Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Qadoqda soni

Tarkibi

Tarkibi va ishlab chiqarilish shakli

Farmakodinamikasi

Farmakokinetikasi

Nojo'ya samaralari

Agar preparatni qisqa kurslarda, simptomlarni bartaraf etish uchun zarur bo'lgan minimal samarali dozada qabul qilinsa, nojo'ya samaralarni yuz berish xavfini minimumga etkazish mumkin.

Nojo'ya samaralar asosan dozaga bog'liqdir. Quyida sanab o'tilgan nojo'ya reaktsiyalar ibuprofenni sutkada 1200 mg dan oshmaydigan dozalarda qisqa muddat davomida qabul qilinganda aniqlangan. Surunkali holatlarni davolaganda va uzoq muddat qo'llanganda boshqa nojo'ya reaktsiyalar paydo bo'lishi mumkin

Nojo'ya reaktsiyalarni yuz berish tez-tezligini baholash quyidagi mezonlarga asosan amalga oshirilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan <1/100 gacha), kam hollarda (≥1/10 000 dan <1/1000 gacha), juda kam hollarda (<1/10 000), tez-tezligi noma'lum (tez-tezligini baholash bo'yicha ma'lumotlar yo'q).

Qon va limfatik tizimi tomonidan buzilishlar

· Juda kam hollarda: qon yaratilishini buzilishi (anemiya, leykopeniya, aplastik anemiya, gemolitik anemiya, trombositopeniya, pantsitopeniya, agranulositoz). Bunday buzilishlarning birinchi belgilari bo'lib isitma, tomoqda og'riq, og'iz bo'shlig'ida yuza yaralar, grippsimon simptomlar, kuchli holsizlik, burundan qon ketish va teri osti qon quyilishlari, noma'lum etiologiyali qon ketishlari va noma'lum etiologiyali ko'karishlar hisoblanadi.

Immun tizimi tomonidan buzilishlar

· Tez-tez emas: yuqori sezuvchanlik reaktsiyalari – nospesifik allergik reaktsiyalar va anafilaktik reaktsiyalar, nafas olish yo'llari tomonidan reaktsiyalar (bronxial astma, shu jumladan uni zo'rayishi, bronxospazm, hansirash, dispnoe), teri reaktsiyalar (qichishish, eshakemi, purpura, Kvinke shishi, eksfoliativ va bullez dermatozlar, shu jumladan toksik epidermal nekroliz, Layell sindromi, Stivens-Djonson sindromi, ko'p shaklli eritema), allergik rinit, eozinofiliya.

· Juda kam hollarda: yuqori sezuvchanlikning og'ir reaktsiyalari, shu jumladan yuz, til va hiqildoq shishi, hansirash, taxikardiya, arterial gipotenziya (anafilaksiya, Kvinke shishi yoki og'ir anafilaktik shok).

Me'da-ichak yo'llari tomonidan buzilishlar

· Tez-tez emas: qorinda og'riq, ko'ngil aynishi, dispepsiya.

· Kam hollarda: diareya, meteorizm, qabziyat, qusish.

· Juda kam hollarda: peptik yaralar, me'da-ichakdan qon ketishi yoki teshilishi, melena, qon aralash qusish, yarali stomatit, gastrit.

· Tez-tezligi noma'lum: kolitni zo'rayishi va Kron kasalligi

Jigar va o't chiqarish yo'llari tomonidan buzilishlar

· Juda kam hollarda: jigar faoliyatini buzilishi.

Buyrak va siydik chiqarish yo'llari tomonidan buzilishlar

· Juda kam hollarda: o'tkir buyrak etishmovchiligi (kompensvasiyalangan va dekompensasiyalangan), ayniqsa qon plazmasida mochevina kontsentrasiyasini oshishi va shishlarni paydo bo'lishi bilan birga uzoq muddat qo'llanganda, papillyar nekroz.

