Zokson

QO‘LLASH BO‘YICHA YO‘RIQNOMA

ZOKSON

ZOXON

Preparatning savdo nomi: ZOKSON

Ta‘sir etuvchi modda (XPN): doksazozin

Dori shakli: tabletkalar

Tarkibi

Faol modda:

2 mg li 1 tabletka quyidagilarni saqlaydi:

faol modda: 2 mg doksazozin (2,425 mg doksazozin mezilati);

4 mg li 1 tabletka quyidagilarni saqlaydi:

faol modda: 4 mg doksazozin (4,850 mg doksazozin mezilati);

yordamchi moddalar: laktoza 40,000/80,000 mg, granulalangan mikrokristall sellyuloza 45,000/90,000 mg, mikrokristall sellyuloza 30,055/60,110 mg, karboksimetilkraxmal natriy (A turi) 1,200/2,400 mg, suvsiz kolloid kremniy dioksidi 0,120/0,240 mg, natriy laurilsulfati 0,120/0,240 mg, magniy stearati 1,080/2,160 mg.

Ta‘rifi:

ZOKSON (2 mg li tabletkalar): oq yoki deyarli oq rangli, uzunchoq shaklli, ikki tomoni qavariq, tomonlarining birida “ZX 2” gravirovkasi va bo‘lish uchun riskasi bo‘lgan tabletkalar.

ZOKSON (4 mg li tabletkalar): oq yoki deyarli oq rangli, uzunchoq shaklli, ikki tomoni qavariq, tomonlarining birida “ZX 4” gravirovkasi va bo‘lish uchun riskasi bo‘lgan tabletkalar.

Farmakoterapevtik guruhi: antigipertenziv vosita (alfa₁-adrenoblokator)

ATX kodi: S02SA04

Farmakologik xususiyatlari

Farmakodinamikasi

Prostata bezining xavfsiz giperplaziyasi.

Prostata bezining xavfsiz giperplaziyasi (PBXG) simptomlari bo‘lgan pasientlarga doksazozinni buyurish urodinamika ko‘rsatkichlarining sezilarli yaxshilanishiga va kasallikning simptomlarini kamayishiga olib keladi. Preparatning bu ta‘siri prostata bezining mushak stromasida va kapsulasida, shuningdek qovuqning bo‘yin sohasida joylashgan alfa₁-adrenoreseptorlarning bloklanishi bilan ifodalanadi.

Doksazozin, prostata bezidagi alfa1-adrenoreseptorlarning barcha kichik turlarini taxminan 70% ni tashkil etadigan alfa1-adrenoreseptorlarning 1A-kichik turini samarali blokatori ekanligi isbotlangan.

PBXG li bemorlarga ta‘siri shu bilan tushuntiriladi.

Doksazozin bilan davolash samaradorligi va uni qo‘llash xavfsizligi preparat uzoq muddat qo‘llanganida (48 oydan ortiq) isbotlangan.

Arterial gipertenziya

Doksazozinni qo‘llash umumiy periferik qon tomirlar qarshiligini kamayishi natijasida arterial bosimini (AB) sezilarli darajada pasayishiga olib keladi. Bunday ta‘sirning yuzaga kelishi qon tomirlarda joylashgan alfa1-adrenoreseptorlarning selektiv bloklanishi bilan tushuntiriladi.

Preparat sutkada 1 marta buyurilganida 24 soat davomida saqlanib turuvchi klinik ahamiyatli antigipertenziv samaraga erishiladi. Arterial bosim asta-sekin pasayadi, maksimal samarasi odatda preparat ichga qabul qilinganidan so‘ng 2-6 soatdan keyin erishiladi.

Noselektiv alfa1-adrenoblokatorlardan farqli ravishda preparat uzoq vaqt qo‘llanganida unga nisbatan o‘rganib qolish rivojlanmaydi.

Samarani bir maromda ushlab turuvchi davolash o‘tkazilganida qon plazmasidagi reninning faolligini oshadi va taxikardiya ko‘p uchramaydi.

