L-Lizina Essinat

Dori shakli: in’eksiya uchun eritma.
Asosiy fizik-kimyoviy xossalari: tiniq, rangsiz suyuqlik.
Farmakoterapevtik guruhi: vazoprotektorlar. Kapillyarlarni barqarorlashtiruvchi vositalar. Boshqa kapillyarlarni barqarorlashtiruvchi vositalar.

ATX kodi: C05CX.
Qadoqlanishi: 5 ml dan ampulada, 5 ampuladan blisterlarda; 2 blisterdan qutida.
Berilish toifasi: retsept bo‘yicha.

Miya shishining travmatik, notravmatik va operatsiyadan keyingi kelib chiqishida, shu jumladan bosh ichiga qon quyilishi, intrakranial bosim oshishi va shish-bo‘rtish holatlari bilan kechadigan holatlarda kompleks davolash tarkibida qo‘llanadi.
Orqa miya shishining travmatik, notravmatik va operatsiyadan keyingi kelib chiqishida qo‘llanadi.
Miya qon aylanishining surunkali buzilishlari va vegetativ-qon tomir distoniyasida likvor-venoz buzilishlarda qo‘llanadi.
Tayanch-harakat apparati jalb etilgan yumshoq to‘qimalar shishida, ularning qon ta’minoti mahalliy buzilishlari va og‘riq sindromi bilan kechadigan holatlarda; umurtqa pog‘onasi va oyoq-qo‘llarning shish-og‘riq sindromlarida; pastki oyoqlarda o‘tkir tromboflebitda kechadigan og‘ir venoz qon aylanishi buzilishlarida, shish-yallig‘lanish sindromi bilan birga qo‘llanadi.

– L-lizina essinatga va/yoki preparatni boshqa komponentiga yuqori sezuvchanlik;

– qon ketishini faol davom etishi, bunda gemodinamika noturg‘un kechadi;

– buyrak funksiyasini og‘ir buzilishi;

– jigar funksiyasini og‘ir buzilishi;

– homiladorlik;

– emizish davri;

– 1 yoshgacha bo‘lgan bolalarda qo‘llash mumkin emas.

faol modda: essin 2,6-diaminogeksan kislotasi tuzi;
1 ml eritma tarkibida 100 % modda hisobida 1,0 mg essin 2,6-diaminogeksan kislotasi tuzi saqlaydi;
yordamchi moddalar: etanol 96 %, propilenglikol, in’eksiya uchun suv.

Preparat yallig‘lanishga qarshi, shishga qarshi va og‘riq qoldiruvchi ta’sir ko‘rsatadi. Essin lizosomal gidrolazalar faolligini pasaytiradi, bu esa kapillyar devorlarida va ularni o‘rab turgan biriktiruvchi to‘qimada mukopolisaxaridlarning parchalanishining oldini oladi, natijada ortgan tomir-to‘qima o‘tkazuvchanligini me’yorlashtiradi hamda antiekssudativ (shishga qarshi), yallig‘lanishga qarshi va og‘riq qoldiruvchi ta’sir ko‘rsatadi. Preparat tomirlar tonusini oshiradi, o‘rtacha darajadagi immunokorreksiyalovchi va gipoglikemik ta’sir ko‘rsatadi.

O‘rganilmagan.

L-lizin essinat lizosomal gidrolazalar faolligini pasaytiradi, bu kapillyar devorlarida va ularni o'rab turgan biriktiruvchi to'qimada mukopolisaxaridlarning parchalanishini oldini oladi va shu tariqa oshgan tomir-to'qima o'tkazuvchanligini normallashtiradi va antiekssudativ (shishga qarshi) va og'riq qoldiruvchi ta'sir ko'rsatadi. Preparat tomirlar tonusini oshiradi, o'rtacha gipoglikemik samara beradi.

Essinga individual yuqori sezuvchanlik bo‘lgan ayrim bemorlarda quyidagilar kuzatilishi mumkin:

• allergik reaksiyalar: teri toshmasi (papulyoz, petechial, eritematoz), qichishish, teri giperemiyasi, gipertermiya, eshakemi, ayrim hollarda — Kvinke shishi, anafilaktik shok;
• markaziy va periferik nerv tizimi tomonidan: bosh og‘rig‘i, bosh aylanishi, tremor, paresteziyalar, ayrim hollarda — yurishning beqarorlashuvi, muvozanat buzilishi, qisqa muddatli hushni yo‘qotish;
• jigar va biliar tizim tomonidan: transaminazalar va bilirubin darajasining oshishi;
• me’da-ichak yo‘llari tomonidan: ko‘ngil aynishi, ayrim hollarda — qusish, diareya, qorin og‘rig‘i;
• yurak-qon tomir tizimi tomonidan: arterial gipotenziya, arterial gipertenziya, taxikardiya, ko‘krak ortida og‘riq;
• nafas olish a’zolari tomonidan: ayrim hollarda — havo yetishmasligi hissi, hansirash, bronxoobstruksiya, quruq yo‘tal;
• mahalliy reaksiyalar: yuborish vaqtida vena bo‘ylab achishish, flebit, yuborilgan joyda og‘riq va shish;
• boshqa reaksiyalar: umumiy holsizlik, et uvishishi, issiqlik hissi, bel sohasida og‘riq, terlash.

