Poliplatillen

QO‘LLASH BO‘YICHA YO‘RIQNOMA

POLIPLATILLEN®

POLYPLATILLEN

Preparatning savdo nomi: Poliplatillen^®

Ta‘sir etuvchi modda (XPN): poliplatillen

Dori shakli: infuziya uchun eritma uchun konsentrat

Tarkibi:

1 ml konsentrat quyidagilarni saqlaydi:

faol modda: poliplatillen – 1,47 mg;

yordamchi moddalar: natriy xloridi, natriy sitrati, natriy gidroksidi, ftorurasil (2,4-dioksi-5-ftorpirimidin), in‘eksiya uchun suv.

Ta‘rifi: sarg‘ish tusli, biroz tovlanuvchi suyuqlik.

Farmakoterapevtik guruhi: o‘smalarga qarshi vosita.

ATX kodi: L01X A05.

Farmakologik xususiyatlari

Farmakodinamikasi

Poliplatillen – platinaning dezoksiribonuklein kislotasi bilan yuqori molekulyar birikmasi.

Poliplatillen DNK ning yadroli sintezini tormozlash qobiliyati tufayli o‘smalarga qarshi xususiyatlar namoyon qiladi, birinchi navbatda siklning S-fazasida bo‘lgan xujayralarni qaytmas shikastlaydi. Poliplatillenni birinchi yuborilishidayoq  o‘smalarga qarshi yuqori faollik va o‘sma massasini kamayishi aniqlanadi, bunda sog‘lom to‘qimalarning shikastlanishi kuzatilmaydi. Preparat boshqa ximiopreparatlarga orttirilgan dorilarga chidamliligi bo‘lgan o‘smalarni davolashda samarali.

Farmakokinetikasi

Poliplatillen pasientlarga 250-300 mg/m² dozalarda bir marta arteriya ichiga yuborish yo‘li bilan yuboriladi (yuborish vaqti – 3-3,5 soat). Poliplatillenni arteriya ichiga infuziyasidan keyin qon plazmasidagi preparatning konsentrasiyasini o‘zgarish dinamikasi ikki faza bilan xarakterldanadi: 6,4 soatlik yarim chiqarilish bilan boshlang‘ich faza va yarim chiqarilish davri taxminan 75 soatni tashkil qiluvchi faza, platinaning 97% chiqarilish davri esa 150 soatni tashkil qiladi.

Bir marta arteriya ichiga infuziyadan keyin 0-12, 0-24 va 0-48 soat vaqt oraliqlari bilan 2 sutka davomida siydik bilan chiqariladigan platinaning o‘rtacha foizi, platinaning yuborilgan dozasidan taxminan 6% ni tashkil qiladi, bu ahamiyatli buyrakdan tashqari klirensini ko‘rsatadi.

Poliplatillen ovqat hazm qilish yo‘llari orqali chiqariladi va boshqa ximiopreparatlardan farqli ravishda, nefrotoksik ta‘sir ko‘rsatmaydi.

Qo‘llanilishi

Xavfli o‘smalarning tarqalgan shakllari (tuxumdon, jigar, me‘da, me‘da osti bezi, yo‘g‘on ichak, o‘pka, bosh miya, bosh va bo‘yin o‘smalari, suyaklar va yumshoq to‘qimalarning sarkomasi), shu jumladan yaqqol rakli toksemiyali poliserozit bilan birga kechuvchi, qorin bo‘shlig‘i kanseromatozi va assiti bo‘lgan bemorlarni davolash. Preparat umumiy qabul qilingan ximioterapevtik sxemalar bilan davolashga sezgir bo‘lmagan ximiorezistent o‘smalarda qo‘llanadi.

Poliplatillenni boshqa antineoplastik preparatlar va nur bilan davolash bilan majmuada xavfli o‘smalarning tarqalgan shakllari (tuxumdon, bachadon, jigar, me‘da, me‘da osti bezi, yo‘g‘on ichak, prostata bezi, buyrak, buyrak usti bezlari, qovuq, o‘pka, bosh miya, bosh va bo‘yin, og‘iztomoq, qalqonsimon bezining o‘smalari, suyaklar va yumshoq to‘qimalar sarkomasi) bo‘lgan bemorlarni davolash uchun ishlatish mumkin.

Qo‘llash usuli va dozalari

Vena ichiga va arteriya ichiga yuborish usullarida preparatning tavsiya etiladigan bir martalik dozalari – 250-300 mg/m². Yuborish tartibi – 3-6 martalik, tomchilab, har 24-48 soatda; infuziya vaqti – 3-3,5 soat. Preparatning kurslik dozasi 650-1300 mg/m².

Qorin bo‘shlig‘iga yuborishda preparatning tavsiya etiladigan bir martalik dozasi – 150-300 mg/m². Dozalash tartibi – 3-6 martalik, tomchilab, har 24-72 soatda, pasientning holatiga qarab. Qorin ichiga yuborishda infuziya vaqti – 4,5-5 soat. Kurslik doza – 650-1300 mg/m².