Doksazozin qonning lipid profiliga ijobiy ta‘sir ko‘rsatadi, yuqori zichlikdagi lipoproteinlarning konsentrasiyasini umumiy xolesteringa bo‘lgan nisbatini (aterogen indeks) oshiradi va trigliseridlar hamda umumiy xolesterinning konsentrasiyasini kamaytiradi.

Arterial gipertenziya va qondagi lipid profilini yurak ishemik kasalligi bilan bog‘liqligini hisobga olib, doksazozinni qabul qilish fonida AB va lipidlarning konsentrasiyasini normallashishi yurak ishemik kasalligini rivojlanish xavfini pasayishiga olib keladi.

Doksazozin bilan davolanish chap qorincha gipertrofiyasini regressiyasi, trombositlar agregasiyasini susayishi va plazminogenning to‘qima aktivatori faolligini kuchayishiga olib kelganligi kuzatilgan. Bundan tashqari, doksazozin glyukozaga tolerantligi buzilgan pasientlarda insulinga bo‘lgan sezuvchanlikni oshirishi aniqlangan.

Doksazozin modda almashinuviga salbiy ta‘sir ko‘rsatmaydi, bronxial astma, qandli diabet, chap qorincha yetishmovchiligi va podagrasi bo‘lgan pasientlarda qo‘llanishi mumkin.

Arterial gipertenziyasi bo‘lgan pasientlarda o‘tkazilgan nazoratli klinik tadqiqotlarda doksazozin bilan davolanish bu bemorlarda erektil disfunksiyani rivojlanish tezligini pasayishi bilan kechgan.

Farmakokinetikasi

Doksazozin ichga qabul qilinganidan so‘ng me‘da-ichak yo‘llaridan yaxshi so‘riladi           (80-90%). Qon plazmasidagi maksimal konsentrasiyaga preparatni ichga qabul qilingandan keyin 1-2 soat o‘tgach erishiladi. Qon plazmasi oqsillari bilan 98% gacha bog‘lanadi. Doksazozin jigarda ahamiyatli darajada biotransformasiyaga uchraydi, metabolitlari farmakologik faollikka ega emas. Biokiraolishligi – 69-70% (tizim oldi metabolizmi) ni tashkil etadi. Jigar funksiyasini buzilishi bo‘lgan pasientlarda, shuningdek jigar metabolizmini o‘zgartira oladigan preparatlarni qabul qilganda preparatning biotransformasiya jarayoni buzilishi mumkin. Preparatni plazmadan chiqarilishi ikki fazali bo‘lib, yakuniy yarim chiqarilish davri – 22 soatni tashkil qiladi. Doksazozin jigarda butunlay bistransformasiyaga uchraydigan dori vositalari qatorida jigar funksiyasi buzilgan pasientlarga buyurilganida ehtiyotkorlikka rioya etish kerak (“Ehtiyotkorlik bilan” qismiga qarang). Ichga qabul qilingan doksazozinning katta qismi nofaol metabolitlar ko‘rinishida, qabul qilingan dozaning 5% dan kamroq qismi o‘zgarmagan holda ichak orqali chiqariladi. Keksa yoshdagi pasientlar va buyrak kasalliklari bo‘lgan pasientlarda preparatning farmakokinetikasi o‘rganish bo‘yicha tadqiqotlarda ahamiyatli farmakokinetik farqlar aniqlanmagan.

Qo‘llanilishi

• prostata bezining xavfsiz giperplaziyasi;
• arterial gipertenziya (majmuaviy davolash tarkibida) da qo‘llanadi.

Qo‘llash usuli va dozalari

ZOKSON preparati ovqat qabul qilishdan qat‘iy nazar buyuriladi, kuniga 1 marta qabul qilinadi. Tabletkani chaynamasdan, yetarli miqdordagi suv bilan ichga qabul qilish kerak.

Prostata bezining xavfsiz giperplaziyasi.

