Apteka.uz internetda 2020 yilda eng ko’p qidirilgan dorilarni nomlab o’tdi.

Apteka.uz farmatsevtika portali jamoasi 2020 yilda O'zbekiston aholisi tomonidan internetda eng ko’p qidirilgan dorilar ro'yxatini aniqlash maqsadida tadqiqot o'tkazdi. Tadqiqot faqat Google tizimidagi dorilar qidiruvi to’g’risidagi ma'lumotlarga asoslangan. Tadqiqotda dori-darmonlarni sotish hajmi yoki boshqa ko'rsatkichlar to'g'risidagi ma'lumotlar hisobga olinmadi, shuning uchun ushbu ro'yxat eng ko'p sotilgan yoki ommabop dorilar reytingi emas.

Tadqiqot natijalariga ko'ra, internetda ko'pincha Sinepar (Hindiston) og'riq qoldiruvchi vositasi haqida ma'lumot qidirilgani aniqlandi. Ushbu dori to’g’risida ma'lumot internetda 55 ming martadan ko'proq qidirilgan. Ikkinchi o'rinni Kyupen (Hindiston) anestetik preparati egalladi. Ikkala dori ham shifokor retsepti bo'yicha taqdim etiladigan dorilar. Kuchli uchlikni eng mashhur shifokor retseptisiz taqdim etiladigan antiseptik preparat, Loroben (Turkiya) yopadi.

Internetda eng ko'p qidiriladigan o'nta dori quyidagilar:

1.   Sinepar

2.   Kyupen

3.   Loroben

4.   Blokium

5.   Ferkayl

6.   Kleksan

7.   Trimekor

8.   Wamelan

9.   T-layf

10. Normodoks

Shuni eslatib o’tish kerakki, eng ko'p qidiriladigan dorilar ro'yxatida (Top-50) chet elda ishlab chiqarilgan dorilar mutlaq ko'plikni tashkil etadi - 92%. Ro'yxatda antibiotik vositalar eng tez uchraydi (umumiy qidirilgan vositalar sonining 8%). Bundan tashqari, iste'molchilar ko'pincha ovqat hazm qilish tizimi uchun dori vositalar, antivirus preparatlar va vitaminlar to'g'risida ma'lumot qidirishgan.

Shuningdek, bu yil eng ko'p qidirilayotgan dorilar ro'yxatida kutilganidek, koronavirus infektsiyasini davolash va keyinchalik reabilitatsiya qilish bilan bog'liq bo'lgan dorilar borligini ta’kidlab o’tish lozim. 

Tadqiqotga faqat 2020 yilda Davlat reestrida bo'lgan dorilar va tibbiy vositalar kiritilgan.