Tienam

QO‘LLASH BO‘YICHA YO‘RIQNOMA

TIENAM^®

TIENAM^®

Preparatning savdo nomi: Tienam^®

Ta‘sir etuvchi moddalar (XPN): imipenem va silastatin

Dori shakli: infuziyalar uchun eritma tayyorlash uchun kukun

Tarkibi:

1 flakon quyidagilarni saqlaydi:

Faol moddalar: imipenem – 500 mg (imipenem monogidrati ko‘rinishida), silastatin – 500 mg (silastatin natriy ko‘rinishida),

Yordamchi moddalar: natriy gidrokarbonati.

Ta‘rifi: oqdan och sariq ranggacha bo‘lgan kukun.

Farmakoterapevtik guruhi: tizimli qo‘llash uchun antibiotiklar, karbapenemlar.

ATX kodi: J01DH51.

Farmakologik xususiyatlari

Farmakodinamikasi

Ta‘sir mexanizmi.

TIENAM^® preparatining tarkibiga 2 komponent: imipenem va silastatin natriy vazn bo‘yicha 1:1 nisbatda kiradi.

Imipenem (N-formimidoil-tienamisin) – bu ipsimon bakteriya Streptomyces cattleya tomonidan ishlab chiqariladigan dastlabki modda – tienamisinning yarim sintetik hosilasidir.

Imipenem pensillinni bog‘lovchi oqsillar (PBO) bilan bog‘lanish oqibatida grammusbat va grammanfiy bakteriyalarning baterial hujayralari devorini sintezning ingibirlash yo‘li bilan bakterisid ta‘sir ko‘rsatadi.

Silastatin natriy degidropeptidaza-I ning (imipinemning metabolizmida ishtirok etuvchi va faolsizlantiruvchi buyrak fermenti) raqobatli, qaytuvchan va spesifik ingibitoridir. U xususiy antibakterial faollikka ega emas va imipenemning antibakterial faolligiga ta‘sir ko‘rsatmaydi.

Farmakokinetik/farmakodinamik o‘zaro aloqasi.

Boshqa beta-laktam antibiotiklarga nisbatan bo‘lgani kabi, imipenemning konsentrasiyasi MIK dan ortiq bo‘lganida (T>MIK) samaradorlik eng yaxshi darajada bo‘ladi.

Rezistentlik mexanizmi.

Imipenemga rezistentlik quyidagilar oqibatida kuzatilishi mumkin.

• Grammanfiy bakteriyalarning tashqi membranasi o‘tkazuvchanligini pasayishi (porinlar ishlab chiqarishning pasayishi natijasida).
• Imipenem hujayradan efflyuksli pompa yordamida faol ravishda chiqarib yuborilishi mumkin.
• PBO ning imipenem bilar yaqinligini susayishi.
• Imipenem karbapenemlarni gidrolizlovchi nisbatan kam uchraydigan beta-laktamazalardan tashqari, ko‘pchilik beta-laktamzalar, shu jumladan grammusbat va grammanfiy bakteriyalar tomonidan ishlab chiqariladigan penisillinazalar va sefalosporinazalarning gidroliziga chidamlidir. Boshqa karbapenemlarga rezistent bo‘lgan turlari, odatda imipenemga ham rezistentdir. Imipenem va xinolonlar, aminoglikozidlar, makrolidlar va tetrasiklinlar sinfiga mansub preparatlar orasida nishon mikroorganizmlarga nisbatan kesishgan rezistentlik mavjud emas.

Chegaraviy konsentrasiyalar.

Sezgir (S) patogenlar va rezistent (R) patogenlarni aniqlash uchun imipenemning chegaraviy MIK (antibiotiklarga nisbatan sezuvchanlikni aniqlash bo‘yicha Yevropa qo‘mitasi ma‘lumotlariga ko‘ra) quyidagilar (v 1,1 2010-04-27):

• Enterobacteriaceae¹: S ≤2 mg/l, R >8 mg/l
• Pseudomonas ²turlari: S ≤4 mg/l, R >8 mg/l
• Acinetobacter turlari: S ≤2 mg/l, R >8 mg/l
• Staphylococcus³turlari: sefoksitinga nisbatan sezuvchanlik bo‘yicha xulosa qilinadi
• Enterococcus turlari: S ≤4 mg/l, R >8 mg/l
• Streptococcus A, B, C, G: A, B, C va G guruhlardagi beta-gemolitik streptokkning beta-laktam sezuvchanligi penisillinga nisbatan sezuvchanligi bilan aniqlanadi.
• Streptococcus pneumoniae⁴: S ≤2 mg/l, R >2 mg/l
• Boshqastreptokokklar⁴:  S ≤2 mg/l, R >2 mg/l
• Haemophilusinfluenzae⁴: S ≤2 mg/l, R >2 mg/l
• Moraxellacatarrhalis⁴: S ≤2 mg/l, R >2 mg/l
• Neisseria gonorrhoeae: imipenemning Neisseria gonorrhoeae ga nisbatan samaradorligi bo‘yicha dalillar yetarli emas.
• Grammusbat anaeroblar: S ≤2 mg/l, R >8 mg/l
• Grammanfiy anaeroblar: S ≤2 mg/l, R >8 mg/l
• Chegaraviy turlarga bog‘liq bo‘lmagankonsentrasiyalar⁵: S ≤2 mg/l, R >8 mg/l

¹ Proteus va Morganella species imipenem uchun yomon nishon hisoblanadi.

² Pseudomonas ga nisbatan chegaraviy konsentrasiyalar yuqori dozalarning tez-tez qo‘llanilishi bilan bog‘liq (har 6 soatda 1 g).

³ Stafilokokkning karbapenemga nisbatan sezuvchanligi sefoksitinga nisbatan sezuvchanligi bo‘yicha aniqlanadi.

⁴ MIK sezuvchanlikning chegaraviy konsentrasiyalaridan yuqori bo‘lgan shtammlar juda kamdan-kam hollarda uchraydi yoki hozirgacha ular to‘g‘risida xabarlar bo‘lmagan. Har qanday shunday izolyat uchun identifikasiya va mikroblarga qarshi sezuvchanlik testlarini takrorlash lozim va agar natija tasdiqlansa, izolyatni ma‘lumot beruvchi laboratoriyaga yuborish lozim. Rezistentlikning amaldagi chegaraviy nuqtalardan yuqori bo‘lgan minimal ingibirlovchi konsentrasiyasiga ega tasdiqlangan izolyatlar uchun klinik javob yuzasidan tasdiq olinmagunga qadar, izolyatlarni rezistent deb hisoblash lozim.

⁵ Turlarga bog‘liq bo‘lmagan chegaraviy konsentrasiyalar asosan farmakokinetika/farmakodinamika ma‘lumotlari bo‘yicha aniqlangan va maxsus turlarning MIK ga bog‘liq bo‘lmaydi. Ulardan faqat turlarga bog‘liq bo‘lgan chegaraviy kosentrasiyalar sharxida yoki havolalarda ko‘rsatilmagan turlar uchun foydalanish lozim.

