DOMKET poroshok 1g N1

QO‘LLASH BO‘YICHA YO‘RIQNOMA

DOMKET

DOMKET

Preparatning savdo nomi: Domket

Ta‘sir etuvchi modda (XPN): gemsitabin gidroxloridi

Dori shakli: infuziya uchun eritma tayyorlash uchun konsentrat

Tarkibi:

Har bir flakon quyidagilarni saqlaydi:

faol modda:

gemsitabin gidroxloridi AQSH F, gemsitabinga ekvivalent – 200 mg

yordamchi moddalar:

Mannitol                                                                                                    yetarli miqdorda

In‘eksiya uchun suv                                                                                    yetarli miqdorda

Ta‘rifi: oq yoki deyarli oq rangli liofilizasiya qilingan massa yoki yirik zarrachali (agregatlar bilan) kukun.

Farmakoterapevtik guruhi: o‘smalarga qarshi vosita.

ATX kodi: L01BC05

Farmakologik xususiyatlari

Gemsitabin (in‘eksiyalar uchun gemsitabin, AQSH F) – o‘smalarga qarshi faollik namoyon qiluvchi nukleozidli analog. Gemsitabin gidroxloridi – sitidin 2-deoksi-2,2-diftoro-monogidroxlorid (beta-izomer). Gemsitabinning emperik formulasi C₉H₁₁F₂N₃O_4*HCI, molekulyar massasi – 299,66.

Gemsitabin gidroxloridi – oq yoki deyarli oq qattiq modda, suvda eriydi, metanolda kam eriydi, etanol va polyar organik eritmalarda deyarli erimaydi.

Ta‘sir mexanizmi

Gemsitabin gidroxloridi xujayralarga nisbatan fazali spesifiklik namoyon qiladi, ularni DNK sintezi vaqtida (S faza) yo‘q qiladi, shuningdek xujayralarning o‘sishini  G 1/S – fazada bog‘lashi orqali bloklaydi. Gemsitabin gidroxloridi faol difosfatli va trifosfatli nukleozidlargacha xujayra ichki nukleozid-kinazalar tomonidan metabolizmga uchraydi. Gemsitabin gidroxloridining sitotoksik samarasi difosfatli va tirfosfatli ikki kombinasiyasi ta‘sirining oqibatida kuzatiladi, ular DNK sintezini ingibisiya qilinishiga olib keladi. Dastlab gemsitabin difosfat DNK sintezi uchun dezoksinukleozid trifosfatlar reaksiyalarini katalizasiya bo‘lishiga javobgar ribonukleotidli redutazani ingibisiya qiladi. Difosfatli nukleozid bilan bu fermentning ingibisiya qilinishi dezoksinukleotidlarning, shu jumladan dCTP ni konsentrasiyasini kamayishiga olib keladi. Gemsitabin trifosfat DNK ga joylashishda dSTO va dSTR bilan raqobatlashadi. Xujayra ichki dCTP konsentrasiyasini pasayishi (difosfat ta‘sirida kuzatiladigan) gemsitabin tirfosfatni DNK ga joylashishini chaqiradi. Gemsitabin nukleotidi DNK ga joylashgandan keyin, uning zanjirni davom etishi uchun faqat bir nukleotid qo‘shiladi. DNK-polimeraza-epsilon gemsitabin nukleotidini yo‘qotishga va DNK ning o‘suvchi zanjarini o‘zgartirishga qodir emas. Limfoblastom xujayralarida gemsitabin gidroxloridi xujayralarning nobud bo‘lishini xarakterli dasturlaridan biri – yadro ichidagi DNK ning fragmentasiyasini chaqiradi.