Ortostatik gipotenziya va sinkopal holatning (hushdan ketish) yuzaga kelish xavfini minimal darajaga yetkazish uchun ZOKSON preparatining tavsiya etiladigan boshlang‘ich dozasi sutkada 1 mg ni tashkil etadi, 1 marta qabul qilinadi (“Maxsus ko‘rsatmalar” qismiga qarang).

Urodinamika ko‘rsatkichlari va PBXG belgilari namoyon bo‘lishini individual xususiyatlariga qarab, sutkalik dozani 2 mg gacha, keyin 4 mg gacha va maksimal sutkalik dozani 8 mg gacha oshirish mumkin.

Dozani oshirish uchun tavsiya etilgan interval 1-2 haftani tashkil etadi. Odatda samarani bir maromda ushlab turuvchi tavsiya qilinadigan doza 2-4 mg ga teng, sutkada 1 marta qabul qilinadi.

Arterial gipertenziya

Davolashni ortostatik gipotenziya va/yoki sinkopal holatni (hushdan ketish) (“birinchi doza” fenomeni) rivojlanish ehtimolini minimal darajaga yetkazish 1 yoki 2 hafta davomida sutkasda 1 marta 1 mg dan boshlash tavsiya etiladi (“Maxsus ko‘rsatmalar” qismiga qarang). Birinchi dozani qabul qilgandan so‘ng pasientda 6-8 soat davomida AB ni monitoringini o‘tkazish kerak. Bu “birinchi doza fenomeni” rivojlanishi mumkinligi sababli talab etiladi, ayniqsa bu holat diuretiklar qabul qilish fonida ko‘proq namoyon bo‘ladi.

Agar lozim bo‘lsa, davolanishning navbatdagi 1 yoki 2 haftasida, sutkalik doza 2 mg gacha oshirilishi mumkin. AB ni kutilgan darajasigacha pasaytirishga erishish uchun pasientning preparatni qabul qilishga nisbatan pasientning reaksiyasiga qarab, sutkalik dozani asta-sekin bir xil intervallar oralig‘ida 4 mg, 8 mg va maksimal sutkalik doza 16 mg gacha oshirib borish kerak. Odatda samarani bir maromda ushlab turuvchi doza sutkada 1 marta 2-4 mg ni tashkil etadi.

Agar davolashga diuretik yoki boshqa gipotenziv vosita qo‘shilsa, shifokorning nazorati ostida pasientning holatiga qarab, ZOKSON preparatini dozasiga tuzatish kiritish lozim. Agar ZOKSON preparati bilan davolash bir necha kunga to‘xtab qolsa, preparatni qayta qo‘llashni boshlang‘ich dozadan boshlash kerak.

Keksa yoshdagi pasientlarda qo‘llanishi.

Dozani korreksiyalash talab etilmaydi.

Buyrak yetishmovchiligida qo‘llanishi.

Buyrak yetishmovchiligi bo‘lgan pasientlarda doksazozinning farmakokinetikasi o‘zgarmaydi, preparatning o‘zi esa mavjud bo‘lgan buyrak disfunksiyasini yomonlashtirmaydi, shuning uchun bunday pasientlarga preparat odatdagi dozalarda qo‘llanadi.

Jigar funksiyasini buzilishlari bo‘lgan bemorlarda qo‘llanishi.

Ehtiyotkorlik bilan qo‘llanadi (“Maxsus ko‘rsatmalar” qismiga qarang).

Bolalarda qo‘llanishi.

ZOKSON preparatining samaradorligi va xavfsizligi bo‘yicha yetarli ma‘lumotlari bo‘lmaganligi sababli 18 yoshdan kichik bolalarga qo‘llash mumkin emas.

Nojo‘ya ta‘sirlari

Nojo‘ya reaksiyalar me‘yoriy-huquqiy faoliyati bo‘yicha Tibbiy lug‘atning (MedDRA) klassifikasiyasiga monand tizimli-a‘zo sinflari bo‘yicha taqsimlangan. Nojo‘ya ta‘sirlarning uchrash tezligini ko‘rsatish maqsadida JSS klassifikasiyasi qo‘llanilgan: tez-tez (≥10%); tez (≥1% va <10%); kam (≥0,1% va <1%); ba‘zida (≥0,01% va <0,1%); juda kam (<0.01%); uchrash tezligi noma‘lum (mavjud ma‘lumotlarga ko‘ra nojo‘ya samaralarning uchrash tezligini aniqlash imkoniyati yo‘q).