Sezuvchanligi.

Bakteriyalar alohida turlarining orttirilgan rezistentligining tarqalganligi geografik joylashishiga bog‘liq ravishda va vaqt o‘tishi bilan o‘zgarishi mumkin, shuning uchun jumladan og‘ir infeksiyalarni davolashda mahalliy ma‘lumotlarga ega bo‘lishi maqbuldir. Zarurat bo‘lishi bilan, agar rezistentlikning mahalliy tarqalganligi shunday bo‘lsaki, dori vositasining hech bo‘lmaganda infeksiyalarning ayrim turlariga nisbatan foydaliligi shubhali bo‘lsa, tavsiyalar olish uchun mutaxassisga murojaat qilish lozim.

Oddiy sezuvchan mikroorganizmlar

Grammusbat aeroblar:

Enterococcus faecalis

Staphylococcus aureus (metisillinga sezgir)*

Staphylococcus coagulase negative (metisillinga sezgir)

Streptococcus agalactiae

Streptococcus pneumoniae

Streptococcus pyogenes

Streptococcus viridans guruhi

Grammanfiy aeroblar:

Citrobacter freundii

Enterobacter aerogenes

Enterobacter cloacae

Escherichia coli

Haemophilus influenzae

Klebsiella oxytoca

Klebsiella pneumoniae

Moraxella catarrhalis

Serratia marcescens

Grammusbat anaeroblar:

Clostridium perfringens**

Peptostreptococcus turlari**

Grammanfiy anaeroblar:

Bacteroides fragilis

Bacteroides fragilis guruhi

Fusobacterium

Porphyromonas asaccharolytica turlari

Prevotella turlari

Veillonella turlari

Orttirilgan rezistentlikka ega bo‘lgan shtammlar

Grammusbat aeroblar:

Acinetobacter baumannii

Pseudomonas aeruginosa

O‘z tabiati bo‘yicha rezistent bo‘lgan mikroorganizmlar

Grammusbat aeroblar:

Enterococcus faecium

Grammanfiy aeroblar:

Burkholderia cepacia (avvalroq Pseudomonas cepacia) ning ayrim shtammlari

Legionella turlari

Stenotrophomonas maltophilia (avvalroq Xanthomonas maltophilia, avvalroq Pseudomonas maltophilia)

Boshqalar

Chlamydia turlari

Chlamydophila turlari

Mycoplasma turlari

Ureoplasma urealyticum

*barcha metisillinga rezistent stafilokokklar imipenem/silastatinga rezistent hisoblanadi.

**turlarga bog‘liq bo‘lmagan chegaraviy konsentrasiyalardan foydalanildi (antibiotiklarga sezuvchanlikni aniqlash bo‘yicha Yevropa qo‘mitasi tavsiyasiga muvofiq).

Farmakokinetikasi

Imipenem

Qon plazmasidagi konsentrasiyalar.

Sog‘lom ko‘ngillilarda TIENAM^® preparatini 20 minut davomida vena ichiga yuborilgandan keyin imipenemning plazmadagi maksimal konsentrasiyasi 250 mg/250 mg doza qo‘llanganida 12 mkg/ml dan 20 mkg/ml gachani, 500 mg/500 mg doza qo‘llanganda           21 mkg/ml dan 58 mkg/ml gachani va 1 000 mg/1 000 mg doza qo‘llanganda 41 mkg/ml dan 83 mkg/ml gachani tashkil qildi. Imipenemni 250 mg/250 mg, 500 mg/500 mg va 1 000 mg/1 000 mg dozalarda qo‘llangandagi plazmadagi o‘rtacha maksimal konsentrasiyalari mos ravishda 17 mkg/ml, 39 mkg/ml va 66 mkg/ml ni tashkil qildi. Bunday dozalar qo‘llanganda imipenemning qon plazmasidagi darajalari 4-6 soatdan keyin  1 mkg/ml gacha yoki undan quyigacha pasaydi.

Taqsimlanishi.

Imipenem qon zardobi oqsillari bilan taxminan 20% ga bog‘lanadi.

Biotransformasiyasi va chiqarilishi.

Monoterapiyada imipenem buyrakda degidropeptidaza-I yordamida metabolizmga uchraydi. Imipenemni siydik bilan chiqarilishi 5% dan 40% gacha o‘zgarib turadi va bir nechta tadqiqotlarda organizmdan  chiqarilishining o‘rtacha ko‘rsatkichi 15-20% bo‘lgan.

Silastatin degidropeptidaza-I fermentining maxsus ingibitori hisoblanadi va imipenem metabolizmini samarali tarzda ingibirlaydi, shuning uchun ham imipenem va silastatin bir vaqtda qo‘llanganida imipenemning terapevtik antibakterial darajalariga siydik va qon plazmasida erishiladi.

Qon plazmasidan imipenemning yarim chiqarilish davri 1 soatni tashkil qiladi. Qo‘llanilgan antibiotikning taxminan 70% 10 soat davomida siydik bilan o‘zgarmagan holda chiqariladi; shundan keyin imipenemni siydik bilan chiqarilishi kuzatilmaydi. Imipenemning siydikdagi konsentrasiyalari TIENAM^® preparati 500 mg/500 mg dozada qo‘llanganidan keyingi 8 soat davomida 10 mkg/ml dan oshmadi. Qo‘llanilgan dozaning qolgan qismi siydik bilan antibakterial faollikka ega bo‘lmagan metabolitlar ko‘rinishida chiqariladi, ahlat bilan chiqarilgan imipenemning miqdori esa deyarli nolga teng bo‘lgan.

Buyrak faoliyati normal bo‘lgan pasientlarda TIENAM^® preparatini har 6 soatda qo‘llanilganda qon plazmasi yoki siydikda imipenemni to‘planishi kuzatilmagan.

Silastatin

Qon plazmasidagi konsentrasiyalar.

TIENAM^® preparatini vena ichiga 20 minut davomida yuborilgandan keyin silastatinning plazmadagi maksimal konsentrasiyasi 250 mg/250 mg doza qo‘llanganida  21 mkg/ml dan 26 mkg/ml gachani, 500 mg/500 mg doza qo‘llanganda 21 mkg/ml dan 55 mkg/ml gachani va 1 000 mg/1 000 mg doza qo‘llanganda 56 mkg/ml dan 88 mkg/ml gachani tashkil qildi. Silastatinni 250 mg/250 mg, 500 mg/500 mg va 1 000 mg/1 000 mg dozalarda qo‘llanilgandagi plazmadagi o‘rtacha maksimal konsentrasiyalari muvofiq ravishda          22 mkg/ml, 42 mkg/ml va 72 mkg/ml ni tashkil qildi.

Taqsimlanishi.

Silastatin qon zardobi oqsillari bilan taxminan 40% bog‘lanadi.

