AMLOMAKS tabletkalari 5mg N30

Har bir tabletka quyidagilarni saqlaydi:

faol modda: amlodipin (amlodipin besilati shaklida) – 5 mg yoki 10 mg; 

yordamchi moddalar: mikrokristall tsellyuloza, povidon, natriy kraxmal glikolyati 

(A turi), magniy stearati.

PVC/PVDC 90 g/m2/Al blisterlar karton qutiga joylangan. 

30 dona – 10 donadan 3 blister. 

Dorixonalarda barcha o'lchamdagi o'ramlari bo'lmasligi mumkin.

Amlodipin – digidropiridin guruhiga mansub bo'lgan va kaltsiy ionlarini miokardga va silliq mushak hujaylariga kirishini bloklaydigan, kaltsiy ionlarini antagonistidir (kaltsiy kanalini sekin ingibitori yoki kaltsiyni antagonisti hisoblanadi). 

Amlodipinning gipotenziv ta'sir mexanizmi qon-tomirlarning silliq mushaklariga bevosita bo'shashtiruvchi ta'siri bilan ifodalanadi. Amlodipinning antianginal samarasini aniq mexanizmi etarlicha aniqlanmagan, biroq amlodipin quyida keltirilgan ikkita samarasi tufayli yurak mushagida kislorod tanqisligini pasaytiradi: 

1.Amlodipin periferik arteriolalarni kengaytiradi va, shu orqali, periferik qarshilikni (keyingi yuklamani) kamaytiradi. Yurak ritmi barqaror bo'lib qolganligi tufayli, yurakka bo'lgan yuklamani pasayishi energiyani sarflanishini pasayishiga va miokardni kislorodga bo'lgan talabini pasayishiga olib keladi. 

2.Bosh toj arteriyalar va toj arteriolalarni (normal va ishemiyaga uchragan) kengayishi, ehtimol, amlodipinning ta'sir mexanizmida rol o'ynashi mumkin. Tomirlarni bunday kengayishi toj arteriyalarni spazmi (Printsmetal stenokardiyasi) bo'lgan pasientlarda miokardni kislorod bilan to'yinishini oshiradi. 

Arterial gipertenziyasi bo'lgan pasientlarda preparatni sutkada 1 marta qo'llash 24 soat davomida ham yotgan holatda, ham turgan holatda arterial bosimni klinik jihatdan ahamiyatli pasayishini ta'minlaydi. Amlodipinning ta'sirini boshlanishi sekin bo'lganligi tufayli, o'tkir arterial gipotenziya odatda kuzatilmaydi. 

Stenokardiyasi bo'lgan pasientlarda preparatning bitta sutkalik dozasi qo'llanganida umumiy jismoniy yuklama vaqti, stenokardiya boshlangunicha bo'lgan vaqt va EKG da ST segmentini 1 mm depressiyasiga erishilgunicha bo'lgan vaqt uzayadi. Preparat stenokardiya hurujlarini uchrash tezligini pasaytiradi va nitrogliseringa bo'lgan talabni kamaytiradi. 

Amlodipin har qanday nojo'ya metabolik ta'sirlar yoki qon plazmasida lipidlarning darajasini o'zgarishlari bilan assosiasiyalanmaydi. Amlodipinni astma, qandli diabet va podagra bilan xastalangan pasientlar ham qabul qilishlari mumkin. 

Toj tomirlar etishmovchiligi bo'lgan pasientlarda qo'llanishi 

Yurakning toj tomirlarini kasalligi bo'lgan pasientlarda amlodipinni qo'llash stenokardiya sababli shifoxonaga yotkazish va revaskulyarizasiya muolajasini yanada kamroq o'tkazish bilan bog'liq bo'lgan. 

Yurak etishmovchiligi bo'lgan pasientlarda qo'llanishi 

Amlodipin bemorlarning klinik manzarasini yomonlashishiga olib kelmaydi, bu holat jismoniy mashqlarni bajarish qobiliyati, yurakning chap qorinchasini zarb fraktsiyasini o'zgarishi va klinik simptomlarning jadalligi bilan ifodalangan. 