Farmakokinetikasi

So‘rilishi va taqsimlanishi

Gemsitabin gidroxloridining farmakokinetikasi turli qattiq o‘smalari bo‘lgan 353 pasientlarda (2/3 erkaklar) o‘rganilgan. Farmakokinetik ko‘rsatkichlari qisqa (70 minutdan kam) yoki davomli (70-285 minut) infuziyalarda haftalik intervallar bilan turli vaqt davrilari davomida davolangan ushbu pasientlar uchun hisoblangan. Gemsitabin gidroxloridining umumiy dozasi 500 dan 3600 mg/m² orasida bo‘lgan. Gemsitabin gidroxloridining farmakokinetikasi proporsional va qiyoslashning ikki modellari bilan ta‘riflanadi. Bir yoki ko‘psonli dozalar bilan davolash natijalarini taxlillari, gemsitabin gidroxloridining taqsimlanish xajmiga infuziyaning davomiyligi va pasientning jinsi ta‘sir qiladi, gemsitabin gidroxloridining klirensiga pasientning yoshi va jinsi ta‘sir qiladi. Klirensi va taqsimlanish xajmidagi pasientlarning xarakteristikasi va infuzion davolash davomiyligiga bog‘liq. Bunday farqlar yarim chiqarilish davri va faol moddaning qon plazmasidagi konsentrasiyasining o‘zgarishini natijasi bo‘lgan.

Preparatni ayollar va keksa pasientlarda klirensini pasayishi har qanday buyuriladigin dozada gemsitabin gidroxloridining konsentrasiyasini oshishiga olib keladi. Infuziya davomiyligi oshirilganda taqsimlanish hajmi oshadi. Gemsitabin gidroxloridining taqsimlanish hajmi 70 minutdan kam infuziyadan keyin 50 l/m² ni tashkil qiladi, bu qisqa infuziyadan keyin preparatning eng katta taqsimlanish hajmini aks ettiradi. Davomli infuziyalarda taqsimlanish hajmi 370 l/m² ni tashkil qiladi, bu gemsitabin gidroxloridini to‘qimalar ichida muvozanatga sekin erishishini aks ettiradi.

Metabolizmi va chiqarilishi

Qon plazmasida dFdU faol bo‘lmagan metabolitining maksimal konsentrasiyasiga infuziya to‘xtatilgandan keyin 30 minut o‘tgach erishiladi va so‘ngra metabolit siydik bilan keyingi biotransformasiyasisiz chiqariladi. Preparat har haftada yuborilganda metabolit to‘planmaydi, lekin metabolitni chiqarilishi buyrak faoliyatiga bog‘liq, shuning uchun buyrak faoliyati pasayganda u to‘planishi mumkin. Gemsitabin gidroxloridini to‘planishiga buyrak yoki jigar yetishmovchiligining ta‘siri o‘rganilmagan.

Faol metabolit – gemsitabin trifosfatini qonning periferik ko‘p yadroli xujayralaridan ajratish mumkin. Terminal fazada gemsitabin trifosfat uchun ko‘p yadroli xujayralardan yarim chiqarilish davri 1,7 dan 19,4 soatgacha o‘zgaradi. Qisqa infuziyada gemsitabin gidroxloridining yarim chiqarilish davri 32-94 minutni tashkil qiladi, davomli infuziyada bu qiymat 245-638 minutni tashkil qiladi va pasientning yoshi va jinsiga bog‘liq. Shunday qilib, davomli infuziyalarda preparatning taqsimlanish hajmi oshadi.

Qo‘llanilishi

Tuxumdonlar raki: Platina preparatlari bilan birinchi yo‘nalish davolash yakunlangandan keyin kamida 6 oy o‘tgach rivojlangan tuxumdonlarning mahalliy-tarqalgan yoki metastatik epitelial karsinomasini qaytalanishi (karboplatin bilan majmuada).

Sut bezining raki: Antrasiklin saqlovchi preparatlar bilan ad‘yuvant/noad‘yuvant ximioterapiyadan keyin sut bezining operasiya qilib bo‘lmaydigan lokal qaytalanuvchi yoki metastatik raki (paklitaksel bilan majmuada).

O‘pkalarning mayda xujayrali bo‘lmagan raki: Birinchi yo‘nalish davolash sifatida o‘pkalarning maxalliy-tarqalgan yoki metastatik mayda xujayrali bo‘lmagan raki (paklitaksel bilan majmuada yoki keksa pasientlarda yoki JSST shkalasi bo‘yicha xolatining bahosi 2 bo‘lgan pasientlarda monoterapiya tartibida).

Qovuq raki: Sisplatin bilan majmuada qovuqning mahalliy-tarqalgan yoki metastatik raki.

Me‘da osti bezi raki: Me‘da osti bezining mahalliy-tarqalgan yoki metastatik adenokarsinomasi.

Qo‘llash usuli va dozalari

Gemsitabin gidroxloridi faqat vena ichiga infuziya ko‘rinishida ishlatiladi.