Biotransformasiyasi va chiqarilishi.

Qon plazmasidan silastatinning yarim chiqarilish davri 1 soatni tashkil qiladi. Silastatinning taxminan 70-80% TIENAM^® preparati qo‘llanilganidan keyingi 10 soat davomida siydik bilan o‘zgarmagan holda chiqariladi. Shundan keyin silastatinni siydik bilan chiqarilishi kuzatilmaydi. Taxminan 10% degidropeptizalarga qarshi selastatinning faolligiga teng bo‘lgan ingibirlovchi faollikka ega bo‘lgan N-asetil-metabolit ko‘rinishida chiqariladi. Buyrakdagi degidropeptidaza-I ning faolligi aylanayotgan qondan silastatin chiqarilgandan keyin tez orada normal darajalarga qaytadi.

Buyrak faoliyatini buzilishi

TIENAM^® preparati 250 mg/250 mg dozada vena ichiga bir marta yuborilgandan so‘ng imipenemning egri chizig‘i ostidagi maydon (AUC) ko‘rsatkichi buyrak faoliyatini yengil darajada buzilishi (kreatinin klirensi (KK) 50–80 ml/minut/1,73 m²), o‘rta darajada (KK 30–<50 ml/minut/1,73 m²) va og‘ir darajada buzilgan (KK <30  ml/minut/1,73 m²) pasientlarda buyrak faoliyati me‘yorida (KK >80 ml/minut/1,73 m²) bo‘lgan pasientlarga nisbatan mos ravishda 1,1, 1,9 va 2,7 marta, silastatin AUC ko‘rsatkichi esa, buyrak faoliyatini yengil, o‘rtacha va og‘ir darajada buzilishi bo‘lgan pasientlarda buyrak faoliyati me‘yorida bo‘lgan pasientlarga nisbatan muvofiq ravishda 1,6; 2,0 va 6,2 marta oshgan. TIENAM^® preparatini gemodializ o‘tkazilganidan so‘ng 24 soatdan keyin bir martalik 250 mg/250 mg dozada vena ichiga yuborilgandan keyin imipenem va silastatinning AUC ko‘rsatkichlari buyrak faoliyati me‘yorida bo‘lgan pasientlarga nisbatan muvofiq ravishda 3,7 va 16,4 marta yuqori bo‘lgan. TIENAM^® preparati vena ichiga yuborilgandan keyin siydik bilan chiqarilishi, buyrak klirensi va imipenem va silastatinni plazma klirensi buyrak faoliyatini buzilish darajasiga mos tarzda pasayadi. Buyrak faoliyatini buzilishi bo‘lgan pasientlarda dozalarni to‘g‘rilash tavsiya qilinadi (“Qo‘llash usuli va dozalari” bo‘limiga qarang).

Jigar faoliyatini buzilishi

Jigar faoliyatini buzilishi bo‘lgan pasientlarda imipenemning farmakokinetikasi o‘rganilmagan. Jigarda imipenemning metabolizmi cheklanganligi tufayli, jigar faoliyatini buzilishi preparatning farmakokinetik xususiyatlariga ta‘sir ko‘rsatishi kutilmaydi. Shuning uchun jigar faoliyatini buzilishi bo‘lgan pasient dozalarni to‘g‘rilash tavsiya qilinmaydi (“Qo‘llash usuli va dozalari” bo‘limiga qarang).

Bolalar

Imipenemning o‘rtacha klirensi va taqsimlanish hajmi (Vdss) bolalarda (3 oylikdan boshlab 14 yoshgacha bo‘lgan bolalarda) kattalarga nisbatan taxminan 45% ga yuqori bo‘lgan. Imipenemning AUC ko‘rsatkichi, bolalarga imipenem/silastatin tana vazniga nisbatan 15/15 mg/kg dozada yuborilgandan keyin, kattalarga 500 mg/500 mg doza qo‘llanganidagi preparatning ekspozisiyasiga nisbatan taxminan 30% ga yuqori bo‘lgan. Yuqoriroq dozalar qo‘llanganida imipenem/silastatin tana vazniga nisbatan 25/25 mg/kg dozada qo‘llangandan keyingi ekspozisiya kattalarga 1 000 mg/1 000 mg doza qo‘llanganidagi ekspozisiyasiga nisbatan 9% ga yuqoriroq bo‘ldi.

Keksa yoshdagi pasientlar

Keksa yoshdagi (yoshga muvofiq buyrak faoliyati me‘yorida bo‘lgan 65 yoshdan 75 yoshgacha bo‘lgan) sog‘lom ko‘ngillilarda bir martalik 500 mg/500 mg dozada (20 minut davomida vena ichiga) TIENAM^® preparatining farmakokinetikasi dozalarni to‘g‘rilashga zarurat bo‘lmagan buyrak faoliyatini yengil buzilishi bo‘lgan pasientlardagi shunday ko‘rsatkich bilan bir xil bo‘ldi. Qon plazmasidan imipenem va silastatinni o‘rtacha yarim chiqarilish davri muvofiq ravishda 91±7,0 minut va 69±15 minutni tashkil qildi. Ko‘p marta qo‘llanishi imipenem va silastatinning farmakokinetikasiga ta‘sir ko‘rsatmaydi; ushbu preparatlarini to‘planishi kuzatilmaydi (“Qo‘llash usuli va dozalari” bo‘limiga qarang).

Xavfsizlik bo‘yicha klinika oldi ma‘lumotlari

Klinik bo‘lmagan ma‘lumotlar takroriy dozalarning toksikligi va genotoksiklik bo‘yicha tadqiqotlar natijalardan kelib chiqqan holda, odam uchun spesifik xavfni yo‘qligidan dalolat beradi.

Hayvonlarda o‘tkazilgan tadqiqotlar imipenemning toksikligi (alohida modda sifatida) buyraklar bilan cheklanishini ko‘rsatdi. Silastatinni imipenem bilan 1:1 nisbatda bir vaqtda qo‘llanishi quyonlar va maymunlarda imipenemning nefrotoksik ta‘sirini oldini oldi. Mavjud ma‘lumotlar silastatin imipenemni buyrakning tubulyar hujayralarga kirishini oldini olish bilan imipenemning nefrotoksikligini oldini olishini ko‘rsatadi.

Imipenem/silastatinni sutkada 40/40 mg/kg dozada (bolyusli vena ichiga in‘eksiya ko‘rinishida) yuborilgan homilador yava makakalarida o‘tkazilgan teratologik tadqiqotlar, ko‘ngil aynishi, ishtahani yo‘qolishi, tana vaznini kamayishi, diareya, abort va ayrim hollarda o‘limni o‘z ichiga oluvchi onaga nisbatan toksiklikni borligini ko‘rsatdi. Imipenem/silastatin natriy (sutkada taxminan 100/100 mg/kg dozada yoki odam uchun tavsiya qilingan sutkalik dozadan 3 marta yuqori dozada, vena ichiga) vena ichiga infuziya ko‘rinishida homilador yava makakalariga (odamlarda klinik qo‘llanishi kabi) yuborilganida o‘lim holatlarisiz, teratogenlik belgilarisiz onalarning minimal o‘zlashtira olmasligi kuzatildi (kam hollarda qusish kuzatilgan), lekin nazorat guruhiga nisbatan, embrional o‘lim holatlarini tez-tezligini oshishi o‘rin tutgan.

