PegIntron

QO‘LLASH BO‘YICHA YO‘RIQNOMA

PEGINTRON^®

PEGINTRON^®

Preparatning savdo nomi: PegIntron^®

Ta‘sir etuvchi modda (XPN): alfa-2b peginterferon.

Dori shakli: shpris-ruchkada (repiden) erituvchili in‘eksiya uchun eritma tayyorlash uchun liofillangan kukun.

Tarkibi:

PegIntron preparatining 1 shpris-ruchkasi quyidagilarni saqlaydi:

faol modda: shpris-ruchka faollashtirilganda alfa-2b peginterferon konsentrasiyasi mos ravishda 50 mkg/0,5 ml, 80 mkg/0,5 ml, 100 mkg/0,5 ml, 120 mkg/0,5 ml yoki 150 mkg/0,5 ml bo‘lgan 0,7 ml in‘eksiya uchun eritmani tayyorlashga yetarli bo‘lgan miqdordagi kukun shaklidagi alfa-2b peginterferon.

yordamchi moddalar: ikki asosli suvsiz natriy fosfati, bir asosli natriy fosfat digidrati, saxaroza, polisorbat 80;

erituvchi – in‘eksiya uchun suv  – 0,7 ml.

Ta‘rifi: oq yoki deyarli oq rangli, yot kiritmalarga ega bo‘lmagan liofizillangan kukun; tayyorlangan eritma – ko‘zga ko‘rinadigan zarrachalarsiz tiniq, rangsiz eritma;

Farmakoterapevtik guruhi: interferonlar.

ATX kodi: L03A B10.

Farmakologik xususiyatlari

Farmakodinamikasi

Rekombinantlangan interferon alfa-2b 1 mol polimer/mol proteinni o‘rtacha darajada o‘rin almashinadigan monometoksipolietilenglikol bilan kovalent bog‘langan. O‘rtacha molekulyar massasi taxminan 31 300 daltonni tashkil qiladi, shundan proteinning ulushi taxminan 19 300 ga teng.

Alfa-2b interferon.

In vitro va in vivo tadqiqotlar PegIntron preparatining biologik faolligi alfa-2b interferon qismi bilan belgilanadi. Interferonlarning hujayralardagi samaralari hujayralar yuzasidagi spesifik membrana reseptorlari bilan bog‘lanishi bilan bog‘liqdir. Boshqa interferonlar bilan o‘tkazilgan tadqiqotlar turlarga xos xususiyatlarni namoyish qildi. Biroq maymunlarning ayrim turlari (masalan, makaka-rezus) 1-chi turdagi odam interferoni ta‘sir qilganida farmakodinamik rag‘batlantirishga nisbatan sezuvchandir.

Hujayra membranasi bilan bog‘lanib, interferon hujayra ichidagi ketma-ket reaksiyalar kompleksini, shu jumladan ayrim enzimlar induksiyasini qo‘zg‘atadi. Bu jarayon (hech bo‘lmaganda, qisman) interferonlarning hujayradagi turli samaralariga, jumladan infeksiyalangan hujayralardagi virus replikasiyasini susaytirish, hujayralar proliferasiyasini bostirish va o‘zak hujayralar uchun makrofaglarning fagositar faolligi va limfositlarning spesifik toksikligini kuchaytirish kabi immunomodulyatorlik xususiyatlarga olib keladi, deb taxmin qilinadi. Interferonning terapevtik faolligi shu va shunga o‘xshash boshqa samaralar yordamida namoyon bo‘ladi.

Rekombinant alfa-2b interferon, shuningdek in vitro va in vivo sharoitlarda virus replikasiyasini ham ingibirlaydi. Garchi rekombinant alfa-2b interferonning viruslarga qarshi ta‘sirining aniq mexanizmi ma‘lum bo‘lmasada, preparat xo‘jayin hujayralaridagi metabolizmni o‘zgartiradi, deb taxmin qilinadi. Ushbu samara virus replikasiyasini ingibirlaydi yoki agar replikasiya yuz bergan bo‘lsa, virionlarning avlodlari hujayradan chiqa olmay qoladi.

PegIntron

PegIntron preparatining farmakodinamikasi sog‘lom ko‘ngillilar ishtirokidagi o‘sib boruvchi bir martalik dozalarni o‘rganish bo‘yicha o‘tkazilgan tadqiqotlarda og‘iz bo‘shlig‘idagi haroratni o‘zgarishi, qon zardobidagi neopterin va 2’5’- oligoadenilat sintetaza (2’5’-OAS) kabi effektorli oqsillarning konsentrasiyasini, shuningdek leykositlar va neytrofillar sonini aniqlash yo‘li bilan baholangan. PegInron preparatini qabul qilgan pasientlarda tana haroratini dozaga bog‘liq ravishda oshishi aniqlangan. PegIntron preparatini haftasiga 0,25 mkg/ml dan 2,0 mkg/kg gacha dozada qo‘llanilganidan keyin, qon zardobidagi neopterin konsentrasiyasi dozaga bog‘liq ravishda oshgan. 4-chi haftaga kelib, neytrofillar va leykositlar sonini kamayishi PegIntron preparatining dozasi bilan muvofiq kelgan.

Farmakokinetikasi

PegIntron asosan monopegilirlangan turlardan tashkil topgan, alfa-2b interferonning yaxshi o‘rganilgan polietilenglikol-modifikasiyalangan (pegilirlangan) hosilasi hisoblanadi. PegIntron preparatining qon plazmasidan yarim chiqarilish davri pegirilirlanmagan alfa-2b interferonga nisbatan uzoqroqdir. PegIntron erkin alfa-2b interferongacha depegilirlanish potensialiga ega. Pegilirlangan izomerlarning biologik faolligi sifat jihatdan o‘xshash, ammo alfa-2b interferonga nisbatan kuchsizroqdir.

Teri ostiga yuborilgandan keyin qon zardobidagi maksimal konsentrasiyaga 15-44 soatdan keyin erishiladi va doza yuborilganidan keyin 48-72 soat davomida saqlanib qoladi.

C_max va AUC ko‘rsatkichlari dozaga bog‘liq ravishda oshadi. O‘rtacha taxminiy taqsimlanish hajmi 0,99 l/kg ni tashkil etadi.

Ko‘p marta qo‘llanilganda immunologik reaktiv bo‘lgan interferonlarning to‘planishi kuzatiladi. Biroq buning oqibatida, biotahlilga binoan, faqat biologik faollikning biroz oshishi kuzatiladi.

PegIntron preparatining o‘rtacha yarim chiqarilish davri aniqlanuvchi 22,0 ml/soat/kg klirens bilan taxminan 40 soatni (13,3 soat) tashkil qiladi. Odamdagi interferonlarning klirens mexanizmlari to‘liq o‘rganilmagan. Biroq buyrak orqali chiqarilishi PegIntron preparatining aniqlanuvchi klirensining ozgina qismini (taxminan 30% ni) tashkil qilishi mumkin.

Buyrak funksiyasi

Buyrak klirensi PegIntron preparatining umumiy klirensini 30% ni tashkil qiladi. Buyrak funksiyasini buzilishi bo‘lgan pasientlarda bir martalik dozani (1,0 mkg/kg) o‘rganish yuzasidan o‘tkazilgan tadqiqotda C_max, AUC va yarim chiqarilish davri ko‘rsatkichlari buyrak funksiyasining buzilish darajasiga bog‘liq holda oshgan.