Suyultirilgandan keyin, vena ichiga infuziya uchun. Suyultirilgandan keyin eritma tiniq, och-sariq rangli bo‘lishi kerak.

Gemsitabin o‘smalarga qarshi ximioterapiya o‘tkazish tajribasiga ega bo‘lgan shifokor nazorati ostida yuborilishi kerak.

Qovuq raki

Gemsitabinning dozasi 1000 mg/m² ni tashkil qiladi va 30 minut davomida vena ichiga tomchilab yuboriladi. Preparat sisplatin bilan majmuada har 28-kunlik kursning           1, 8 va 15 kunlari yuborilishi kerak. Sisplatin 70 mg/m² dozada har 28 kunlik kursning         1-nchi va 2-nchi kunlari gemsitabin infuziyasidan keyin darhol yuboriladi. So‘ngra ushbu to‘rt haftalik kurs takrorlanadi. Pasientda rivojlangan toksiklik darajasiga qarab, Gemsitabinning dozasi keyingi davolash kurslarida yoki boshlangan kurs davomida kamaytirilishi mumkin.

Me‘da osti bezining raki

Tavsiya etilgan doza 1000 mg/m² ni tashkil qiladi va 30 minut davomida vena ichiga tomchilab yuboriladi. Qabul qilishni 7 haftagacha xar haftada bir marta takrorlash kerak, shundan keyin bir haftalik tanaffus qilish kerak. Keyingi sikllar 4 hafta ichidan 3 haftasi davomida ketma-ket xar haftada bir marta yuborishdan tashkil topishi kerak. Pasientda rivojlangan toksiklik darajasiga qarab, Gemsitabinning dozasi keyingi davolash kurslarida yoki boshlangan kurs davomida kamaytirilishi mumkin.

O‘pkalarning mayda xujayrali bo‘lmagan raki (Monoterapiya)

Tavsiya etilgan doza 2000 mg/m² ni tashkil qiladi va 30 minut davomida vena ichiga tomchilab yuboriladi. Qabul qilishni xar haftada bir marta 3 hafta davomida takrorlash, shundan keyin bir haftalik tanaffus qilish kerak. Ushbu to‘rt haftalik sikl so‘ngra takrorlanadi. Pasientda rivojlangan toksiklik darajasiga qarab, Gemsitabinning dozasi keyingi davolash kurslarida yoki boshlangan kurs davomida kamaytirilishi mumkin.

Majmuaviy qo‘llanilishi

Tavsiya etiladigan doza tana yuzasiga 1250 mg/m² ni tashkil qiladi, davolash siklining (21 kun) 1 va 8-nchi kunlari vena ichiga 30 minut davomida tomchilab yuboriladi. Pasientda rivojlangan toksiklik darajasiga qarab, Gemsitabinning dozasi davolashning keyingi kurslarida yoki boshlangan kurs davomida kamaytirilishi mumkin. Sisplatin xar 3 haftada bir marta 76-100 mg/m² dozada ishlatiladi.

Sut bezining raki

Paklitaksel 21-kunlik kursning 1-nchi kuni 3 soat davomida vena ichiga tomchilab         175 mg/m² dozada yuboriladi. Gemsitabin paklitakseldan keyin 21-kunlik kursning           1-nchi va 8-nchi kunlari 1250 mg/m² dozada 30 minut davomida vena ichiga tomchilab yuboriladi. Pasientda rivojlangan toksiklik darajasiga qarab, Gemsitabinning dozasi davolashning keyingi kurslarida yoki boshlangan kurs davomida kamaytirilishi mumkin. Gemsitabin paklitakselni majmuaviy yuborish oldidan granulositlarning mutlaq miqdori 1,5 (x 10⁹/l) dan past bo‘lmasligi kerak.

Tuxumdonlar raki

Karboplatin bilan majmuaviy qo‘llashda Gemsitabinni har 21-kunlik kursning 1-nchi va 8-nchi kunlari 30 minut davomidagi vena ichiga infuziya ko‘rinishida 1000 mg/m² dozada yuborish tavsiya etiladi. Karboplatin gemsitabindan keyin kursning 1-nchi kuni                    minutiga 4 mg/ml dozada qo‘llanadi. Pasientda rivojlangan toksiklik darajasiga qarab, gemsitabinning dozasi davolashning keyingi kurslarida yoki boshlangan kurs davomida kamaytirilishi mumkin.

