Ginoflor

Preparat qinga yuborilganda liofilizatsiyalangan bakteriyalar va estriol ajralib chiqadi. Ginoflor E dan estriolning so‘rilishi postmenopauzadagi ayollarda o‘rganilgan. Preparat qayta qo‘llanilgandan so‘ng uning plazmadagi konsentratsiyasi endogen bog‘lanmagan estriol konsentratsiyasiga mos keladi. Ginoflor E bilan davolash jarayonida (kuniga 1 marta) vaginal tabletkalar qo‘llanilgandan so‘ng 12-kundan keyin qon plazmasida bog‘lanmagan estriolning maksimal konsentratsiyasi dastlabkisidan farq qilmaydi, bu tizimli so‘rilish yo‘qligidan dalolat beradi. Preparatni qo‘llash qon plazmasida estron va estradiol konsentratsiyasiga ta'sir qilmaydi, chunki estriol ularning metabolizmining yakuniy mahsuloti hisoblanadi.

Qin normal biotsenozini tiklash uchun preparat. Ginoflor E preparati tarkibiga kiruvchi ikkala faol substantsiya, estriol va Lactobacillus acidophilus laktobakteriyalari, qin normal biotsenozini saqlash fiziologik mexanizmida ishtirok etadi. Lactobacillus acidophilus - sog'lom ayol qinining dominant mikroorganizmlaridan biri bo'lib, patogen va shartli patogen mikroorganizmlarga nisbatan antagonistik faollikka ega. Estriol qisqa ta'sir etuvchi estrogen bo'lib, qin epiteliysiga himoyalovchi trofik ta'sir ko'rsatadi va ayol organizmiga tizimli ta'sir ko'rsatmaydi. Proliferatsiyalanuvchi etilgan qin epiteliysi o'zida laktobatsillalar faoliyati uchun zarur bo'lgan glikogenni to'playdi, ular o'z navbatida sut kislotasini ishlab chiqarib, qinning kislotali muhitini (pH 3.8-4.5) saqlab turadi, bu esa patogen mikroorganizmlarning kolonizatsiyasi va rivojlanishi uchun noqulay sharoitlar yaratadi. Sut kislotasidan tashqari, Lactobacillus acidophilus vodorod peroksidi va bakteriotsinlarni ishlab chiqaradi, ular ham patogen va shartli patogen mikroorganizmlarning rivojlanishini bostiradi. Fiziologik vaginal floraning o'zgarishi turli omillar ta'sirida sodir bo'ladi: antibakterial preparatlarni mahalliy yoki tizimli qo'llash, shu jumladan vaginal infektsiyalar, tizimli kasalliklar, gigiena qoidalariga rioya qilmaslik oqibatida. Bunday hollarda laktobatsillalar soni sezilarli darajada kamayishi mumkin. Ginoflor E ni intravaginal qo'llash qin epiteliysi holatini yaxshilaydi va uning normal florasini tiklaydi. Vaginal tabletkalar tarkibida to'ldiruvchi sifatida mavjud bo'lgan laktoza ham laktobatsillalar tomonidan fermentatsiyalanib sut kislotasiga aylanishi mumkin. Vaginal epiteliy yupqalashadi va gormonal buzilishlarda ham shikastlanishi mumkin, shu sababli Ginoflor E postmenopauzada qo'llanilishi mumkin, uning mahalliy simptomlarini (qichishish, achishish, qin quruqligi, jinsiy aloqa paytidagi og'riq) susaytiradi, qin va uretra epiteliysi holatini normallashtirishga yordam beradi, distrofik yallig'lanish holatlari uchrash tezligini kamaytiradi. In vitro ko'rsatilishicha, Lactobacillus acidophilus bir necha soat ichida pH ning kerakli darajada pasayishiga olib keladi, estriol esa 6-12 kunlik davolash davomida qin epiteliysiga proliferativ trofik ta'sirni ta'minlaydi.

Preparatning dozasi oshirib yuborilishi kuzatilmagan.

Lactobacillus acidophilus ko‘plab antibakterial dori vositalariga (mahalliy yoki tizimli qo‘llaniladigan) sezgir. Bunday vositalar bilan yondosh davolash Ginoflor E samaradorligi kamayishiga olib kelishi mumkin.