PegIntron preparati ko‘p marta (4 hafta davomida, teri ostiga 1,0 mkg/kg dozada haftasiga 1 marta) qo‘llanilganidan keyin PegIntron preparati klirensi buyrak funksiyasi normal bo‘lgandagi ko‘rsatkichlariga nisbatan, buyrak funksiyasini o‘rtacha og‘irlik darajasida (kreatinin klirensi minutiga 30–49 ml) bo‘lgan pasientlarda o‘rtacha 17% ga, buyrak funksiyasini og‘ir darajada buzilishi (kreatinin klirensi minutiga 15–29 ml) bo‘lgan pasientlarda 44% ga pasaygan. Bir martalik dozani qo‘llanilishi to‘g‘risidagi ma‘lumotlardan kelib chiqib, dializ o‘tkazilmayotgan va gemodializ o‘tkazilayotgan buyrak funksiyasini og‘ir darajada buzilishi bo‘lgan pasientlarda klirens o‘xshash bo‘lgan. Monoterapiyada buyrak funksiyasini o‘rtacha va og‘ir darajadagi buzilishlari bo‘lgan pasientlarda PegIntron preparatining dozasini kamaytirish kerak. Kreatinin klirensi minutiga <50 ml bo‘lgan pasientlarda PegIntron preparatini ribavirin bilan majmuada qo‘llash mumkin emas. Pasientlarda kuzatilgan farmakokinetikadagi yaqqol ifodalangan farqlar tufayli, PegIntron preparati bilan davolash vaqtida buyrak funksiyasini og‘ir darajadagi buzilishlari bo‘lgan pasientlar holatini sinchkov nazorat qilish lozim.

Jigar funksiyasi

PegIntron preparatining farmakokinetikasi jigar funksiyasini og‘ir buzilishlari bo‘lgan pasientlarda o‘rganilmagan.

65 yosh va undan katta pasientlar

1,0 mkg/kg dozada teri ostiga yuborilganidan keyin, yosh PegIntron preparatining farmakokinetikasiga ta‘sir ko‘rsatmagan. Ushbu ma‘lumolarga ko‘ra, PegIntron preparatining dozasiga yoshga qarab tuzatish kiritish zarurati yo‘q.

Bolalar

Surunkali S gepatiti bo‘lgan bolalar va o‘smirlarda o‘tkazilgan klinik tadqiqotlar davomida PegIntron preparati va ribavirin (peroral qo‘llash uchun kapsulalar va eritma) ning farmakokinetikasi baholangan. PegIntron preparatini haftasiga 60 mkg/m² dozada (tana yuzasining maydoniga bog‘liq bo‘lgan holdagi doza) qabul qilgan bolalar va o‘smirlarda dozalarni qo‘llash orasidagi davrda log-shakl almashtirilgan ekspozisiyani baholash koeffisienti, preparatini haftasiga  1,5 mkg/kg dozada qabul qilgan kattalarda kuzatilganiga qaraganda 58% ga (90% DI: 141-177%) yuqoriroq bo‘lgan.

Interferonni neytrallovchi omillar

Interferonni neytrallovchi omillarni mavjudligini aniqlash bo‘yicha sinamalar klinik tadqiqotlar vaqtida PegIntron qabul qilgan pasientlarning qon zardoblari namunalarida o‘tkazilgan. Interferonni neytrallovchi omillar – bu interferonning viruslarga qarshi faolligini neytrallovchi antitelalardir. Klinikada 0,5 mkg/kg dozada PegIntron qabul qilgan pasientlarda neytrallovchi omillarning mavjudlik tez-tezligi 1,1% ni tashkil qiladi.

Urug‘ suyuqligiga kirish xususiyati

Ribavirinning urug‘ suyuqligiga kira olish xususiyati o‘rganilgan. Urug‘ suyuqligidagi ribavirinning konsentrasiyasi qon zardobiga nisbatan taxminan 2 marta yuqoriroq. Ayollarda davolanayotgan erkak bilan jinsiy aloqa qilgandan keyin ribavirinning tizimli ekspozisiyasi, ribavirinning qon plazmasidagi terapevtik konsentrasiyasiga nisbatan haddan tashqari pastligicha qoladi.

Qo‘llanilishi

Kattalar

PegIntron S gepatiti RNK virusi (RNK-VGS) ga test sinama musbat bo‘lgan surunkali S gepatiti bo‘lgan pasientlarga, shu jumladan kompensasiyalangan jigar sirrozi va/yoki klinik jihatdan barqaror yo‘ldosh OITV-infeksiyasi bo‘lgan pasientlarni davolash uchun qo‘llanadi.

Bunda PegIntron preparatini ribavirin bilan majmuada qo‘llash optimal hisoblanadi. Ushbu majmua avval davolanmagan pasientlarga, shu jumladan klinik jihatdan barqaror bo‘lgan yo‘ldosh OITS infeksiyali pasientlarga, shuningdek alfa interferon (pegilirlangan yoki pegilirlanmagan) bilan ribavirin majmuasini qo‘llagan holdagi avvalgi davolash yoki alfa interferon bilan monoterapiya samarali bo‘lmagan pasientlarga tavsiya qilinadi.

Interferon, shu jumladan PegIntron bilan monoterapiya, asosan ribavirinni o‘zlashtiraolmaslik hollarida yoki uni qo‘llash mumkin bo‘lmagan hollarda qo‘llanadi.

3 yosh va undan katta yoshdagi bolalar

PegIntronni ribavirin bilan majmuada, 3 yosh va undan katta yoshdagi bolalarni, shuningdek jigarni dekompensasiyalanishi belgilarisiz surunkali S gepatiti va S gepatiti RNK virusiga musbat test sinamasi bo‘lgan ilgari davolanmagan o‘smirlarni davolash uchun qo‘llanadi.

Balog‘at yoshiga yetmagan pasientlarda davolash to‘g‘risidagi masalani hal etishda, majmuaviy davolash bola o‘sishini sekinlashtirishini, o‘sishni kechikish jarayonining qaytuvchanligi esa, noma‘lum ekanligini hisobga olish lozim. Preparatni qo‘llash to‘g‘risidagi qaror har bir holatda shaxsiy ravishda qabul qilinishi kerak (“Maxsus ko‘rsatmalar” bo‘limiga qarang).

PegIntron preparatini ribavirin bilan majmuada qo‘llaganda, ribavirinni (kapsula yoki peroral qo‘llash uchun eritma) qo‘llash bo‘yicha yo‘riqnomasi bilan tanishib chiqish lozim.

Qo‘llash usuli va dozalari

Davolashni faqat S gepatiti bo‘lgan pasientlarni davolash tajribasiga ega bo‘lgan shifokor buyurishi va nazorat qilishi lozim.

Dozalash

PegIntron preparatini haftasiga 1 marta teri osti in‘eksiya ko‘rinishida qo‘llash lozim. Kattalar uchun dozalash preparatning qo‘llanilishiga: ribavirin bilan majmuada yoki monoterapiya sifatida qo‘llanilishiga qarab tanlab olinadi.

