ALSERA tabletkalari 10mg N30

QO‘LLASH BO‘YICHA YO‘RIQNOMA

ALSYeRA

ALSERA

Preparatning savdo nomi: Alsera

Ta‘sir etuvchi modda (XPN): serratiopeptidaza

Dori shakli: ichakda eruvchan qobiq bilan qoplangan tabletkalar

Tarkibi:

Ichakda eruvchan qobiq bilan qoplangan har bir tabletka quyidagilarni saqlaydi:

faol modda: serratiopeptidaza (ichakda eruvchan granulalar shaklida) – 10,0 mg;

yordamchi moddalar: laktoza, kraxmal, kraxmal pastasi, tozalangan talk, natriy benzoati, magniy stearati, aerosil, natriy kraxmal glikolyati.

qobig‘i: eritrozin, izopropil spirti, metilen xloridi, sellyuloza asetat ftalati.

Ta‘rifi: dumaloq, ikki tomonlama qavariq, har ikki tomoni silliq, pushti rangli ichakda eruvchan qobiq bilan qoplangan tabletkalar.

Farmakoterapevtik guruhi: proteolitik ferment

ATX kodi: M09AV

Farmakologik xususiyatlari

Farmakodinamikasi

Serratiopeptidaza patogen bo‘lmagan Serratia E15 ichak bakteriyasidan ajratib olingan proteolitik ferment hisoblanadi. Unga fibrinolitik, yallig‘lanishga qarshi va shishga qarshi faolliklar xos.

Yallig‘lanish jarayonini yaqqolligini kamaytirishdan tashqari serratiopeptidaza yallig‘langan to‘qimalardan og‘riq aminlarini ajralib chiqishini bloklashi oqibatida og‘riqni yaqqolligini kamaytiradi.

Serratiopeptidaza qonning alfa-2 makroglobulini bilan 1:1 nisbatda bog‘lanadi, va uning antigenligini niqoblaydi, ammo fermentativ faolligini saqlaydi. U keyin asta-sekin yallig‘lanish joyidagi ekssudatga o‘tadi va muvofiq ravishda uning qondagi darajasi kamayadi.

Serratiopeptidaza bevosita kapillyarlarni dilatasiyasini (kengayishini) kamaytiradi, bradikinin, gistamin va serotoninni gidrolizga uchrashi tufayli ularni o‘tkazuvchanligini nazorat qiladi. Shuningdek serratiopeptidaza plazmin ingibitorini bloklaydi, shu orqali plazminni fibrinolitik faolligiga yordam beradi. Balg‘am tarkibidagi oqsillarni parchalanishi tufayli, balg‘amni reologik xususiyatlarini yaxshilaydi va uni ko‘chishiga yordam beradi.

Preparatni fermentativ faolligi α-ximotripsinga qaraganda 10 marta yuqori.

Surunkali yallig‘langan o‘chog‘da serratiopeptidaza polipeptid tabiatli yallig‘lanish mediatorlari (bradikinin, fibrin) darajasini kamayishiga olib keladi, ammo tirik organizmning albumin α- va γ-globulin kabi oqsillariga esa sezilarli ta‘sir ko‘rsatmaydi. Preparat yallig‘langan joyga yaxshi o‘tadi, nekrozga uchragan to‘qimalarni va ularni parchalanish mahsulotlarini eritib yuboradi, giperemiyani kamaytiradi va antibiotiklarni kirishini va faolligini tezlashtiradi. Preparat so‘lak va burun ajralmalarini qovushqoqligini kamaytiradi, shu orqali ularni chiqarilishini yengillashtiradi.

Farmakokinetikasi

Preparat me‘da orqali o‘zgarmagan holda chiqariladi va ichakda so‘riladi. Preparat me‘da shirasida faolsizlanmaydi. Qon plazmasida maksimal konsentrasiyaga 1 soatdan keyin erishadi. Serratiopeptidaza faol shaklda qon oqimiga yetadi, shuningdek safro bilan ham faol shaklda chiqariladi va oz miqdorda siydikda aniqlanadi.

Qo‘llanilishi

• jarrohlik kasalliklari: paylarni cho‘zilishi va uzilishi, sinishlar va chiqishlar;
• plastik jarrohlik: operasiyadan keyingi shishlarni kamaytiradi va transplantatlarni ko‘chish (bitmagan) joyda mikrosirkulyasiyani tiklaydi;
• LOR a‘zolarining kasalliklari: yopishqoq sekretni hosil bo‘lishi bilan kechadigan;
• teri kasalliklari: o‘tkir yallig‘langan dermatozlar;
• ayollar jinsiy a‘zolarining va sut bezlarining kasalliklari: gematomalar, sut bezlarida dimlanish;
• mushak va bo‘g‘im og‘riqlari;
• yuzaki tromboflebitda qo‘llanadi.