Og'ir darajadagi yurak etishmovchiligi (NYHA tasnifi bo'yicha III va IV sinf) bo'lgan, digoksin, siydik haydovchi vositalar va AAF ingibitorlari bilan davolanayotgan pasientlarda, amlodipinni qo'llash yurak etishmovchiligi bo'lgan pasientlarda na o'lim holatini, na umuman kasallanish va o'lim holatini oshirmasligini ko'rsatgan. 

Infarktlarni kuzatilishini bartaraf qiluvchi davolash (ALLHAT)

Pasientlarda toj tomirlar kasalligini quyida sanab o'tilgan rivojlanish havf omillaridan kamida birortasini mavjud bo'lishi o'rin tutgan: o'tkazilgan infarkt yoki insult (tadqiqotga kiritilgunicha 6 oydan ortiq) yoki ateroskleroz bilan bog'liq bo'lgan boshqa epizodni tasdiqlovchi so'rovnoma (hammasi bo'lib 51,5%), qandli diabetning 2 tipi (36,1%), HDL-C kontsentrasiyasi <35 mg/dl (11,6%), miokardni elektro - yoki exokardiogramma vaqtida aniqlangan chap tomonlama gipertrofiyasi (20,9%), 

chekish (21,9%). 

Bolalarni (6 yosh va undan katta) davolash 

2,5 mg va 5,0 mg amlodipinni plasebo bilan qiyoslash orqali o'tkazilgan tadqiqotning natijalari, har ikkala dozasini sistolik bosimni plaseboga nisbatan ancha samarali pasaytirishini ko'rsatgan. Ushbu har ikkala dozalar orasidagi farq statistik jihatdan ahamiyatsiz bo'lgan.

So'rilishi, taqsimlanishi, plazma oqsillari bilan bog'lanishi 

Amlodipinning terapevtik dozalari peroral qabul qilinganidan so'ng yaxshi so'riladi, qon plazmasida maksimal kontsentrasiyasiga qabul qilinganidan keyin 6-12 soat davomida erishadi. Amlodipinning Biokiraolishligi 64-80% atrofida baholanadi. Taqsimlanish hajmi taxminan 21 l/kg ni tashkil etadi. In vitro sharoitida o'tkazilgan tadqiqotlarda, amlodipinni plazma oqsillari bilan bog'lanishi taxminan 97,5% ni tashkil etishi namoyish etilgan. 

Bir vaqtda ovqatlanishi amlodipinni so'rilishiga ta'sir qilmaydi. 

Metabolizmi va chiqarilishi 

Amlodipinning yarim chiqarilish davri yakuniy fazasida taxminan 35-50 soatni tashkil etadi va bu preparatni sutkada bir marta qo'llash imkonini beradi. Amlodipin asosan metabolizmga uchrab, nofaol metabolitlarni hosil qiladi. Metabolitlarning taxminan 60% siydik bilan chiqariladi, ulardan taxminan 10% o'zgarmagan ko'rinishdagi amlodipinni tashkil etadi. 

Jigar funktsiyasini buzilishi bo'lgan pasientlarda qo'llanishi 

Jigar funktsiyasini buzilishi bo'lgan pasientlarga amlodipinni qo'llash yuzasidan klinik ma'lumotlar juda cheklangan. Jigar etishmovchiligi bo'lgan pasientlarda amlodipinning klirensi pasaygan bo'ladi, bu holat yarim parchalanish davrining davomiyligini uzayishiga va AUC qiymatini taxminan 40-60% ga oshishiga olib keladi. 

Keksa yoshdagi pasientlarda qo'llanishi 

Amlodipinni qon plazmasida maksimal kontsentrasiyaga erishish vaqti keksa yoshdagi pasientlarda va katta yoshdagi pasientlarda o'xshash bo'ladi. Amlodipinning klirensi odamda biroz pasaygan bo'ladi, bu holat keksa yoshdagi pasientlarda preparatning "kontsentrasiya/vaqt" egri chizig'i ostidagi maydoni va yarim chiqarilish davrini oshishiga olib keladi. Qon aylanishini etishmovchiligi bo'lgan pasientlarda "kontsentrasiya/vaqt" egri chizig'i ostidagi maydoni va yarim chiqarilish davri yoshga mos ravishda oshib borgan.

Amlodipin qo'llanganida uyquchanlik, bosh aylanishi, bosh og'rig'i, yurakni kuchli urishi, qizib ketish hissi, qorin bo'shlig'ida og'riq, ko'ngil aynishi, boldirlarni shishi, shishlar va kuchli toliqish kabi nojo'ya reaktsiyalar xaqida eng ko'p xabar berilgan. 

