Bisillin-1

Bitsillin-1 m/i yuborilganda sekin so'riladi, benzilpenitsillin ajralib chiqishi bilan gidrolizlanadi va uzoq vaqt davomida qonga tushadi. C_max ga 12–24 soatdan keyin erishiladi, terapevtik kontsentratsiya — 3–6 soatdan keyin.

Bitsillin-3 m/i yuborilgandan so'ng benzilpenitsillin ajralib chiqishi bilan sekin gidrolizlanadi. Bir marta yuborilganda qonda terapevtik kontsentratsiya 6–7 sut davomida saqlanib turadi, С_max ga in'ektsiyadan so'ng 12–24 soat o'tgach erishiladi. 2,4 mln TB dozada yuborilgandan so'ng 14-kuni zardobdagi kontsentratsiya 0,12 mkg/ml ni, 1,2 mln TB yuborilgandan so'ng 21-kuni — 0,06 mkg/ml ni (1 TB=0,6 mkg) tashkil qiladi. Qon oqsillari bilan bog'lanishi — 40–60%. Suyuqliklarga o'tishi — yuqori, to'qimalarga — past. Yo'ldosh to'sig'i orqali o'tadi, ko'krak sutiga kiradi. Arzimas darajada biotransformatsiyaga uchraydi, asosan buyraklar orqali chiqariladi.

Bitsillin-5 m/i yuborilganda qonda yuqori kontsentratsiyalar in'ektsiyadan keyingi birinchi soatlardayoq hosil bo'ladi. 1,2–1,5 mln TB yuborilgandan so'ng ko'pchilik bemorlarda (kattalar va bolalar) plazmadagi terapevtik kontsentratsiya (0,3 TB/ml) 28 kun va undan ko'proq vaqt davomida saqlanib turadi.

Yurak-qon tomir tizimi va qon (qon yaratish, gemostaz) tomonidan: anemiya, trombotsitopeniya, leykopeniya, gipokoagulyatsiya.

Allergik reaksiyalar: teri va shilliq qavatlarda toshma, eshakemi, eozinofiliya, bo'g'imlarda og'riq, ko'p shaklli eritema, eksfoliativ dermatit, Kvinke shishi, anafilaktik shok.

Boshqalar: bosh og'rig'i, tana haroratining oshishi, artralgiya, stomatit, glossit, yuborish joyida og'riqlilik; uzoq muddatli terapiyada — preparatga chidamli mikroorganizmlar va zamburug'lar keltirib chiqargan superinfektsiya.

Preparatni v/i yuborishga yo'l qo'ymaslik kerak (uane sindromi — tushkunlik hissi, xavotir va ko'rish buzilishi rivojlanishi mumkin).

Gipersezuvchanlik (shu jumladan boshqa penitsillinlarga va preparat komponentlariga). Ehtiyotkorlik bilan — bronxial astma, pollinoz, eshakemi va boshqa allergik kasalliklar; turli dori vositalariga, shu jumladan antibiotiklar va sulfanilamidlarga yuqori sezuvchanlik (anamnezda).

Bakteritsid antibiotiklar (sh. j. sefalosporinlar, sikloserin, vankomitsin, rifampitsin, aminoglikozidlar) sinergik ta'sir ko'rsatadi, bakteriostatiklar (sh. j. makrolidlar, xloramfenikol, linkozamidlar, tetratsiklinlar) — antagonistik. Peroral kontratseptivlar va etinilestradiol samaradorligini pasaytiradi ("yorib o'tuvchi" qon ketishlar xavfi). Diuretiklar, allopurinol, fenilbutazon, NYAQV naychalar sekretsiyasini kamaytiradi va konsentratsiyani oshiradi. Allopurinol allergik reaksiyalar (teri toshmasi) rivojlanish xavfini oshiradi.

M/i, chuqur, dumba mushagining yuqori tashqi kvadrantiga (v/i yuborish taqiqlanadi).

Bitsillin−1 infeksion kasalliklarning profilaktikasi va davolash uchun kattalarga — 300000 XB va 600000 XB haftada 1 marta yoki 1,2 mln XB oyiga 2 marta. Kattalarda revmatizmni davolashda doza oyiga 2 marta 2,4 mln XB gacha oshiriladi. Revmatizm qaytalanishining profilaktikasi uchun — 600000 XB haftada 1 marta 6 hafta davomida asetilsalisil kislotasi yoki boshqa NYaQV larni qabul qilish bilan birgalikda.

Zaxmni davolash maxsus yo'riqnoma bo'yicha o'tkaziladi. O'rtacha doza — 2,4 mln XB 2–3 marta 8 kunlik intervallar bilan.

Bitsillin−3 — 300000 XB dozada (zarurat bo'lganda 2 ta in'ektsiya turli dumbalarga qilinadi). Takroriy in'ektsiyalar oldingi in'ektsiyadan keyin 4 sutkada o'tkaziladi. 600000 XB dozada 6 kunda bir marta yuboriladi.

Birlamchi va ikkilamchi zaxmni davolashda bir martalik doza — 1,8 mln XB. Davolash kursi — 7 in'ektsiya. Birinchi in'ektsiya 300000 XB dozada o'tkaziladi, ikkinchi in'ektsiya — 1 sutkadan keyin to'liq dozada, keyingi in'ektsiyalar haftada 2 marta o'tkaziladi.

Ikkilamchi qaytalanuvchi va yashirin erta zaxmni davolashda birinchi in'ektsiya uchun 300000 XB doza, keyingi in'ektsiyalar uchun — 1,8 mln XB ishlatiladi. In'ektsiyalar haftada 2 marta o'tkaziladi. Davolash kursi — 14 in'ektsiya.

Bitsillin−5 kattalarga — 1,5 mln XB dan 4 haftada 1 marta, 8 yoshgacha bo'lgan bolalarga — 600000 XB 3 haftada 1 marta, 8 yoshdan katta bolalarga — 1,2–1,5 mln XB 4 haftada 1 marta.

Suspenziya aseptik sharoitda bevosita ishlatishdan oldin tayyorlanadi (1,5 mln XB saqlagan flakonga 5–6 ml steril distillangan suv, 0,9% natriy xlorid eritmasi yoki 0,25–0,5% novokain eritmasi yuboriladi). Flakondagi aralashma bir xil suspenziya (yoki quyqa) hosil bo'lguncha 30 s davomida uzunlamasi o'q yo'nalishida chayqatiladi va darhol yuboriladi.