Infeksion va parazitar kasalliklar: tez-tez – nafas yo‘llarining infeksiyalari, siydik chiqarish yo‘llarining infeksiyalari.

Qon va limfatik tizimi tomonidan buzilishlar: juda kam hollarda – trombositopeniya, leykopeniya.

Immun tizim tomonidan buzilishlar: tez-tez emas – allergik reaksiyalar; juda kam hollarda – anafilaktik reaksiyalar.

Modda almashinuvi va ovqatlanish tomonidan buzilishlar: tez-tez emas – anoreksiya, ishtahani kuchayishi, tana vaznini oshishi, podagra.

Ruhiy buzilishlar: tez-tez emas – ta‘sirchanlik, bezovtalik, uyqusizlik, xavotirlik, depressiya.

Nerv tizimi tomonidan buzilishlar: tez-tez – uyquchanlik, bosh og‘rig‘i, bosh aylanishi; tez-tez emas – gipesteziya, tremor, hushdan ketish, miyada qon aylanishini buzilishi; juda kam hollarda – paresteziya, ortostatik bosh aylanishi.

Ko‘rish a‘zolari tomonidan buzilishlar: juda kam hollarda – ko‘rishni noaniqligi; uchrash tezligi noma‘lum – intraoperasion atonik rangdor parda sindromi (“tor qorachiq” sindromi varianti).

Eshitish a‘zolari va labirint buzilishlari: tez-tez – vertigo; tez-tez emas – quloq shang‘illashi.

Yurak tomondan buzilishlar: tez-tez – yurak urishini his qilish, taxikardiya; tez-tez emas – stenokardiya, miokard infarkti; juda kam hollarda – bradikardiya, aritmiya.

Qon tomirlar tomonidan buzilishlar: tez-tez – AB ni yaqqol pasayishi, ortostatik gipotenziya; juda kam hollarda – yuz terisini qizib ketishi.

Nafas tizimi, ko‘krak qafasi va ko‘ks oralig‘i a‘zolari tomonidan buzilishlar: tez-tez – hansirash, rinit, yo‘tal, bronxit; tez-tez emas – burun qonashi; juda kam hollarda bronxospazm.

Me‘da-ichak yo‘llari tomonidan buzilishlar: tez-tez – qorinda og‘riq, dispepsiya, og‘iz bo‘shlig‘i shilliq qavatini qurishi, ko‘ngil aynishi; tez-tez emas – meteorizm, diareya, qabziyat, qusish, gatsroenterit.

Jigar va o‘t yo‘llari tomonidan buzilishlar: juda kam hollarda – xolestaz, gepatit, sariqlik.

Laborator va instrumental ma‘lumotlar: kam hollarda – jigar transaminazalarining faolligini oshishi.

Teri va teri osti to‘qimalari tomonidan buzilishlari: tez-tez – terini qichishishi, tez-tez emas – teri toshmalari; juda kam hollarda – purpura, alopesiya, eshakemi.

Skelet-mushak va biriktiruvchi to‘qimalar tomonidan buzilishlar: tez-tez – belda og‘riq, mialgiya; tez-tez emas – artralgiya; kam hollarda – mushak spazmlari, mushaklarni bo‘shligi.

Buyrak va siydik chiqarish yo‘llari tomonidan buzilishlar: tez-tez – sistit, siydik ushlab tura olmaslik; tez-tez emas – siyishni tezlashishi, dizuriya, gematuriya; kam hollarda – poliuriya; juda kam hollarda – nikturiya, sutkalik diarezni oshishi.

Jinsiy a‘zolar va sut bezlari tomonidan buzilishlar: tez-tez emas – erektil disfunksiya; juda kam hollarda – ginekomastiya, priapizm; uchrash tezligi noma‘lum – retrograd eyakulyasiya.