Hayvonlarda imipenem/silastatinning kanserogen potensialini baholash bo‘yicha uzoq muddatli tadqiqotlar o‘tkazilmagan.

Qo‘llanilishi

TIENAM^® kattalar va 1 yosh va undan katta bolalarda quyidagi infeksiyalarni davolash uchun qo‘llanadi (“Ehtiyokorlik choralari” va “Farmakodinamikasi” bo‘limlariga qarang):

• qorin bo‘shlig‘ining asoratlangan infeksiyalari;
• og‘ir pnevmoniya, shu jumladan gospital va O‘SV-o‘pkaning sun‘iy ventillyasiyasi bilan bog‘liq pnevmoniya;
• intranatal va tug‘ruqdan keyingi infeksiyalar;
• siydik chiqarish yo‘llarining asoratlangan infeksiyalari;
• teri va yumshoq to‘qimalarning asoratlangan infeksiyalari.

TIENAM^® neytropenik isitmasi bo‘lgan pasientlarda bakterial infeksiyaga shubha tug‘ilgan hollarda qo‘llanishi mumkin.

Yuqorida sanab o‘tilgan infeksiyalardan istalgani bilan bog‘liq bo‘lgan yoki bog‘liq ekanligi gumon qilingan bakteriemiyasi bo‘lgan pasientlarni davolashda qo‘llanadi.

Antibakterial vositalarni muvofiq ravishda qo‘llash bo‘yicha rasmiy tavsiyalarni e‘tiborga olish lozim.

Qo‘llash usuli va dozalari

Dozalash

TIENAM^® preparatining tavsiya qilingan dozalari qo‘llash kerak bo‘lgan imipenem/silastatinning miqdoriga mos keladi.

TIENAM^® preparatining sutkalik dozasi infeksiyaning turi va og‘irligi, aniqlangan qo‘zg‘atuvchi(lar), pasientda buyrak faoliyatining holati va tana vazniga bog‘liq bo‘lishi kerak (“Ehtiyotkorlik choralari” va “Farmakodinamikasi” bo‘limlariga qarang).

Kattalar va o‘smirlar

Buyrak faoliyati me‘yorida bo‘lgan pasientlar (kreatinin klirensi >70 ml/minut/1,73 m²) uchun quyidagi sxemalar tavsiya qilingan:

– 500 mg/500 mg har 6 soatda yoki

– 1 000 mg/1 000 mg har 8 yoki 6 soatda yuboriladi.

Agar infeksiya kamroq sezgir bakteriya turlari (masalan, Pseudomonas aeruginosa) tomonidan chaqirilgan yoki chaqirilganligi gumon qilinayotgan bo‘lsa, shuningdek infeksiyalarning juda og‘ir shaklida (masalan, neytropenik isitmasi bo‘lgan pasientlar) tavsiya qilingan doza har 6 soatda 1 000 mg/1 000 mg ni tashkil qiladi.

Quyidagi hollarda dozani kamaytirish lozim bo‘lishi mumkin:

– kreatinin klirensi ≤70 ml/minut/1,73 m² (1-jadvalga qarang 1) yoki

– tana vazni <70 kg bo‘lganda. Tana vazni <70 kg bo‘lgan pasientlar uchun proporsional dozani quyidagi formula bo‘yicha aniqlash kerak:

Haqiqiy tana vazni (kg) x standart doza

                                   70 (kg)

Sutkalik umumiy maksimal doza sutkada 4 000 mg/4 000 mg dan oshmasligi kerak.

Buyrak faoliyatini buzilishi

Buyrak faoliyatini buzilishi bo‘lgan katta yoshdagi pasient uchun kamaytirilgan dozani aniqlash uchun quyidagilarni bajarish lozim:

1. buyrak faoliyati me‘yorida bo‘lganida odatda qo‘llaniladigan umumiy sutkalik dozani aniqlash (masalan, 2000/2 000, 3 000/3 000 yoki 4 000/4 000 mg);
2. 1-jadvaldan pasientning kreatinin klirensi ko‘rsatkichiga muvofiq tegishli kamaytirilgan dozani topish. Infuziyani o‘tkazish vaqtini aniqlash uchun “Qo‘llash usuli” kichik bo‘limiga qarang.

1-jadval. Buyrak faoliyatini buzilishi bo‘lgan va tana vazni <70 kg bo‘lgan pasientlar uchun kamaytirilgan dozalar*

* Tana vazni <70 kg bo‘lgan pasientlarda dozlarni qo‘shimcha ravishda kamaytirish lozim. Tana vazni <70 kg bo‘lgan pasientlar uchun mutanosib dozani quyidagi formula bo‘yicha aniqlash lozim: haqiqiy tana vaznini (kg) 70 ga bo‘lish va 1-jadvalda ko‘rsatilgan muvofiq tavsiya qilingan dozaga ko‘paytirish.

** Kreatinin klirensi 6–20 ml/minut/1,73 m² bo‘lgan pasientlarda 500 mg/500 mg doza qo‘llanganda tirishish xurujlarini yuz berish xavfi oshishi mumkin.

Kreatinin klirensi  ≤5  ml/minut/1,73 m² bo‘lgan pasientlar

Agar 48 soat davomida gemodializ seansi o‘tkazilmagan bo‘lsa, ushbu pasientlarda TIENAM^® preparatini qo‘llab bo‘lmaydi.

Gemodializ o‘tkazilgan pasientlar

Kreatinin klirensi ≤5 ml/minut/1,73 m² bo‘lgan dializ o‘tkazilgan pasientlarni davolashda kreatinin klirensi 6–20 ml/minut/1,73 m² bo‘lgan pasientlar uchun tavsiya qilingan dozalarni qo‘llash kerak (1-jadvalga qarang).

Imipenem va silastatin qon aylanish tizimidan gemodializ o‘tkazish vaqtida chiqarib yuboriladi. Pasientlar TIENAM^® preparatini gemodializ o‘tkazilgandan keyin, gemodializ seansi tugagandan boshlab 12 soatlik interval bilan olishlari kerak. Ayniqsa markaziy nerv tizimining (MAT) ma‘lum asosiy xastaligi mavjud bo‘lgan hollarda dializ seansi o‘tkazilayotgan pasientlar holatini sinchkovlik bilan nazorat qilish lozim. Gemodializ o‘tkaziladigan pasientlar uchun TIENAM^® preparati, faqat preparatni qo‘llashdan kutilayotgan foyda, tirishish xurujining yuz berish xavfidan ustun bo‘lgan hollardagina tavsiya qilinadi (“Ehtiyotkorlik choralari” bo‘limiga qarang).