PegIntron preparati va ribavirin bilan majmuaviy davolash

Katta yoshdagi pasientlar

PegIntron 1,5 mkg/kg dozada haftasiga 1 marta ribavirin (kapsula) bilan majmuada buyuriladi.

Ribavirin bilan majmuada qo‘llanilganda PegIntron preparatining 1,5 mkg/kg dozasini preparatning turli dozalari va chiqarish shakllaridan (shpris-ruchka/flakonlar) foydalanilgan holda, tana vazniga bog‘liq ravishda yuboriladi. 1-jadvalga qarang. Ribavirin (kapsulalari) peroral ovqatlanish vaqtida sutkasiga 2 marta (ertalab va kechqurun) qo‘llanadi.

1-jadval. Majmuaviy davolashdagi dozalar

^a – 2 kapsula ertalab, 2 kapsula kechqurun; ^b – 2 kapsula ertalab, 3 kapsula kechqurun; ^c – 3 kapsula ertalab,

3 kapsula kechqurun; ^d – 3 kapsula ertalab, 4 kapsula kechqurun.

Davolash davomiyligi – ilgari davolanmagan pasientlar

Barqaror virusologik javobga erishishni prognoz qilish. RNK-VGS aniqlanmagan yoki tegishli virusologik javob kuzatilmayotgan hollarda, 4 yoki 12-haftada natijaga erishishni iloji bo‘lmagan 1-genotip virusi bilan infeksiyalangan pasientlarda barqaror virusologik javobga erishish ehtimoli juda kam. Davolashni to‘xtatish to‘g‘risidagi masalani ko‘rib chiqish lozim.

• 1-genotip:
• Davolashning 12-haftasida RNK-VGS darajasi aniqlanish chegarasidan tashqarida bo‘lgan pasientlarda davolashni 9 oygacha (48 hafta davomida) davom ettirish lozim.
• Davolashning 12-haftasida RNK-VGS darajasi aniqlanish chegarasida bo‘lgan, biroq dastlabki ko‘rsatkichga nisbatan ≥ 2 log ga pasaygan pasientlarda 24-haftasida tekshirishni qaytadan o‘tkazish va agar RNK-VGS darajasi aniqlanish chegarasidan past bo‘lsa, davolashni to‘liq kursi yakunlangunicha (48 hafta) davom ettirish kerak. Biroq, agar RNK-VGS darajasi hali ham aniqlash doirasida bo‘lsa, terapiyani to‘xtatish to‘g‘risidagi masalani ko‘rib chiqish lozim.
• Davolashning 4-haftasida pasientlarning RNK-VGS test sinamasi natijasi manfiy bo‘lgan va 24-haftasida ham manfiy bo‘lib qoladigan 1-genotipga va past virusli yuklamaga (<600000 ME/ml) ega bo‘lgan kichik-guruhida 24 haftalik kursdan keyin davolashni to‘xtatish yoki yana 24 haftaga davom ettirish mumkin (davolashning umumiy davomiyligi – 48 hafta). Biroq 24 haftalik davomiylikdagi davolash kursidan keyin kasallikni qaytalanish xavfi, 48 haftalik davolanishdan keyingiga qaraganda yuqoriroq bo‘ladi.
• 2 yoki 3-genotip:

Barcha pasientlar uchun tavsiya qilingan davolash davomiyligi 24 haftani tashkil qiladi, S gepatiti virusi va yo‘ldosh OITV-infeksiyasi bo‘lgan pasientlar bundan mustasno, ular uchun davolash kursi 48 haftani tashkil qilishi kerak.

• 4-genotip:

Umuman olganda, 4-genotip virusi bilan infeksiyalangan pasientlarni davolash qiyinroq deb hisoblanadi, cheklangan klinik ma‘lumotlar esa (n=66) ushbu pasientlar va 1-genotipga ega bo‘lgan pasientlarni davolash davomiyligi o‘rtasidagi o‘xshashlikni aniqladi.

Davolash davomiyligi – S gepatiti virusi va OITV koinfeksiyasi

S gepatiti virusi va OITV bilan koinfeksiyasi bo‘lgan pasientlarni tavsiya qilingan davolash davomiyligi genotipdan qat‘iy nazar, 48 haftani tashkil qiladi.

S gepatiti virusi va OITV bilan koinfeksiya hollarida javobga erishish yoki uning yo‘qligi yuzasida prognoz. Davolashning 12-haftasidagi erta virusologik javob (virusli yuklamani 2 log ga yoki RNK-VGS ni aniqlanish chegarasidan pastroqqa kamayishi) barqaror javobga erishish uchun prognoz bo‘lib hisoblanadi. PegIntron va ribavirin preparatlari majmuasi bilan davolangan S gepatiti virusi va OITV koinfeksiyasi bo‘lgan pasientlardagi barqaror javobga erishish yuzasidan salbiy prognoz guruhida ko‘rsatkich 99% (1-tadqiqotda 67/68) ni tashkil qilgan. Ijobiy prognoz ko‘rsatkichi majmuaviy davo olgan S gepatiti virusi va OITV koinfeksiyasi bo‘lgan pasientlarda 50% (1-tadqiqotda 52/104) ni tashkil qilgan.

Kattalar – S gepatiti virusi va V gepatiti virusi koinfeksiyasi

S gepatiti virusi va V gepatiti virusi koinfeksiyasi bo‘lgan pasientlarda 1 genotipdagi virus chaqirgan surunkali S gepatitini davolash uchun PegIntron preparati bilan monoterapiya yoki boseprevir yoki ribovirin bilan majmuasining xavfsizligi va samaradorligi o‘rganilmagan.

Davolash davomiyligi – Takroriy davolanish

Barqaror virusologik javobga erishishni prognoz qilish. Davolashning 12-haftasida qon zardobidagi RNK-VGS darajasi aniqlanish chegarasidan past bo‘lgan barcha pasientlar (genotipidan qat‘iy nazar) 48 haftalik davolash kursini olishlari kerak. Davolashning 12-haftasida virusologik javobga erishilmagan (RNK-VGS darajasi aniqlanish chegarasidan past deb belgilangan) pasientlarni takroriy davolaganda, 48 haftalik davolashdan keyin barqaror virusologik javobni rivojlanish ehtimoli juda past.

Peligirlangan alfa-2b interferon va ribavirin majmuasi bilan 48 haftadan ko‘proq muddat davolashning takroriy kursi virusologik javob aniqlanmagan 1-genotipli pasientlarda o‘rganilmagan.

3 yosh va undan katta bolalar

Bolalar va o‘smirlar uchun PegIntron preparatining dozalari tana yuzasining maydoniga, ribavirinning dozasi esa – tana vazniga qarab aniqlanadi.

PegIntron preparatining tavsiya qilingan dozasi – 60 mkg/m² haftasiga 1 marta (teri ostiga) ribavirin bilan majmuada (peroral shaklda) sutkasiga 15 mg/kg dozada ikkiga bo‘lgan holda ovqat iste‘mol qilish vaqtida (ertalab va kechki payt) buyuriladi.

Davolash davomiyligi

• Genotip 1:

Tavsiya qilingan davolash davomiyligi – 1 yil.