Umumiy buzilishlar va yuborilgan joydagi buzilishlar: tez-tez – asteniya, periferik shishlar, ko‘krak qafasida og‘riq, grippsimon sindrom; tez-tez emas – yuzdagi shishlar, turli joylarda joylashgan og‘riqlar; juda kam hollarda – kuchli toliqish, lohaslik.

Qo‘llash mumkin bo‘lmagan holatlar

• xinazolin hosilalariga (masalan, prazozin, terazozin, doksazozinga) yoki preparatning har qanday yordamchi komponentlariga yuqori sezuvchanlik;
• 18 yoshgacha bo‘lgan bolalar;
• og‘ir darajadagi jigar yetishmovchiligi (bu toifadagi pasientlarda qo‘llash tajribasi yo‘q);
• anuriya;
• avj olib boruvchi buyrak yetishmovchiligi;
• anamnezda ortostatik gipotenziya kuzatilgan pasientlarda qo‘llash;
• arterial gipotenziya (faqat prostata bezining xavfsiz giperplaziyasi ko‘rsatmalariga tegishli);
• yondosh yuqori siydik chiqarish yo‘llari obstruksiyasi;
• siydik chiqarish yo‘llarining surunkali infeksiyalari;
• qovuqdagi toshlar;
• emizish davrida (arterial gipertenziyani davolash maqsadida);
• laktozani o‘zlashtira olmaslik, laktaza tanqisligi yoki glyukoza-galaktoza malabsorbsiyasi (tarkibida laktoza saqlaganligi sababli).

Monoterapiyada: qovuq to‘lib ketganligi sababli siydik tutib turolmaydigan (paradoksal ishuriya) pasientlarda qo‘llash mumkin emas.

Ehtiyotkorlik bilan

Mitral klapani yoki aortal stenoz tufayli yuzaga kelgan o‘pka shishida; yurak otilib chiqadigan qon hajmini oshishi bilan kechuvchi yurak yetishmovchiligida; o‘pka arteriyasining emboliyasi yoki ekssudativ perikardit sababli o‘ng qorincha yetishmovchiligida; chap qorinchani to‘lish bosimi past bo‘lgan chap qorincha yetishmovchiligi; ortostatik belgilar (hushdan ketish, bosh aylanishi) rivojlanishi xavfi borligi tufayli keksa yoshdagi pasientlarda; 5 turdagi fosfodiesteraza ingibitorlari (5-FDE) bilan bir vaqtda qo‘llashda (simtomatik arterial gipotenziya rivojlanish xavfi bor); jigar funksiyasini buzilishi; homiladorlikda, katarakta sababli ko‘zdagi operasiyalar vaqtida ehtiyotkorlik bilan qo‘llanadi.

Dorilarning o‘zaro ta‘siri

ZOKSON preparatini ayrim bemorlarda fosfodiesteraza-5 (FDE-5) ingibitorlari (sildenafil, tadalafil, tardenafil, vardenafil, udenafil) bilan birga qo‘llash simptomatik arterial gipotenziyaga olib kelishi mumkin. (“Maxsus ko‘rsatmalar” qismiga qarang).

ZOKSON preparatini boshqa alfa 1-adrenoreseptorlarning blokatorlari bilan birga qo‘llash tavsiya etilmaydi.

ZOKSON preparati boshqa gipotenziv vositalarning antigipertenziv ta‘sirini kuchaytiradi.

Doksazozin qon plazmasi oqsillari bilan yuqori darajada (98%) bog‘lanadi. In vitro sharoitlarida o‘tkazilgan tadqiqotlari ma‘lumotlari shuni ko‘rsatdiki, doksazozin quyidagi preparatlar: digoksin, fenitoin, varfarin yoki indometasinning oqsil bilan bog‘lanishiga ta‘sir etmaydi.

