INFANRIKS

QO‘LLASH BO‘YICHA YO‘RIQNOMA

INFANRIKS^TM

INFANRIX^TM

Bo‘g‘ma-qoqshol-ko‘kyo‘tal vaksinasi

(xujayrasiz ko‘kyo‘talli komponent)

Preparatning savdo nomi: Infanriks^TM

Dori shakli: in‘eksiya uchun suspenziya

Tarkibi:

1 doza (0,5 ml) suspenziya quyidagilarni saqlaydi:

faol modda: bo‘g‘ma anatoksini kamida 30 XB, qoqshol anatoksini kamida 40 XB, ko‘kyo‘tal anatoksini kamida 25 mkg, filamentoz gemagglyutinin 25 mkg, pertaktin (tashqi membrana oqsili 69 kDa) 8 mkg;

yordamchi moddalar: alyuminiy gidroksidi 0,5 mg, natriy xloridi 4,5 mg, ineksiya uchun suv 0,5 ml gacha.

Formaldiegid va Polisorbat 80 ishlab chiqarish jarayoni tufayli qoldiq miqdorlarda mavjud.

Ta‘rifi: loyqa oq, sekin cho‘kuvchi, oq cho‘kma va cho‘kma ustki tiniq suyuqlikka ajraluvchi suspenziya. Silkitilganda cho‘kma to‘liq aralashib ketadi.

Farmakoterapevtik guruhi: bakterial vaksinalar

ATX kodi: J07AJ52.

Farmakologshik xususiyatlari

Infanriks^TM vaksinasi alyuminiy tuzlarida adsorbsiyalangan bo‘g‘ma anatoksini, qoqshol anatoksini va tozalangan uchta ko‘kyo‘tal antigeni [ko‘kyo‘tal anatoksini (RT), filamentoz gemagglyutinin (FHA) va tashqi membroana oqsili – pertaktin (69 kDa)] saqlaydi.

Corynobacterium diphtheriae va Clostridium tetani kulturalaridan olingan bo‘g‘ma va qoqshol toksinlari detoksikasiya qilinadi va tozalanadi.

Vaksinaning xujayrasiz ko‘kyo‘tal komponentlari (RT, FHA va pertaktin) Bordetella pertussis kulturasining 1 fazasida o‘stirish natijasida olingan bo‘lib, undan ekstraksiya qilib olinadi, tozalanadi va formaldegid bilan ishlov beriladi. Ko‘kyo‘tal anatoksini (RT) qaytmas detoksikasiya jarayonidan o‘tadi.

Vaksina komponentlari bo‘g‘ma anatoksini, qoqshol anatoksini va ko‘kyo‘talning xujayrasiz komponentlari alyuminiy tuzlarida adsorbsiyalanadi. Tayyor vaksina tuzli eritmada hosil qilinadi.

Infanriks^TM vaksinasi Jaxon Sog‘liqni Saqlash Tashkilotining biologik substansiyalar va bo‘g‘ma qoqshol vaksinalarni ishlab chiqarish bo‘yicha talablariga muvofiq keladi. Vaksinani ishlab chiqarishda odamdan olinadigan substansiyalar ishlatilmaydi.

Farmakodinamikasi

Infanriks^TM vaksinasi bilan birlamchi immunizasiyaga immun javobi.

Hayonining birinchi 5 oyida uchta doza bilan o‘tkazilgan birlamchi immunizasiya kursidan keyin 1 oydan so‘ng, Infanriks^TM vaksinasi bilan vaksinasiya qilingan 99% dan ortiq go‘daklarda, bo‘g‘ma va qoqshol anatoksinlariga antitelolarning titri 0,1 XB/ml dan ko‘proqni tashkil qiladi. Vaksina RT, FHA va pertaktin antigenlarini saqlagan bo‘lib, ular organizmni ko‘kyo‘tal bilan kasallanishidan himoya qilishda muhim rol o‘ynaydi deb hisoblanadi. Klinik tadqiqotlarning natijalari bo‘yicha ko‘kyo‘tal antigenlariga 95% dan ortiq vaksinasiya qilinganlarda antitelalar ishlab chiqariladi.

Infanriks^TM vaksinasi bilan buster immunizasiyaga immun javobi.

