ADVANTAN emulsiya

So'rilishi

Teri orqali so'rilish darajasi terining holatiga, dori shakliga va qo'llash usuliga (okklyuzion bog'lam yordamida yoki usiz) bog'liq. Surtma, krem yoki yog'li surtma qo'llanilganda bolalar va kattalarda atopik dermatit (neyrodermit) va psoriazda teri orqali so'rilish 2,5% dan oshmagan, bu sog'lom ko'ngillilarga nisbatan (0,5-1,5%) bir oz yuqoriroq.

Preparat emulsiya shaklida qo'llanilganda sun'iy yallig'lanishli teri orqali so'rilish intensivligi juda past bo'lgan (0,27%), bu sog'lom teri orqali (0,17%) so'rilishdan bir oz yuqoriroq. Butun tana ishlov berilganda (masalan, quyoshdan kuyishda) tizimli doza taxminan 4 mkg/kg tana vazni/sutkani tashkil qiladi, bu tizimli ta'sirlarni istisno qiladi.

Metabolizmi va chiqarilishi

Metilprednizolon atseponati epidermis va dermada gidrolizlanadi. Asosiy va eng faol metabolit 6α-metilprednizolon-17-propionat bo'lib, u terining glyukokortikoid retseptorlariga sezilarli darajada yuqori yaqinlikka ega, bu uning terida bioaktivatsiyasi mavjudligini ko'rsatadi.

Tizimli qon oqimiga tushgandan so'ng 6α-metilprednizolon-17-propionat tezda glyukuron kislotasi bilan kon'yugatsiyalanadi va shu tariqa 6α-metilprednizolon-17-propionat glyukuronidi shaklida faolsizlantiriladi.

Metilprednizolon atseponati metabolitlari asosan buyraklar orqali chiqariladi, T _{- taxminan 16 soat.}

Metilprednizolon atseponati va uning metabolitlari organizmda to'planmaydi.

Advantan^® sirtga qo‘llanilganda yallig‘lanish va allergik teri reaksiyalarini, shuningdek kuchaygan proliferatsiya bilan bog‘liq reaksiyalarni bostiradi, bu yallig‘lanishning obyektiv simptomlari (shu jumladan eritema, shish, namlanish va h.k.) va subyektiv sezgilar (shu jumladan qichishish, achishish, og‘riq va h.k.) kamayishiga olib keladi.

Metilprednizolon atseponati sirtga tavsiya etilgan dozada qo‘llanilganda tizimli ta’sir odamda ham, hayvonlarda ham minimal darajada namoyon bo‘ladi. Advantan katta yuzalarga (teri yuzasining 40-60%) ko‘p marta surtilgandan keyin, shuningdek okklyuzion bog‘lam ostida qo‘llanilganda buyrak usti bezlari faoliyatining buzilishi qayd etilmaydi: qon plazmasidagi kortizol darajasi va uning sirkad ritmi norma chegarasida qoladi, sutkalik siydikda kortizol darajasining pasayishi ro‘y bermaydi.

Klinik tadqiqotlar davomida Advantan kattalarda 12 haftagacha va bolalarda (shu jumladan erta yoshdagi) 4 haftagacha qo‘llanilganda teri atrofiyasi, teleangiektaziyalar, striyalar va husnbuzarsimon toshmalar rivojlanishi aniqlanmagan.

Metilprednizolon atseponati (ayniqsa uning asosiy metaboliti – 6α-metilprednizolon-17-propionat) hujayra ichidagi glyukokortikoid retseptorlari bilan bog‘lanadi. Steroid-retseptor majmuasi immun javob hujayralari DNKsining ma’lum qismlari bilan bog‘lanadi, shu tarzda biologik samaralar seriyasini chaqiradi.

Xususan, steroid-retseptor majmuasining immun javob hujayralari DNKsi bilan bog‘lanishi makrokortin sintezi induksiyasiga olib keladi. Makrokortin araxidon kislotasi ajralib chiqishini va shu bilan prostaglandinlar va leykotrienlar kabi yallig‘lanish mediatorlari hosil bo‘lishini ingibitsiya qiladi.

GKS tomonidan vazodilatatsiya qiluvchi prostaglandinlar sintezining ingibitsiya qilinishi va adrenalinning tomir toraytiruvchi ta’sirining potentsirlanishi vazokonstriktor samaraga olib keladi.

Odatda preparat yaxshi o'zlashtiriladi.

