Nukleo S.M.F. Forte

NUKLEO S.M.F. FORTE

(NUCLEO C.M.P.® FORTE)

preparatini tibbiyotda qo‘llash bo‘yicha

YO‘RIQNOMA

Tarkibi:

ta‘sir qiluvchi moddalar: liofillangan kukunli 1 ampula 10 mg sitidin-5-monofosfatining dinatriyli tuzini, uridin-5-trifosfatining trinatriyli tuzi, uridin-5-difosfatining dinatriyli tuzi, uridin-5-monofosfatining ditnatriyli tuzini, hammasi bo‘lib 6 mg (2,660 mg toza uridinga to‘g‘ri keladi) saqlaydi.

yordamchi moddalar: mannit (Ye 421)

erituvchi: in‘eksiya uchun suv, natriy xloridi.

Dori shakli. In‘eksiya uchun eritma uchun liofilizat

Farmakoterapevtik guruhi. Nerv tizimiga ta‘sir qiluvchi moddalar.

ATS kodi: N07XX10*.

Klinik xarakteristikasi.

Qo‘llanilishi.

Suyak-bo‘g‘im (ishias, radikulit), metabolik (alkogolli, diabetik polineyropatiya), infeksion (o‘rab oluvchi temiratki) nevropatiyalarini va Bella falajini davolash. Yuz, uch shoxli nerv, qovurg‘alararo nevralgiya, lyumbagoni davolash.

Qo‘llash mumkin bo‘lmagan holatlar. Preparatning alohida komponentlariga ma‘lum allergik reaksiyalar.

Qo‘llash usuli va dozalari. Nukleo S.M.F. Forte mushak ichiga yuborish uchun in‘eksiyalari. Yuborish oldidan erituvchini liofillangan kukunli ampulaga o‘tkazish kerak. Kattalarga Nukleo S.M.F. Forte sutkada 1 marta 1 in‘eksiya dozada buyuriladi.

Bolalarga Nukleo S.M.F. Forte har ikki sutkada 1 in‘eksiya dozada tavsiya qilinadi.

Tavsiya qilingan davolash kursi: 3 yoki 6 sutka. Keyinchalik davolashni Nukleo S.M.F. Forte kapsulalarini qo‘llash bilan davolashni davom ettirish tavsiya etiladi.

Nojo‘ya reaksiyalari. Ta‘riflanmagan. Yuqori sezuvchanligi bo‘lgan shaxslarda allergik reaksiyalar kuzatilishi mumkin. Preparatni qo‘llash bilan bog‘liq bo‘lgan nojo‘ya reaksiyalarni paydo bo‘lish hollarida shifokor bilan maslahatlashing.

Dozani oshirib yuborilishi. Preparatning past toksikligini e‘tiborga olib, hatto tasodifan terapevtik doza oshirib yuborilganida ham zaharlanishning ehtimoli kam.

Homiladorlik va emizish davrida qo‘llanishi. Agar shifokor fikricha ona uchun kutilayotgan ijobiy samara homila/bola uchun potensial xavfdan yuqori bo‘lsa preparatni homiladorlik yoki emizish davrida qo‘llash mumkin.

Avtotransportni boshqarish yoki boshqa mexanizmlar bilan ishlashda reaksiya tezligiga ta‘sir qilish qobiliyati. Nukleo S.M.F. Forte transport vositalarini boshqarish va murakkab mexanizmlar bilan  ishlash qobiliyatiga ta‘sir qilmaydi.

Boshqa dori vositalari bilan o‘zaro ta‘siri va o‘zaro ta‘sirning boshqa turlari. Aniqlanmagan.

Farmakologik xususiyatlari.

Farmakodinamikasi. Nukleo S.M.F. Forte o‘z tarkibida markaziy nerv tizimi (MNT) kasalliklarini davolash uchun keng qo‘llaniladigan nukleotidlar: sitidin monofosfati (SMF), uridin trifosfat (UTF) saqlaydi.

Biokimyoviy nuqtai nazardan ushbu komponentlarning ta‘siri quyidagicha:

SMF neyronal membrana, asosan sfingomielin – mielin qobiqning asosiy komponentini shakllantiruvchi lipidlar kompleksining sintezida ishtirok etadi. Shuningdek SMF nuklein kislotalarining (DNK va RNK) o‘tmishdoshi hisoblanadi, u o‘z navbatida xujayra metabolizmining (masalan, oqsil sintezida) asosiy element hisoblanadi.

UTF SMF ta‘sirini to‘ldirib glikolipidlar, neyronal strukturalar va mielin qobiqning sintezida koferment sifatida ta‘sir qiladi. Bundan tashqari UTF mushaklarni qisqarish jarayonida energiya manbai sifatida ta‘sir qiladi.

SMF va UTF asosan mielin qobiq va boshqa nerv strukturalari asosini tashkil qiluvchi fosfolipidlar va glikolipidlar sintezida ishtirok etadi. Bu jadal metabolik faollikka yordam beradi. Bu o‘z navbatida periferik nervlarni shikastlanishida demielinizasiyani boshqarib mielin qobiqning regenerasiya jarayonlariga yordam beradi. Shunday qilib, SMF va UTF ta‘sirining birlashishi mielin qobig‘ining regenerasiyasi nerv qo‘zg‘alishini to‘g‘ri o‘tkazilishi va mushak trofikasini tiklanishiga yordam beradi.

Farmakokinetikasi. Nukleo S.M.F. Forte o‘z tarkibida fiziologik mahsulotlar saqlaydi. Ekzogen va endogen komponentlarni miqdoriy aniqlash murakkabligi sababli klassik farmakokinetik tekshirishlarni o‘tkazish imkoniyati yo‘q. Shuningdek katta radiologik yuklama sababli radioaktiv nishonlangan mahsulotni qo‘llash yordamida taxlil o‘tkazish imkoniyati yo‘q.

Farmasevtik xarakteristikalari.

Asosiy fizik-kimyoviy xususiyatlari: oq rangli kukun.

Nomutanosiblik. Aniqlanmagan.

Yaroqlilik muddati. 2 yil.

Saqlash sharoiti. Bolalar olaolmaydigan joyda, 30°S dan yuqori bo‘lmagan haroratda saqlansin.

O‘rami.

Liofillangan kukunli 3 ampula va erituvchili 3 ampula karton qutida.

Berish tartibi. Resept bo‘yicha.