BANEOSIN 20,0 maz

Tarkibi

Baneotsin faqat mahalliy qo‘llash uchun mo‘ljallangan majmuviy antibakterial preparat bo‘lib hisoblanadi.

Baneotsin ikkita antibiotiklar: neomitsin va batsitratsin saqlaydi.

Batsitratsin bakteriyalar xujayra qobig‘ining sintezini ingibitsiya qiluvchi polipeptid antibiotigi bo‘lib hisoblanadi.

Neomitsin bakteriyalar oqsillarining sintezini ingibitsiya qiluvchi aminoglikozid antibiotigi bo‘lib hisoblanadi.

Batsitratsin asosan gemolitik streptokokk, stafilokokk, Clostridium spp., Corynebacterium diphtheriae, Treponema pallidum kabi grammusbat mikroorganizmlarga, shuningdek Neisseria spp. va Haemophilus influenzae kabi grammanfiy mikroorganizmlarga nisbatan faol. Ta’sir doirasiga shuningdek aktinomitsetlar va fuzobakteriyalar kiradi. Batsitratsinga rezistentlik juda kam xollarda kuzatiladi.

Neomitsin stafilokokki, Proteus, Enterobacter aerogenes, Klebsiella pneumoniae, Salmonellae, Shigellae, Haemophilus influenzae, Pasteurella, Neisseria meningitidis, Vibrio cholerae, Bordetella pertussis, Bacillus anthracis, Corynebacterium diphtheriae, Streptococcus faecalis, Listeria monocytogenes, Escherichia coli, Mycobacterium tuberculosis, Borrelia i Leptospira interrogans (L. icterohaemorrhagicae) kabi grammusbat va grammanfiy mikroorganizmlarga nisbatan faol.

Batsitratsin va neomitsinni majmuaviy qo‘llash mikroblarga qarshi keng ta’sir doirasini ta’minlaydi, garchi preparat Pseudomonas, Nocardia spp., zamburug‘lar va viruslarga qarshi faol emas.

Baneotsin ko‘rsatmalar bo‘yicha qo‘llanilganda surtish joyida mahalliy ta’sir ko‘rsatadi. Ammo so‘rilganda neomitsin va batsitratsin uchun qon zardobidan yarim chiqarilish davri taxminan 2-3 soatni tashkil qiladi. Baneotsinning alohida faol moddalari uchun quyidagi farmakokinetik ma’lumotlar xos. Batsitratsin teri va shilliq qavatlar orqali so‘rilmaydi. Shunga qaramasdan ochiq yaralar bo‘lganida so‘rilishini e’tiborga olish kerak. Neomitsin shikastlanmagan teri orqali ahamiyatsiz darajada so‘riladi, ammo u muguz qavati bo‘lmagan teri orqali (yara, jarohat, kuyishlar va boshqalar) va yallig‘langan va jarohatlangan teri orqali tez so‘riladi.

To‘qimalar tomonidan o‘zlashtirilishi yaxshi, biologik mahsulotlar, qon va to‘qima komponentlari tomonidan faolsizlanishi kuzatilmaydi. Agar preparat teri shikastlanishining katta sohalariga surtilsa, preparatni so‘rilishi va uning oqibatlarini e’tiborga olish kerak («Nojo‘ya ta’siri», «Boshqa dori vositalari bilan o‘zaro ta’siri», «Qo‘llash mumkin bo‘lmagan xolatlar» va «Ehtiyotkorlik choralari» bo‘limlariga qarang).

Nojo‘ya reaksiyalar tizimli va ularni yuzaga kelishi tez-tezligi bo‘yicha quyidagicha tasniflangan: juda tez-tez (≥1/10), tez-tez (≥ 1/100, <1/10); tez-tez emas (≥1/1 000, <1/100), kam xollarda (≥1/10 000, <1/1 000), juda kam xollarda (<1/10 000), tez-tezligi noma’lum (mavjud ma’lumotlar asosida baholab bo‘lmaydi).
Umuman olganda teri, shilliq qavatlar yoki jarohat yuzasiga surtilganda yaxshi o‘zlashtiriladi.

Immun tizimi tomonidan buzilishlar
Kam xollarda: neomitsinga allergiya bo‘lganida 50% xolatlarda boshqa aminoglikozid antibiotiklariga kesishgan allergiya kuzatiladi.
Tez-tezligi noma’lum: surunkali dermatozlari (masalan dimlangan dermatit yoki surunkali o‘rta otit) bo‘lgan patsiyentlarda qo‘llaganda sog‘lom teriga ta’siriga nisbatan ko‘pgina boshqa preparatlarga, shu jumladan neomitsinga sensibilizatsiya odatda kuchayadi. Ayrim xolatlarda allergiya ko‘rinishi bo‘lib preparatning bitkazuvchi samarasini kuzatilmasligi hisoblanishi mumkin.