Amlopidinni qo'llash vaqtida qayd etilgan va xabar berilgan nojo'ya reaktsiyalar quyida rivojlanish tezligi bo'yicha keltirilgan: juda tez-tez (≥1/10), tez-tez (≥1/100 dan <1/10 gacha), tez-tez emas (≥1/1000 dan ≤1/100 gacha), kam hollarda (≥1/10000 dan ≤1/1000 gacha), juda kam hollarda (≤1/10000). 

Har bir uchrash tezligi chegaralarida nojo'ya reaktsiyalar eng kam jadalligi bo'yicha keltirilgan. 

Qon va limfa tizimi tomonidan kuzatilgan buzilishlar: juda kam hollarda – leykosito-peniya, trombositopeniya. 

Immun tizimi tomonidan kuzatilgan buzilishlar: juda kam hollarda – allergik reaktsiyalar. 

Metabolizm tomonidan kuzatilgan buzilishlar va alimentar buzilishlar: juda kam hollarda – giperglikemiya. 

Ruhiy buzilishlar: tez-tez – depressiya, kayfiyatni o'zgarishi (jumladan havotirlik), uyqusizlik; kam hollarda – ongni chalkashishi. 

Nerv tizimi tomonidan kuzatilgan buzilishlar: tez-tez – uyquchanlik, bosh aylanishi, bosh og'rig'i (avvalo davolashni boshlanishida); tez-tez emas – tremor, disgevziya, sinkope, gipesteziya, paresteziya; juda kam hollarda – gipertonus, periferik neyropatiya; uchrash tezligi noma'lum – ekstrapiramid buzilishlar. 

Ko'rish a'zolari tomonidan kuzatilgan buzilishlar: tez-tez emas – ko'rishni buzilishi (shu jumladan diplopiya). 

Eshitish va labirint a'zolari tomonidan kuzatilgan buzilishlar: tez-tez emas – quloqlarda shovqin. 

Yurak tomonidan kuzatilgan buzilishlar: tez-tez – yurakni kuchli urishi; juda kam hollarda – miokard infarkti, aritmiya (shu jumladan bradikardiya, qorinchalar taxikardiyasi va bo'lmachalar lipillashi). 

Qon-tomirlar tomonidan kuzatilgan buzilishlar: tez-tez – qizib ketish hissi; tez-tez emas – arterial gipotenziya; juda kam hollarda – vaskulit. 

Respirator, torakal va mediastinal buzilishlar: tez-tez emas – hansirash, rinit; juda kam hollarda – yo'tal. 

Me'da-ichak yo'llari tomonidan kuzatilgan buzilishlar: tez-tez – qorinda og'riq, ko'ngil aynishi; tez-tez emas – qusish, dispepsiya, ichak peristaltikasini buzilishi (shu jumladan diareya va qabziyat), og'izni qurishi; juda kam hollarda – pankreatit, gastrit, milklarni giperplaziyasi. 

Gepatobiliar tizimi tomonidan kuzatilgan buzilishlar: juda kam hollarda – gepatitlar, sariqlik, jigar fermentlarining darajasini oshishi (ko'pincha xolestaz bilan assosiasiya bo'lgan). 

Teri va teri osti to'qimalari tomonidan kuzatilgan buzilishlar: alopesiya, purpura, teri rangini o'zgarishi, kuchli terlash, terini qichishishi, teri toshmasi, ekzantema, eshakemi; juda kam hollarda – angionevrotik shish, ko'p shaklli eritema, eksfoliativ dermatit, Stivens-Djonson sindromi, Kvinke shishi, yorug'likka sezuvchanlik; uchrash tezligi noma'lum – toksik epidermal nekroliz. 

Skelet-mushak va biriktiruvchi to'qimalar tomonidan kuzatilgan buzilishlar: tez-tez – boldirlarni shishi; tez-tez emas – artralgiya, mialgiya, mushaklarni tirishishlari, belda og'riq. 

Buyraklar va siydik chiqarish yo'llari tomonidan kuzatilgan buzilishlar: tez-tez emas – siyishni buzilishi, nikturiya, siyishlar tezligini oshishi. 

