Nyu O2

Плёнка қобиқ билан қопланган таблеткалар. Ўрамида – 10 дона.

Офлоксацин меъда-ичак йўлларидан деярли тўлиқ сўрилади. Биокираолишлиги 96% дан 100% гача қийматни ташкил этади. Максимал концентрацияси (С_max) га 30-60 минут давомида эришилади. Плазма оқсиллари билан боғланиши 25%. Ярим чиқарилиш даври (Т_1/2) 6-7 соатни ташкил этади. 90% гача қисми ўзгармаган ҳолда асосан сийдик билан чиқарилади. Гематоэнцефалик ва йўлдош тўсиқлари орқали ўтади.

Орнидазол ичга қабул қилинганида осон ва тез сўрилади. Биокираолишлиги 90% ни ташкил этади. Плазмада максимал концентрацияси (С_max) га 3 соатдан кейин эришилади. Плазма оқсиллари билан тахминан 13% боғланади. Орқа мия суюқлиги, организмнинг бошқа суюқликлари ва тўқималарига ўтади. Жигарда метаболизмга учрайди, Т_1/2 13 соатни ташкил этади. Препаратнинг 63% гача қисми сийдик билан, 22% гача қисми ахлат билан чиқарилади.

Фотосенсибилизация ривожланиши мумкинлиги сабабли, Нью О2 препаратини қабул қилаётган пациентлар қуёшли инсоляция, солярийда нурланиш ва симобли кварц лампалари таъсирида физиомуолажалар олишдан сақланишлари керак.

Анамнезида жигарни жиддий шикастланиши (цирроз) ёки буйрак фаолиятини бузилиши бўлганида препаратнинг ўртача суткалик дозаси 2 таблеткадан ошмаслиги керак.

Нью О2 препаратини қабул қилаётган барча пациентларда қон манзарасини, буйрак ва жигар фаолиятини вақти-вақти билан текшириш керак.

Гипогликемик кома ривожланиши мумкинлиги сабабли, Нью О2 препарати қандли диабет билан хасталанган, гипогликемик препаратларни истеъмол қиладиган беморларга жуда эҳтиёткорлик билан буюрилади.

Нью О2 препаратини қабул қилиш вақтида этил спиртини сақловчи ҳар қандай ичимликларни истеъмол қилиш мумкин эмас.

Препарат узоқ вақт давомида қўлланганида Нью О2 препаратининг таъсирига резистент бўлган бактерияларни фаол кўпайиши ҳисобига иккиламчи инфекция қўшилиши мумкин. Бунда тегишли чоралар кўрилади (бошқа таъсир доирасига эга бўлган антибиотиклар буюрилади).

Автотранспорт ва потенциал ҳавфли механизмларни бошқариш қобилиятига таъсир қилиш ҳусусияти

Нью О2 препарати психомтор реакциялар тезлигини пасайтириши мумкин, автомобилни ҳайдашда ва бошқа ҳавфли механизмларни бошқаришда буни ҳисобга олиш керак.

Нью О2 препарати ҳомиладор аёлларга, шунингдек эмизикли аёлларга буюрилмайди.

Препарат болалар ололмайдиган жойда сақлансин ва ўрамида кўрсатилган яроқлилик муддати тугаганидан сўнг ишлатилмасин.

Ичга, овқатланишдан қатъий назар суткада икки марта, чайнамасдан, сув билан қабул қилинади. Нью О2 препарати билан даволаш курсининг давомийлиги ва дозасига инфекцион жараённинг тури ва оғирлиги таъсир қилади. Максимал бир марталик дозаси – 2 таблетка, максимал суткалик дозаси – 4 таблетка. Стандарт дозаси 1 таблеткадан кунига икки марта, даволаш давомийлиги одатда 7-10 кундан ошмаслиги керак. Касалликни симптомлари бартараф бўлганидан сўнг Нью О2 препарати билан даволаш яна уч кун давомида давом эттирилган шароитдагина препаратни қабул қилиш муддати қисқароқ бўлиши мумкин.