Nerv tizimi tomonidan buzilishlar

· Tez-tez emas: bosh og'rig'i.

· Juda kam hollarda: aseptik meningit (autoimmun kasalliklari bo'lgan pasientlarda).

Yurak-qon tomir tizimi tomonidan buzilishlar

· Tez-tezligi noma'lum: yurak etishmovchiligi, periferik shish, uzoq muddat qo'llanganida trombotik asoratlar xavfini oshishi (masalan, miokard infarkti), arterial bosimni oshishi.

Nafas tizimi va ko'ks oralig'i a'zolari tomonidan buzilishlar

· Tez-tezligi noma'lum: bronxial astma, bronxospazm, hansirash.

Boshqalar

· Juda kam hollarda: shishlar, shu jumladan periferik shish.

Laboratoriya ko'rsatkichlari

· gematokrit yoki gemoglobin (kamayishi mumkin)

· qon ketish vaqti (oshishi mumkin)

· qon plazmasida glyukozaning kontsentrasiyasi (pasayishi mumkin)

· kreatinin klirensi (kamayishi mumkin)

· kreatininning plazma kontsentrasiyasi (oshishi mumkin)

· "jigar" transaminazalar faolligi (oshishi mumkin)

Nojo'ya samaralar paydo bo'lganida preparatni qabul qilishni to'xtatish va shifokorga murojaat qilish lozim.

Maxsus saqlash sharoitlari

Preparatni maksimal ravishda iloji boricha qisqa kurslarda va simptomlarni bartaraf etish uchun zarur bo'lgan minimal samarali dozada qabul qilish tavsiya etiladi.

Uzoq muddatli davolanish vaqtida periferik qon manzarasini va jigar hamda buyrakning funktsional holatini nazorat qilish kerak. Gastropatiya belgilari paydo bo'lganida ezofagogastroduodenoskopiya, qon umumiy tahlilini (gemoglobin miqdorini aniqlash), ahlatda yashirin qon borligi yuzasidan tahlilini o'z ichiga oluvchi sinchkov nazorat ko'rsatilgan. 17-ketosteroidlarni aniqlash zarurati tug'ilganida, tekshirishdan 48 soat oldin preparatni bekor qilish kerak. Davolanish davrida etanolni qabul qilish tavsiya etilmaydi. Preparat tarkibida maltitol bo'lganligi sababli fruktozani o'zlashtiraolmasligi bo'lgan pasientlarda qo'llash mumkin emas.

Migrafen preparatni qandli diabeti bo'lgan bolalarda qo'llash mumkin, chunki preparat qand saqlamaydi. Bo'yovchilar saqlamaydi.

Buyrak etishmovchiligi bo'lgan pasientlar preparatni qo'llashdan oldin shifokor bilan maslahatlashishlari lozim, chunki buyrakning funktsional holatini yomonlashish xavfi mavjud bo'ladi.

Gipertoniyasi, shu jumladan anamnezida gipertoniyasi va/yoki surunkali yurak etishmovchiligi bo'lgan pasientlar preparatni qo'llashdan oldin shifokor bilan maslahatlashishlari lozim, chunki preparat organizmda suyuqlikni tutilishini, arterial bosimni oshishini va shishlarni chaqirishi mumkin.

Suvchechak bilan kasallangan pasientlarga NYAQP qo'llash teri va teri osti yog'klechatkasining infektsion-yallig'lanish kasalliklarini (masalan, nekrozga olib keluvchi fassit) og'ir kechuvchi yiringli asoratlarini rivojlanish xavfini oshishi bilan bog'liq mumkin. Shu bois suvchechakda preparatni qo'llashdan saqlanish kerak.