Reproduktiv tizimi va sut bezlari tomonidan kuzatilgan buzilishlar: tez-tez emas – impotentsiya, ginekomastiya. 

Umumiy buzilishlar va yuborilgan joydagi holat: tez-tez – shishlar, toliqish; tez-tez emas – ko'krakda og'riq, og'riq, lohaslik, o'zini yomon his qilish. 

Diagnostik tekshiruvlar: tez-tez emas – tana vaznini ortishi yoki kamayishi. 

Shubhali nojo'ya reaktsiyalar xaqida xabarlar 

Dori preparatini realizasiya qilish uchun ruxsat olinganidan so'ng shubhali nojo'ya reaktsiyalar xaqida xabar berish muhimdir. Bu holat dori preparatini qo'llash bilan bog'liq bo'lgan foyda va havf nisbatini doimiy monitoring qilish imkonini beradi. Malakali tibbiy xodimlar orasidagi shaxslar dori preparatlarni qo'llash bilan bog'liq bo'lgan barcha shabhali nojo'ya reaktsiyalar xaqida nojo'ya reaktsiyalarni kuzatish departamenti orqali dori preparatlar, tibbiy buyumlar va biosidlarni ro'yxatdan o'tkazish masalalari bo'yicha boshqarmaga xabar berishlari lozim: Al. Erozolimskie, 181C, 

02-222 Varshava, tel.: + 48 22 49 21 301, faks: + 48 22 49 21 309, e-mail: ndl@urpl.gov.pl.

Nojo'ya reaktsiyalar xaqida shuningdek mas'ul sub'ektga ham xabar berish mumkin.

Gipertonik krizda amlodipinni qo'llash havfsizligi va samaradorligi o'rganilmagan. 

Yurak etishmovchiligi bo'lgan pasientlarda qo'llanishi 

Yurak etishmovchiligi bo'lgan pasientlarni davolashda amlodipinni ehtiyotkorlik bilan qo'llash kerak. Uzoq muddatli plasebo-nazoratli tadqiqot vaqtida og'ir darajadagi yurak etishmovchiligi (NYHA tasnifi bo'yicha III va IV sinf) bo'lgan pasientlarda amlodipin qo'llanganida o'pka shishini rivojlanish holatlari tezligi plasebo qo'llangandagiga nisbatan yuqori bo'lgan. Dimlangan yurak etishmovchiligi bo'lgan pasientlarga kaltsiy kanallari blokatorlarini, shu jumladan amlodipinni ehtiyotkorlik bilan qo'llash kerak, chunki ular yurak-qon tomir hodisalarni rivojlanish havfini oshirishi va kelajakda o'lim bilan yakunlanishi mumkin. 

Jigar funktsiyasini buzilishi bo'lgan pasientlarda qo'llanishi 

Amlodipinni yarim chiqarilish davri va AUC ko'rsatkichlari jigar funktsiyasini buzilishi bo'lgan pasientlarda yuqori bo'ladi. Amlodipinni dozalariga nisbatan tavsiyalar yo'q. Amlodipinni qo'llashni eng kichik dozalar bilan boshlash kerak, preparatni qo'llashni ham boshlanishida, ham dozasini oshirish vaqtida ehtiyot bo'lish kerak. Og'ir darajadagi jigar etishmovchiligi bo'lgan pasientlar uchun dozani asta-sekin tanlash va pasientning ahvolini sinchkovlik bilan kuzatish lozim bo'lishi mumkin. 

Keksa yoshdagi pasientlarda qo'llanishi 

Ushbu toifadagi pasientlarda preparatning dozasini ehtiyotkorlik bilan oshirish kerak. 

Buyrak etishmovchiligi bo'lgan pasientlarda qo'llanishi 

Buyrak etishmovchiligi bo'lgan pasientlarda amlodipinning odatdagi dozalarini qo'llash kerak. Amlodipinning qon plazmasidagi kontsentrasiyasini o'zgarishi buyrak funktsiyasini buzilishi darajasi bilan mos kelmaydi. Amlodipin dializ yordamida organizmdan chiqarilmaydi.

-arterial gipertenziya; 

-surunkali barqaror stenokardiya; 

-vazospastik stenokardiya (Printsmetall stenokardiyasi) da qo'llanadi.

