STREKAN

QO‘LLASH BO‘YICHA YO‘RIQNOMA

STREKAN

STREKAN

Preparatning savdo nomi: Strekan

Ta‘sir etuvchi modda (XPN): flukonazol

Dori shakli: kapsulalar.

Tarkibi:

Har bir kapsula quyidagilarni saqlaydi:

faol modda: flukonazol – 150 mg;

yordamchi moddalar: natriy kraxmal glikolyati, mikrokristall sellyuloza, tozalangan talk, magniy stearati.

Ta‘rifi: oq rangdan sarg‘ish-oq rangacha bo‘lgan granulyasiyalangan kukun saqlagan, to‘q qizil/qizil rangli, «2» o‘lchamli kapsulalar.

Farmakoterapevtik guruhi: zamburug‘larga qarshi vosita

ATX kodi: J02AC01

Farmakologik xususiyatlari

Strekan – triazol guruhiga mansub bo‘lgan zamburug‘larga qarshi vosita. Flukonazol – preparatning faol moddasi zamburug‘larning hujayra membranalarida sterollar sintezini kuchli selektiv ingibitori hisoblanadi. Ta‘sir mexanizmi sitoxrom R450 blokadasi bilan ifodalanadi. Flukonazol zamburug‘larning hujayralaridagi lanosterolni ergosterolga aylanishini bloklaydi; hujayra membranasining o‘tkazuvchanligini oshiradi, ularning o‘sishi va replikasiyasini izdan chiqaradi. Zamburug‘larning R450 uchun tanlash xususiyati yuqori bo‘lib, odam organizmidagi ushbu fermentlarni deyarli susaytirmaydi (odam jigarining mikrosomalarida sitoxrom R450 ga bog‘liq bo‘lgan oksidlanish jarayonlarini itrakonazol, klotrimazol, ekonazol va ketokonazolga nisbatan kamroq darajada bostiradi). Antiandrogen faollikka emas.

Apportunistik mikozlarda, shuningdek Candida spp. chaqirgan mikozlar (shu jumladan immunodepressiya fonida kandidozning tarqalgan shakllari), Cryptococcus neoformans va Coccidioides immitis (shu jumladan bosh miya infeksiyalari), Microsporum spp. va Trychophyton spp. chaqirgan mikozlarda; Blastomyces dermatidis, Histoplasma capsulatum chaqirgan endemik mikozlarda (shu jumladan immunodepressiyada) faoldir. Xavfli o‘smalari bo‘lgan bemorlar sitostatiklar bilan davolanganda yoki nur terapiyasi o‘tkazilganida; a‘zolar ko‘chirib o‘tkazilganida va immunitet susaygan hamda zamburug‘li infeksiyani rivojlanish havfi bo‘lgan boshqa holatlarda zamburug‘li infeksiyalarni oldini olish uchun qo‘llanadi.

Farmakokinetikasi

Preparat me‘da-ichak yo‘llari (MIY) dan tez va yetarlicha to‘liq so‘riladi (ovqat so‘rilish tezligiga ta‘sir qilmaydi). Biokiraolishligi 90% ni tashkil etadi. Maksimal konsentrasiyasiga och qoringa qabul qilingandan so‘ng 0,5-1,5 soatdan keyin erishadi. Plazma oqsillari bilan bog‘lanishi 11-12%. Organizmning barcha suyuqliklariga yaxshi o‘tadi. Ko‘krak suti, bo‘g‘im suyuqligi, so‘lak, balg‘am va peritoneal suyuqliklarda faol moddaning konsentrasiyasi qon plazmasidagi konsentrasiyasi bilan bir xil bo‘ladi. Qin sekretida doimiy qiymatlarga ichga qabul qilingandan so‘ng 8 soatdan keyin erishiladi va ushbu darajada kamida 24 soat saqlanib turadi. Ter bezlarining sekreti, epidermis va muguz qavatida zardobdagi konsentrasiyasidan yuqori konsentrasiyalarga (selektiv to‘planishi) erishadi, 80% buyraklar orqali o‘zgarmagan holda, qolgan qismi metabolitlar ko‘rinishida organizmdan chiqariladi. Qonda aylanib yurgan metabolitlari aniqlanmagan. Yarim chiqarilish davri taxminan 30 soatni tashkil etadi.