Homiladorlikda va emizish davrida qo'llanilishi

Preparatni homiladorlikning III uch oyligida qo'llash mumkin emas. Preparatni homiladorlikning I-II uch oyliklarida yoki emizish davrida qo'llashdan oldin shifokor bilan maslahatlashish lozim. Ibuprofen oz miqdorda ko'krak sutiga o'tishi to'g'risida ma'lumotlar bor, bu emizikli bolaning sog'lig'iga salbiy ta'sir ko'rsatmaydi.

Transportni va boshqa potentsial xavfli mexanizmlarni boshqarish qobiliyatiga ta'siri

Ibuprofenni qabul qilganda bosh aylanishi, uyquchanlik, tormozlanish yoki ko'rishni buzilishini his etuvchi pasientlar avtotransportni haydash yoki mexanizmlarni boshqarishdan saqlanishlari lozim.

Qo'llanilishi

Dori vositalarining o'zaro ta'siri

Ibuprofenni quyidagi dori vositalari bilan bir vaqtda qo'llashga yo'l qo'ymaslik kerak:

· Atsetilsalisil kislotasi: shifokor tomonidan buyurilgan atsetilsalisil kislotasining past dozalari (ko'pi bilan sutkada 75 mg) dan tashqari, chunki birga qo'llash nojo'ya samaralarni yuz berish xavfini oshirishi mumkin. Bir vaqtda qo'llanganda ibuprofen atsetilsalisil kislotasining yallig'lanishga qarshi va antiagregant ta'sirini pasaytiradi (antiagregant vosita sifatida atsetilsalisil kislotasining kichik dozalarini qabul qilayotgan pasientlarda, ibuprofenni qabul qilish boshlangandan keyin o'tkir koronar etishmovchilikni rivojlanish tezligi oshishi mumkin).

· Boshqa NYAQP, shu jumladan sog-2 ning selektiv ingibitorlari: NYAQP guruhiga mansub ikki va undan ortiq preparatlarni bir vaqtda qo'llashdan, nojo'ya samaralarni yuz berish xavfi oshishi mumkinligi tufayli bir vaqtda qo'llashdan saqlanish kerak.

Quyidagi dori vositalari bilan bir vaqtda ehtiyotkorlik bilan qo'llash kerak:

· Antikoagulyantlar va trombolitik preparatlar: NYAQP antikoagulyantlarning, xususan, varfarinning va trombolitik preparatlarning samarasini kuchaytirishi mumkin.

· Gipotenziv vositalar (AAF ingibitorlari va angiotenzia II antagonistlari) va diuretiklar: NYAQP bu guruh preparatlarning samaradorligini pasaytirishi mumkin. Diuretiklar va AAF ingibitorlari NYAQP ning nefrotoksikligini oshirishi mumkin.

· Glyukokortikosteroidlar: miy da yaralarni hosil bo'lish va me'da-ichak yo'llaridan qon ketishlari xavfi oshadi.

· Antiagregantlar va serotoninni qayta qamrab olinishining selektiv ingibitorlari: me'da-ichak yo'llaridan qon ketishlarini yuz berish xavfi oshadi.

· Yurak glikozidlari: NYAQP va yurak glikozidlarini bir vaqtda buyurilishi yurak etishmovchiligini og'irlashishiga, buyrak kalavalari filtrasiyasi tezligini pasayishiga va qon plazmasida yurak glikozidlarining kontsentrasiyasini oshishiga olib kelishi mumkin.

· Litiy preparatlari: NYAQP ni qo'llash fonida qon plazmasida litiyning kontsentrasiyasini oshish ehtimoli to'g'risida ma'lumotlar mavjud.

· Metotreksat: NYAQP ni qo'llash fonida qon plazmasida metotreksatatning kontsentrasiyasini oshish ehtimoli to'g'risida ma'lumotlar mavjud.

· Tsiklosporin: NYAQP va tsiklosporinni bir vaqtda buyurilganda nefrotoksiklik xavfi oshadi.

· Mifepriston: NYAQP ni qabul qilishni, mifepriston qabul qilingandan keyin kamida 8-12 kundan so'ng boshlash lozim, chunki NYAQP mifepristonning samaradorligini pasaytirishi mumkin.