Toksiklikni monitoringi va toksiklik oqibatida dozalashni o‘zgartirish

Gematologik bo‘lmagan toksiklik oqibatida dozalashni o‘zgartirish

Gematologik bo‘lmagan toksiklikni aniqlash uchun vaqti-vaqti bilan jismoniy ko‘rik o‘tkazish va jigar va buyraklar faoliyatini tekshirish kerak. Pasientlarda rivojlangan toksiklik darajasiga qarab, Gemsitabinning dozasi davolashning keyingi kurslarida yoki boshlangan kurs davomida kamaytirilishi mumkin. Ko‘ngil aynishi yoki qusishdan tashqari og‘ir nogematologik toksiklik (3 yoki 4 darajali) rivojlanganda, davolovchi shifokorning qarori bo‘yicha Gemsetabin bilan davolashni to‘xtatish yoki preparatning dozasini pasaytirish kerak. Shifokor toksik ta‘siri tugadi deb xisoblamagunicha, preparatni yuborish to‘xtatilishi kerak.

Gemsitabin bilan majmuaviy yuborishda sisplatin, karboplatin yoki paklitakselning dozalash o‘zgartirilganda, ushbu dori vositalarining qo‘llash bo‘yicha yo‘riqnomalariga amal qilish kerak.

Gematologik toksiklik oqibatida dozalashni o‘zgartirish

Kursning boshida

Qo‘llashga ko‘rsatmalardan qat‘iy nazar Gemsitabinning har bir dozasini yuborish oldidan qondagi trombositlar va granulositlar darajasini nazorati o‘tkazilishi kerak. Navbatdagi kursni boshlash olditdan pasientlar 1500 (x 10⁶/l) dan kam bo‘lmagan granulositlar va 100000 (x 10⁶/l) dan kam bo‘lmagan trombositlar mutlaq miqdoriga ega bo‘lishlari kerak.

Kurs davomida

Sikl davomida gemsitabinning dozalashdagi o‘zgarishlar quyidagi jadvallarga muvofiq o‘tkazilishi kerak:

* To‘xtatilgan davolash granulositlarning mutlaq miqdori kamida 0,5 (x10⁹/l), trombositlarning miqdori 50 (x10⁹/l) ga yetmaguncha boshlangan sikl davomida qayta tiklanmaydi.

* To‘xtatilgan davolash boshlangan kurs davomida qayta tiklanmaydi. Granulositlarning mutloq miqdori kamida 1,5 (x10⁹/l), trombositlarning miqdori esa 100 (x10⁹/l) ga yetganda, davolash navbatdagi kursning 1-nchi kunidan qayta tiklanadi.

* To‘xtatilgan davolash boshlangan kurs davomida qayta tiklanmaydi. Granulositlarning mutlaq miqdori kamida 1500 (x10⁹/l), trombositlarning miqdori esa 100 (x10⁹/l) ga yetganda, davolash navbatdagi kursning 1-nchi kunidan qayta tiklanadi.

Keyingi kurslarda barcha ko‘rsatmalar uchun gematologik toksiklik uchun dozalashni o‘zgartirish

Gematologik toksiklikning quyidagi belgilari xolida Gemsitabinning dozasi kursning dastlabki boshlang‘ich dozasidan 75% gacha kamaytirilgan bo‘lishi kerak:

• Granulositlarning mutlaq miqdori 5 kundan ko‘proq davomida < 0,5 x 10⁹/l.
• Granulositlarning mutlaq miqdori 53kundan ko‘proq davomida < 0,1 x 10⁹/l.
• Febril neytropeniya
• Trombositlar < 25 x 10⁹/l
• Toksiklilik tufayli davolash kursini boshlashni bir haftadan ko‘proqqa kechiktirish

Yuborish usuli

Gemsitabin infuziya vaqtida yaxshi o‘zlashtiriladi va ambulator yuborilishi mumkin. Ekstravagasiya xolida infuziyani darxol to‘xtatish va boshqa qon tomir ishlatib qayta tiklash kerak. Preparat yuborilgandan keyin pasient kuzatuv ostida bo‘lishi kerak.