Doksazozinni tiazid diuretiklar, furosemid, beta-adrenoblokatorlar, nosteroid yallig‘lanishga qarshi vositalar (NYAQV), antibiotiklar, ichga qabul qilinuvchi gipoglikemik vositalar, siydik kislotasini haydovchi vositalar va antikoagulyantlar bilan bir vaqtda qo‘llash bilan o‘tkazilgan klinik tadqiqotlarda noxush o‘zaro ta‘sirlar kuzatilmagan. Ammo preparatlarning o‘zaro ta‘sirini o‘rganish uchun tadqiqotlar o‘tkazilmagan.

Doksazozinni “sekin” kalsiy kanallarining blokatorlari va angiotenzinga aylantiruvchi fermentning ingibitorlari bilan birga qo‘llanganida o‘zaro nojo‘ya ta‘sirlari aniqlanmagan.

Jigarda mikrosomal oksidlanish induktorlar bilan bir vaqtda qo‘llanganida, doksazozinning samarasi oshishi, ingibitorlar bilan esa – pasayishi mumkin.

Estrogenlar va simpatomimetik vositalar doksazozinning gipotenziv ta‘sirini pasaytirishi mumkin.

Epinefrinning (adrenalin) alfa-adrenostimulyator samarasini bartaraf etib, doksazozin taxikardiya va arterial gipotenziyaga olib kelishi mumkin.

22 sog‘lom erkak ko‘ngilli ishtirokida o‘tkazilgan ochiq randomizasiyalangan plasebo-nazorati tadqiqotda simetidinning (400 mg dan kuniga 2 marta) to‘rt kunlik qabul qilish tartibining birinchi kunida doksazozinni bir dozasi sutkada 1 mg dan qabul qilish doksazozinning yarim chiqarish davrini va maksimal konsentrasiyasini o‘rtacha ko‘rsatkichlarida (S_max) «konsentrasiya-vaqt” (AUC) egri chizig‘i ostidagi maydonni statistik ahamiyatli o‘zgarishisiz 10% ga oshishiga olib kelgan. Doksazozinni simetidin bilan birga qo‘llash uchun AUC ni o‘rtacha 10% ga oshishi doksazozinni plasebo bilan birga qo‘llash uchun AUC ning o‘rtacha individual variabelligi (27%) ko‘rsatkichlari orasida yotadi.

Maxsus ko‘rsatmalar

Davolanish boshi:

Istalgan alfa 1-adrenoblokatorlar bilan davolanganda bo‘lgani kabi, ZOKSON preparati bilan davolanish vaqtida, ayniqsa davolanish boshida ko‘p bo‘lmagan pasientlarda bosh aylanishi va holsizlik yoki hushdan ketish bilan kechuvchi ortostatik gipotenziya kuzatilishi mumkin (“Qo‘llash usuli va dozalari” qismiga qarang). Shu sababli davolanishni boshida ortostatik ta‘sirlarni rivojlanish ehtimolini minimal darajaga yetkazish maqsadida arterial bosim monitoringini o‘tkazib turish kerak.

ZOKSON preparati bilan davolanishni boshlashdan oldin pasientga ortostatik gipotenziyaning simptomlarini rivojlanishidan qanday saqlanish kerakligi, xususan tana holatini keskin o‘zgartirishdan saqlanish kerakligi yuzasidan pasientni ogohlantirish kerak. ZOKSON preparati bilan davolashni boshlashdan oldin holsizlik va bosh aylanish holatlari kuzatilganda ehtiyot bo‘lish kerakligi haqida pasientga ko‘rsatmalar berish kerak.

ZOKSON preparatini keksa pasientlarda ortostatik gipotenziya rivojlanish ehtimoli borligi tufayli, ehtiyotkorlik bilan qo‘llash zarur. Yoshga qarab bosh aylanishi, ko‘rish faoliyatini buzilishi va hushdan ketish holatlarini yuzaga kelish xavfi ortadi. Pasient alkogol iste‘mol qilganda, uzoq muddat tik turganda yoki jismoniy mashqlar bajarganda, hamda issiq havoda ortostatik gipotenziya rivojlanish xavfi kuzatilishi mumkinligi yuzasidan pasientni ogohlantirish kerak.