Flukonazolning farmakokinetikasi buyrak faoliyatiga ahamiyatli darajada bog‘liq, bunda yarim chiqarilish davri va kreatinin klirensi o‘rtasida teskari proporsional bog‘liqlik mavjud. 3 soat davomidagi gemodializdan so‘ng flukonazolning qon plazmasidagi konsentrasiyasi 50% ga pasayadi.

Qo‘llanilishi

• genital kandidoz; o‘tkir va qaytalanuvchi vaginal kandidoz; vaginal kandidozni qaytalanishlar tez-tezligini (yiliga 3 va undan ortiq) kamaytirish maqsadida oldini olish; kandidozli balanitni davolash uchun;
• orttirilgan immunitet tanqisligi sindromi (OITS) bo‘lgan bemorlarda orofaringeal kandidozni qaytalanishini oldini olish uchun;
• teri mikozlari, shu jumladan oyoq kafti, tana, chov sohasi mikozlari, kepaksimon temiratki, onixomikozlar va terining kandidozli infeksiyalarini davolash uchun qo‘llanadi.

Qo‘llash usuli va dozalari

Kapsulalar ichga qabul qilinadi. Kapsula ovqatlanishdan qat‘iy nazar, butunligicha yutiladi.

Flukonazolning sutkalik dozasi zamburug‘li infeksiyaning xarakteri va og‘irligiga bog‘liq.

Zamburug‘larga qarshi preparatni takroran qabul qilish talab etilgan infeksiyalarda, davolashni zamburug‘li infeksiyaning klinik va laborator belgilari butunlay yo‘qolgunicha davom ettirish kerak.

18 yoshgacha bo‘lgan bolalar va 60 yoshdan oshgan pasientlarga preparatni shifokorning tavsiyasisiz bir martalik dozada qo‘llash tavsiya etilmaydi.

Kattalar:

Vaginal kandidoz: 150 mg ichga bir marta qabul qilinadi.

Vaginal kandidozning qaytalanishlarini oldini olish: 150 mg oyda 1 marta qabul qilinadi. Davolash davomiyligi individual ravishda belgilanadi; u 4 oydan 12 oygacha o‘zgarib turadi. Ba‘zi bemorlarga yanada tez-tez qo‘llash talab etilishi mumkin.

Candida chaqirgan balanit: 150 mg ichga bir marta qabul qilinadi.

OITS bilan xastalangan bemorlarda orofaringeal kandidozning qaytalanishlarini oldini olish uchun birlamchi to‘liq davolash kursi tugaganidan so‘ng preparat 150 mg dan haftada 1 marta buyurilishi mumkin.

Teri infeksiyalari (shu jumladan oyoq kafti, silliq teri, chov sohasi mikozlari va kandidozli infeksiyalar): 150 mg haftada 1 marta qabul qilinadi. Davolash kursi – 2-4 hafta, oyoq kafti mikozida – 6 haftagacha davom etishi mumkin.

Onixomikozlar: 150 mg haftada 1 marta qabul qilinadi. Davolash kursi shikastlangan tirnoq sog‘lom tirnoqqa butunlay almashgunicha davom ettiriladi. Qo‘l va oyoq kaftidagi barmoqlarda tirnoqlar takroran o‘sishi uchun normada muvofiq ravishda 3-6 oy va 6-12 oy talab etiladi.

Keksa yoshdagi pasientlarda buyrak faoliyatini buzilishi bo‘lmaganida Strekan odatdagi dozalash tartibiga muvofiq qo‘llanadi.

Buyrak faoliyati buzilganida flukonazolni qo‘llanishi:

Preparat bir marta qo‘llanganida dozasiga tuzatish kiritish talab etilmaydi.

Nojo‘ya ta‘sirlari

Nojo‘ya samaralarni rivojlanish tez-tezligini quyida keltirilgan ko‘rsatkichlari quyidagi tarzda aniqlangan: tez-tez (≥ 1/100 dan < 1/10 gacha), tez-tez emas (≥ 1/1000 dan
< 1/100 gacha), kam hollarda (≥ 1/10000 dan < 1/1000 gacha).