Pasientlarning alohida guruhlari

Buyrak yoki jigar yetishmovchiligi bo‘lgan pasientlar

Ushbu guruh pasientlar uchun tavsiya etiladigan dozalar bo‘yicha kerakli ma‘lumot bo‘lmaganligi tufayli, jigar yoki buyrak yetishmovchiligi bo‘lgan pasientlarga Gemsitabin ehtiyotkorlik bilan yuborilishi kerak.

Keksa pasientlar (> 65 yosh)

Garchi gemsitabinning klirensi va yarim chiqarilish davri yosh o‘tishi bilan o‘zgarsa ham, keksa bemorlarda dozaga tuzatish kiritish zarurati xaqida ma‘lumotlar yo‘q.

Yuborish usuli

Gemsitabin infuziya vaqtida yaxshi o‘zlashtiriladi va ambulator yuborilishi mumkin. Ekstravagasiya xolida infuziyani darxol to‘xtatish va boshqa qon tomir ishlatib qayta tiklash kerak. Preparat yuborilgandan keyin pasient kuzatuv ostida bo‘lishi kerak.

Bolalar (18 yoshdan kichik)

Xavfsizligi va samaradorligi haqida ma‘lumot yetarli bo‘lmaganligi oqibatida, Gemsitabin 18 yoshdan kichik bolalarda ishlatish uchun tavsiya etilmaydi.

Nojo‘ya ta‘sirlari

Suyak ko‘migining gipoplaziyasi (mielosupressiya) – gemsitabin gidroxloridi bilan davolashning asosiy dozaga bog‘liq nojo‘ya samarasi. Turli tekshirishlarda kuzatilgan: anemiya, leykopeniya, trombositopeniya va boshqa gematologik buzilishlar. Lekin gemsitabin gidroxloridining umumiy gematologik faolligi, xatto preparatning yuqori dozalarida ham, o‘rtacha sifatida baholanadi.

Gemsitabin gidroxloridi bilan davolash vaqtida katta bo‘lmagan qon ketishlar va petexiyalar kuzatilishi mumkin.

Gemsitabin gidroxloridi bilan davolashda shuningdek trombositopeniya namoyon bo‘ladi. Lekin trombositopeniya hollari kam bo‘lgan (1,2% pasientlarda yoki kam), simptomlari – yetarlicha kuchsiz va klinik ahamiyatsiz. Bundan tashqari, gemsitabin gidroxloridi bilan davolashda kumulyativ toksiklikning belgilari va simptomlari kuzatilmagan. Gemsitabin gidroxloridi bilan davolashda yurak faoliyatini buzilishi – aritmiya, infarkt, yurak yetishmovchiligi, ayrim hollari xaqida xabar berilgan. Bundan tashqari, preparat qabul qilinganda kapillyarlar o‘tkazuvchanligini oshishi, gipertoniya, shishlar bo‘lishi mumkin. Og‘ir gipertoniyaning alohida hollari kuzatilgan. Shuningdek gemsitabin gidroxloridini yuborish bilan bog‘liq bo‘lgan paresteziya, uyqusizlik ham kuzatilgan. Davolashda ko‘pincha klinik infeksiya bilan bog‘liq bo‘lmagan isitma, shuningdek ko‘ngil aynishi, qusish, diareya, qabziyatlar, shilliq qavati faoliyatini buzilishi ham kuzatilgan. Ko‘pincha proteinuriya va gematuriya, kam hollarda – nefrotoksiklik va gemolitik uremik sindromi kuzatilgan.

Gemsitabin gidroxloridini qabul qilayotgan pasientlarda, shuningdek plazmada transaminazalar darajasini vaqtinchalik oshishi kuzatilgan, lekin u simptomsiz bo‘lgan. Ko‘pincha davolash vaqtida dispnoe, kamroq – o‘pkadan qon ketishi, fatal o‘pka yetishmovchiligi, nafasli stress-sindrom namoyon bo‘ladi. Bundan tashqari, gemsitabin gidroxloridi bilan davolashda alopesiya, va toshma, prurit, radiasion dermatit, eritema, terini yaralanishi, soxta limfomalar, asteniya va suyaklarda og‘riq kuzatilishi mumkin.

Qo‘llash  mumkin bo‘lmagan xolatdar

Gemsitabin gidroxloridini preparatga yuqori sezuvchanligi bo‘lgan pasientlarda qo‘llash mumkin emas.