Amlodipinni: 

-digidropiridin hosilalari, amlodipin yoki preparatning yordamchi moddasidan istalgan birortasiga yuqori sezuvchanligi bo'lgan; 

-og'ir darajadagi arterial gipotenziyasi bo'lgan; 

-shok (shu jumladan kardiogen shokka) tushgan; 

-yurakning chap qorinchasini chiqish yo'li obstruktsiyasi (masalan, og'ir darajadagi aorta stenozi) bo'lgan; 

-o'tkir miokard infarktini o'tkazgandan keyin gemodinamik jihatdan nostabil yurak etishmovchiligi bo'lgan pasientlarga preparatni qo'llash mumkin emas.

Boshqa dori vositalarni amlodipinga ta'siri 

CYP3A4 ingibitorlari: amlodipin va CYP3A4 izofermentining o'rtacha yoki kuchli ingibitorlarini (proteaza ingibitorlari, azol guruhiga mansub zamburug'larga qarshi vositalar, eritromisin yoki klaritromisin kabi makrolidlar, verapamil yoki diltiazem) bir vaqtda qo'llash amlodipinni organizmga ta'sirini ahamiyatli darajada kuchayishiga olib kelishi mumkin. Bunday o'zgarishlarni klinik ahamiyati keksa yoshdagi pasientlarda yanada yaqqol ifodalangan bo'lishi mumkin, shuning uchun pasientning ahvolini klinik kuzatish va muvofiq ravishda dozani tanlash talab etilishi mumkin. 

Klaritromisin – CYP3A4 izofermentining ingibitori bo'lganligi tufayli, amlodipin bilan bir vaqtda klaritromisin qabul qilayotgan pasientlarda, arterial gipotenziyani rivojlanish havfi oshadi. Klaritromisin va amlodipin bir vaqtda qo'llanganida pasientlarni diqqat bilan kuzatish tavsiya etiladi. 

CYP3A4 induktorlari: amlodipinni CYP3A4 izofermentining ma'lum induktorlari bilan bir vaqtda qo'llash qon plazmasida uning kontsentrasiyasini o'zgarishiga olib kelishi mumkin. Shuning uchun amlodipinni ham CYP3A4 izofermentining induktorlari bilan, ayniqsa CYP3A4 izofermentining kuchli induktorlari (masalan, rifampisin, dalachoy) bilan bir vaqtda qo'llash vaqtida, ham qo'llash tugaganidan so'ng qon bosimini nazorat qilish va dozani o'zgartirish zaruriyatini ko'rib chiqish kerak. 

Amlodipin va greypfrutlar yoki greypfrut sharbatini bir vaqtda qo'llash tavsiya etilmaydi, chunki ayrim pasientlarda amlodipinning Biokiraolishligi oshishi, bu holat o'z navbatida gipotenziv ta'sirini kuchayishiga olib kelishi mumkin. 

Dantrolen (infuziya): hayvonlarda verapamil va dantrolen vena ichiga qo'llanganidan so'ng o'lim bilan yakunlangan yurak qorinchalari fibrillyasiyasi va giperkaliemiya bilan assosiasiyalangan yurak qon-tomirlar kollapsi kuzatilgan. Giperkaliemiyani rivojlanish havfi borligi tufayli, havfli gipertermiyaga moyilligi bo'lgan pasientlarga va havfli gipertermiyani davolashda amlodipin kabi kaltsiy kanallari blokatorlarini bir vaqtda qo'llashdan saqlanish tavsiya etilgan. 

Amlodipinni boshqa dori vositalariga ta'siri 

Amlodipinning gipotenziv samarasi boshqa antigipertenziv vositalarning gipotenziv samarasini kuchaytiradi. 

Takrolimus: amlodipin bilan bir vaqtda qo'llanganida qonda takrolimusning darajasini oshishi havfi mavjud, biroq ushbu o'zaro ta'sirning farmakokinetik mexanizmi butunlay aniqlanmagan. Takrolimusni qabul qilayotgan pasientlarga bir vaqtda amlodipin qo'llanganida, takrolimusning toksik ta'siridan saqlanish maqsadida qondagi takrolimusning darajasini muntazam ravishda kuzatish va zarurat bo'lganida takrolimusning dozasiga tuzatish kiritish kerak. 