Hayotining ikkinchi yilida (13 oydan 24 oygacha) Infanriks^TM vaksinasining buster dozasi yuborilganidan keyin, Infanriks^TM vaksinasi bilan birlamchi immunizasiya qilingan barcha bolalarda bo‘g‘ma va qoqshol anatoksinlariga nisbatan antitelolarning titri 0,1 XB/ml dan ortiqni tashkil qiladi. Infanriks^TM vaksinasining buster dozasi bilan vaksinasiya qilinganlarning 96% dan ko‘prog‘ida ko‘kyo‘tal antigenlariga nisbatan antitelolar ishlab chiqariladi.

Infanriks^TM vaksinasining himoyaviy samaradorligi

JSST ta‘rifiga ko‘ra, tipik ko‘kyo‘talga (laborator tasdiqlangan paroksizmal yo‘talning ≥ 21 kuni) qarshi Infanriks^TM vaksinasining himoyaviy samaradorligi, quydagilarda namoyish qilingan:

• Germaniyada o‘tkazilgan oilaviy kontaktlarni o‘rganish yuzasidan prospektiv yashirin tadqiqotda (3, 4 va 5 oylar sxemasi bo‘yicha). Tipik ko‘kyo‘tal bilan xastalangan bemor bo‘lgan oilalardagi ikkilamchi kontaktlarni o‘rganish natijasida to‘plangan ma‘lumotlar asosida aniqlangan vaksinaning himoyaviy samaradorligi 88,7% ni tashkil qilgan. 14 va ko‘proq kunli xar qanday tur yo‘tal sifatida belgilangan yengil, laborator tasdiqlangan kasallikdan himoya 73% ni, 7 va ko‘proq kunli har qanday tur yo‘talli – 67% ni tashkil qilgan.
• Italiyada o‘tkazilgan, Sog‘liqni Saqlash Milliy Instituti (NIH) homiylik qilgan (2, 4 va 6 oylar sxemasi bo‘yicha) samaradorlikni o‘rganish bo‘yicha tadqiqotda, vaksinaning samaradorligi 84% ni tashkil qilgan. Ko‘kyo‘talni aniqlash kengaytirilganda va yo‘talning turi va davomiyligiga qarab, yengil klinik holatlar xam qo‘shilganda, Infanriks^TM vaksinasining samaradorligi 7 va ortiq kun davom etuvchi har qanday turdagi yo‘tal uchun 71% ni, va davomiyligi ≥14 kunlik xar qanday turdagi yo‘tal uchun 73% ni tashkil qilgan.

Farmakokinetikasi

Vaksinaning farmakokinetik xususiyatlarini baxolash talab qilinmaydi.

Xavfsizlik bo‘yicha klinika oldi ma‘lumotlari

Xavfsizlik bo‘yicha tegishli testlar o‘tkazilgan.

Qo‘llanilishi

Infanriks^TM vaksinasi 2 oylik va undan katta yoshdagi bolalarni bo‘g‘ma, qoqshol va ko‘kyo‘talga qarshi faol birlamchi immunizasiyasi uchun qo‘llaniladi.

Infanriks^TM vaksinasi xujayrasiz (DTPa) yoki butunxujayrali ko‘kyo‘tal-bo‘g‘ma-qoqshol vaksinasining (DTPw) uch yoki to‘rt dozalari bilan ilgari immunizasiya qilingan bolalarni buster immunizasiyasi uchun qo‘llaniladi.

Qo‘llash usuli va dozalari

Vaksinaning tavsiya etilgan bir martalik dozasi 0,5 ml ni tashkil qiladi.

Turli mamlakatlar vaksinasiyaning turli sxemalarini ishlatishlari tufayli, xar bir aloxida mamlakat uchun, milliy tavsiyalarga muvofiq keluvchi vaksinasiya sxemasi ishlatilishi mumkin.

Vaksinasiyaning birlamchi kursi vaksinaning 3 ta dozasini tashkil qiladi, buster dozalar hayotning ikkinchi va oltinchi yillarida buyuriladi.

Infanriks^TM vaksinasini mushak ichiga chuqur yuborish kerak.

Infanriks^TM vaksinasi trombositopeniyasi yoki qon ivish tizimini buzilishlari bo‘lgan pasientlarga aloxida ehtiyotkorlik choralariga amal qilgan holda yuborilishi kerak, chunki vaksina mushak ichiga yuborilganidan keyin bunday pasientlarda qon ketishi yuz berishi mumkin; in‘eksiyadan keyin kamida 2 minut davomida in‘eksiya joyini yetarli darajada bosib (ishqalamasdan) turilishini ta‘minlash lozim.