Klinik ma‘lumotlarni bolalar uchun standart interferonli majmuaviy davolashga ekstrapolyasiya qilishda (alfa-2b interferon/ribavirin uchun salbiy oldindan bilish ko‘rsatkichi 96%) davolashning 12-haftasida virusologik javobga erishilmagan pasientlarda, barqaror virusologik javobni rivojlanish ehtimoli juda ham pastligi to‘g‘risida xulosa qilish mumkin. Shuning uchun, agar davolashning 12-haftasida RNK-VGS  darajasi (dastlabki ko‘rsatkichlarga nisbatan)  2 log₁₀ ga pasaysa yoki davolashning 24-haftasida RNK-VGS darajalari aniqlansa, PegIntron/ribavirin qabul qiluvchi bolalar va o‘smirlarda davolashni bekor qilish kerak.

• 2 va 3-genotip:

Tavsiya qilingan davolash davomiyligi 24 haftani tashkil qiladi.

• 4-genotip:

4-genotipli faqat 5 ta bola va o‘smirlar klinik tadqiqotlarda PegIntron/ribavirin majmuasi bilan davolanganlar. Tavsiya qilingan davolash davomiyligi 1 yilni tashkil qiladi. Davolashning 12-haftasida RNK-VGS darajasi (dastlabki ko‘rsatkichlarga nisbatan) 2 log₁₀ ga pasaysa yoki davolashning 24-haftasida RNK-VGS darajalari aniqlansa, PegIntron/ribavirin qabul qiluvchi bolalar va o‘smirlarda davolashni bekor qilish tavsiya qilindi.

PegIntron preparati  bilan monoterapiya – Kattalar

Monoterapiyada PegIntron preparatining dozasi haftasiga 1 marta 0,5 yoki 1,0 mkg/kg ni  tashkil qiladi. Flakon yoki shpris-ruchkadagi minimal doza – 50 mkg/0,5 ml; shuning uchun, agar pasientga haftasiga 0,5 mkg/kg doza buyurilgan bo‘lsa, uni 2-jadvalda ko‘rsatilgan hajmga yetkazish kerak. 1,0 mkg/kg dozani olish uchun hajmni analogik ravishda to‘g‘rilash yoki 2-jadvalda ko‘rsatilganidek preparatning boshqa dozalarini qo‘llash lozim. PegIntron preparati bilan monoterapiya S gepatiti va OITV koinfeksiyasi bo‘lgan pasientlarda o‘rganilmagan.

2-jadval. Monoterapiyadagi dozalar

Davolash davomiyligi

Davolashning 12-haftasida virusologik javobga kuzatilgan pasientlarda davolash yana kamida 3 oy davomida (jami 6 oy) davom ettirilishi kerak. Davolashni 1-yilgacha davom ettirish to‘g‘risidagi qarorni, prognostik omillarni (genotip, yosh>40, erkak jins, jigarning ko‘priksimon fibrozi) hisobga olgan holda qabul qilish lozim.

• Barcha pasientlar uchun dozalarni modifikasiyalash

Agar PegIntron preparati bilan monoterapiya yoki PegIntron va ribavirin preparatlari bilan majmuasi davolashda og‘ir nojo‘ya ta‘sirlar yoki laborator ko‘rsatkichilarining patologik o‘zgarishlari yuz bersa, har bir preparatning dozalarini (nojo‘ya ta‘sirlar yo‘qolgunicha) quyidagicha o‘zgartirish lozim. Davolash sxemasiga amal qilish davolash natijasi uchun muhim bo‘lganligi uchun, dozalarni tavsiya qilingan standart dozalarga iloji boricha yaqinroq saqlash lozim. Dozalarning modifikasiyasi bo‘yicha ko‘rsatmalar klinik tadqiqotlar vaqtida ishlab chiqilgan.

Majmuaviy davolashda dozalarni kamaytirish bo‘yicha ko‘rsatmalar

2a-jadval. Majmuaviy (Ribavirin bilan) davolashda laboratoriya ko‘rsatkichlarini hisobga olgan holda dozalarni modifikasiyasi bo‘yicha ko‘rsatmalar

*NYUCH – normaning yuqori chegarasi.

1-izoh.

Yoshi katta pasientlarda ribavirinning dozasini 1-chi kamaytirilishi  – sutkada 200 mg gacha (sutkada 1 400 mg qabul qiluvchi pasientlardan tashqari, ular uchun dozani sutkada 400 mg ga kamaytirish lozim). Agar lozim bo‘lsa ribavirinning dozasini 2-chi kamaytirishni yana sutkada 200 mg ga o‘tkaziladi. Ribavirinning dozasi sutkada 600 mg ga kamaytirilgan pasientlar, ertalab 200 mg li 1 kapsula va kechqurun 200 mg li 2 ta kapsula qabul qilishlari kerak.

Bolalar va o‘smirlarda ribavirinning dozasini 1-chi kamaytirilishi – sutkada 12 mg/kg gacha, dozani 2-chi kamaytirilishi – sutkada 8 mg/kg gacha pasaytirish amalga oshiriladi.

2-izoh.

Katta yoshli pasientlarda PegIntron preparatining dozasini 1-chi kamaytirilishi  – haftada 1 mkg/kg gacha. Agar lozim bo‘lsa dozani 2-chi kamaytirilishini haftasiga 0,5 mkg/kg gacha kamaytirilib o‘tkaziladi.

PegIntron preparatini monoterapiya sifatida qabul qilayotgan pasientlar uchun dozani kamaytirish yuzasidan ma‘lumotlarni olish uchun “PegIntron preparati bilan monoterapiyada kattalar uchun dozalarni kamaytirish bo‘yicha yo‘riqnomalar” bo‘limiga qarang.

Bolalar va o‘smirlarda PegIntron preparatining dozasini 1-chi kamaytirish – haftasiga
40 mkg/m² gacha; dozaning 2-chi kamaytirish – haftasiga 20 mkg/m² gacha amalga oshiriladi.

Kattalarda PegIntron preparatining dozasini kamaytirish buyurilganiga qaraganda kamroq xajmdagi preparatni yuborish yo‘li bilan yoki 2b-jadvalda ko‘rsatilganidek preparatning pastroq dozadagi shaklidan foydalanish yo‘li bilan amalga oshirilishi mumkin.

Bolalar va o‘smirlarda PegIntron preparatining dozasini kamaytirishni tavsiya qilingan dozani 2 bosqichda: haftasiga tavsiya qilingan 60 mkg/m² dozadan haftasiga 40 mkg/m²  gacha, so‘ngra esa (agar lozim bo‘lsa) haftasiga 20 mkg/m² gacha kamaytirish yo‘li bilan amalga oshirilishi mumkin.

2b-jadval. Kattalarda majmuaviy davolashda PegIntron

preparatining dozasini ikki bosqichda kamaytirish.

*   Flakonlarni ishlatish lozim. Shpris-ruchkadagi minimal doza 0,3 ml ga teng.

PegIntron preparati monoterapiyasida kattalarda dozalarni kamaytirish bo‘yicha ko‘rsatmalar.

PegIntron preparati monoterapiyasida kattalarda dozani modifikasiyasi bo‘yicha ko‘rsatmalar 3a-jadvalda keltirilgan.