Nerv tizimi tomonidan buzilishlar
Tez-tezligi noma’lum: vestibulyar nervni shikastlanishi, neyro-mushak blokadasi.

Eshitish va labirint tomonidan buzilishlar
Tez-tezligi noma’lum: ototoksiklik.

Teri va teri osti to‘qimalari tomonidan buzilishlar
Kam xollarda: asosan kontakt dermatit bilan namoyon bo‘luvchi allergiyalar.
Neomitsinga allergiya odatda hisoblangandan ko‘ra kamroq uchraydi.
Tez-tezligi noma’lum: uzoq vaqt qo‘llash terini qizarishi, qurishi va kepaklanishi, teri toshmasi va qichishish bilan kechuvchi allergik reaksiyalar rivojlanishiga olib kelishi mumkin. Agar shikastlanish tarqalsa yoki bitmasa, bu allergiya bilan bog‘liq bo‘lishi mumkin.
Quyosh nuri ta’siri yoki ultrabinafsha nurlanishdan keyin fotosezuvchanlik yoki fototoksik reaksiyalar rivojlanishi mumkin.

Buyrak va siydik chiqarish yo‘llari tomonidan buzilishlar
Tez-tezligi noma’lum: nefrotoksiklik.

Yuqorida sanab o‘tilgan yoki ushbu yo‘riqnomada ko‘rsatilmagan boshqa nojo‘ya reaksiyalar paydo bo‘lganda shifokorga murojaat etish kerak.

Baneotsin neomitsinga va (yoki) batsitratsinga sezgir mikroorganizmlar chaqirgan infeksiyalarda qo‘llanadi. Baneotsin surtmasining samaradorligi bog‘lam qo‘yilganda kuchayadi.

- Terining o‘choqli infeksiyalari, masalan:

furunkullar, karbunkullar (jarroxlik usulida davolagandan keyin), stafilokokk sikoz, chuqur follikulit, yiringli gidradenit, paronixiya.

- Tarqalganligi cheklangan terining bakterial infeksiyalari, masalan: kontagioz impetigo, oyoqlarning infeksiyalangan yaralari, ikkilamchi infeksiyalangan ekzema, dermatozlarda, kesilishlarda, shilinishlarda, kuyishlarda, kosmetik jarroxlikda va teri transplantatsiyasida ikkilamchi infeksiya (shuningdek oldini olish maqsadida va bog‘lamlarni shimdirish uchun).

- Jarroxlik aralashuvlaridan keyin infeksiyani oldini olishda.

Operatsiyadan keyingi davrda Baneotsin surtmasi qo‘shimcha davolash sifatida qo‘llanishi kerak. Infeksiyalangan bo‘shliqlar va yaralari (masalan quloq pardasini perforatsiyasiz kechuvchi tashqi eshitish yo‘lining bakterial infeksiyalari, ikkilamchi bituvchi yaralar yoki jarroxlik yaralari) bo‘lgan bemorlarni mahalliy davolaganda Baneotsin surtmasini bintlarga surtgan afzal.

Batsitratsinga va (yoki) neomitsinga, aminoglikozid qatorining boshqa antibioktilariga yoki preparatning yordamchi moddalaridan birontasiga o‘ta yuqori sezuvchanlik.

Terining katta sohalarini og‘ir shikastlanishlarida qo‘llashdan saqlanish kerak, chunki preparatni so‘rilishi eshitishni yo‘qolishi bilan kechuvchi ototoksiklikka olib kelishi mumkin.

Yurak yoki buyrak yetishmovchiligi oqibatida ajratuvchi funksiyani yaqqol buzilishlarida va davolashni boshlashdan oldin, agar preparat so‘rilishi mumkin bo‘lsa vestibulyar va (yoki) koxlear tizimni shikastlanishi bo‘lganda qo‘llash mumkin emas.

Quloq pardasini perforatsiyasi bo‘lganda tashqi eshituv yo‘liga qo‘llanilmasin.

Faol moddalar so‘rilgan xolatlarda sefalosporinlarni yoki aminoglikozidlar qatoridagi boshqa antibiotiklarni yondosh buyurish nefrotoksiklikni oshirishi mumkin.
Etakrin kislotasi yoki furosemid kabi diuretiklarni bir vaqtda qo‘llash oto- va nefrotoksiklikni oshirishi mumkin.
Preparat so‘rilgan xolatlarda narkotik vositalar, anestetiklar va (yoki) miorelaksantlarni yuborish nevr-mushak blokadasini kuchaytirishi mumkin.

