RIFAMPISIN 0,15 liofilizat N10

Ichga qabul qilingandan so'ng MITYdan yaxshi so'riladi. Organizmning ko'pchilik to'qimalari va suyuqliklariga taqsimlanadi. Yo'ldosh to'sig'i orqali o'tadi. Plazma oqsillari bilan bog'lanishi yuqori (89%). Jigarda metabolizmga uchraydi. T1/2 3-5 soatni tashkil qiladi. Safro, axlat va siydik bilan chiqariladi.

Ovqat hazm qilish tizimi tomonidan: ko‘ngil aynishi, qusish, diareya, ishtaha pasayishi; qon plazmasida jigar transaminazalari, bilirubin darajasining oshishi, soxta membranoz kolit, gepatit.

Allergik reaksiyalar: eshakemi, Kvinke shishi, bronxospazm, grippsimon sindrom.

Qon yaratish tizimi tomonidan: kam hollarda - trombotsitopeniya, trombotsitopenik purpura, eozinofiliya, leykopeniya, gemolitik anemiya.

MNS tomonidan: bosh og‘rig‘i, ataksiya, ko‘rishning buzilishi.

Siydik chiqarish tizimi tomonidan: buyrak naychalari nekrozi, interstitsial nefrit, o‘tkir buyrak yetishmovchiligi.

Endokrin tizim tomonidan: hayz siklining buzilishi.

Boshqalar: siydik, axlat, so‘lak, balg‘am, ter, ko‘z yoshining qizil-jigarrang rangga bo‘yalishi.

Jigar kasalliklarida, oriqlashda ehtiyotkorlik bilan qo‘llaniladi. Silga aloqador bo‘lmagan infeksiyalarni davolashda mikroorganizmlarning rezistentligi tez rivojlanishi mumkin; bu jarayonni rifampitsinni boshqa kimyoterapiya vositalari bilan kombinatsiya qilganda oldini olish mumkin. Rifampitsin har kuni qabul qilinganda uning o‘zlashtirilishi uzluksiz davolashga qaraganda yaxshiroq. Agar tanaffusdan keyin rifampitsin bilan davolashni tiklash zarur bo‘lsa, u holda 75 mg/sut dozadan boshlash va istalgan dozaga erishguncha uni asta-sekin 75 mg/sut ga oshirib borish kerak. Bunda buyrak funksiyasini nazorat qilish kerak; qo‘shimcha ravishda GKS tayinlash mumkin.

Rifampitsin uzoq muddat qo‘llanilganda qon manzarasi va jigar funksiyasini tizimli nazorat qilish ko‘rsatilgan; bromsulfalein yuklamasi bilan sinamani ishlatish mumkin emas, chunki rifampitsin uning chiqarilishini raqobatli susaytiradi.

Bentonit (alyuminiy gidrosilikati) saqlovchi PASK preparatlarini rifampitsin qabul qilingandan keyin kamida 4 soat o‘tgach tayinlash kerak.

Yangi tug‘ilgan chaqaloqlar va chala tug‘ilgan bolalarda rifampitsin faqat o‘ta zarur hollarda qo‘llaniladi.

Sariqlik, yaqinda o‘tkazilgan (1 yildan kam) infeksion gepatit, buyrak funksiyasining yaqqol buzilishlari, rifampitsinga yoki boshqa rifamitsinlarga yuqori sezuvchanlik.

Homiladorlik va emizishda qo‘llanishi

Homiladorlikda rifampitsinni qo‘llash zarurati tug‘ilganda ona uchun kutilayotgan terapiya foydasi va homila uchun potensial xavfni baholash kerak.

Shuni nazarda tutish kerakki, homiladorlikning so‘nggi haftalarida rifampitsinni qo‘llash yangi tug‘ilgan chaqaloqlarda va onalarda tug‘ruqdan keyingi davrda qon ketishlar rivojlanishi xavfini oshiradi.

Rifampitsin ko‘krak suti bilan ajraladi. Laktatsiya davrida qo‘llash zarurati tug‘ilganda emizishni to‘xtatish kerak.

Jigar funksiyasi buzilishlarida qo‘llanishi

Sariqlikda, yaqinda o‘tkazilgan (1 yildan kam) infeksion gepatitda qo‘llash mumkin emas.

Buyrak funksiyasi buzilishlarida qo‘llanishi

Buyrak funksiyasining yaqqol buzilishlarida qo‘llash mumkin emas.

Bolalarda qo‘llanishi

Yangi tug‘ilgan va chala tug‘ilgan chaqaloqlarda rifampitsin faqat o‘ta zarur hollarda qo‘llaniladi.

Jigar mikrosomal fermentlari (CYP2C9, CYP3A4 izofermentlari) induksiyasi oqibatida rifampitsin teofillin, peroral antikoagulyantlar, peroral gipoglikemik preparatlar, gormonal kontraseptivlar, angishvonagul preparatlari, verapamil, fenitoin, xinidin, GKS, xloramfenikol, zamburug'ga qarshi preparatlar metabolizmini tezlashtiradi, bu ularning qon plazmasidagi konsentratsiyasini pasayishiga va shunga mos ravishda ularning ta'siri kamayishiga olib keladi.