TOKSIVENOL

Препаратнинг компонентларига юқори сезувчанликда қўллаш мумкин эмас.

Троксерутин ва карбазохром компонентларидан таркиб топган оптимал мажмуа препаратнинг юқори фармакологик самарадорлигини таъминлайди, бу капиллярларнинг сустлиги ошганида қон-томир касалликлари ва қон кетиши синдромини мақсадга мувофиқ равишда даволаш имконини беради.

Троксерутин, шунингдек Р₄ витамини сифатида маълум, у қон-томирларнинг резистентлигини кучайтириб (қон-томирларни ҳимоя таъсири) ва ўтказувчанлигини камайтириб, қоннинг суюқ компонентини тўқималарга ўтишига тўсқинлик қилади (шишга қарши ва ўтказмаслик таъсири). Препаратнинг фармакологик самараси кейинчалик фаоллашиб, қон-томирлар деворининг мустаҳкамлиги учун жавоб берадиган мукополисахарид – гиалурон кислотасини ишлаб чиқарадиган гиалуронни сусайиши ва мембраналар ўтказувчанлигининг ҳимоя фаолиятини бажарадиган С витаминининг таъсирини кучайишини таъминлайди. Бундан ташқари, қон-томирларни кенгайтирувчи ва шишни ривожланишини чақирадиган модда гистаминни ажралиб чиқишини пасайиши кузатилади.

Карбазохром – иккиламчи аминогуруҳи ва о-дифенол гуруҳларини йўқлиги туфайли, симпатомиметик фаолликка эга бўлмаган адреналиннинг оксидланиш маҳсулоти – ортохинондир. Қон кетаётган соҳадаги майда қон-томирларига маҳаллий қон томирларни торайтирувчи таъсири қон кетиши давомийлигини қисқаришига таъсир қилади. Бундай кўриниш артериал босим ошмасдан ва юрак фаолиятига таъсир қилмасдан амалга ошади. Капиллярларнинг мустаҳкамлиги ва ўтказувчанлигига, шунингдек қон-томирларнинг тонуси ва қисқарувчи кучига карбазохромни яққол тарзда таъсир қилиши аниқланган.

Инъекция учун эритма дори шакли шошилинч даволашда ва тез терапевтик самара кузатилиши зарур бўлган ҳолатда қўлланади.

Ичга қабул қилинганидан сўнг овқат ҳазм қилиш йўлларидан тез сўрилади. Қон плазмасида троксерутин максимал концентрациясига 1 соатдан кейин эришилади ва 81,00±2,94 нг/мл ни ташкил этади, биологик ярим парчаланиш даври – 8,73±0,88 соатни ташкил этади.

Плазма протеинлари билан боғланиши тахминан 30% ни ташкил этади. Жигарда моно-, ди- ва тригидроксиэтилрутозидлар, глюкуронидларнинг аглюкогон шакллари ва арилсирка кислотасининг ҳосилалари ҳосил бўлгунигача метаболизмга учрайди. Ярим чиқарилиш даври 10 соатдан 25 соатгача бўлган вақт орасида ўзгариб туради. Сийдик билан тахминан 25%, сафро билан – тахминан 70% чиқарилади.

Қон плазмасида карбазохромнинг концентрацияси қабул қилингандан сўнг 10 минутдан кейин аниқланади, қон плазмасида ўртача чўққи концетрацияси 21,0±8,4 нг/мл ни ташкил этади, чўққи концентрациясига эришиш вақти эса 1,2±0,5 соатни ташкил этади. Ярим чиқарилиш даври, ўртача ушланиш вақти ва 2 соатдан 8 соатгача бўлган вақт оралиғидаги концентрациясига боғлиқ эгри чизиқ остидаги майдон мувофиқ равишда 2,5±0,9 соат, 4,1±1,1 соат ва 65,9±25,3 соат нг/мл ни ташкил этади.

18 ёшгача бўлган болалар ва ўсмирларда препаратни қўллаш самарадорлиги ва ҳавфсизлиги аниқланмаган.

Ҳомиладорлик ва лактация даврида препаратни қўллаш тавсия этилмайди.

Дозалаш тартиби ва даволаш курси индивидуал: мушак ичига суткада 3-9 мл.

Препаратнинг дозасини атайлаб ёки бехосдан ошириб юбориш симптомлари кузатилмаган. Дозаси ошириб юборилганида – симптоматик даволаш ўтказилади

Ампуланинг ичидаги эритмани таркибида аскорбин кислотасини сақловчи эритмалар билан аралаштириш мумкин эмас.

Ҳомиладорлик ва лактацияда қўлланиши

Ҳомиладорлик ва лактация даврида препаратни қўллаш тавсия этилмайди.

Педиатрияда қўлланиши

Болалар ва 18 ёшгача бўлган ўсмирларда препаратни қўллаш самарадорлиги ва ҳавфсизлиги аниқланмаган.

Автотранспортни ҳайдаш ва механизмларни бошқариш қобилиятига таъсири

Даволаниш вақтида препарат психомотор реакциялар тезлигига таъсир кўрсатмайди.

Препарат болалар ололмайдиган жойда сақлансин ва яроқлилик муддати ўтганидан сўнг ишлатилмасин. 

Препарат қон-томирлар деворининг структураси ва ўтказувчанлигига нисбатан аскорбин кислотасининг таъсирини кучайтиради.

Дори шакли: инъекция учун эритма.

Таркиби:

Препаратнинг 1 ампуласи қуйидагиларни сақлайди:

фаол моддалар: 150 мг троксерутин, 1,5 мг карбазохром;

ёрдамчи моддалар: натрий хлориди, натрий гидроксиди ва/ёки хлорид кислотаси, инъекция учун сув.

Инъекция учун эритма 3 мл дан сариқ рангли шиша ампулаларда. 5 ампула контур уяли ўрамда. 2 контур уяли ўрам қўллаш бўйича йўриқномаси билан бирга картон қутига жойланган.

Препарат ножўя самараларсиз, яхши ўзлаштирилади

•       сурункали веноз етишмовчилик, веналарни варикоз кенгайиши, юзаки тромбофлебит, перифлебит, жароҳатдан кейинги шиш, гематомалар, сурункали веноз етишмовчиликда трофик бузилишлар (дерматитлар, трофик яралар);

•       геморроидал тугунлар;

•       диабетик ангиопатия;

•       ретинопатияда қўлланади.