Infanriks^TM vaksinasini hech qanday vaziyatlarda vena ichiga yuborish mumkin emas.

Qo‘llash, muomala va utilizasiya qilish bo‘yicha yo‘riqnoma

Infanriks^TM vaksinasi qanday qo‘llanadi

Infanriks^TM vaksinasi oq loyqa suspenziyadir. Saqlanganda oq cho‘kma va tiniq cho‘kma usti suyuqlik hosil bo‘lishi mumkin. Ishlatish oldidan bir xil, loyqa oq suspenziya hosil bo‘lgunicha vaksinani yaxshilab silkitish va yot zarrachalar yoki tashqi ko‘rinishi o‘zgarmaganligi yuzasidan vizual tekshirish kerak. Yot zarrachalar aniqlangan yoki tashqi ko‘rinishini o‘zgarishi aniqlangan hollarda, vaksinani ishlatish mumkin emas.

Infanriks^TM va Xiberiks^TM vaksinalari qanday aralashtiriladi

Infanriks^TM vaksinasi Xiberiks^TM vaksinasini tiklash va bir vaqtda bir in‘eksiya ko‘rinishida buyurish uchun ishlatilishi mumkin. Xiberiks^TM bir flakonda oq rangli Hib granulasi va ikkinchi flakonda yoki oldindan to‘ldirilgan shprisda tiniq rangsiz steril erituvchidan (fiziologik eritma) iborat vaksinadir. Erituvchi tashlab yuboriladi. DTPa-Hib majmuaviy vaksina  Infanriks^TM vaksinasi bilan oldindan to‘ldirilgan monodozali shpris ichidagisining xammasini, Xiberiks^TM oq granulasini saqlovchi monodozali flakonga qo‘shish yo‘li bilan olinishi mumkin. Infanriks^TM Xiberiks^TM ga qo‘shilganidan keyin, Xiberiks^TM oq granulalari  Infanriks^TM suspenziyasida to‘liq erigunicha aralashmni yaxshilab silkitish kerak. Tiklangan majmuaviy vaksinani yuborish oldidan yot zarrachalar va/yoki fizik xususiyatlarnini o‘zgarishlari yo‘qligi yuzasidan sinchiklab ko‘zdan kechirish kerak. Yot zarrachalar yoki tashqi ko‘rinishini o‘zgarishi aniqlangan hollarda, vaksinani ishlatish mumkin emas.

Vaksinani yuborish uchun yangi igna ishlatilsin. Vaksina tiklanganidan keyin darxol ishlatilishi kerak.

Nojo‘ya ta‘sirlari

Klinik tadqiqotlardan olingan ma‘lumotlar

Quyida berilgan xavfsizlik profili, 11400 dan ortiq pasientlarda olingan ma‘lumotlarga asoslangan.

Xujayrasiz ko‘kyo‘tal-bo‘g‘ma-qoqshol (DTPa) yoki xujayrasiz ko‘kyo‘tal-bo‘g‘ma-qoqshol komponentlarini saqlovchi vaksina Infanriks^TM vaksinasining buster dozasi yuborilgadan keyin qo‘llanganida, vaksinasiyaning birlamchi kursiga qaraganda maxalliy reaksiyalar va isitma holatlari tez-tezligini oshishi kuzatilgan.

Bir dozaga nojo‘ya reaksiyalar tez-tezligi quydagi tarzda aniqlanadi:

juda tez-tez (≥10%),

tez-tez (≥1% va <10%),

ba‘zida (≥0,1% va <1%),

kam hollarda (≥0,01% va <0,1%),

juda kam hollarda (<0,01%).