Prostata bezining xavfsiz giperplaziyasi. (PBXG).

PBXG ni davolashni boshlashdan oldin uni o‘smaga aylanish holatini istisno qilish kerak. PBXG bilan xastalangan pasientlarda preparatni arterial bosim bo‘lganda ham va AB normal ko‘rsatkichlarida ham qo‘llash mumkin. AB ko‘rsatkichlari normal bo‘lgan PBXG bilan xastalangan pasientda preparat qo‘llanganida bosim ko‘rsatkichlari sezilarli darajada o‘zgarmaydi. Bunda arterial gipertenziya va PBXG bilan xastalangan pasientlarda ZOKSON faqat monoterapiyada qo‘llanilishi mumkin.

Doksazozin qon plazmasida prostataga spesifik antigeni (PSA) ning konsentrasiyasiga ta‘sir etmaydi.

Intraoperasion atonik rangdor parda sindromi.

Intraoperasion atonik rangdor parda sindromi (“tor qorachiq” sindromi varianti) alfa 1-adrenoblokatorlar bilan davolangan yoki davolanayotgan pasientlarni katarakta tufayli operasiya o‘tkazilganda kuzatilgan. Intraoperasion atonik rangdor parda sindromi jarrohlik aralashuvlarida kuzatiladigan asoratlarni uchrash tezligini oshishiga olib kelishi mumkinligi tufayli operasiyadan oldin alfa 1-adrenoblokatorlarni ayni vaqtda qabul qilayotgan yoki ilgari qabul qilganligi haqida jarroh-oftalmologni ogohlantirish zarur.

FDE-5 ingibitorlari bilan birga qo‘llanilishi.

Doksazozinni FDE-5 ingibitorlari (masalan, sildenafil, tadalafil, vardenafil, udenafil) bilan birga qo‘llanganida ehtiyotkorlikka rioya qilish kerak, chunki vaqtida ikkala preparat ham tomirlarni kengaytirish xususiyatiga ega va ayrim pasientlarda simptomatik arterial gipotenziyaga olib kelishi mumkin. Ortostatik gipotenziyani rivojlanish xavfini  pasaytirish maqsadida FDE-5 ingibitorlari bilan davolashni alfa-adrenoblokatorlarni qo‘llash vaqtida pasientdagi gemodinamika ko‘rsatkichlari turg‘un holatiga kelganidan so‘ng boshlash tavsiya etiladi. Bundan tashqari, FDE-5 ingibitorlari bilan davolashni minimal doza bilan boshlash va doksazozin qabul qilingandan 6 soatlik intervalga rioya qilish tavsiya etiladi.

Doksazozinni ajralib chiqishi uzaytirilgan preparatlarni qo‘llash bo‘yicha tadqiqotlar o‘tkazilmagan.

Jigar funksiyasini buzilishlari

ZOKSON preparati jigar funksiyasi buzilgan pasientlarga buyurilganda jigarda butunlay biotransformasiyaga uchraydigan boshqa dori vositalari kabi maksimal dozalarni buyurmasdan ehtiyotkorlikka rioya qilish kerak.

Qo‘llash tajribasi yetarli bo‘lmaganligi sababli ZOKSON preparatini og‘ir darajadagi jigar yetishmovchiligi bo‘lgan pasientlarga qo‘llash tavsiya etilmaydi.

Laktozani o‘zlashtira olmaslik.

Preparat laktoza saqlaydi. Laktozani nasliy o‘zlashtira olmasligi, laktaza tanqisligi yoki glyukoza-galaktoz malabsorbsiyasi bo‘lgan pasientlarga preparatni qo‘llash mumkin emas.

O‘tkir yurak patologiyasi bo‘lgan pasientlarda qo‘llash.