Ogohlantirishlar

Agar infuziya vaqti 60 minutdan ko‘proq va infuziyalar tez-tezligi 1 haftadan ko‘proqni tashkil qilsa, preparatning toksikligi namoyon bo‘lishi mumkin.

Gemsitabin gidroxloridi suyak ko‘migining faoliyatini susaytiradi. Suyak ko‘migi faoliyatining susayishini ko‘rinishlari: leykopeniya, trombositopeniya, anemiya. Mielosupressiya odatda dozaga bog‘liq. Davolash kursining xammasi davomida mielosupressiya ko‘rinishlariga pasientlarni nazorat qilish kerak. Gemsitabin gidroxloridi ishlatilganda kam hollarda gematologik-uremik sindrom kuzatiladi. Gemsitabin gidroxloridini homiladorlikda ehtiyotkorlik bilan buyurish kerak. Gemsitabin gidroxloridini homilador ayollarda qo‘llashni xavfsizligi xaqida ma‘lumotlar yo‘q. Gemsitabin gidroxloridi kuniga 1,5 mg/kg dozada (mg/m² ga qayta xisoblaganda tavsiya etilgan odam dozasining taxminan 1/200) embriotoksik va sichqonlardagi tajribalarda homilaning shakllanishini (tanglayni bo‘linishi, suyak to‘qimalarini shakllanish jarayoni (ossifikasiya)) buzilishlarini chaqiradi. Gemsitabin gidroxloridi kuniga 0,1 mg/kg dozada (mg/m² ga qayta hisoblaganda tavsiya etilgan odam dozasining taxminan 1/600) fetotoksik va quyonlardagi tajribalarda homilaning anomaliyalarini (o‘pka arteriyasini buzilishi, o‘t qopini yo‘qligi) chaqiradi. Embriotoksiklik homilaning yashab qolishini pasayishi, o‘lchamlarini kamayishi, rivojlanishini kechikishi bilan xarakterlanadi. Pasientlarni gemsitabin gidroxloridini u homiladorlikda ishlatilganda xomilaga nisbatan potensial xavfliligi yoki gemsitabin gidroxloridi bilan davolash davomida homiladorlikni xavfsizligi xaqida ogohlantirish kerak.

Gemsitabin gidroxloridini qo‘llash o‘pka toksikligiga olib kelishi mukmkin. Bu xolatni tutib turuvchi davolash choralari yordamida yaxshilash mumkin.

Gemsitabin gidroxloridi bilan davolashda shuningdek buyrak yetishmovchiligi va gemolitik uremik sindrom ham kuzatilgan.

Dorilarning o‘zaro ta‘siri

Gemsitabin gidroxloridi ishlatilganda dorilarning o‘zaro ta‘siri kuzatilmagan. Gemsitabin gidroxloridi bilan dori vositalarining o‘zaro ta‘siri bo‘yicha maxsus tekshirishlar o‘tkazilmagan.

Radiasion davolash: Radiasion davolash bilan majmuada gemsitabin gidroxloridini qo‘llashning xavfsizligi va samaradorligi aniqlanmagan.

Maxsus ko‘rsatmalar

Umumiy: Gemsitabin gidroxloridi bilan davolanayotgan pasientlarni, ximioterapevtik preparatlarni ishlatish tajribasiga ega bo‘lgan tajribali shifokor nazorat qilishi kerak. Ko‘pchilik nojo‘ya samaralari qaytuvchiligi tufayli, ular namoyon bo‘lganda gemsitabin gidroxloridi bilan davolashni to‘xtatishning zarurati yo‘q, asosan dozani pasaytirish yoki tuzatish kiritish mumkin. Pasienlar-ayollar, ayniqsa keksa, davolashni navbatdagi kurslarini davom ettirmaslik moyilligiga egalar.

Laboratoriya ko‘rsatgichlari: Gemsitabin gidroxloridi bilan davolashdagi pasientlarda doimo qon manzarasini, shu jumladan differensial xujayralar va trombositlar miqdorini, nazorat qilish kerak. Agar suyak ko‘migining supressiyasi kuzatilsa, davolashni boshqa turga almashtirish kerak. Davolashni boshlashgacha va vaqti-vaqti bilan keyin jigar va buyrak faoliyatini laborator baxolashni o‘tkazish kerak.