Qon va limfatik tizimi tomonidan

Juda kam hollarda – limfadenopatiya¹

Moddalar almashinuvi tomonidan

Tez-tez – ishtahani yo‘qolishi²

Ruxiyat tomonidan

Juda tez-tez – ta‘sirchanlik

Tez-tez – bezovtalik², odatdagi bo‘lmagan yig‘i

Nerv tizimi tomonidan

Juda tez-tez – uyquchanlik

Ba‘zida – bosh og‘rig‘i¹

Nafas tizimi, ko‘krak qafasi va ko‘ks oralig‘i a‘zolari tomonidan

Ba‘zida – yo‘tal¹, bronxit¹

Me‘da-ichak yo‘llari tomonidan

Tez-tez – diareya yoki qusish kabi me‘da-ichak yo‘llari faoliyatini buzilishlari

Teri va teri osti to‘qimalari tomonidan

Tez-tez – qichishish

Ba‘zida – toshma

Kam hollarda – eshakemi

Umumiy buzilishlar va yuborish joyidagi buzilishlar

Juda tez-tez – in‘eksiya qilingan joyda qizarish, shish (≤50 mm), isitma ≥38^oS

Tez-tez – in‘eksiya qilingan joyda og‘riq², shish (>50 mm)

Ba‘zida – in‘eksiya qilingan joyda reaksiyalar, shu jumladan in‘eksiya qilingan joyda zichlashish, charchoqlik xissi¹, isitma ≥39,1^oS, yaqindagi bo‘g‘imni³ qo‘shilishi bilan kechuvchi in‘eksiya qilingan joyda diffuz shish.

Postmarketing kuzatuvlar

Qon va limfatik tizimi tomonidan

Trombositopeniya⁴

Immun ttizimi tomonidan

Allergik reaksiyalar, shu jumladan anafilaktik va anafilaktoid reaksiyalar

Nerv tizimi tomonidan

Vaksina yuborilganidan keyin 2-3 kun davomida kollaps yoki shoksimon holatlar (gipotonik-giporeaktiv epizod), tirishishlar (isitma bilan yoki usiz).

Nafas tizimi, ko‘krak qafasi va ko‘ks oralig‘i a‘zolari tomonidan

Apnoe (muddatidan oldin (gestasiyaning ≤28 haftasida) tug‘ilgan bolalardagi apnoe yuzasidan Maxsus ko‘rsatmalar bo‘limiga qarang).

Teri va teri osti to‘qimalari tomonidan

Angionevrotik shish

Umumiy buzilishlar vayuborish joyidagi buzilishlar

In‘eksiya qilingan qo‘lni to‘liq shishi:

1 – faqat buster doza yuborilganda

2 – juda tez-tez buster doza yuborilganda

3 – xujayrasiz ko‘kyo‘tal vaksinasi bilan vaksinasiya kursini o‘tgan bolalarda, butunxujayrali vaksina bilan birlamchi vaksinasiya kursini o‘tgan bolalarga nisbatan, buster doza yuborilgandan keyin yuborish joyida shish rivojlanishining katta ehtimoli kuzatilgan. In‘eksiya qilingan joyda shish (50 mm dan katta) va diffuz shish (muvofiq ravishda “juda tez-tez” yoki “tez-tez”) buster doza 4 yoshdan 6 yoshgacha bo‘lgan bolalarga yuborilganda ko‘proq paydo bo‘ladi. Bu reaksiyalar o‘rtacha 4 kun davomida mustaqil o‘tib ketadi.

4 – bo‘g‘ma va qoqshol anatoksinlarini saqlovchi vaksinalar uchun ta‘riflangan.

Qo‘llash mumkin bo‘lmagan holatlar

Infanriks^TM vaksinasini anamnezida vaksinaning komponentlaridan birontasiga o‘ta yuqori sezuvchanligi bo‘lgan shaxslarga, shuningdek Infanriks^TM vaksinasi yoki bo‘g‘ma-qoqshol, yoki boshqa xar qanday butunxujayrali ko‘kyo‘tal-bo‘g‘ma-qoqshol vaksinasi (DTPw) ni oldingi yuborishdan keyin o‘ta yuqori sezuvchanlik simptomlari paydo bo‘lgan pasientlarga yuborish mumkin emas.

Infanriks^TM vaksinasini anamnezdagi ko‘kyo‘tal komponentini saqlovchi vaksinani oldingi yuborilishidan keyin 7 kun davomida rivojlangan noma‘lum etiologiyali ensefalopatiya simptomlari bo‘lgan bolalarga yuborish mumkin emas. Bunday hollarda vaksinasiya kursini bo‘g‘ma-qoqshol vaksinasi bilan davom ettirish kerak.

Dorilarning o‘zaro ta‘siri

Infanriks^TM vaksinasini boshqa bolalar vaksinalarini yuborishdan qat‘iy nazar, istalgan vaqtda yuborish mumkin.