Hozirgi vaqtda peritoneal dializ o‘tkaziladigan pasientlarda TIENAM^® preparatini qo‘llashni tavsiya qilish uchun ma‘lumotlar yetarli emas.

Jigar faoliyatini buzilishi

Jigar faoliyatini buzilishlari bo‘lgan pasientlarda dozalarni to‘g‘rilash tavsiya qilinmaydi (“Farmakokinetikasi” bo‘limiga qarang).

Keksa yoshdagi pasientlar

Buyrak faoliyati me‘yorida bo‘lgan keksa yoshdagi pasientlarda dozalarni to‘g‘rilash tavsiya qilinmaydi (“Farmakokinetikasi” bo‘limiga qarang).

≥1 yoshdagi bolalar

≥1 yoshdagi bolalar uchun tavsiya qilingan doza har 6 soatda 15/15 yoki 25/25 mg/kg ni tashkil qiladi.

Agar infeksiya kamroq sezgir bakteriya turlari (masalan, Pseudomonas aeruginosa) tomonidan chaqirilgan yoki chaqirilganligi gumon qilinayotgan bo‘lsa, shuningdek infeksiyalarning juda og‘ir shakllari (masalan, neytropenik isitmasi bo‘lgan pasientlar) da tavsiya qilingan doza har 6 soatda 25/25 mg ni tashkil qiladi.

<1 yoshdagi bolalar

<1 yoshdagi bolalar uchun dori vositasini dozalash yuzasidan tavsiyalar berish uchun klinik ma‘lumotlar yetarli emas.

Buyrak faoliyatini buzilishi bo‘lgan bolalar

Buyrak faoliyatini buzilishi (zardobdagi kreatinin darajasi >2 mg/dl) bo‘lgan bolalar uchun preparatni dozalash yuzasidan tavsiyalar berish uchun klinik ma‘lumotlar yetarli emas. “Ehtiyotkorlik choralari” bo‘limiga qarang.

Qo‘llash usuli.

TIENAM^® preparatini qo‘llashdan avval eritib tayyorlash va keyin suyultirish zarur (quyiga qarang). <500 mg/500 mg dozani 20-30 minut davomida vena ichiga infuziya ko‘rinishida yuborish lozim. >500 mg/500 mg dozani 40-60 minut davomida vena ichiga infuziya ko‘rinishida yuborish lozim. Infuziyani o‘tkazishda ko‘ngil aynishi yuz berishi mumkin bo‘lgan pasientlarda infuziya tezligini  kamaytirish lozim.

Har bir flakon bir marta foydalanish uchun mo‘ljallangan.

Eritib tayyorlash

Har bir flakon ichidagisini muvofiq infuzion eritma (“Nomutanosiblik” bo‘limiga qarang): 0,9% li natriy xlorid eritmasining 100 ml ga qo‘shish kerak. 0,9% li natriy xloridi eritmasidan klinik sabablarga ko‘ra foydalanish mumkin bo‘lmagan favqulodda holatlarda 5% li glyukoza eritmasini ishlatish mumkin.

Muvofiq infuzion eritmaning taxminan 10 ml flakonga yuborilishi kerak. Yaxshilab aralashtirish va olingan aralashmani infuzion paketchaga o‘tkazish lozim.

OGOHLANTIRISH: OLINGAN ARALASHMANI BEVOSITA INFUZIYA UCHUN ISHLATISH MUMKIN EMAS.

Infuzion eritmaga flakon ichidagi to‘liq o‘tganligini kafolatlash uchun flakonga 10 ml infuzion eritma qayta kiritilishi kerak. Olingan eritma tiniq eritma hosil bo‘lgunicha aralashtirilishi kerak.

Bunday eritish yo‘li bilan olingan eritmadagi imipenem va silastatin konsentrasiyasi taxminan 5 mg/ml ni tashkil qiladi.

Rangini ransizdan sariq rangligacha o‘zgarishi preparatning samaradorligiga ta‘sir ko‘rsatmaydi.

Tayyorlangan eritma muzlatilmasin.

Foydalanilmay qolgan dori vositasi yoki chiqindi materiallarini mahalliy talablarga ko‘ra chiqitga chiqarish lozim.

Nojo‘ya ta‘sirlari

Imipenem/silastatin (vena ichiga) bilan davolangan 1723 ta pasient ishtirokida o‘tkazilgan klinik tadqiqotlarda ko‘proq quyidagi nojo‘ya ta‘sirlar (kamida terapiya o‘tkazilishi bilan bog‘liq bo‘lgan holatlar): ko‘ngil aynishi (2,0%), diareya (1,8%), qusish (1,5%), toshma (0,9%), isitma (0,5%), gipotenziya (0,4%), tirishishlar (0,4%) (“Ehtiyotkorlik choralari” bo‘limiga qarang), bosh aylanishi (0,3%), qichishish (0,3%), eshakemi (0,2%), uyquchanlik (0,2%) to‘g‘risida xabar qilingan. Xuddi shunday quyidagi mahalliy nojo‘ya ta‘sirlar to‘g‘risida ham ko‘proq xabar berilgan: flebit/tromboflebit (3,1%), in‘eksiya joyidagi og‘riq (0,7%), in‘eksiya joyidagi eritema (0,4%) va vena indurasiyasi (0,2%). Shuningdek qon zardobidagi transaminazalar va ishqorli fosfatazaning darajasini oshishi to‘g‘risida ham tez-tez xabar berilgan.

Quyidagi nojo‘ya ta‘sirlar to‘g‘risida klinik tadqiqotlar vaqtida va postmarketing kuzatuvlarda xabar qilingan.

Nojo‘ya ta‘sirlar a‘zolar tizimlari sinfi va tez-tezligiga ko‘ra ko‘rsatilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1 000 dan <1/100 gacha), kam hollarda (≥1/10 000 dan <1/1 000 gacha), juda kam hollarda (<1/10 000) va noma‘lum (mavjud ma‘lumotlar bo‘yicha aniqlash mumkin emas).

Har bir tez-tezlik guruhida nojo‘ya ta‘sirlarning jiddiyligi kamayib borish tartibida ko‘rsatilgan.

Infeksiyalar va invaziyalar: tez-tez emas – psevdomembranoz kolit, kandidoz; juda kam – gastroenterit.

Qon aylanishi va limfatik tizim tomonidan buzilishlar: tez-tez – eozinofiliya; tez-tez emas – pansitopeniya, neytropeniya, leykopeniya, trombositopeniya, trombositoz; kam – agranulositoz; juda kam – gemolitik anemiya, suyak ko‘migi faoliyatini susayishi.

Immun tizimi tomonidan buzilishlar: kam – anafilaktik ta‘sirlar.