Ovqat hazm qilish tizimi tomonidan: tez-tez – ko‘ngil aynishi, diareya, qorinda og‘riq; tez-tez emas – ishtahani pasayishi, qabziyat, meteorizm, tish og‘rig‘i; kam hollarda – jigar faoliyatini buzilishi (skleralarni sarg‘ayishi, sariqlik, giperbilirubinemiya, alaninaminotransferaza, aspartataminotransferaza va ishqoriy fosfatazaning faolligini oshishi).

Nerv tizimi tomonidan: tez-tez – bosh og‘rig‘i; tez-tez emas – bosh aylanishi, haddan tashqari kuchli toliqish; kam hollarda – tirishishlar.

Qon yaratish a‘zolari tomonidan: kam hollarda – leykopeniya, trombositopeniya (qon ketishi, petexiyalar), neytropeniya, agranulositoz.

Allergik reaksiyalar: tez-tez – teri toshmalari; kam hollarda – ko‘p shaklli ekssudativ eritema (shu jumladan Stivens-Djonson sindromi), toksik epidermal nekroliz (Layell sindromi), anafilaktoid reaksiyalar.

Boshqalar: kam hollarda – buyrak faoliyatini buzilishi, alopesiya, giperxolesterinemiya, gipertrigliseridemiya, gipokaliemiya.

Qo‘llash mumkin bo‘lmagan holatlar

• flukonazolga ma‘lum yuqori sezuvchanlik;
• QT oralig‘ini uzaytiruvchi preparatlarni (shu jumladan terfenadin yoki astemizol) bir vaqtda qabul qilishda qo‘llash mumkin emas.

Dorilarning o‘zaro ta‘siri

Flukonazol gistamin vositalari (astemizol, terfenadin); qisqa vaqt ta‘sir etuvchi benzodiazepinlar guruhiga kiruvchi anksiolitiklar (midazolam, triazolam); rifabutin, sizaprid, fenitoin, zidovudin, takrolimus, siklosporinning farmakologik ta‘sirini kuchaytiradi; teofillinning yarim chiqarilish davrini uzaytiradi va intoksikasiyani rivojlanish xavfini oshiradi, bu uning dozasiga tuzatish kiritishni talab etadi.

Gidroxlortiazid plazmada flukonazolning konsentrasiyasini oshiradi, rifampisin bilan bir vaqtda qabul qilganda flukonazolni qon plazmasidan yarim chiqarilish davrini qisqarishi kuzatiladi.

Flukonazol peroral gipoglikemik dori preparatlari – sulfonilmochevina hosilalari (glibenklamid, glipizid, tolbutamid) ning yarim chiqarilish davrini uzaytiradi, shuningdek plazmada konsentrasiyasini oshiradi. Ushbu dori preparatlari bir vaqtda qo‘llanganida gipoglikemiyani oldini olish maqsadida qondagi qandning darajasini yaxshilab nazorat qilish kerak.

Flukonazol peroral homilaga qarshi dori preparatlari bilan bir vaqtda qo‘llanganida gormonlar (estradiol, levonorgestrel) ning konsentrasiyasi o‘zgarishi mumkin, ushbu dori preparatlari bir vaqtda qabul qilinganida rivojlanishi mumkin bo‘lgan nojo‘ya samaralarni oldini olish uchun pasient ayollarning holatini yaxshilab nazorat qilish kerak.

Kumarin antikoagulyantlarining samaradorligini oshiradi, protrombin vaqti uzayishi mumkin, shu sababli qon ketishi (gematomalar, burun va MIY dan qon ketishi, gematuriya, melena) rivojlanishi mumkin.

Flukonazol va amfoterisin B bir vaqtda buyurilganida ularning o‘zaro ta‘sirida antagonistik hususiyatlarni hisobga olish kerak, biroq amaliyotda o‘zaro ta‘sir natijasi qaysi modda ertaroq yuborilganligi va patogen zamburug‘ning turi bilan aniqlanadi.