Juda kam hollarda (0.01% dan kam hollarda) qichishish, achishish, eritema, vezikulyoz toshma hosil bo'lishi kabi mahalliy reaksiyalar kuzatilishi mumkin. Agar preparat 4 haftadan ortiq va/yoki tana yuzasining 10% va undan ortiq qismida qo'llanilganda, quyidagi reaksiyalar yuzaga kelishi mumkin: teri atrofiyasi, teleangiektaziyalar, striyalar, terining akneform o'zgarishlari, kortikosteroidning so'rilishi bilan bog'liq tizimli effektlar. Klinik tadqiqotlar davomida Advantan^® preparati kattalarda 12 haftagacha va bolalarda 4 haftagacha qo'llanilganda yuqorida sanab o'tilgan nojo'ya ta'sirlarning hech biri qayd etilmagan.

Kamdan-kam hollarda (0.01-0.1%) follikulit, gipertrixoz, perioral dermatit, teri depigmentatsiyasi, preparat komponentlaridan biriga allergik reaksiyalar kuzatilishi mumkin.

Bakterial asoratlar va/yoki dermatomikozlar mavjud bo'lganda Advantan^® preparati bilan terapiyaga qo'shimcha ravishda o'ziga xos antibakterial yoki zamburug'ga qarshi davolash o'tkazish zarur.

Preparatni ko'zga tushishidan saqlanish kerak.

Tizimli kortikosteroidlar qo'llanilganda bo'lgani kabi, GKS tashqi qo'llanilgandan keyin glaukoma rivojlanishi mumkin (masalan, katta dozalar qo'llanilganda yoki okklyuzion bog'lamlar juda uzoq vaqt qo'llanilganda yoki ko'z atrofidagi teriga surtilganda).

Avtotransportni haydash va mexanizmlarni boshqarish qobiliyatiga ta'siri

Aniqlanmagan.

• surtish sohasidagi sil yoki zaxm jarayonlari;
• surtish sohasidagi virusli kasalliklar (masalan, suvchechak, o'rab oluvchi temiratkida);
• surtish sohasidagi rozatsea, perioral dermatit;
• emlashga reaksiya ko'rinishlari bo'lgan teri sohalari;
• 4 oylikkacha bo'lgan bolalar;
• preparat tarkibiy qismlariga yuqori sezuvchanlik.

Advantan^В® preparatining dori o'zaro ta'siri aniqlanmagan.

Sirtga.

Kattalar va 4 oylikdan boshlab bolalarga preparat terining zararlangan joylariga yupqa qatlam qilib sutkasiga 1 marta surtiladi.

Advantanni krem, maz yoki yog'li maz shaklida uzluksiz har kuni qo'llash kattalar uchun 12 haftadan, bolalar uchun 4 haftadan oshmasligi kerak. Emulsiya shaklidagi Advantan bilan davolash kursi odatda 2 haftadan oshmasligi kerak.

Krem tarkibida kam miqdorda yog' va ko'p miqdorda suv bo'lgan dori shakli hisoblanadi, shuning uchun yaqqol namlanishsiz kechuvchi o'tkirosti va o'tkir yallig'lanishda tavsiya etiladi. Krem silliq terida ham, boshning sochli qismida ham, shu jumladan yog'lanishga moyil terida yallig'lanish jarayonini bartaraf etishni ta'minlaydi.

Maz tarkibida yog' va suvning mutanosib nisbati bo'lgan dori shakli hisoblanadi, shuning uchun namlanish bilan kechmaydigan teri kasalliklarining o'tkirosti yoki surunkali kechishida tavsiya etiladi. Maz shifobaxsh ta'sir ko'rsatib, terining quruqligini yo'qotishga va uning normal yog'liligini tiklashga yordam beradi.

Yog'li maz suvsiz dori shakli hisoblanadi, shuning uchun juda quruq teri bilan kechuvchi uzoq muddatli surunkali yallig'lanishli teri jarayonlarini davolashda tavsiya etiladi. Yog'li mazning okklyuzion samarasi hatto sezilarli lixenifikatsiya va infiltratsiyada ham yaqqol shifobaxsh ta'sirni ta'minlaydi.

Emulsiya terining zararlangan joylariga yupqa qatlam qilib, biroz ishqalab surtiladi. Quyosh urganda emulsiya kuniga 1-2 marta qo'llaniladi. Agar emulsiya qo'llanilganda teri qoplamalari haddan tashqari quruqlashsa, tarkibida yog' miqdori yuqoriroq bo'lgan Advantan^® preparatining dori shakliga (maz yoki yog'li maz) o'tish kerak.