Ruhiyat tomonidan buzilishlar: tez-tez emas – ruhiyatni buzilishi, shu jumladan gallyusinasiyalar va ongni xiralashishi.

Nerv tizimi tomonidan buzilishlar: tez-tez emas – tirishishlar, mioklonik faollik, bosh aylanishi, uyquchanlik; kam – ensefalopatiya, paresteziya, ajitasiya, diskineziya, fokal tremor, ta‘m sezgilarini buzilishi; juda kam – gravis miasteniyasini yomonlashishi, bosh og‘rig‘i.

Eshitish va muvozanat a‘zolari tomonidan buzilishlar: kam – eshitish qobiliyatini yo‘qotilishi; juda kam – vertigo, quloqdagi jaranglashlar.

Yurak tomonidan buzilishlar: juda kam – sianoz, taxikardiya, palpitasiya.

Qon tomir tizimi tomonidan buzilishlar: tez-tez – tromboflebit; tez-tez emas – gipotenziya; juda kam – qizish hissi.

Respirator tizimi, ko‘krak qafasi ko‘ks oralig‘i a‘zolari tomonidan buzilishlar: juda kam – dispnoe, giperventilyasiya, yutinishdagi og‘riq.

Me‘da-ichak yo‘llari tomonidan buzilishlar: tez-tez – diareya, qusish, ko‘ngil aynishi (TIENAM^® dori vositasini qo‘llanilishi bilan bog‘liq bo‘lgan ko‘ngil aynishi va qusish granulositopeniyasi bo‘lmagan pasientlarga nisbatan granulositopeniyasi bo‘lgan pasientlarda ko‘proq uchraydi); kam – tishlar va/yoki til rangini o‘zgarishi, gemorragik kolit, abdominal og‘riq, jig‘ildon qaynashi, glossit, til so‘rg‘ichlari gipertrofiyasi, so‘lak ajralishini oshishi.

Gepatobiliar tizim tomonidan buzilishlar: kam – buyrak yetishmovchiligi, gepatit; juda kam – fulminant gepatit.

Teri va yumshoq to‘qimalar tomonidan buzilishlar: tez-tez – toshmalar (masalan, ekzantematoz); tez-tez emas – eshakemi, qichishish; kam – toksik epidermal nekroliz, angionevrotik shish, Stivens–Djonson sindromi, ko‘p shaklli eritema, eksfoliativ dermatit; juda kam – gipergidroz, teri teksturasini o‘zgarishi.

Skelet-mushak tizimi va biriktiruvchi to‘qima tomonidan buzilishlar: juda kam – poliartralgiya, umurtqa pog‘onasining ko‘krak qismida og‘riq.

Buyrak va siydik chiqarish tizimi tomonidan buzilishlar: kam – o‘tkir buyrak yetishmovchiligi, oliguriya/anuriya, poliuriya, siydik rangini o‘zgarishi (xavfsiz, gematuriya bilan chalkashtirmaslik lozim). TIENAM^® preparatini qo‘llashni buyrak faoliyatini buzilishiga ta‘sirini baholash qiyin, chunki odatda prerenal azotemiya yoki buyrak faoliyatini buzilishi uchun moyillik tug‘diruvchi omillar mavjud bo‘ladi.

Reproduktiv tizim va sut bezlari tomonidan buzilishlar: juda kam – vulvani qichishishi.

Pasientning umumiy holatini va preparatni qo‘llash usuli bilan bog‘liq bo‘lgan buzilishlar: tez-tez emas – isitma, in‘eksiya joyidagi mahalliy og‘riq va indurasiya, in‘eksiya joyidagi eritema; juda kam – ko‘krak qafasidagi diskomfort, asteniya/holsizlik.

Tekshirishlar: tez-tez – transaminazalar darajasini oshishi, qon zardobida ishqoriy fosfataza darajasini oshishi; tez-tez emas – bevosita Kumbs musbat testi, protrombin vaqtini oshishi, gemoglobin darajasini pasayishi, qon zardobida bilirubin darajasini oshishi, qon zardobida kreatinin darajasini oshishi, qonda azot mochevina darajasini oshishi.

Bolalar (3 oylikdan katta yoshdagi)

3 oylikdan katta 178 bola ishtirokida o‘tkazilgan tadqiqotlarda kuzatilgan nojo‘ya ta‘sirlar kattalardagi bilan bir xil bo‘ldi.

Qo‘llash mumkin bo‘lmagan holatlar

• Ta‘sir etuvchi moddalar va yordamchi moddalarning birontasiga nisbatan o‘ta yuqori sezuvchanlik.
• Karbapenemlar guruhiga kiruvchi istalgan antibiotikka nisbatan o‘ta yuqori sezuvchanlik.
• Beta-laktam antibiotiklarning boshqa istalgan turiga (masalan, penisillin, sefalosporinlar) nisbatan o‘ta yuqori sezuvchanlikning og‘ir reaksiyasi (masalan, anafilaktik reaksiya, teri reaksiyasining og‘ir shakli).

Dorilarning o‘zaro ta‘siri

Gansiklovir va TIENAM^® qabul qilayotgan pasientlarda yoyilgan tirishish xurujlarini yuz berishi to‘g‘risida xabar berilgan. Bu preparatlarni potensial foyda xavfdan ustun bo‘lgan hollardan tashqari hollarda bir vaqtda qo‘llab bo‘lmaydi. Valproat kislotasi va karbapenemlar guruhiga kiruvchi preparatlarni bir vaqtda qo‘llanganda valproat kislotasi darajasini pasayishi to‘g‘risida xabar berilgan (terapevtik darajadan ham pasayishi mumkin). Valproat kislotasi darajasini pasayishi tirishishlarni yuz berishini yetarli darajada nazorat qilinolmasligiga olib kelishi mumkin. Shu sababli imipenem va valproat kislotasi/natriy valproatini bir vaqtda qo‘llash tavsiya qilinmaydi; muqobil antibiotiklar yoki tirishishga qarshi preparatlarni qo‘llash masalasini ko‘rib chiqish lozim (“Ehtiyotkorlik choralari” bo‘limiga qarang).

Peroral qo‘llanadigan antikoagulyantlar

Antibiotiklarni va varfarinni bir vaqtda qo‘llash varfarinning antikoagulyant xususiyatlarini kuchaytirishi mumkin. Bir vaqtning o‘zida antibiotiklarni olayotgan pasientlarda peroral qo‘llanilayotgan antikoagulyantlarning (jumladan varfarinning) antikoagulyant ta‘sirlarini kuchayishi to‘g‘risida ko‘pgina xabarlar olingan. Ushbu xavf asosiy infeksion kasallik, pasientning yoshi va umumiy holatiga bog‘liq bo‘lishi mumkin, shuning uchun antibakterial preparatning XMN (Xalqaro me‘yorlashtirilgan nisbat) ko‘rsatkichini oshishidagi rolini baholash qiyin. Antibiotiklar va peroral koagulyantlarni bir vaqtda qo‘llash vaqtida va qo‘llagandan keyin tezda XMN ko‘rsatkichini tez-tez tekshirib turish tavsiya qilinadi.