3a-jadval. PegIntron preparati monoterapiyasida kattalarda laboratoriya ko‘rsatkichlarga ko‘ra dozalarni kamaytirish bo‘yicha ko‘rsatmalar

Kattalarda 0,5 mkg/kg dozadagi PegIntron preparati monoterapiyasida, dozani kamaytirish, preparatni buyurilganiga nisbatan 2 marta kamroq xajmda, dozada yuborish yo‘li bilan amalga oshirilishi mumkin. Zarurat bo‘lganida 50 mkg/0,5 ml dozasi bo‘lgan flakonlarni qo‘llash lozim, chunki shpris-ruchkaning minimal hajmi 0,3 ml ni tashkil qiladi.

Kattalarda 1,0 mkg/kg dozada PegIntron preparati bilan monoterapiyada, dozani kamaytirish, preparatni buyurilganiga nisbatan 2 marta kam xajmda yuborish yo‘li bilan yoki 3b-jadvalda ko‘rsatilganidek preparatning kamroq dozadagi chiqarilish shaklini ishlatish yo‘li bilan amalga oshirilishi mumkin.

3b-jadval. Kattalarda 1,0 mkg/kg dozada monoterapiyada PegIntron

preparatining dozasini kamaytirish

• Alohida guruh pasientlari

Buyrak funksiyasini buzilishida qo‘llanishi

Monoterapiya

PegIntron preparatini buyrak funksiyasini o‘rtacha va og‘ir darajada buzilishi bo‘lgan pasientlarda ehtiyotkorlik bilan qo‘llash lozim. Buyrak funksiyasini o‘rtacha darajadagi buzilishi (kreatinin klirensi minutiga 30–35 ml) bo‘lgan pasientlarda dastlabki doza 25% ga kamaytirilishi kerak. Buyrak funksiyasini og‘ir darajadagi buzilishi (kreatinin klirensi minutiga 15–29 ml) bo‘lgan pasientlarda dastlabki doza 50% ga kamaytirilishi kerak. Kreatinin klirensi minutiga <15 ml bo‘lgan pasientlarda PegIntron preparatini qo‘llanilishi bo‘yicha ma‘lumotlar mavjud emas. Buyrak funksiyasini buzilishining og‘ir shakli bo‘lgan, shu jumladan gemodializdagi pasientlarning holatini sinchkov nazorat qilish lozim. Agar buyrak funksiyasi davolash vaqtida yomonlashsa, PegIntron preparati bilan davolashni to‘xtatish kerak.

Majmuaviy davolash

Kreatinin klirensi minutiga <50 ml bo‘lgan pasientlarda PegIntron preparatini ribavirin bilan majmuada davolash mumkin emas (ribavirinni qo‘llash bo‘yicha yo‘riqnomaga qarang). Ribavirin bilan majmuada qo‘llanganda buyrak funksiyasini buzilishi bo‘lgan pasientlar holatini, anemiyani rivojlanishi yuzasidan sinchkov nazorat qilish lozim.

Jigar funksiyasini buzilishlarida qo‘llanishi

PegIntron preparatini jigar funksiyasini og‘ir darajadagi  buzilishi bo‘lgan pasientlarda qo‘llash xavfsizligi va samaradorligi aniqlanmagan, shuning uchun preparatni pasientlarning ushbu guruhida qo‘llamaslik kerak.

Keksa yoshdagi (≥ 65 yosh) pasientlarda qo‘llanishi

PegIntron preparatining farmakokinetikasi pasientning yoshiga yaqqol bog‘liq emas. PegIntron preparatining bir martalik dozasini katta yoshdagi pasientlarda qo‘llanishi bo‘yicha ma‘lumotlarga ko‘ra, preparatning dozasiga yoshga qarab tuzatish kiritish zarurati yo‘q.

Bolalarda qo‘llanishi

PegIntron preparatini 3 yosh va undan katta bolalarda ribavirin bilan majmuada qo‘llash mumkin.

Dori vositasini tayyorlash bo‘yicha ko‘rsatmalar

0,5 ml eritmani yuborish uchun har bir shpris-ruchka ikki kamerali kartridjga joylashtirilgan erituvchi (in‘eksiya uchun suv) bilan eritiladi. PegIntron preparatini tayyorlash vaqtida doza o‘lchanayotganda va yuborilayotganda ozgina miqdori yo‘qotiladi. Shuning uchun 0,5 ml miqdoridagi PegIntron preparatining ko‘rsatilgan dozasi, in‘eksiya uchun eritmaning yuborilishini kafolatlash maqsadida har bir shpris-ruchkada ko‘proq miqdordagi erituvchi va PegIntron preparati mavjud bo‘ladi. Qayta tiklangan eritmaning konsentrasiyalari – 50 mkg/0,5 ml, 80 mkg/0,5 ml, 100 mkg/0,5 ml,
120 mkg/0,5 ml va 150 mkg/0,5 ml.

PegIntron preparati teri ostiga, kukun ko‘rsatmalarga ko‘ra aralashtirilgandan keyin in‘eksion ignasini biriktirgan va belgilangan dozani olgan holda yuboriladi. Shpris-ruchkadan foydalanish bo‘yicha to‘liq va rasmli ko‘rsatmalar majmuasini ko‘rish uchun tibbiyotda qo‘llash bo‘yicha yo‘riqnomasiga ilovaga qarang.

PegIntron preparatidan (avval to‘ldirilgan shpris-ruchkadan) foydalanishdan avval muzlatgichdan olish va eritma xona haroratigacha (25°S dan baland emas) ilishini kutish kerak.

Parenteral yuborish uchun mo‘ljallangan barcha dori vositalarida bo‘lgani kabi yuborishdan avval qayta tiklangan eritmani ko‘z bilan tekshirish lozim. Qayta tiklangan eritma tiniq va rangsiz bo‘lishi kerak. Rang o‘zgargan yoki mexanik kiritmalar mavjud bo‘lgan hollarda preparatdan foydalanish mumkin emas. Doza yuborilgandan keyin avval to‘ldirilgan shpris va undagi ishlatilmay qolgan eritmani yo‘qotish kerak.

Nojo‘ya ta‘siri

Kattalar

PegIntron preparatini ribavirin bilan majmuada qo‘llab o‘tkazilgan klinik tadqiqotlar vaqtida kattalarda xabar qilingan va ishtirokchilarning yarmidan ko‘prog‘ida, davolash bilan bog‘liq kuzatilgan eng keng tarqalgan nojo‘ya reaksiyalar quyidagilar bo‘lgan: toliqish, bosh og‘rig‘i va preparatni yuborish joyidagi reaksiyalar. Pasientlarning 25% dan ko‘prog‘ida kuzatilganligi to‘g‘risida xabar qilingan boshqa nojo‘ya reaksiyalar quyidagilar bo‘lgan: ko‘ngil aynishi, titrok, uyqusizlik, anemiya, isitma, mialgiya, asteniya, og‘riq, alopesiya, anoreksiya, tana vaznini kamayishi, depressiya, qichishish va ta‘sirchanlik. Ko‘pchilik nojo‘ya reaksiyalar yengil yoki o‘rtacha og‘irlik darajasida bo‘lgan, shuningdek dozani o‘zgartirish yoki davolashni to‘xtatish zarurati bo‘lmay nazorat qilish mumkin bo‘lgan. Toliqish, alopesiya, qichishish, ko‘ngil aynishi, anoreksiya, tana vaznini kamayishi, ta‘sirchanlik va uyqusizlik majmuaviy davo olgan pasientlarga nisbatan, PegIntron preparatini monoterapiyada davolangan pasientlarda ahamiyatli darajada kamroq kuzatilgan.