Sarg‘ish rangli, kuchsiz o‘ziga xos hidli gomogen surtma.

Sirtga qo‘llanadi. Kattalar va bolalarda surtma shikastlangan sohalarga yupqa qavat qilish sutkada 2-3 marta surtiladi. Zarurati bo‘lganida bog‘lam qo‘yiladi. Surtish sohasi tana yuzasining 1% dan (taxminan patsiyentning kaft o‘lchamiga mos keladi) oshmasligi kerak.

Davolash davomiyligi 7 kundan oshmasligi kerak.

Jigar/buyrak funksiyasini buzilishlari bo‘lgan patsiyentlar: tavsiya etilgan dozalardan ahamiyatli yuqori dozalarda qo‘llaganda, faol moddalarni so‘rilishi mumkinligi tufayli nefro- va (yoki) ototoksiklikka ko‘rsatuvchi simptomlarga e’tibor qaratish kerak. Qon va siydik tahlili, shuningdek audiometrik tekshiruv o‘tkazish tavsiya etiladi.

Bolalar: dozalash bo‘yicha maxsus tavsiyalarga yo‘q.

Keksa patsiyentlar (65 yoshdag oshgan): dozalash bo‘yicha maxsus tavsiyalarga yo‘q.

Tavsiya etilgan dozalardan yuqori dozalarda qo‘llanilganda, preparatni so‘rilishi mumkinligi tufayli nefro- va (yoki) ototoksiklikka ko‘rsatuvchi simptomlarga, ayniqsa (neyro)trofik yaralar bo‘lgan patsiyentlarda e’tiborni qaratish kerak.

Agar homiladorlik va emizish davrida Baneotsinni so‘rilish xavfi mavjud bo‘lsa, quyidagilarni e’tiborga olish kerak. Boshqa barcha aminoglikozidlar kabi neomitsin yo‘ldosh to‘sig‘idan o‘tadi. Aminoglikozidlarni yuqori dozalarda tizimli qo‘llanilganda homilada eshitish apparatini shikastlanishi kuzatilgan.

Shuning uchun ushbu preparatni faqat, agar homila uchun potensial foyda yuqori bo‘lgandagina qo‘llash kerak.

Baneotsinni og‘izga, ayniqsa bolalarda tushishiga yo‘l qo‘yish mumkin emas.

Tavsiya etilgan dozalardan yuqori dozalarda qo‘llanilganda, preparatni so‘rilishi mumkinligi tufayli nefro- va (yoki) ototoksiklikka ko‘rsatuvchi simptomlarga, ayniqsa (neyro)trofik yaralar bo‘lgan patsiyentlarda e’tiborni qaratish kerak.

Jigar va (yoki) buyrak funksiyasini buzilishi bo‘lgan patsiyentlarda ushbu xavf yuqori. Shuning uchun bunday patsiyentlarda Baneotsin bilan jadal davolashdan oldin va davolash vaqtida qon va siydik tahlilini, shuningdek audiometrik tekshiruvni o‘tkazish kerak.

Surunkali otiti bo‘lgan patsiyentlarda Baneotsinni qo‘llaganda ototoksik samara kuzatilishi mumkinligi tufayli ehtiyoktorlik chorasiga rioya qilish kerak.

Kumulyativ toksiklik xavfi tufayli mahalliy va tizimli aminoglikozidlar bilan majmuaviy davolashdan saqlanish kerak.

Baneotsinni nazoratsiz so‘rilishi xolatida nerv-mushak o‘tkazuvchanligini blokadasi, ayniqsa atsidoz, miasteniya gravis yoki boshqa neyromushak buzilishlari bo‘lgan patsiyentlarda e’tiborni qaratish kerak. Kalsiy preparatlari yoki neostigmin yordamida bunday blokadani bartaraf etish mumkin.

Uzoq vaqt qo‘llaganda chidamli mikroorganizmlarni, ayniqsa zamburug‘larni haddan tashqari o‘sishigi e’tibor qaratish kerak. Agar bu kuzatilsa, tegishli davolashni buyurish kerak.

Allergik reaksiyalar yoki superinfeksiya rivojlanganda preparat bilan davolash to‘xtatiladi.

Quyosh nuri ta’siri yoki ultrabinafsha nurlanishdan keyin fotosezuvchanlik yoki fototoksik reaksiyalar rivojlanishi mumkin.

3 yil. O‘ramida ko‘rsatilgan yaroqlilik muddati o‘tgach ishlatilmasin.