Tsiklosporin: Tsiklosporin va amlodipinni o'zaro ta'sirini o'rganish yuzasidan tadqiqotlar sog'lom ko'ngillilarga qo'llanganida yoki boshqa guruhlarda o'tkazilmagan, buyrak ko'chirib o'tkazilgan pasientlarga qo'llash bundan mustasno, ularda u yoki bu darajada tsiklosporinning qoldiq kontsentrasiyasini o'zgaruvchan (0% - 40% oralig'ida) oshishi kuzatilgan. Buyrak ko'chirib o'tkazilgan, amlodipinni qabul qilayotgan pasientlar uchun tsiklosporinning kontsentrasiyasini monitoring qilish ehtimolini ko'rib chiqish, va zarurat bo'lganida tsiklosporinning dozasini kamaytirish kerak. 

Simvastatin: 10 mg amlodipinning ko'p martalik dozalarini va simvastatinni 80 mg dozada bir vaqtda qo'llash simvastatinning ekspozisiyasini, simvastatin monoterapiya sifatida qo'llangandagiga nisbatan 77% ga oshishiga olib kelgan. Amlodipin qabul qilayotgan pasientlar uchun simvastatinning dozasini sutkada 20 mg gacha cheklash kerak. 

Preparatning o'zaro ta'sirini o'rganish yuzasidan o'tkazilgan klinik tadqiqotlar, atorvastatin, digoksin va varfarinning farmakokinetikasiga amlodipin ta'sir qilmasligini ko'rsatgan.

oq yoki deyarli oq rangli, dumaloq shaklli, bir tomoni qavariq, bo'lish uchun riskasi bo'lgan tabletkalar.

Kattalar 
Arterial gipertenziya va koronar etishmovchilikni davolash uchun preparatning odatdagi boshlang'ich dozasi 5 mg ni tashkil etadi, sutkada 1 marta qabul qilinadi. Davolashga nisbatan pasientning reaktsiyasiga qarab preparatning dozasini 10 mg dan sutkada 1 marta qabul qilishni tashkil etuvchi maksimal dozagacha oshirish mumkin. 
Arterial gipertenziyasi bo'lgan pasientlarga amlodipinni tiazid diuretiklar, alfa-blokatorlar, beta-blokatorlar yoki angiotenzinga aylantiruvchi fermentning ingibitorlari bilan bir vaqtda qo'llash mumkin. Stenokardiyasi bo'lgan pasientlarga amlodipinni, nitratlarga va/yoki beta-blokatorlarning adekvat dozalariga rezistentlik bo'lganida, minoterapiya sifatida yoki boshqa antianginal dori vositalari bilan majmuada qo'llash mumkin. 
Amlodipin tiazid diuretiklar, beta-blokatorlar va angiotenzinga aylantiruvchi fermentning ingibitorlari bilan bir vaqtda qo'llanganida, amlodipinning dozasini tanlash zarurati yo'q. 
Pasientlarning maxsus guruhlari 
Keksa yoshdagi pasientlar 
Ko'rsatilgan dozalarda qo'llanadigan amlodipin keksa yoshdagi pasientlar va kichikroq yoshdagi pasientlar tomonidan bir xil yaxshi o'zlashtiriladi. Keksa yoshdagi pasientlar uchun odatdagi dozada qo'llash tavsiya etiladi, biroq dozani ehtiyotkorlik bilan oshirish kerak. 
Jigar funktsiyasini buzilishi 
Jigar funktsiyasini engil darajadan o'rtacha darajagacha buzilishi bo'lgan pasientlarga qo'llash uchun preparatning dozasi aniqlanmagan, shuning uchun dozani ehtiyotkorlik bilan tanlash va preparatni qo'llashni mavjud bo'lgan eng kichik doza bilan boshlash kerak. Jigar funktsiyasini og'ir darajada buzilishi bo'lgan pasientlarda amlodipinning farmakokinetikasi o'rganilmagan. Jigar funktsiyasini og'ir darajada buzilishi bo'lgan pasientlar uchun amlodipinni qo'llashni eng kichik doza bilan boshlash va uni asta-sekin oshirib borish kerak. 
Buyrak funktsiyasini buzilishi 
Preparatni odatdagi dozalarda qo'llash tavsiya etiladi, chunki amlodipinning qon plazmasidagi kontsentrasiyasini o'zgarishi buyrak etishmovchiligining og'irlik darajasiga bog'liq emas. Amlodipin organizmdan dializ orqali chiqarilmaydi. 
Arterial gipertenziyasi bo'lgan 6 yoshdan 17 yoshgacha bo'lgan bolalar va o'smirlar 
6 yoshdan 17 yoshgacha bo'lgan bolalar va o'smirlar uchun preparatning ichga qabul qilish uchun tavsiya etilgan boshlang'ich dozasi 2,5 mg ni tashkil etadi, sutkada 1 marta qabul qilinadi. Agar 4 hafta davomida arterial bosimni kerakli darajasiga erishilmasa, dozani sutkada 5 mg gacha oshirish mumkin. Ushbu toifadagi pasientlar uchun preparatni 5 mg dan ortiq dozalarda qo'llash o'rganilmagan. 
6 yoshgacha bo'lgan bolalar 
Ma'lumotlar yo'q. 
Qo'llash usuli 
Ichga qabul qilish uchun tabletkalar.