Quyidagi alfa-2b peginterferon, shu jumladan PegIntron preparatini monoterapiyada va PegIntron/ribavirin majmuasini qabul qilgan pasientlar bilan o‘tkazilgan klinik tadqiqotlarda va postmarketing kuzatuvlar vaqtida xabar qilingan nojo‘ya reaksiyalar sanab o‘tilgan. Nojo‘ya reaksiyalar a‘zolar tizimlari sinfi va tez-tezligi bo‘yicha ko‘rsatilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1 000 dan <1/100 gacha), kam (≥1/10 000 dan <1/1 000 gacha), juda kam (<1/10 000) va noma‘lum (mavjud ma‘lumotlar bo‘yicha aniqlash mumkin emas).

Har bir guruhda nojo‘ya reaksiyalar, jiddiyligini kamayib borishi tartibida ko‘rsatilgan.

Alfa-2b peginterferon, shu jumladan PegIntron preparatini monoterapiyada va PegIntron/ribavirin majmuasini qabul qilgan pasientlar ishtirokida o‘tkazilgan klinik tadqiqotlarda va postmarketing kuzatuvlarida xabar qilingan nojo‘ya reaksiyalar.

Infeksiyalar va invaziyalar: juda tez-tez – virusli infeksiya*, faringit*; tez-tez – bakterial infeksiya (shu jumladan, sepsis), zamburug‘li infeksiya, gripp, yuqori nafas yo‘llarining infeksiyasi, bronxit, oddiy gerpes, sinusit, o‘rta otit, rinit; tez-tez emas – in‘eksiya joyidagi infeksiya, quyi nafas yo‘llarining infeksiyasi; noma‘lum –  S gepatiti virusi va V gepatiti virusi koinfeksiyasi bo‘lgan pasientlarda V gepatiti virusini reaktivasiyasi.

Qon tizimi va limfatik tizimi tomonidan buzilishlar: juda tez-tez – anemiya, neytropeniya; tez-tez – gemolitik anemiya, leykopeniya, trombositopeniya, limfadenopatiya; juda kam hollarda – aplastik anemiya; tez-tezligi noma‘lum – haqiqiy eritrositar aplaziya.

Immun tizimi tomonidan buzilishlar: tez-tez emas – dori vositalariga o‘ta yuqori sezuvchanlik; kam hollarda – sarkoidoz; noma‘lum – tezkor turdagi o‘ta yuqori sezuvchanlik reaksiyalari, shu jumladan angionevrotik shish, anafilaksiya, shuningdek anafilaktik reaksiyalar, shu jumladan anafilaktik shok, idiopatik trombositopenik purpura, trombotik trombositopenik purpura, tizimli qizil yugurik.

Endokrin tizimi tomonidan buzilishlar: tez-tez – gipotireoz, gipertireoz.

Metabolizm va ovqatlanishni buzilishlari: juda tez-tez – anoreksiya; tez-tez – gipokalsiemiya, giperurikemiya, degidratasiya, ishtahani kuchayishi; tez-tez emas – qandli diabet, gipertrigliseridemiya; kam hollarda – diabetik ketoasidoz.

Ruhiyat tomonidan buzilishlar: juda tez-tez – depressiya, xavotirlik*, emosional labillik*, diqqatni jamlashni yomonlashishi, uyqusizlik; tez-tez – tajovuzkorlik, ajitasiya, jahldorlik, kayfiyatning o‘zgarishi, patologik hatti-harakat, asabiylik, uyquni buzilishi, libidoni sustlashishi, apatiya, patologik uyqu, yig‘loqilik; tez-tez emas – suiqasd, suiqasd qilishga urinish, suiqasd qilish to‘g‘risida fikrlash, psixoz, gallyusinasiyalar, sarosima; kam xollarda – bipolyar buzilishlar; noma‘lum – gomisidal g‘oyalar, maniya.

Nerv tizimi tomonidan buzilishlar: juda tez-tez – bosh og‘rig‘i, bosh aylanishi; tez-tez – amneziya, xotirani yomonlashishi, sinkope, migren, ataksiya, ongni chalkashishi, nevralgiya, paresteziya, gipesteziya, giperesteziya, gipertoniya, uyquchanlik, diqqatni jamlashni buzilishi, tremor, disgevziya; tez-tez emas – neyropatiya, periferik neyropatiya; kam hollarda – konvulsiyalar; juda kam hollarda – serebrovaskulyar qon ketishi, serebrovaskulyar ishemiya, ensefalopatiya; noma‘lum – yuz nervi falaji, mononevropatiya.

Ko‘rish a‘zolari tomonidan buzilishlar: tez-tez – ko‘rishni buzilishi, ko‘rishni noaniqligi, fotofobiya, kon‘yunktivit, ko‘zlarni qichishishi, ko‘z yoshi ajralishini buzilishi, ko‘zda og‘riq, ko‘zlarni quruqlashishi; tez-tez emas – retinal ekssudat; kam hollarda – ko‘rish o‘tkirligini pasayishi yoki ko‘rish maydonini qisqarishi, ko‘zning to‘r pardasiga qon quyilishi, retinopatiya, ko‘zning to‘r pardasi arteriyasini okklyuziyasi, ko‘zning to‘r pardasi venalarini okklyuziyasi, ko‘ruv nervini yallig‘lanishi, ko‘ruv nervi diskini shishi, makulyar shish, ko‘zning to‘r pardasini seroz ko‘chishi.

Eshitish a‘zolari va labirint tomonidan buzilishlar: tez-tez – eshitishni yomonlashishi/yo‘qolishi, quloqlarda jaranglash, vertigo; tez-tez emas – quloqda og‘riq.

Yurak tomonidan buzilishlar: tez-tez– palpitasiya, taxikardiya; tez-tez emas – miokard infarkti; kam hollarda – dimlangan yurak yetishmovchiligi, kardiomiopatiya, aritmiya, perikardit; juda kam hollarda – yurak ishemik kasalligi; noma‘lum – perikardda suyuqlikni to‘planishi.

Qon-tomir tizimi tomonidan buzilishlar: tez-tez – arterial gipotenziya, arterial gipertenziya, qon quyilishlari; kam – vaskulit.

Nafas tizimi, ko‘krak qafasi va ko‘ks oralig‘i a‘zolari tomonidan buzilishlar: juda tez-tez – dispnoe*, yo‘tal*; tez-tez – disfoniya, burundan qon ketishi, respirator buzilishlar, nafas yo‘llarida dimlanish holatlari, burun bo‘shliqlarida dimlanish hollari, burunni bitishi, rinoreya, yuqori nafas yo‘llarida sekret miqdorini oshishi, faringolaringeal og‘riq; juda kam hollarda – o‘pkaning interstisial kasalligi; noma‘lum – o‘pka fibrozi.