Maxsus ko‘rsatmalar

Strekan tiazol birikmalariga yuqori sezuvchanligi bo‘lgan bemorlarga, kesishgan sezuvchanlik reaksiyasi kuzatilishi mumkinligi sababli, ehtiyotkorlik bilan buyurilishi kerak.

Flukonazol bilan davolashni kliniko-gematologik remissiya paydo bo‘lgunigacha davom ettirish kerak. Davolashni muddatidan oldin to‘xtatish qaytalanishlarga olib keladi.

Davolashni ekish yoki boshqa laborator tahlillarning natijalari bo‘lmaganida boshlash mumkin, ammo ular bo‘lsa, fungisid terapiyaga muvofiq ravishda tuzatish kiritish tavsiya etiladi.

Davolanish vaqtida qon ko‘rsatkichlari, buyrak va jigar faoliyatini nazorat qilish kerak. Flukonazol bilan davolanish vaqtida jigarning yanada jiddiyroq shikastlanish belgilarini aniqlash maqsadida ushbu ko‘rsatkichlar izdan chiqadigan bemorlarni kuzatish kerak. Buyrak faoliyatini buzilishi rivojlanganida preparatni qabul qilishni to‘xtatish kerak. Flukonazolning gepatotoksik ta‘siri odatda qaytuvchan, simptomlari davolash to‘xtatilgandan so‘ng yo‘qoladi.

Bemorlarda teri toshmalari paydo bo‘lganida sinchiklab kuzatish kerak, va teri reaksiyasi zo‘rayib borganida (Stivens-Djonson sindromi, toksik epidermal nekroliz, ko‘p shaklli eritemani rivojlanish havfi bor) davolashni to‘xtatish kerak.

Yuzaki zamburug‘li infeksiya bois davolanayotgan bemorda flukonazolni qo‘llash bilan bog‘liq bo‘lishi mumkin bo‘lgan toshma paydo bo‘lganida, preparatni bekor qilish kerak. invaziv / tizimli zamburug‘li infeksiyalari bo‘lgan bemorlarda toshmalar paydo bo‘lganida ularni sinchiklab kuzatish va bullyoz shikastlanishlar paydo bo‘lganida flukonazolni bekor qilish kerak.

Buyrak faoliyatini buzilishi bo‘lgan pasientlarga, yangi tug‘ilgan chaqaloqlar, OITS bilan xastalangan bemorlarga (va immunitet susaygan boshqa holatlarda), shuningdek aritmiyalarga olib keluvchi potensial holatlardagi pasientlarga ehtiyotkorlik bilan buyuriladi.

Homiladorlik va laktasiya davrida qo‘llanishi

Homiladorlikda vaqtida flukonazolni qo‘llash bo‘yicha adekvat klinik tadqiqotlar yo‘q.

Homiladorlik vaqtida preparatni qo‘llashdan kutilgan potensial foyda homila uchun havfdan ustun bo‘lgandagina, Strekan preparatini qo‘llash mumkin.

Flukonazol ko‘krak sutida plazmadagi konsentrasiyasi bilan  bir xil konsentrasiyada aniqlanadi, shuning uchun uni laktasiya davrida buyurish tavsiya etilmaydi.

Pediatriyada qo‘llanishi

18 yoshgacha bo‘lgan bolalarda preparatni shifokorning tavsiyasisiz qo‘llash tavsiya etilmaydi.

Avtotransportni haydash va mexanizmlarni boshqarish qobiliyatiga ta‘siri

Strekan avtomobilni haydash va psixomotor reaksiyalarning yuqori tezligini talab etuvchi ishlarni bajarish qobiliyatiga ta‘sir qilmaydi.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari: ko‘ngil aynishi, qusish, yanada og‘irroq holatlarda – tirishishlar.

Davolash: simptomatik. Me‘dani yuvish, jadallashtirilgan diurez. 3 soat davomida gemoliz o‘tkazish preparatning plazmadagi konsentrasiyasini 50% ga pasaytiradi.

Chiqarilish shakli

1 kapsula alyumin folgali stripda. 1 strip qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Reseptsiz.