· Takrolimus: NYAQP va takrolimus bir vaqtda buyurilganda nefrotoksiklik xavfi oshishi mumkin.

· Zidovudin: NYAQP va zidovudinni bir vaqtda qo'llanishi gepatotoksiklikni oshishiga olib kelishi mumkin. Zidovudin va ibuprofenni birga qo'llab davolangan gemofiliyasi bo'lgan, OITV-musbat pasientlarda gemartroz va gematomalarni yuz berishining yuqori xavfi to'g'risida ma'lumotlar mavjud.

· Xinolon qatori antibiotiklari: NYAQP va xinolon qatori antibiotiklarini birga qabul qilayotgan pasientlarda tirishishlarni yuz berish xavfi oshishi mumkin.

Ta'rifi

Dozirovkasi

Ichga qabul qilish uchun buyuriladi.

5 ml suspenziya soderjit 100 mg ibuprofen saqlaydi.

Me'dani yuqori sezuvchanligi bo'lgan pasientlarga preparatni ovqatlanish vaqtida qabul qilish tavsiya etiladi. Preparat dozasini aniq o'lchash uchun qulay bo'lgan dozator (qoshiq) ilova qilinadi. Faqat qisqa muddat qo'llash uchun. Preparatni qabul qilishdan oldin yo'riqnomani diqqat bilan o'qib chiqing.

Iste'mol qilishdan oldin flakonni yaxshilab chayqating.

Isitma va og'riq:

Bolalar uchun dozalash bolaning yoshi va tana vazniga bog'liq.

Maksimal sutkalik doza preparatni qabul qilish orasidagi interval 6-8 soat bo'lib, bola tana vazniga 30 mg/kg dan oshmasligi kerak.

3-6 oylik bolalar (bola vazni 5 kg dan 7,6 kg gacha): 24 soat davomida 3 marta 2,5 ml (50 mg) dan, lekin sutkada 7,5 ml (150 mg) dan ortiq emas.

6-12 oylik bolalar (bola vazni 7,7-9 kg): 24 soat davomida 3-4 marta 2,5 ml (50 mg) dan, lekin sutkada 10 ml (200 mg) dan ortiq emas.

1-3 yoshli bolalar (bola vazni 10-16 kg): 24 soat davomida 3 marta 5,0 ml (100 mg) dan, lekin sutkada 15 ml (300 mg) dan ortiq emas.

4-6 yoshli bolalar (bola vazni 17-20 kg): 24 soat davomida 3 marta 7,5 ml (150 mg) dan, lekin sutkada 22,5 ml (450 mg) dan ortiq emas.

7-9 yoshli bolalar (bola vazni 21-30 kg): 24 soat davomida 3 marta 10 ml (200 mg) dan, lekin sutkada 30 ml (600 mg) dan ortiq emas.

10-12 yoshli bolalar (bola vazni 31-40 kg): 24 soat davomida 3 marta 15 ml (300 mg) dan, lekin sutkada 45 ml (900 mg) dan ortiq emas.

Davolash davomiyligi – 3 kundan ortiq emas. Ko'rsatilgan dozani oshirmang.

Agar preparat qabul qilingandan keyin 24 soat davomida (3-5 oylik bolalarda) yoki 3 kun davomida (6 oylik va undan katta bolalarda) simptomlar saqlansa yoki kuchaysa, davolashni to'xtatish va shifokorga murojaat qilish zarur.

Postimmunizasion isitma:

6 oylikkacha bo'lgan bolalarga: 2,5 ml (50 mg) dan preparat. Zarurati bo'lganida 6 soatdan keyin yana 2,5 ml (50 mg). 24 soat davomida 5 ml (100 mg) dan ortiq qabul qilmang.

Dozani oshirib yuborilishi

Hajm/og'irlik