Gepasol ko'rsatmalar
GEPASOL-NEO
dori preparatini tibbiyotda qo‘llash bo‘yicha
YO‘RIQNOMA
Qayd etish raqami:
Cavdo nomi: Gepasol-Neo
Xalqaro patentlanmagan yoki guruhlash nomi: parenteral oziqlantirish uchun aminokislotalar&
Dori shakli: infuziya uchun eritma
Tarkibi
1000 ml eritma saqlaydi
Ta‘sir etuvchi moddalar:
L – valin 10,08 g
L – izoleysin 10,40 g
L – leysin 13,09 g
L – lizin 6,88 g
(L – lizin monoasetat shaklida 9,71 g
L – metionin 1,10 g
L – treonin 4,40 g
L – fenilalanin 0,88 g
L – triptofan 0,70 g
L – alanin 4,64 g
L – arginin 10,72 g
Glisin 5,82 g
L – gistidin 2,80 g
L – prolin 5,73 g
L – serin 2,24 g
L – sistein 0,52 g
(asetilsistein shaklida 0,70 g
Yordamchi moddalar:
99,8% li sirka kislotasi 4,42 g
In‘eksiya uchun suv 1000 ml gacha
Energetik qiymati 1344 kDj/l (320 kkal/l)
Teoretik osmolyarligi 770 mOsm/l
pH 5,7 – 6,3
Ta‘rifi: rangsizdan to och-sariq ranggacha bo‘lgan tiniq eritma.
Farmakoterapevtik guruhi: parentaral oziqlanish vositasi – aminokislotalar.
ATX kodi: [B05BA01].
Farmakologik ta‘siri
Metabolik, gepatoprotektor va dezintoksikasion ta‘sirga ega.
Farmakodinamikasi:
Gepasol-Neo –bu majmuaviy preparat bo‘lib, aminokislotalar eritmasidir. Gepasol-Neo tarkibiga odam organizmida sintezlanmaydigan barcha 8 almashtirib bo‘lmaydigan aminokislotalar (L–valin, L–izoleysin, L–leysin, L–lizin, L–metionin, L–treonin, L–fenilalanin, L–triptofan), patofiziologik hollarda yetarli miqdorda sintezlanmaydigan 2 shartli almashtirib bo‘lmaydigan aminokislotalar (L–arginin va L–gistidin) va jigar kasalligi bilan xastalangan bemorlarda adekvat modda almashinuvini ta‘minlaydigan 5 almashtirilmaydigan aminokislotalar kiradi. Aminokislotalar L-shaklida bo‘lib, bu ularni oqsillar biosintezida to‘g‘ridan – to‘g‘ri ishtirokini ta‘minlaydi (azot miqdori jami 12,9 g/l).
L–arginin mochevinani arnitil sikl sintezida ishtirok etadi. L–alanin va L–prolin organizmni glisinga bo‘lgan ehtiyojini kamaytiradi (bu aminokislota organizmda sust o‘zlashtiriladi, uni almashtirilganda giperammoniemiya rivojlanmay qoladi).
L–izoleysin, L–leysin va L–valin (yoyilgan yon zanjirli almashtirib bo‘lmaydigan aminokislotalar) periferik to‘qimalarda bevosita o‘zlashtiriladi (ularning metabolizmi jigarning shikastlanish darajasiga bog‘liq emas), markaziy nerv tizimi (MNT) da aromatik aminokislotalarni o‘zlashtirilishini va organizmga tushishini kamaytirib jigar ensefalopatiyasini yuz berishini kamaytiradi.
Gepasol – Neo jigar yetishmovchiligida aminokislotalar buzilishini to‘g‘rilashga imkon beradi, va shuningdek, jigar serrozi va gepatit bilan kasallangan bemorlarda oqsillarni o‘zlashtirilishini ancha yaxshilaydi va jigar ensefalopatiyasi simptomlarini yaqqolligini kamaytiradi.
Uglevodlar va elektrolitlar saqlamaydi.
Farmakokinetikasi:
Gepasol–Neo, organizmga normada ovqat bilan muntazam tushib turadigan turli aminokislotalarni saqlaydi.