Preparatning dozasini ixtiyoriy ravishda oshirib yuborish tajribasi cheklangan. 

Dozani oshirib yuborilish simptomlari 

Mavjud bo'lgan ma'lumotlar, dozani ahamiyatli darajada oshirib yuborilishi haddan tashqari periferik vazodilatasiya va ehtimol, reflektor taxikardiyani rivojlanishiga olib kelishi mumkin deb taxmin qilish uchun asos bo'ladi. Ahamiyatli darajadagi va, ehtimol uzoq muddatli tizimli arterial gipotenziya, shu jumladan o'lim bilan yakunlangan gipotenziya rivojlanganligi xaqida ma'lumotlar mavjud. 

Davolash 

Amlodipinning dozasini oshirib yuborilishi bilan bog'liq bo'lgan klinik ahamiyatli arterial gipotenziya yurak-qon tomir tizimi faoliyatini faol ravishda ushlab turish, jumladan yurak va nafas funktsiyasini tez-tez monitoringini o'tkazish, oyoqlarni yuqoriga ko'tarish, aylanib yuruvchi suyuqliklar hajmi va siydik ajralishini monitoringini o'tkazishni talab etadi. 

Qon-tomirlar tonusi va arterial bosimni tiklash uchun qon-tomirlarni toraytiruvchi preparatlarni, ularni qo'llashga qarshi ko'rsatmalar yo'qligiga ishonch hosil qilgandan so'ng, qo'llash mumkin. Kaltsiy glyukonatini vena ichiga yuborish kaltsiy kanallari blokadasi samaralarini bartaraf qilish uchun foydali bo'lishi mumkin. 

Ayrim holatlarda me'dani yuvish foydali bo'lishi mumkin. Sog'lom ko'ngillilarga 10 mg amlopidin me'daga yuborilganidan so'ng 2-chi soat davomida faollashtirilgan ko'mirni yuborish amlodipinni so'rilish darajasini ahamiyatli darajada kamaytirgan. 

Amlodipin plazma oqsillari bilan ahamiyatli darajada bog'langanligi tufayli, dializni samarasi ahamiyatli bo'lishi mumkin.

Homiladorlik 
Ayollarda homiladorlik davrida amlodipinni qo'llash havfsizligi aniqlanmagan. Hayvonlarda o'tkazilgan tadqiqotlar vaqtida yuqori dozalarda qo'llanganida reproduktiv toksiklik kuzatilgan. 
Homiladorlik davrida amlodipinni, yanada havfsiz muqobili bo'lmagan, kasallikning o'zi bilan bog'liq bo'lgan havf esa ona va homila uchun davolashda kuzatilishi mumkin bo'lgan havfdan ustun bo'lgan holatlardagina qo'llash mumkin. 
Emizish davri 
Amlodipin ko'krak sutiga o'tadi. Taxminiy hisoblarga ko'ra, emizadigan onadan go'dak qabul qiladigan preparat dozasining foizlardagi miqdori 3% - 7% chegaralar atrofida tebranadi, bunda maksimal ko'rsatkich 15% ni tashkil etadi. Go'daklarning organizmiga amlodipinni ta'siri yuzasidan ma'lumotlar yo'q. Emizishni davom ettirish masalasi yoki amlodipinni qo'llash masalasini hal qilishda bola uchun emizish foydasi va ona uchun preparatni qo'llash foydasini baholash kerak.