Ножўя самаралари: бош айланиши ва бош оғриғи, қўзғалувчанлик ва уйқуни ҳар қандай бузилишлари, периферик сезувчанлик ва координацияни бузилиши, тиришишлар, анорексия ва кўнгил айниши, қоринда оғриқ ва диарея. Диареяни ривожланишига алоҳида эътибор кериш керак, чунки бунда сохта мембраноз колитни ривожланишини истисно қилиш мумкин эмас. Сохта мембраноз колит ташхиси тасдиқланганида, Нью О2 препаратини қабул қилишни зудлик билан тўхтатилади, танлов препаратлари сифатида ванкомицин ёки метронидазол ҳисобланади. Кам ҳолларда тахикардия ва артериал гипотензия, артралгиялар ва миалгиялар кузатилади, кекса ёшдаги пациентларда тендинитлар, буйрак фаолиятини нотурғун бузилишлари (қонда креатинин ва мочевинанинг даражасини ошиши қайд этилади) ва жигар фаолиятини нотурғун бузилишлари (билирубин ва жигар ферментлари фаоллигини ошиши), тери петехиялари ёки қичишиши, фотосенсибилизация, Квинке шиши бўлиши мумкин. Кам ҳолларда қон манзараси ўзгариши мумкин, бунда анемия, лейкопения ва эозонофилия, панцитопения ва тромбоцитопения кузатилиши мумкин. Аллергик реакциялар ва марказий нерв тизими томонидан ножўя самаралар ривожланганида Нью О2 препаратини қабул қилишни зудлик билан тўхтатиш керак. Препаратнинг бошқа ножўя таъсирлари ривожланганида, одатда даволаш курсини бекор қилиш талаб этилмайди. Бундай ҳолларда ножўя самаралар одатда вақтинчалик, тез ўтиб кетувчан (препарат бекор қилингандан сўнг) характерга эга.

Нью О2 препарати антацидлар ва темир сақловчи препаратлар билан бир вақтда қабул қилинганида унинг самарадорлиги пасаяди. Салбий таъсирини бартараф қилишга Нью О2 препарати ва ушбу препаратларни қабул қилишлар ўртасида вақтни узайтириш (камида икки соат) орқали эришилади.

Фуросемид, циметидин, пробенецид ва метотрексат билан бир вақтда буюриш Нью О2 препаратини сийдик билан чиқарилишини блоклаб, унинг ярим чиқарилиш даврини узайтиради, токсик таъсири ва ножўя самараларни ривожланиш ҳавфини оширади. Ностероид яллиғланишга қарши воситалар билан бирга қабул қилиш тиришишларни ривожланиши мумкин бўлган ҳавфини оширади.

Нью О2 препарати кумарин антикоагулянтларининг таъсирини кучайтиради ва векуроний бромиднинг таъсирини (миорелаксация) узайтиради.

 

Бир таблетка қуйидагиларни сақлайди:

Фаол моддалар:

офлоксацин               200 мг;

орнидазол                 500 мг;

Ёрдамчи моддалар: микрокристалл целлюлоза, маккажўхори крахмали, магний стеарати, метилгидроксибензоат, пропилгидроксибензоат, натрий кроскармеллоза, коллоид кремний диоксиди, тальк, натрий лаурилсульфати, гипромеллоза Е-5, полиэтиленгликоль 6000, титан диоксиди, полиэтиленгликоль 6000.

Нью О2 – мажмуавий антибиотик бўлиб, таъсири препаратнинг таркибига кирувчи фаол моддалар (офлоксацин, орнидазол) билан ифодаланади.

Офлоксацин фторхинолонлар гуруҳига мансуб бўлиб, бактериялардаги ДНК-спиралини буралишига сабабчи бўладиган фермент (ДНК-гираза) ни фаол равишда ингибиция қилади ва микроорганизмларни кўпайишига тўсқинлик қилиб, бактерияларнинг цитоплазмасида структур ўзгаришларни чақиради. Офлоксацин кенг таъсир доирасига эга бўлиб, микроорганизмларнинг резистент (цефалоспоринлар, пенициллинлар, аминогликозидлар, сульфаниламидларга) ва полирезистент штаммларига нисбатан самаралидир.

Офлоксацинга грамманфий аэроблар (салмонеллалар, клебсиеллалар, протейлар, шигеллалар, вибрионлар, цитробактероидлар, ацинетобактероидлар, нейсериялар ва ичак таёқчаси ва бошқ.) ва граммусбат аэроблар (стафилококклар, шу жумладан резистент шакллари, стрептококклар) ҳаддан ташқари сезгирдир.

Офлоксацин вирусларга, содда ҳайвонлар, замбуруғлар, деярли барча анаэроб микробларга, сифилисни қўзғатувчисига таъсир қилмайди.

Орнидазол протозойларга қарши ва антибактериал ҳусусиятларга эга. Орнидазол сезгир микроорганизмларда дезоксирибонуклеин кислотанинг структурасини бузилишини чақиради.

Орнидазол протозойлар (амёбиаз, лямблиоз ва трихомонадали протозойлар) ни, бактериал анаэроб ва аэроб (клостридиялар, фузобактеиялар, бактероидлар чақирган) инфекциялар ва аралаш инфекцияларни даволашда самаралидир.

 

Рецепт бўйича

Қуруқ, ёруғликдан ҳимояланган жойда 25^оС дан юқори бўлмаган ҳароратда сақлансин.

 

Яроқлилик муддати

3 йил.

Дозаси ошириб юборилганида шиллиқ қаватларни эрозияси, кўнгил айниши ва қусиш, тиришишлар, бош айланиши ва онгни чалкашиши ривожланади.

Специфик даволаш мавжуд эмас, фақат симптоматик даволаш ўтказилади.