Me‘da-ichak yo‘llari tomonidan buzilishlar: juda tez-tez – qusish*, ko‘ngil aynishi, abdominal og‘riq, diareya, og‘izni qurishi*; tez-tez – dispepsiya, gastroezofageal refleks kasalligi, stomatit, og‘iz bo‘shlig‘ida yaralar, glossodiniya, milklardan qon ketishi, qabziyat, meteorizm, gemorroy, xeylit, qorinni dam bo‘lishi, gingivit, glossit, tish kasalliklari; tez-tez emas – pankreatit, og‘izda og‘riq; kam hollarda – ishemik kolit; juda kam hollarda – yarali kolit.

Gepatobiliar tizimi tomonidan buzilishlar: tez-tez – giperbilirubinemiya, gepatomegaliya.

Teri va teri osti kletchatkasi tomonidan buzilishlar: juda tez-tez – alopesiya, qichishish*, terini quruqligi*, toshma*; tez-tez – psoriaz, fotosezuvchanlik reaksiyalari, makulo-papulyoz toshma, dermatit, eritematoz toshma, ekzema, tungi terlash, gipergidroz, akne, furunkul, eritema, eshakemi, soch strukturasini patologiyasi, tirnoqlarni shikastlanishi; kam hollarda – teri sarkoidozi; juda kam hollarda – Stivens–Djonson sindromi, toksik epidermal nekroliz, ko‘p shaklli eritema.

Mushak va biriktiruvchi to‘qima tomonidan buzilishlar: juda tez-tez – mialgiya, artralgiya, mushak-skelet og‘rig‘i; tez-tez – artrit, bel og‘rig‘i, mushak spazmlari, qo‘l-oyoqda og‘riq; tez-tez emas – suyaklardagi og‘riq, mushak kuchsizligi; kam hollarda – rabdomioliz, miozit, revmatoid artrit.

Buyrak va siydik chiqarish yo‘llari tomonidan buzilishlar: tez-tez – tez-tez siydish, poliuriya, siydikni o‘zgarishi; kam hollarda – buyrak yetishmovchiligi, buyrak funksiyasiini buzilishi.

Reproduktiv tizimi va sut bezlari tomonidan buzilishlar: tez-tez – amenoreya, sut bezidagi og‘riq, menorragiya, hayz siklini buzilishi, ovarial buzilishlar, vaginal buzilishlar, jinsiy disfunksiya, prostatit, erektil disfunksiya.

Umumiy holatni va preparatni qo‘llash bilan bog‘liq bo‘lgan buzilishlar: juda tez-tez – in‘eksiya joyidagi reaksiya*, in‘eksiya joyida yallig‘lanish, toliqish, asteniya, ta‘sirchanlik, et uvishish, pireksiya, grippsimon kasallik, og‘riq; tez-tez – ko‘krak qafasida og‘riq, ko‘krak qafasida diskomfort, in‘eksiya joyida og‘riq, lohaslik, yuzni shishi, periferik shish, patologik hislar, chanqoq; kam hollarda – in‘eksiya joyida nekroz.

Boshqa ko‘rsatkichlar: juda tez-tez – tana vaznini kamayishi.

*Ushbu reaksiyalar PegIntron preparatini monoterapiya sifatida qabul qilgan pasientlarda klinik tadqiqotlarda tez-tez (≥1/100 dan <1/10 gacha) yuz bergan.

Ko‘pchilik hollarda neytropeniya va trombositopeniya yengil og‘irlik darajasida (JSST tasnifi bo‘yicha 1 yoki 2-daraja) bo‘lgan. PegIntron preparatini tavsiya qilingan dozalarda ribavirin bilan majmuada qabul qilgan pasientlarda neytropeniyaning bir nechta og‘ir holatlari (JSST bo‘yicha 3-daraja: 186 tadan 39 tasi [21%]; va JSST bo‘yicha 4-darajasi: 186 tadan 13 tasi [7%]) bo‘lgan.

Klinik tadqiqotlarda ribavirin bilan majmuada PegIntron yoki alfa-2b  interferon qabul qilgan pasientlarning taxminan 1,2% da davolash davomida hayotga xavf soluvchi tahdid soluvchi ruhiy reaksiyalarni yuz berganligi to‘g‘risida xabar qilingan. Ushbu reaksiyalar o‘z joniga qasd qilish fikrlari va o‘z joniga qasd qilishga urinishlarni o‘z ichiga olgan.

Yurak-qon tomir tizimi tomonidan nojo‘ya reaksiyalar, shu jumladan aritmiya asosan mavjud yurak-tomir kasalliklari va kardiotoksik preparatlar davolash bilan o‘zaro bog‘liq bo‘lgan. Ilgari yurak kasalliklarining belgilari bo‘lmagan pasientlarda interferon alfa bekor qilinganidan keyin, qaytuvchan bo‘lishi mumkin bo‘lgan kardiomiopatiya haqida kam xabar berilgan.

Alfa interferonlarini ko‘llanganda kam xabar qilingan ko‘ruv a‘zolari tomonidan buzilishlar retinopatiya (shu jumladan, makulyar shish), ko‘zning to‘r pardasiga qon quyilishi, ko‘zning to‘r pardasi arteriyalari yoki venalarini okklyuziyasi, retinal ekssudat, ko‘rish o‘tkirligini pasayishi yoki ko‘rish maydonini torayishi, ko‘ruv nervini yallig‘lanishi va ko‘ruv nervi diskini shishini o‘z ichiga olgan.

Alfa interferonni qo‘llaganda turli autoimmun va immunitetga bog‘liq buzilishlar, shu jumladan qalqonsimon bezi tomonidan buzilishlar, tizimli qizil yugurik, revmatoid artrit (paydo bo‘lishi yoki yomonlashishi), idiopatik va trombotik trombositopenik purpura, vaskulit, neyropatiya, shu jumladan, mononevropatiya va Vogta–Koyanagi–Garada sindromini rivojlanishi haqida xabar berilgan.

S gepatiti virusi va OITV koinfeksiyasi bo‘lgan pasientlar.

S gepatiti va OITV koinfeksiyasi bo‘lgan PegIntronni ribavirin bilan majmuada qabul qilgan pasientlarda, katta tadqiqotlarda >5% chastotada kuzatilgan boshqa quyidagi nojo‘ya reaksiyalar (monoinfeksiyasi bo‘lgan pasientlarda ular haqida xabar berilmagan) haqida xabar qilingan: og‘iz bo‘shlig‘i kandidozi (14%), orttirilgan lipodistrofiya (13%), CD4 limfositlar sonini kamayishi (8%), ishtahani pasayishi (8%), gamma-glutamiltransferaza darajasini oshishi (9%), belda og‘riq (5%), qonda amilaza darajasini oshishi (6%), qonda sut kislotasi darajasini oshishi (5%), sitolitik gepatit (6%), lipaza darajasini ortishi (6%) va bo‘g‘imlarda og‘riq (6%).

Mitoxondrial toksiklik

Yo‘ldosh virusli S gepatitini davolash uchun yuqori darajali faol antiretrovirus davolash va ribavirinni qabul qilgan OITV-musbat pasientlarda mitoxondrial toksiklik va laktoasidozni yuz berishi to‘g‘risida xabar berilgan.

S gepatiti va OITV viruslari koinfeksiyasi bo‘lgan pasientlarda laboratoriya ko‘rsatkichlari.