Infuziya yordamida organizmga yuborilgan aminokislotalar mavjud bo‘lgan ikki metabolik yo‘ldan biriga uchraydi: aminokislotalar peptid aloqalar bilan bog‘lanib, oqsillarni hosil qiluvchi anabolik yo‘l va aminokislotalar transaminlanishi bilan katabolik yo‘l. Dekstroza va yog‘lar bilan birga (uglevodlar va yog‘larning nisbati 70:30) to‘liq parenteral oziqlantirish doirasida soatiga 10,5 mg azot/kg tezlikda yuborilgan aminokislotalar, 3 soatdan keyin qonda muvozanatlangan konsentrasiyalariga yetadi.
Aminokislotalar qondagi konsentrasiyasi tez oshganida ular o‘zgarmagan holda chiqarilishi mumkin. Aminokislotalarning (sog‘lom odamlarda) yarim chiqarilish davri 5-15 minutni tashkil qiladi (bu qisqa vaqt ichida aminokislotalar oqsil sintezi uchun ishlatilishi kerak). Oqsil sintezi jarayonida ishlatilmagan aminokislotalarning qoldiqlari dezaminlanishiga uchraydi, natijada mochevina hosil bo‘lib organizmdan chiqariladi.
Arginin buyrak naychalarida deyarli to‘liq qayta so‘riladi.
Aminokislotalarning metabolizmi organizmning barcha to‘qimalarida yuz beradi. Ularning parchalanish darajasi organizm duch keladigan stressning yaqqolligiga bog‘liq. Stress aminokislotalarning metabolizmini tezlashtiradi va jigar faoliyati buzilishini kuchaytiradi, bu esa o‘z navbatida aminokislotalarning metabolizmini kamaytiradi. Sepsis ham ularning metabolizmini tezlashtiradi, buyraklar faoliyatini pasayishi esa – susaytiradi.
Gepasol–Neo infuziyasida almashtirib bo‘lmaydigan aminokislotalarning o‘zlashtira olinish foizi 99%, almashtirish mumkin bo‘lganlarning esa, 97% ni tashkil qiladi. Bunda almashtirib bo‘lmaydigan aminokislotalarning umumiy va buyrak klirensi minutiga 0,5 l va minutiga 1,5 ml ni, ko‘pchilik almashtirish mumkin bo‘lgan aminokislotalar uchun esa minutiga 0,6 l va minutiga 3 ml ni tashkil qiladi.
Qo‘llanilishi:
Bosh miya faoliyatini buzilishi bilan (jigar ensefalopatiyasi) va usiz kechuvchi jigar faoliyatini buzilishlarida davolash va parenteral oziqlantirish (qisman yoki to‘liq – uglevodlar va yog‘li emulsiya eritmalarini qo‘shib), jigar prekomasi va komasini davolashda qo‘llanadi.
Qo‘llash mumkin bo‘lmagan holatlar
- preparatning komponentlariga yuqori sezuvchanlik
- aminokislotalarning metabolizmini buzilishi
- gipergidratasiya
- giponatriemiya
- gipokaliemiya
- buyrak yetishmovchiligi (buyrak yetishmovchiligi bo‘lgan bemorlarda jigar komasida bemorning hayotiga ikkala holatdan qay biri xavf solayotganini e‘tiborga olish kerak)
- yurak yetishmovchiligi (dekompensasiya bosqichida)
- homiladorlik va emizish davri
- 18 yoshgacha bo‘lgan bolalar (samaradorligi va xavfsizligi o‘rnatilmagan).
Homiladorlik va emizish davrida qo‘llanilishi
Preparatni homiladorlik va emizish davri qo‘llash mumkin emas.
Qo‘llash usuli va dozalari:
Gepasol–Neo infuzion eritmasi davolashni qonda azot qoldig‘ining konsentrasiyasi va kasallikning og‘irlik darajasiga qarab o‘tkaziladi.
Gepasol–Neo vena ichiga tomchilab yuboriladi.
Infuziyani soatiga 1,0–1,25 mg/kg (minutiga 30-35 tomchi) tezlikda o‘tkazish tavsiya etiladi, bu soatiga 0,08–0,1 g aminokislotalar/kg ga mos keladi.
Maksimal yuborish tezligi – soatiga 1,25 ml/kg (soatiga 0,1 g aminokislota/kg ga mos keladi).