1 yoshgacha bo‘lgan bolalarga preparatni qo‘llash mumkin emas.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Preparatni homiladorlik yoki emizish davrida qo‘llash mumkin emas. Davolanish davrida emizishni to‘xtatish kerak.

Buyrak faoliyatining og‘ir buzilishlarida qo‘llash mumkin emas.

Jigar faoliyatining og‘ir buzilishlarida qo‘llash mumkin emas.

Belgilari: issiqlik hissi, taxikardiya, menorragiyalar, ko‘ngil aynishi, jig‘ildon qaynashi, epigastriy sohasida og‘riq.
Davolash: simptomatik terapiya.

Vena ichiga yuborish uchun eritma tayyorlash uchun konsentrat Tiniq rangsiz yoki biroz sarg'ish rangli eritma.

Gepatoxolesistit bilan og‘rigan ayrim bemorlarda preparat qo‘llanganda transaminazalar va bilirubin (to‘g‘ri fraksiya) faolligining qisqa muddatli oshishi kuzatilishi mumkin, bu bemorlar uchun xavf tug‘dirmaydi va preparatni bekor qilishni talab qilmaydi.
Ushbu dori vositasi 1 ampulada 0,9 g dan 1,1 g gacha etanol (alkogol) saqlaydi. Bu alkogolizm bilan og‘rigan bemorlar uchun zararli bo‘lishi mumkin. Bolalarda, jigar kasalliklari bo‘lgan bemorlarda va epilepsiya bilan og‘riganlarda ehtiyotkorlik bilan qo‘llash kerak.

Avtotransport vositalarini boshqarish va boshqa mexanizmlar bilan ishlash tezligiga ta’siri

Hozircha bunday xabarlar yo‘q, ammo preparatni qo‘llashda nerv tizimi tomonidan taxmin qilinayotgan nojo‘ya reaksiyalar rivojlanishi ehtimolini hisobga olish kerak.

L-lizin essinat bilan davolashda tegishli ko‘rsatmalar bo‘lsa, boshqa dori vositalarini ham buyurish mumkin (yallig‘lanishga qarshi vositalar, analgetiklar, mikroblarga qarshi preparatlar).
Preparatni aminoglikozidlar bilan bir vaqtda qo‘llash mumkin emas, chunki ularning nefrotoksikligi kuchayishi mumkin. Agar L-lizin essinat buyurilishidan oldin uzoq muddat antikoagulyantlar bilan davolash o‘tkazilgan bo‘lsa yoki L-lizin essinat va antikoagulyantlarni bir vaqtda qo‘llash zarur bo‘lsa, oxirgilarning dozasini tuzatish (kamaytirish) va protrombin indeksini nazorat qilish kerak.
Essinning plazma oqsillari bilan bog‘lanishi sefalosporinlar guruhi antibiotiklari bilan bir vaqtda qo‘llanganda qiyinlashadi, bu esa qonda erkin essin konsentratsiyasini oshirib, nojo‘ya ta’sirlar rivojlanishi xavfini kuchaytirishi mumkin.

Bolalar ololmaydigan joyda saqlansin. Original qadoqda, 25 °C dan yuqori bo‘lmagan haroratda saqlansin.

Yaroqlilik muddati: 2 yil.

Preparat vena ichiga yoki vena ichiga tomchilab yuboriladi.
Preparatni arteriya ichiga yuborish mumkin emas.
Preparat tavsiya etilgan bir martalik dozani 0,9 % natriy xlorid eritmasi bilan 15–50 ml hajmgacha suyultirib, sekin vena ichiga infuziya tarzida yuborish tavsiya etiladi.
Davolash kursining optimal tavsiya etilgan davomiyligi preparatni har kuni yuborish bilan 5–10 kunni tashkil qiladi.
Kattalar uchun L-lizin essinat preparatining maksimal sutkalik dozasi — 25 ml (5 ampula).

Tavsiya etilgan sutkalik dozalar:

Kattalar uchun
L-lizin essinat preparatining tavsiya etilgan sutkalik dozasi 5–10 ml (1–2 ampula) ni tashkil qiladi.
Bemor hayotiga xavf tug‘diruvchi holatlarda sutkalik doza 20 ml gacha oshiriladi va 2 marta yuborishga bo‘linadi; davolash kursi 8 kungacha davom etadi.
Miya qon aylanishining surunkali buzilishlari va vegetativ-qon tomir distoniyasida likvor-venoz buzilishlarda — sutkasiga 10 ml, davolash kursi 10 kunni tashkil qiladi.

Bolalar uchun bir martalik doza quyidagicha:
• 1–5 yoshda — tana vaznining 1 kg iga 0,22 mg L-lizin essinat;
• 5–10 yoshda — 0,18 mg/kg;
• 10 yoshdan katta — tana vaznining 1 kg iga 0,15 mg. Preparat kuniga 2 marta yuboriladi.

Davolash kursining davomiyligi bemorning holati va davolash samaradorligiga qarab 2 kundan 8 kungacha.