Garchi gematologik toksiklik (neytropeniya, trombositopeniya va anemiya) ko‘proq S gepatiti va OITV viruslari koinfeksiyasi bo‘lgan pasientlarda kuzatilgan bo‘lsada, ko‘pchilik holatlarda dozani to‘g‘rilash bilan kifoyalanish, va kam hollardagina esa davolashni bekor qilish lozim. Gematologik ko‘rsatkchilarni o‘zgarishlari haqida interferon alfa-2b ni ribavirin bilan majmuada qabul qilgan pasientlarga nisbatan PegIntronni ribavirin bilan majmuada olgan pasientlarda ko‘proq xabar qilingan. 1-tadqiqotda ribavirin bilan majmuada PegIntron preparati bilan davolanganda pasientlarning 4% (8/194) mutloq neytrofillar miqdorini 500 hujayralar/mm³ dan past darajagacha pasayganligini aniqlangan va pasientlarning 4% da (8/194) trombositlar sonini 50 000/mm³ dan kam darajaga pasayishi kuzatilgan. PegIntronni ribavirin bilan majmuada qabul qilgan pasientlarning 12% da (23/194) anemiya (gemoglobin <9,4 g/dl) haqida xabar berilgan.

CD4 limfositlar sonini kamayishi

Ribavirin bilan majmuada PegIntron preparati bilan davolash CD4 hujayralari foiz miqdorini pasayishisiz, CD4 hujayralarining mutloq sonini kamayishiga olib kelgan. CD4 hujayralari sonini kamayishi doza kamaytirilgani yoki davolash to‘xtatilgandan keyin qaytuvchan xarakterga ega bo‘lgan. PegIntron preparatini ribavirin bilan majmuada qo‘llash davolash vaqtiga va keyingi kuzatuv davrida OITV viremiyasini nazorat qilishga sezilarli salbiy ta‘sir ko‘rsatmagan. Koinfeksiyasi va CD4 hujayralari miqdori < 200/mkl bo‘lgan pasientlarda xavfsizlik to‘g‘risidagi ma‘lumotlar cheklangan (N=25).

Har bir preparat uchun toksiklikni, hamda PegIntron preparati va ribavirinni birga qo‘llash oqibatidagi kesishgan toksiklik potensialini tushunish va davolash uchun S gepatitini davolashda bir vaqtda qo‘llaniladigan antiretrovirus preparatlarning qo‘llash bo‘yicha yo‘riqnomalari bilan tanishib chiqish lozim.

Bolalar

PegIntron preparati va ribavirin majmuasi bilan davolangan 107 nafar bolalar va o‘smirlar (3 yoshdan 17 yoshgacha bo‘lgan) ishtirokidagi klinik tadqiqotlarda pasientlarning 25% dan, ko‘proq anemiya, neytropeniya va tana vaznini kamayishi tufayli dozalarni to‘g‘rilash zarurati tug‘ilgan. Garchi bolalarga o‘sishni kechikishi bilan bog‘liq bo‘lgan spesifik muammo mavjud bo‘lsada, umuman olganda, bolalar va o‘smirlardagi nojo‘ya reaksiyalar profili kattalardagi profilga o‘xshash bo‘lgan. 48 hafta davomida PegIntron preparati va ribavirin bilan majmuada davolaganda qaytuvchanlik ehtimoli kam bo‘lgan o‘sishni kechikishi kuzatilgan. Tana vaznini kamayishi va o‘sishni sekinlashishi davolash davomida juda tez-tez kuzatilgan (davolash yakunida tana vazni va bo‘yning dastlabki persentilining pasayishi mos ravishda 15 persentil  8 persentilni tashkil qilgan), o‘sish tezligi sekin bo‘lgan (70% pasientlarda < 3-persentil).

Davolashdan keyingi kuzatuvning 24-haftasi oxiriga kelib, tana vazni va bo‘y persentili pasayishining (dastlabki ko‘rsatkichga nisbatan) o‘rtacha ko‘rsatkichi hali ham 3 persentil va 7 persentilni tashkil qilgan, 20% bolalarda esa, o‘sishni kechikishi saqlanib qolgan (o‘sish tezligi <3-persentil). Ushbu tadqiqotdagi keyingi kuzatuvning uzoq qismida oraliq natijalari bo‘yicha pasientlarning 22% da (16/74) o‘sish persentili >15 persentilga pasaydi, ulardan 3 nafar (4%) bolada 1 yil davomida davolanmagan holda pasayish >30 persentil bo‘lgan. Xususan, uzoq keyingi kuzatuvdan 1 yildan keyingi o‘rtacha o‘sish persentilining pasayishi prepubertat yoshidagi bolalarda yaqqolroq ifodalangan.

Ushbu tadqiqotda barcha ishtirokchilardagi eng ko‘p uchragan nojo‘ya reaksiyalar sifatida  pireksiya (80%), bosh og‘rig‘i (62%), neytropeniya (33%), toliqish (30%), anoreksiya (29%) va in‘eksiya joyidagi eritema (29%) kuzatilgan. Faqat 1 ishtirokchida nojo‘ya reaksiyani (trombositopeniyani) rivojlanishi yuzasidan bekor qilingan. Tadqiqotda xabar qilingan ko‘pchilik nojo‘ya reaksiyalar yengil yoki o‘rtacha og‘irlik darajasida bo‘lgan. Og‘ir darajali nojo‘ya reaksiyalar to‘g‘risida 7% (8/107) pasientlarda xabar qilingan bo‘lib, ular quyidagilarni o‘z ichiga olagan: in‘eksiya joyida og‘riq (1%), bo‘g‘imlarda og‘riq (1%), bosh og‘rig‘i (1%), neytropeniya (1%), pireksiya (4%). Davolash bilan bog‘liq bo‘lgan va pasientlarning shu guruhida yuz bergan muhim nojo‘ya reaksiyalar quyidagilar bo‘lgan: asabiylik (8%), tajavuzkorlik (3%), jahldorlik (2%), depressiya/depressiv kayfiyat (4%), gipotireoz (3%), 5 pasient esa, gipotireoz/TTG darajasini oshishini davolash uchun levotiroksin qabul qilgan.

Quyida ribavirin bilan majmuada PegIntron preparati bilan davolanganda bolalar va o‘smirlar ishtirokidagi tadqiqotlarda xabar qilingan, davolash bilan bog‘liq bo‘lgan nojo‘ya reaksiyalar ko‘rsatilgan. Nojo‘ya reaksiyalar a‘zolarning tizimlari sinfi va tez-tezligi bo‘yicha ko‘rsatilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1 000 dan <1/100 gacha), kam (≥1/10 000 dan <1/1 000 gacha), juda kam (<1/10 000) yoki noma‘lum (mavjud ma‘lumotlar bo‘yicha aniqlash mumkin emas).

Har bir guruhda nojo‘ya reasiyalar tez-tezligi jiddiyligini kamayib borishi tartibida ko‘rsatilgan.

Ribavirin bilan majmuada PegIntron qabul qilgan bolalar va o‘smirlar ishtirokidagi klinik tadqiqotlarda xabar qilingan juda tez-tez, tez-tez, tez-tez bo‘lmagan nojo‘ya reaksiyalar.

Infeksiyalar va invaziyalar