Majmuaviy davolash sxemalari bo‘yicha Poliplatillennning tavsiya etiladigan dozasi hisoblangan terapevtik dozaning ½ ni tashkil qiladi. Yuborishning hamma usullarida preparatni tomchilagichga 4-8 mg deksametazon qo‘shish bilan natriy xloridining fiziologik eritmasida 1:1 nisbatda suyultirish kerak. Davolash kursini 3-4 hafta o‘tgach takrorlash mumkin.

Nojo‘ya ta‘sirlari

Me‘da-ichak yo‘llari tomonidan: ko‘ngil aynishi, qusish, diareya.

Immun tizimi tomonidan: allergik reaksiyalar, shu jumladan tana haroratini oshishi, anafilaktik shok (uning ko‘rinishlarini tez-tezligi – 1% dan kam).

Yurak-qon tomir tizimi tomonidan: emboliya (uning ko‘rinishlarini tez-tezligi – 1% dan kam).

Teri va teri osti to‘qimalari tomonidan: toshma.

Yuborish joyidagi reaksiyalar: yuborish joyida reaksiyalar, shu jumladan og‘riq (qorin bo‘shlig‘iga yuborilganida).

Boshqalar: o‘smaning massasi katta bo‘lgan xolda preparat yuborilganida “lizis sindromi” (o‘smaning juda tez yemirilishi) kuzatilishi mumkin, uning ko‘rinishlarini detoksikasiyaning umumiy qabul qilingan usullari yordamida muvofiqlashtirish  mumkin. Poliplatillen qorin ichiga yuborilganida, agar yuborish vaqti 4 soatdan kam bo‘lsa, spaykani hosil bo‘lish jarayoni rivojlanishi yoki dinamik o‘tkazmaslik paydo bo‘lishi mumkin.

Qo‘llash mumkin bo‘lmagan holatlar

Platina preparatlariga yuqori sezuvchanlik. O‘sma jarayonini yoyilib ketishi, bemorning terminal holati, jigar va buyrak faoliyatini og‘ir buzilishlari. Homiladorlik va emizish davri.

Dorilarning o‘zaro ta‘siri

Majmuaviy davolashda Poliplatillenni mielodepressiv va immunodepressiv ta‘sir namoyon qiluvchi usullar va vositalardan keyin ishlatish mumkin. Immunoterapiyaning barcha kerakli usullarini Poliplatillen bilan to‘liq davolash kursi o‘tkazilganidan keyin ishlatish mumkin.

Nomatanosiblik.

Poliplatillenni yuborish oldidan boshqa dori preparatlari bilan aralashtirish mumkin emas, chunki bu preparatning samaradorligi va xavfsizligiga ta‘sir qilishi mumkin (“Qo‘llash usuli va dozalari” bo‘limida ko‘rsatilgan, tavsiya etilgan erituvchilar va vositalardan tashqari).

Maxsus ko‘rsatmalar

Poliplatillenni faqat antineoplastik ximioterapiya o‘tkazish tajribasiga ega bo‘lgan yoki maxsus bilim olgan shifokor yuborishi kerak.

Poliplatillen bilan davolash vaqtida qon va siydik tahlilini o‘tkazish kerak.

Qo‘llashning o‘ziga xosligi..

Bu dori vositasi vena va ichiga arteriya ichiga yuborish usullarida 11,18-13,39 mmol (yoki 257,21-308,83 mg)/doza natriy va qorin ichiga yuborish usulida 6,69-13,39 mmol (yoki 153,97-308,83 mg)/doza natriy saqlaydi. Natriy-nazoratli parhez qabul qilayotgan pasientlarda qo‘llanganda ehtiyotkor bo‘lish kerak.

Homiladorlik yoki emizish davrida qo‘llanishi. Homiladorlik davrida qo‘llash mumkin emas. Poliplatillen bilan davolash vaqtida emizishni to‘xtatish kerak.

Bolalar. Bolalarda Poliplatillenni qo‘llash tajribasi bo‘lmaganligi tufayli, uni bu yosh guruhi pasientlarga buyurish mumkin emas.

Avtotransport yoki boshqa mexanizmlarni boshqarishda reaksiya tezligiga ta‘sir qilish qobiliyati. Neyrotoksikligi yo‘q, lekin Poliplatillen preparati qo‘llanganida avtotransportni boshqarish yoki boshqa mexanizmlar bilan ishlash maqsadga muvofiq emas.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Poliplatillenning antidoti noma‘lum. Dozani oshirib yuborilishini (450 mg/m² bir marta yuborilganda) kutiladigan keyingi ta‘siri yurak ritmining buzilishi bilan kardiotoksiklikni o‘z ichiga oladi, u simptomatik vositalar bilan yo‘qotiladi.

Chiqarilish shakli

Infuziya uchun eritma uchun konsentrat 100 yoki 250 ml dan flakonlarda №1.

Saqlash sharoiti

Original o‘ramida, 25^oS dan yuqori bo‘lmagan haroratda saqlansin. Konsentrat ko‘rinishidagi germetikligi yo‘qolgan preparatning sterilligi 7 sutka davomida saqlanadi. Saqlash jarayonida preparatni muzlatishga yo‘l qo‘yilmaydi.

Yaroqlilik muddati

3 yil.

Dorixonalardan berish tartibi

Resept bo‘yicha.