Infanriks^TM vaksinasini bir shprisda Xiberiks^TM vaksinasi (Heamophilus influenzae b (Hib) tur vavksinasiga qarshi) yoki boshqa PRP-T Hib vaksinalari (qoqshol anatoksini bilan kon‘yugasiyalangan Heamophilus influenzae b tur kapsulyar polisaxarid saqlaydi) bilan bir shprisda aralashtirish mumkin.

Turli in‘eksion vaksinalarni tananing turli joylariga yuborish kerak.

Immunosupressiv davolash kursi o‘tayotgan yoki immuntanqisligi bo‘lgan pasientlarda, adekvat immun javobiga erisha olmaslik kuzatilishi mumkin.

Nomutanosiblik

Infanriks^TM vaksinasini Xiberiks^TM vaksinasi yoki boshqa PRP-T Hib vaksinalardan tashqari, boshqa vaksinalar bilan aralashtirish mumkin emas.

Maxsus ko‘rsatmalar

Vaksinasiya oldidan vaksinalarni oldingi yuborishga va u bilan bog‘liq bo‘lgan nojo‘ya reaksiyalar yuz berganiga alohida e‘tibor berib, bolaning anamnezini o‘rganish, shuningdek klinik tekshiruvni o‘tkazish kerak.

Boshqa vaksinalar bilan bo‘lgani kabi, bolada tana haroratini oshishi bilan kechuvchi o‘tkir kasallik bo‘lganida Infanriks^TM vaksinasini yuborishni kechiktirish kerak. Yengil shakildagi infeksion kasallik vaksinasiya uchun qarshi ko‘rsatma bo‘lmaydi.

Agar quyida sanab o‘tilgan nojo‘ya reaksiyalardan birontasi xujayrasiz va butunxujayrali AKDS vaksinalarini yuborish bilan vaqtinchalik aloqasi bo‘lsa, ko‘kyo‘talli komponentni saqlovchi vaksinalarning keyingi dozalarini yuborishning maqsadga muvofiqligi masalasini sinchiklab ko‘rib chiqish kerak. Ayrim hollarda, masalan, ko‘kyo‘tal bilan kasallanish darajasi juda yuqori bo‘lsa, potensial foyda barcha mumkin bo‘lgan xavflardan ustun bo‘lsa, ayniqsa agar xavflar turg‘un oqibatlar bilan bog‘liq bo‘lmasa, vaksinasiyani o‘tkazish mumkin.

Ilgari butunxujayrali AKDS vaksinalarini yuborishga qarshi ko‘rsatmalar hisoblangan quydagi holatlar, hozir ehtiyotkorlikning umumiy choralari sifatida qaralishi mumkin:

• vaksinani yuborishdan tashqari, boshqa sabablar bilan bog‘liq bo‘lmagan vaksinasiyadan keyingi 48 soat davomidagi ≥ 40,5^oS harorat;
• vaksina yuborilganidan keyin 48 soat davomida rivojlangan kollaps yoki shoksimon holat (gipotonik-giporeaktiv epizod);
• vaksina yuborilganidan keyin 48 soat davomida paydo bo‘lgan va 3 soat va ko‘proq davom etuvchi uzuluksiz to‘xtamaydigan yig‘i;
• vaksinasiyadan keyin 3 sutka davomida paydo bo‘lgan, isitma holati bilan kechuvchi yoki birga kechmaydigan tirishishlar.

Avj olib boruvchi nevrologik buzilishlar, shu jumladan infantil spazmlar, nazorat qilib bo‘lmaydigan tutqanoq yoki avj olib boruvchi ensefalopatiyasi bo‘lgan bolalarda ko‘kyo‘talli komponenti bo‘lgan (butunxujayrali yoki xujayrasiz) vaksinani yuborishni pasientning ahvoli barqarorlangunicha kechiktirish kerak. Lekin ko‘kyo‘talli komponenti bo‘lgan vaksinani buyurish haqidagi qaror, xar bir xususiy xolatda, foyda va xavflarni sinchiklab baxolangandan keyin qabul qilinishi kerak.

Anamnezda febril tirishishlar, shuningdek oilaviy anamnezda tirishishlarni mavjudligi qo‘llash mumkin bo‘lmagan holat hisoblanmaydi.

OITV-infeksiyasi vaksinasiyaga qarshi ko‘rsatma hisoblanmaydi.