Har qanday boshqa tomirlarni kengaytiruvchi va gipotenziv vositalar qo‘llanganida bo‘lgani kabi, ZOKSON preparati quyidagi o‘tkir yurak patologiyasi bo‘lgan pasientlarga buyurilganda ehtiyotkorlikka rioya qilish kerak:

• mitral klapani yoki aortal stenozi tufayli rivojlangan o‘pka shishi;
• yurakdan otilib chiqayotgan qon hajmi yuqori bo‘lgan yurak yetishmovchiligi;
• o‘pka arteriyasi emboliyasi, ekssudativ perikardit bilan bog‘liq o‘ng qorincha yetishmovchiligi;
• to‘lish bosimi past bo‘lgan chap qorincha yetishmovchiligi.

Homiladorlik va emizish davrida preparatni qo‘llanilishi

Hayvonlarda o‘tkazilgan eksperimental tadqiqotlarda preparat teratogen ta‘sirni ko‘rsatmagan bo‘lsa-da, u juda yuqori dozalarda qo‘llanganida homilani tirik qolishini pasayishi kuzatilgan. Ko‘rsatilgan dozalar odam uchun tavsiya etilgan maksimal dozalardan 300 marta yuqori bo‘lgan. Homilador ayollarda o‘tkazilgan nazoratli klinik tadqiqotlar yo‘qligi tufayli, homiladorlik vaqtida preparatni qo‘llash xavfsizligi aniqlanmagan.

Shu sababli homiladorlik vaqtida ona uchun preparatni qo‘llashdan kutilgan foyda homila uchun potensial xavfdan yuqori bo‘lgandagina preparat buyurilishi mumkin.

Doksazozinni emizish davrida qo‘llash mumkin emas, chunki hayvonlarda o‘tkazilgan tadqiqotlar shuni ko‘rsatdiki, laktasiya davrida kalamushlar sutida doksazozin to‘plangan, preparatning sut bilan ajralishi haqida ma‘lumotlar yo‘q.

Preparatni qo‘llash zarurati bo‘lganda, emizishni to‘xtatish kerak.

Avtotransport vositalarini va boshqa potensial xavfli faoliyat turlarini boshqarish qobiliyatiga ta‘siri

ZOKSON preparati bilan davolanish vaqtida, ayniqsa davolanish boshlanishida uyquchanlik, bosh aylanishi va hushdan ketish holatlari yuzaga kelishi mumkinligi sababli transport vositalarini boshqarish, diqqatni jamlash hamda psixomotro reaksiyalari tezligi talab etuvchi boshqa potensial xavfli faoliyat turlarini bajarish vaqtida ehtiyotkorlikka rioya qilish kerak.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozaning oshirib yuborilishi

Simptomlari: AB ni yaqqol pasayishi, ba‘zida hushdan ketish holati bilan kechadi.

Davolash: dozani oshirib yuborilish belgilari paydo bo‘lganida pasientning me‘dasini yuvish, faollashtirilgan ko‘mirni buyurish, pasient boshini pastga tushirib, oyoqlarini ko‘tarib qo‘ygan holatda gorizontal yotqizish kerak. Zudlik bilan shifokorga murojaat qilish lozim. Simptomatik davolash o‘tkaziladi. Agar ko‘rsatilgan choralar yetarli bo‘lmasa, pasientga plazma o‘rnini bosuvchi eritmalar quyib shok holatidan chiqarish zarur. Zarurati bo‘lganida, vazopressor vositalar yuboriladi. Buyrak funksiyasini nazorat qilish va zarur bo‘lganda buyrak funksiyasini tutib turish kerak.

Doksazozin qon plazmasi oqsillari bilan yuqori darajada bog‘langanligi sababli gemodializ samarasiz.

Chiqarilish shakli

2 mg, 4 mg tabletkalar.

2 mg li tabletkalar: 10 tabletkadan A1/PVX/PVDX li blisterda. 1, 3, 6 yoki 9 blister qo‘llash bo‘yicha yo‘riqnomasi bilan birga karton qutida.

4 mg li tabletkalar: 10 tabletkadan A1/PVX/PVDX li blisterda. 3, 6, 9 yoki 10 blister qo‘llash bo‘yicha yo‘riqnomasi bilan birga karton qutida.

Saqlash sharoiti

Yorug‘likdan himoyalangan joyda 10-25^oS haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.