Maksimal sutkalik doza 18,75 ml/kg ni tashkil qiladi (sutkada 1,5 g aminokislota/kg), ya‘ni 70 kg og‘irlikdagi bemor uchun 1300 ml ni tashkil qiladi.
Davolash davomiyligi nevrologik simptomlar to‘liq yo‘qolguniga qadar individual belgalanadi.
Nojo‘ya ta‘sirlari:
Bu preparatning nojo‘ya samaralari ma‘lum emas.
Dozani oshirib yuborilishi:
Simptomlari: ko‘ngil aynishi, qusish, kuchli terlash, isitma, taxikardiya, “jigar” fermentlari faolligi va azot qoldig‘i konsentrasiyasi oshishi.
Yuqori yuborish tezligi gipergidratasiya va periferik shish paydo bo‘lishiga, o‘pka shishini rivojlanishiga olib kelishi mumkin.
Davolash: preparatning infuziyasini to‘xtatish, simptomatik davolashni boshlash tavsiya etiladi (spesifik antidotlar mavjud emas).
Boshqa dori vositalari bilan o‘zaro ta‘siri
Gepasol–Neo komponentlarini teofillin bilan in vivo sharoitida o‘zaro ta‘siri teofillinning klirensini oshishiga olib kelishi haqida ma‘lumotlar bor. In vitro sharoitida o‘zaro ta‘siri haqida ko‘plab ma‘lumotlar ma‘lum, shuning uchun Gepasol–Neo eritmasiga boshqa dori preparatlarini qo‘shish tavsiya etilmaydi. Gepasol–Neo bilan birga yuborish mumkin bo‘lgan dori preparatlari: antibiotiklar – amikasin, ampisillin, sefotaksin, seftriakson, doksisiklin, eritromisin, gentamisin, xloramfenikol, klindamisin, netilmisin, benzilpenisillin, piperasillin, tetrasiklin, tobramisin va vankomisin; boshqa preparatlar – aminofillin, siklofosfamid, simetidin, sitarabin, digoksin, dopamin, fatomidin, fitomenadion, ftorurasil, folat kislotasi, furosemid, geparin, xlorpromazin, insulin, kalsiy glyukonat, lidokain, metildopa, metilprednizolon, metoklopramid, metotreksat, morfin, nizatidin, norepinefrin, propranolol, ranitidin va riboflavin.
Maxsus ko‘rsatmalar:
Gepasol–Neo eritmasini faqat keltirilgan ko‘rsatmalar bo‘yicha qo‘llash maqsadga muvofiqdir.
Ushbu preparatni qo‘llash paytida elektrolit va kislota–ishqor holatini, organizm gidratasiya darajasini, buyraklar faoliyati holatini vaqti-vaqti bilan nazorat qilish lozim.
Faqat shikastlanmagan flakondan tiniq eritma ishlatilsin!
Transport vositalari, mexanizmlarni boshqarish qobiliyatiga ta‘siri
Transport vositalarini boshqarish va diqqatni yuqori jamlashni talab qiluvchi boshqa potensial xavfli faoliyat turlari bilan shug‘ullanish qobiliyatiga preparatning ta‘siri haqida ma‘lumotlar yo‘q.
Chiqarilish shakli
Infuziya uchun 8% li eritma. 500 ml dan preparat metall, rezina va plastmassa qopqoq bilan yopilgan, birinchi ochilishi nazoratli bo‘lgan shisha (II gidrolitik guruhiga mansub shisha) flakonda. 1 flakondan plastik tutqich va tibbiyotda qo‘llash bo‘yicha yo‘riqnoma bilan karton qutiga joylangan.
10 flakon plastik tutqich va teng miqdordagi tibbiyotda qo‘llash bo‘yicha yo‘riqnomalari bilan birga karton qutiga joylangan (stasionarlar uchun).
Yaroqlilik muddati
2 yil.
O‘ramida ko‘rsatilgan yaroqlilik muddati o‘tganidan so‘ng ishlatilmasin.
Saqlash sharoiti
15°S dan 20oS gacha bo‘lgan haroratda, yorug‘likdan himoyalangan joyda saqlansin.
Bolalar ololmaydigan joyda saqlansin.
Dorixonalardan berish tartibi
Resept bo‘yicha.
Faqat stasionar sharoitda tibbiy muassasalarida qo‘llanilsin.
Chiqarish shakllari