Qo‘llash usuli va dozalari

Serratiopeptidaza tabletkalarda odatda kuniga 3 marta yoki shifokorning ko‘rsatmasi bo‘yicha qabul qilinadi. Tabletkalarni ovqatlanish vaqtida ko‘p miqdordagi suv bilan qabul qilish lozim. Davolash kursining davomiyligi va preparatning dozasi kasallikning xarakteriga va dinamikasiga, shuningdek pasientni individual xususiyatlari bog‘liq.

Nojo‘ya ta‘sirlari

Serratoipeptidaza tabletkalarini, odatda qisqa muddat qabul qilganda nojo‘ya samaralarisiz yaxshi o‘zlashtiriladi. Agar Sizda qon ivishini buzilishi yoki ikki hafta davomidagi belgilangan rejali operasiyalar bo‘lsa preparatni ishlatish tavsiya qilinmaydi.

Preparat ayrim nojo‘ya samaralarga ega bo‘lib, ular odamlarga turlicha ta‘sir qilishi mumkin. Quyida ko‘pincha preparatni qabul qilish bilan bog‘liq nojo‘ya samaralarning ayrimlari keltirilgan: anoreksiya; me‘dada diskomfort, ko‘ngil aynishi

Teri toshmalari kabi yuqori sezuvchanlik belgilari paydo bo‘lganida qabul qilishni to‘xtating. Preparatni homilador va emizikli ayollarga ehtiyotkorlik bilan qo‘llash lozim.

Qo‘llash mumkin bo‘lmagan holatlar

Serratoipeptidazaga yoki preparatning boshqa komponentlariga o‘ta yuqori sezuvchanlik.

Qon ivishini buzilishi va/yoki qon ketishlarga moyillik.

Jigar va/yoki buyrak kasalliklari bilan xastalangan pasientlarga ehtiyotkorlik bilan buyuriladi.

Preparatni homiladorlik va laktasiya davrida ehtiyotkorlik bilan buyuriladi.

Preparatni bolalarda qo‘llash tajribasini yo‘qligi tufayli, uni faqat hayotiy ko‘rsatmalar bo‘yicha va davolovchi shifokorning qa‘tiy nazorati ostida buyurish mumkin.

Dorilarning o‘zaro ta‘siri

Preparat bir vaqtda qo‘llanganda bevosita va bilvosita ta‘sirga ega antikoagulyantlar ta‘sirini kuchaytiradi. Bu preparatlarni majmuaviy qo‘llash zarur bo‘lganida ularni qat‘iy shifokor nazorati ostida qo‘llanadi va zarur holatlarda antikoagulyantlarni dozalariga tuzatish kiritiladi.

Maxsus ko‘rsatmalar

Koagulopatiyalar (qon ivishini buzilishi): Serratiopeptidaza qonni ivishiga xalaqit qilishi mumkin, shuning uchun ayrim tadqiqotchilar, bu koagulopatiyalarni yomonlashishiga olib kelishidan xavotirlanadi. Agar Sizda koagulopatiya bo‘lsa, Alsera preparatini ishlatishdan oldin davolovchi shifokor bilan maslahatlashing.

Operasiya: Serratiopeptidaza qon ivishiga xalaqit qilishi mumkin. Bu esa operasiya vaqtida va operasiyadan keyin qon ketishini kuchaytirishi mumkinligi to‘g‘risida xavotirlik mavjud. Alsera preparatini qo‘llashni rejalashtirilgan operasiyadan kamida 2 hafta oldin to‘xtatish kerak.

Homiladorlik va laktasiya davrida qo‘llanishi

Serratiopeptidazani homiladorlik va emizish vaqtida ishlatilishi yetarli darajada ma‘lum emas. Xavfsizlik maqsadida qabul qilishdan saqlaning.

Preparat homilaga teratogen, mutagen va embriotoksik ta‘sir ko‘rsatmaydi, ammo Alsera preparatini homiladorlik davrida qo‘llash tajribasi cheklangan. Preparatni homiladorlik davrida faqat hayotiy ko‘rsatmalar bo‘yicha va davolovchi shifokorning qat‘iy nazorati ostida buyurish mumkin.

Preparatni laktasiya davrida qo‘llash tajribasi yo‘q.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Preparatni yuqori dozalarda qabul qilinganda, pasientlarda preparatning nojo‘ya samarlarini kuchayishi aniqlangan. Preparat dozasini ahamiyati darajada oshirilganda pasientlarda ichki qon ketishi rivojlangan.

Maxsus antidioti yo‘q. Preparat qabulini to‘xtatish va simptomatik davolashni o‘tkazish ko‘rsatilgan.

Chiqarilish shakli

Ichakda eruvchan qobiq bilan qoplangan tabletkalar. 10 tabletkadan blisterda. 1, 2, 3 yoki 10 blister qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Original o‘ramida, 25^oS dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.