TIENAM^® preparati va probenesidni bir vaqtda qo‘llanishi qon plazmasidagi imipenem darajasi va qon plazmasidan yarim chiqarilish davrini minimal darajada oshishiga olib keldi. Siydik bilan faol (metabolizmga uchramagan) imipenemni chiqarilishi, probenesid bilan bir vaqtda qo‘llanilgan TIENAM^® preparatining dozasi 60 foizgacha pasaygan. TIENAM^® preparati va probenesid bir vaqtda qo‘llanganida qon plazmasidagi silastatin darajasi va uning yarim chiqarilish davri 2 marta oshgan, biroq silastatinni siydik bilan chiqarilishiga ta‘siri kuzatilmagan.

Nomutanosiblik

Ushbu dori vositasi laktat bilan mos kelmaydi va shuning uchun uni laktat mavjud bo‘lgan erituvchilar bilan qayta tiklab bo‘lmaydi. Biroq dori vositasini laktatli eritmani infuziya qilish uchun foydalanilgan tomizg‘ich orqali kiritish mumkin.

Bu dori vositasini boshqa dori vositalari bilan aralashtirish mumkin emas, “Qo‘llash usuli va dozalari” bo‘limida ko‘rsatilgan hollar bundan mustasno.

Ehtiyotkorlik choralari

Umumiy ma‘lumotlar

Davolashni o‘tkazish uchun imipenema/silastatinni tanlashda har bir pasient uchun infeksiyaning og‘irligi, boshqa antibiotiklarga rezistentlikning tarqalganligi va karbapenemga rezistentlik qo‘zg‘atuvchining ajralib chiqish xavfi kabi omillarni hisobga olgan holda karbapenem guruhidagi antibiotikni qo‘llashning maqsadga muvofiqligini e‘tiborga olish lozim.

O‘ta yuqori sezuvchanlik

Beta-laktam antibiotiklar bilan davolanayotgan pasientlarda jiddiy va ayrim hollarda fatal o‘ta yuqori sezuvchanlik reaksiyalari (anafilaktik reaksiyalar) rivojlanganligi to‘g‘risida xabarlar olingan. Ushbu reaksiyalar anamnezda ko‘p sonli allergenlarga sezuvchan bo‘lgan pasientlarda yuz berish ehtimoli katta. TIENAM^® preparati bilan davolashni boshlashdan avval pasientdan karbapenemlar, penisillinlar, sefalosporinlar, boshqa beta-laktam antibiotiklar va boshqa allergenlarga nisbatan avvalroq sodir bo‘lgan o‘ta yuqori sezuvchanlik reaksiyalari to‘g‘risida sinchkov so‘rash bilish lozim (“Qo‘llash mumkin bo‘lmagan holatlar” bo‘limiga qarang). Agar TIENAM^® preparatiga nisbatan allergik reaksiyalar yuz bersa, davolashni darhol to‘xtatish lozim. Jiddiy anafilaktik reaksiyalar shoshilinch davolash choralarini o‘tkazishni talab qiladi.

Jigar faoliyati

Imipenem/silastatin bilan davolash vaqtida jigar faoliyatini sinchiklab nazorat qilish lozim, chunki gepatotoksiklik xavfi (masalan, transaminazalar faolligini oshishi, jigar yetishmovchiligi va fulminant gepatit) mavjud.

Jigar kasalliklari bo‘lgan pasientlarda qo‘llanishi: imipenem/silastatin bilan davolash vaqtida jigar faoliyatini buzilishlari bo‘lgan pasientlarda jigar faoliyatini sinchiklab nazorat qilish lozim. Dozani to‘g‘rilashga zarurat yo‘q (“Qo‘llash usuli va dozalari” bo‘limiga qarang).

Gematologiya

Imipenem/silastatin bilan davolash davrida Kumbsning bevosita yoki bilvosita testi musbat bo‘lishi mumkin.

Antibakterial doirasi

Empirik terapiyani o‘tkazishni boshlashdan avval imipenem/silastatinning antibakterial ta‘sir doirasiga (ayniqsa hayotga xavf soluvchi holatlarda) alohida e‘tibor berish lozim. Bundan tashqari, maxsus qo‘zg‘atuvchilarning imipenem/silastatinga nisbatan cheklangan sezuvchanligi sababli, masalan, teri va yumshoq to‘qimalarning bakterial infeksiyalarida ehtiyotkorlik choralariga amal qilish lozim. Imipenem/silastatinni bunday turdagi infeksiyalarni davolash uchun qo‘llanishi, qo‘zg‘atuvchining preparatga nisbatan sezuvchanligi tasdiqlangan va ma‘lum bo‘lgan yoki bunday davolash nazarda tutilgan qo‘zg‘atuvchilarda mos kelishiining yuqori darajadagi ehtimoli mavjud bo‘lgan hollardan tashqari hollarda mos kelmaydi. Metisillinga rezistent Staphylococcus aureus (MRZS) ishtiroki shubha qilingan yoki tasdiqlangan hollarda MRZS ga qarshi tegishli antibiotikni bir vaqtda qo‘llanishi tavsiya qilinishi mumkin. Agar Pseudomonas aeruginosa qo‘zg‘atuvchining qo‘shilganligi shubha qilinsa yoki tasdiqlansa, aminoglikozidni bir vaqtda qo‘llanishi mumkin (“Qo‘llanilishi” bo‘limiga qarang).

Valproat kislotasi bilan o‘zaro ta‘siri

Imipenem/silastatin bilan valproat kislotasi/natriy valproatini bir vaqtda qo‘llash tavsiya qilinmaydi (“Dorilarning o‘zaro ta‘siri” bo‘limiga qarang).

Clostridium difficile

Imipenem/silastatin va boshqa deyarli barcha antibiotiklar bilan davolanganda antibiotikni qo‘llash bilan bog‘liq bo‘lgan kolit va psevdomembranoz kolitni (engil og‘irlikdan hayot uchun xavf soluvchi darajagacha) rivojlanishi to‘g‘risida xabar berilgan. Imipenem/silastatinni qo‘llash vaqtida yoki qo‘llagandan keyin yuz bergan diareyasi bo‘lgan pasientlarda ushbu tashxisni hisobga olish muhimdir (“Nojo‘ya ta‘sirlari” bo‘limiga qarang). Imipenem/silastatinni bekor qilish va Clostridium difficile dagi spesifik davolashni tayinlash masalasini ko‘rib chiqish kerak. Ichak peristaltikasini ingibirlovchi dori vositalarini buyurish mumkin emas.

Meningit

TIENAM^® meningitni davolash uchun tavsiya qilinmaydi.

