkibiga kiruvchi har qanday yordamchi moddalarga yuqori sezuvchanligi bo‘lgan bemorlarda qo‘llash mumkin emas.
Gepatobiliar tizimi azitromisinning chiqarilishi uchun asosiy bo‘lganligi tufayli, jigar yetishmovchiligi bo‘lgan bemorlarni davolashda uni qo‘llamaslik maqsadga muvofiqdir.
Ehtiyotkorlik bilan – buyrak faoliyatini yaqqol buzilishi bo‘lgan pasientlarda, homiladorlikda (faqat preparatni qo‘llashdan kutilgan foyda xavfdan ancha ustun bo‘lgan hollarda qo‘llanishi mumkin).
Preparatni laktasiya davrida qo‘llash zarurati tug‘ilganda emizishni to‘xtatish to‘g‘risidagi masalani xal etish lozim.
6 oylikkacha bo‘lgan bolalarda azitromisinni qo‘llash tavsiya qilinmaydi, chunki bu yoshda azitromisinni qo‘llash ishonchliligi va samaradorligi yetarli darajada o‘rganilmagan.
Preparat anamnezida QT-intervalini tug‘ma uzayish sindromi va yurak qorinchalari titrashi tasdiqlangan yoki taxmin qilinayotgan pasientlarga buyurilmasligi lozim.
Dorilarning o‘zaro ta‘siri
Antasidlar azitromisinning so‘rilishini sekinlashtiradilar va pasaytiradilar. Preparat va antasid qabul qilish orasidagi intervalni (kamida 1-2 soat) saqlash tavsiya qilinadi.
Preparatni siklosporin bilan bir vaqtda qabul qilishga e‘tibor qaratish kerak, chunki makrolid antibiotiklari siklosporinning samarasini kuchaytirishi mumkin.
Makrolid qatori ba‘zi antibiotiklar digoksinning biotransformasiyasini kamaytiradilar. Garchi azitromisin bilan bunday samarasiga nisbatan hech qanday ma‘lumotlar bo‘lmasa-da, digoksin bilan o‘zaro ta‘sirini tekshirish kerak.
Makrolidlar guruhining boshqa antibiotiklari kabi azitromisinni shoxkuya hosilalari bilan birga buyurish mumkin emas.
Mikrosomal oksidlanishga uchraydigan dori vositalar, masalan terfenadinning zaharliligini va plazmadagi konsentrasiyasini oshiradi va chiqarilishini sekinlashtiradi.
Maxsus ko‘rsatmalar
Preparatning dozasini qabul qilishni o‘tkazib yuborilgan hollarda, o‘tkazib yuborilgan dozani iloji boricha ertaroq qabul qilish, keyingilarini – 24 soatlik interval bilan qabul qilish kerak.
Davolash bekor qilingandan keyin ayrim pasientlarda o‘ta yuqori sezuvchanlik reaksiyalari saqlanib qolishi mumkin, bu shifokorning kuzatuvi ostida spesifik davolashni o‘tkazishni talab etadi.
Azitromisin QT-intervalini uzayishini va yurak qorinchalari lippillashini chaqirishi mumkin. Shuning uchun preparat ko‘rsatilgan holatlar rivojlangan pasientlarda qo‘llanmaydi.
Preparatni bolalar ololmaydigan joyda saqlash kerak va o‘ramida ko‘rsatilgan yaroqlilik muddati o‘tgach qo‘llash mumkin emas.
Dozani oshirib yuborilishi
Simptomlari: kuchli ko‘ngil aynishi, qusish, diareya, eshitishni vaqtinchalik yo‘qolishi.
Davolash: me‘dani yuvish, simptomatik davolash o‘tkazish kerak.
Chiqarilish shakli
Azitromisin digidrati ko‘rinishida 600 mg azitromisin saqlovchi suspenziya tayyorlash uchun (15 ml) kukun, bolalardan himoyasiga ega bo‘lgan polietilen buraluvchi qopqoqli polietilen flakonda.
Dozalash uchun 10 ml li shpris, o‘lchov qoshig‘i, o‘lchov qopqoqchasi va adaptordan iborat tayyor komplekt.
1 flakon va 1 pediatrik komplekt qo‘llash bo‘yicha yo‘riqnomasi bilan birga karton qutida.
Saqlash sharoiti
25oS dan yuqori bo‘lmagan haroratda, original o‘ramida saqlansin.
Yaroqlilik muddati
2 yil.
Dorixonalardan berish tartibi
Resept bo‘yicha.