Kanserogenlik, mutagenlik, fertillikka ta‘siri: Gemsitabin gidroxloridining kanserogen potensialini aniqlash uchun xayvonlarda uzoq muddatli tekshirishlar o‘tkazilmagan. Limfomani (L5178Y) qisqa tekshirishda gemsitabin gidroxlorid in vitro ahamiyatli mutasiyalar chaqirgan va klastogen bo‘lgan.

Sichqonlardagi in vivo shu jumladan ko‘pyadroli tadqiqotlar, gemsitabin gidroxloridini Eyms testida salbiy bo‘lganligini ko‘rsatgan, in vitro sharoitida DNK sintezini va xromosomali aberrasiyalar chaqirmagan. Erkak sichqonlarda gemsitabin gidroxloridi kuniga 1,5 mg/kg dozada (mg/m² dozada tavsiya etilgandan taxminan 1/700) yuborilganda fertillikka ta‘siri kuzatilmagan. Spermatogenezni susayishi, implantasiyalarni pasayishi kuzatilgan. Urg‘ochi sichqonlarda gemsitabin gidroxloridi kuniga 1,5 mg/kg dozada (mg/m² dozada tavsiya etilgandan taxminan 1/200) vena ichiga yuborilganda fertillikka ta‘siri kuzatilmagan, lekin preparat kuniga 0,25 mg/kg dozada (mg/m² dozada tavsiya etilgandan taxminan 1/300) vena ichiga yuborilganda feto- va embriotoksiklik kuzatilgan.

Homiladorlik: D toifasi: Emizishda qo‘llanilishi. Gemsitabin gidroxloridi va uning metabolitlarini ko‘krak sutiga kirishini kinetikasi o‘rganilmagan. Yangi tug‘ilgan chaqaloqqa nisbatan gemsitabin gidroxloridining potensial mumkin bo‘lgan jiddiy nojo‘ya reaksiyalari oqibatida, davolash davomida, preparatni ona uchun muximligini va bolaga nisbatan potensial xavfini e‘tiborga olib, emizishni to‘xtatish yoki preparatni qabul qilishni to‘xtatish kerak.

Keksa pasientlarda qo‘llanishi: Yosh gemsitabin gidroxloridining klirensiga ta‘sir qiladi. 65 yoshdan oshgan pasientlar uchun dozaga tuzatish kiritish zarurati yo‘q. Keksa yoshda ko‘pincha 3 yoki 4 darajali trombositopeniya namoyon bo‘ladi.

Gemsitabin gidroxloridining klirensiga shuningdek pasientning jinsi xam ta‘sir qiladi. Keksa pasientkalar juda tez-tez davolash kursini davom ettirmaydilar, ularda    3 yoki 4 darajali neytropeniya, shuningdek trombositopeniya kuzatiladi. Erkaklar va ayollardagi tekshirishlarda gemsitabin gidroxloridi bilan davolashda nojo‘ya reaksiyalar darajasi farq qilmagan.

Pediatriyada qo‘llanishi: Gemsitabin gidroxloridini bolalarda qo‘llash o‘rganilmagan. Bolalarda uni qo‘llashni samaradorligi va xavfsizligi aniqlanmagan.

Jigar va buyrak faoliyatini buzilishi bo‘lgan pasientlar: Bunday pasientlarda gemsitabin gidroxloridi ishlatilganda ehtiyotkorlikka rioya qilish kerak. Gemsitabin gidroxloridini og‘ir buyrak va jigar yetishmovchiligi bo‘lgan pasientlarda qo‘llash o‘rganilmagan.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlari: nojo‘ya ta‘sirlarini kuchayishi.

Davolash: simptomatik davolash, muntazam shifokor nazorati bilan ta‘minlanishi kerak.

Gemsitabin antidoti ma‘lum emas.

Chiqarilish shakli

10 ml xajmli brombutil tiqinli va ochiluvchi qopqoqli antibiotiklar uchun shishi flakonlarda (AQSH F 1 tur), bir flakon qo‘llash bo‘yicha yo‘riqnomasi bilan birga karton qutida.

Saqlash sharoiti

Preparat 15^oS dan 20^oS gacha haroratda saqlansin, muzlatilmasin.

Yaroqlilik muddati

2 yil.

Dorixonalardan berish tartibi

Resept bo‘yicha.