Buyrak yetishmovchiligi

Imipenem – silastatin buyrak faoliyati susaygan pasientlarda to‘planadi. Buyrak faoliyatini hisobga olgan holda, dozalarga tuzatish kiritilmagan hollarda markaziy nerv tizimi tomonidan nojo‘ya ta‘sirlar yuz berishi mumkin (“Qo‘llash usuli va dozalari” bo‘limi va ushbu bo‘limdagi “Markaziy nerv tizimi” kichik bo‘limiga qarang).

Markaziy nerv tizimi (MNT)

MNT tomonidan mioklonik faollik, ongni chalkashishi yoki tirishishlar kabi reaksiyalar to‘g‘risida, ayniqsa buyrak faoliyatini holati va tana vaznidan kelib chiqib belgilangan tavsiya qilingan dozalardan yuqori dozalarda qo‘llanganda xabar berilgan. Bunday reaksiyalar to‘g‘risida ko‘proq MNT faoliyatini buzilishlari (masalan, miyani shikastlanishi yoki anamnezda tirishishlar) va/yoki qo‘llanilayotgan moddalarni to‘planishi yuz berishi mumkin bo‘lgan buyrak faoliyatini buzilishlari bo‘lgan pasientlarda xabar qilingan. Shuning uchun, ayniqsa shunday pasientlarda tavsiya qilingan dozalarga qat‘iy amal qilish lozim (“Qo‘llash usuli va dozalari” bo‘limiga qarang). Tutqanog‘i bo‘lgan pasientlarda tirishishlarga qarshi davolashni davom ettirish kerak.

Tirishishlarni yuz berishining ma‘lum xavf omillari bo‘lgan bolalarda yoki tirishish bo‘sag‘asini pasaytiruvchi preparatlar bir vaqtda qo‘llanganda nevrologik simptomlarga yoki tirishishlarga alohida e‘tibor berish lozim.

Agar fokal tremor, mioklonus yoki tirishishlar yuz bersa, nevrologik tekshirishni o‘tkazish va tirishishga qarshi davolashni, agar bunday davolash hali o‘tkazilmagan bo‘lsa, bunday davolashni buyurish lozim. Agar MNT tomonidan simptomatika saqlanib qolsa, TIENAM^® preparatining dozasini kamaytirish yoki preparatni bekor qilish kerak.

Agar 48 soat davomida gemodializ seansi o‘tkazilmagan bo‘lsa, kreatinin klirensi <5 ml/minut/1,73 m² bo‘lgan pasientlarda TIENAM^® preparatini qo‘llash mumkin emas. Gemodializ o‘tkaziladigan pasientlar uchun TIENAM^® preparati faqat uni qo‘llash afzalliklari tirishishlarini yuz berish xavfidan ustun bo‘lgan hollardagina tavsiya qilinadi  (“Qo‘llash usuli va dozalari” bo‘limiga qarang).

Bolalarda qo‘llanishi

TIENAM^® preparatini 1 yoshgacha bo‘lgan bolalarda yoki buyrak faoliyatini buzilishi bo‘lgan bolalarda (qon zardobidagi kreatinini >2 mg/dl bo‘lganida) qo‘llash bo‘yicha tavsiyalar berish uchun klinik ma‘lumotlar yetarli emas. Yana “Markaziy nerv tizimi” kichik bo‘limiga qarang.

500 mg/500 mg TIENAM^® preparati tarkibiga 37,6 mg (1,6 mEkv) natriy kiradi, buni natriy nazorat qilinuvchi parhezga amal qiluvchi pasientlarda qo‘llaganda e‘tiborga olish lozim.

Homiladorlik va emizish davrida qo‘llanishi

Homiladorlik.

Imipenem/silastatinni homilador ayollarda qo‘llash bo‘yicha tegishli va yaxshi nazorat qilingan tadqiqotlar o‘tkazilmagan.

Homilador maymunlarda o‘tkazilgan tadqiqotlarda reproduktiv toksiklik kuzatilgan.

Odam uchun potensial xavf aniqlanmagan.

TIENAM^® ni homiladorlik davrida faqat potensial foyda homila uchun potensial xavfdan ustun bo‘lgan hollardagina qo‘llash mumkin.

Emizish.

Imipenem va silastatin onaning ko‘krak suti bilan oz miqdorda chiqariladi. Peroral qo‘llangandan keyin har bir komponentning biroz so‘rilishi kuzatiladi. Shuning uchun ko‘krak suti bilan emizilganda bola preparatning ancha miqdorini ekspozisiyasiga duchor bo‘ladi. Agar TIENAM^® preparatini qo‘llanishi zarur deb hisoblanilsa, ko‘krak suti bilan boqish afzalligi bilan bolaga yetishi mumkin bo‘lgan xavfni taqqoslash zarur.

Fertillik.

Imipenem/silastatin bilan davolashning erkaklar va ayollardagi fertillikka taxminiy ta‘siriga oid ma‘lumotlar mavjud emas.

Avtotransportni va boshqa mexanizmlarni boshqarish qobiliyatiga ta‘siri

Avtotransport va mexanizmlarni boshqarish qobiliyatiga ta‘sirini o‘rganish bo‘yicha tadqiqotlar o‘tkazilmagan. Biroq preparatni qo‘llash bilan bog‘liq bo‘lgan ayrim nojo‘ya ta‘sirlar (masalan, gallyusinasiya, bosh aylanishi, uyquchanlik va vertigo) avtotransport va mexanizmlarni boshqarish qobiliyatiga ta‘sir ko‘rsatishi mumkin (“Nojo‘ya ta‘sirlar” bo‘limiga qarang).

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Dozani oshirib yuborish belgilari nojo‘ya ta‘sirlar profili bilan mosdir; belgilar quyidagilarni o‘z ichiga olishi mumkin: tirishishlar, ongni chalkashishi, tremor, ko‘ngil aynishi, gipotenziya, bradikardiya. TIENAM^® preparatini dozasini oshirib yuborilishni davolash yuzasidan spesifik ma‘lumotlar yo‘q. Imipenem va natriy silastatini organizmdan gemodializ o‘tkazishda chiqarib yuboriladi. Biroq doza oshirib yuborilganda ushbu muolajaning samaradorligi ma‘lum emas.

Chiqarilish shakli

Yev.F. bo‘yicha I turdagi, rezina probka (Yev.F. bo‘yicha), qisilgan alyumin qalpoqcha va “flipp-off” plastik qopqoqchasi bilan yopilgan flakon. 10 flakondan qo‘llash bo‘yicha yo‘riqnoma bilan p/e plyonka bilan o‘ralgan plastik taglikda.

Saqlash sharoiti

25°C dan yuqori bo‘lmagan haroratda saqlansin.

Yaroqlilik muddati

2 yil.

Suyultirilgan eritmalarni darhol ishlatish kerak. Eritmani tayyorlash va vena ichiga infuziyani o‘tkazishni tugashi orasidagi vaqt 2 soatdan oshmasligi kerak

Dorixonalardan berish tartibi

Resept bo‘yicha.