Boshqa in‘eksion vaksinalar bilan bo‘lgani kabi, Infanriks^TM vaksinasi yuborilganda, vaksinalarni yuborishga anafilaktik reaksiyalar paydo bo‘lganida talab qilinishi mumkin bo‘lgan vositalar mavjud bo‘lishi kerak. Shuning uchun vaksinasiya qilingan bemorlar immunizasiyadan keyin 30 minut davomida tibbiy kuzatuv ostida bo‘lishi kerak.

Boshqa barcha bo‘g‘ma, ko‘kyo‘tal va qoqshol vaksinalari bilan bo‘lgani kabi, Infanriks^TM vaksinasini chuqur mushak ichiga yuborish va yaxshisi vaksinasiya kursi davomida yuborish joyini almashtirish kerak.

Infanriks^TM vaksinasini trombositopeniyasi yoki qon ivish tizimining buzilishlari bo‘lgan pasientlarda ehtiyotkorlik bilan qo‘llash kerak, chunki bunday pasientldarda mushak ichiga in‘eksiya qon ketishining sababi bo‘lishi mumkin.

Infanriks^TM vaksinasini xech qanday vaziyatlarda vena ichiga yuborish mumkin emas.

Apnoening potensial xavfini hisobga olib va muddatidan oldin tug‘ilgan (gestasiyaning ≤28 haftasi) bolalarda va ayniqsa anamnezida reapirator distress-sindromi bo‘lgan bolalarda birlamchi vaksinasiya kursini o‘tkazishda, 48-72 soat davomida nafas faoliyatini monitoringini o‘tkazish kerak. Bu guruh bolalarda vaksinasiyaning zarurligi tufayli, vaksinasiyani kechiktirish yoki uni o‘tkazishni rad etish mumkin emas.

Vaksinani in‘eksion yo‘li bilan yuborishga ruhiy reaksiya sifatida vaksinasiyadan keyin darxol yoki xatto vaksinasiyagacha xushdan ketish holati (sinkope) rivojlanishi mumkin, shu boisdan pasient yiqilganida yuz berishi mumkin bo‘lgan lat yeyishlar va jarohatlarni oldini olish kerak.

Homiladorlik va laktasiya davrida qo‘llanishi

Infanriks^TM vaksinasi kattalarni vaksinasiya qilish uchun mo‘ljallanmaganligi tufayli, homiladorlik va laktasiya davrida uni qo‘llash haqida, shuningdek xayvonlarda reproduktiv faoliyatni o‘rganish yuzasidan ma‘lumotlar mavjud emas.

Transport vositalari va potensial xavfli mexanizmlarni boshqarish qobiliyatiga ta‘siri

Qo‘llash mumkin emas.

Preparatni yaroqlilik muddati o‘tganidan so‘ng qo‘llash mumkin emas va bolalar olaolmaydigan joyda saqlash kerak.

Dozani oshirib yuborilishi

Dozani oshirib yuborilish hollari postmarketing kuzatuv davomida qayd etilgan. Dozani oshirib yuborilishi sababli yuz bergan nojo‘ya reaksiyalar, vaksinaning tavsiya etilgan dozalari yuborilgandagi nojo‘ya reaksiyalarga o‘xshash bo‘lgan.

Chiqarilish shakli

In‘eksiya uchun suspenziya, 1 doza – 0,5 ml

0,5 ml dan (1 doza) oldindan to‘ldirilgan 1 turdagi neytral shisha (Ph Eur.) shprisda. Shprisning burunchasi butilkauchuk tiqin bilan berkitilgan.

1 oldindan to‘ldirilgan shpris qalpoqchadagi 1 igna bilan birga kontur uyali o‘ramda (blister).

1 blisterdan qo‘llash bo‘yicha yo‘riqnomasi bilan birga karton qutida.

Saqlash sharoiti

+2^oS dan +8^oS gacha haroratda saqlansin. Yorug‘likdan himoyalangan joyda saqlansin.

MUZLATILMASIN. Agar vaksina muzlagan bo‘lsa, shprisni tashlab yuborish kerak.

Yaroqlilik muddati

36 oy.

Vaksinaning yaroqlilik muddatini tugash sanasi etiketkasi va o‘ramida ko‘rsatilgan.

Dorixonalardan berish tartibi

Resept bo‘yicha.