Biteksim kukuni 100mg/5ml

5 ml suspenziya tarkibida quyidagilarni saqlaydi

Faol moddalar:

Tsefiksima trigidrata 100 mg.

Laktobakterii 60 x 10⁶

Yordamchi moddalar: q.s.

Suspenziya tayyorlash uchun kukun 100 mg/5 ml

Tsefiksim mikroorganizmlarning xujayra devorining asosiy struktur komponenti hisoblangan peptidoglikan hosil bo'lishini ingibitsiya qiladi. Tsefiksim beta-laktamazalar ta'siriga chidamli. Tsefiksim ko'pgina grammusbat va grammanfiy mikroorganizmlarga nisbatan faol.

Boshqa tsefalosporinlar kabi tsefiksimning bakteriyalarga xujayra devori sintezini ingibitsiya qilishdan iborat. Natijada beta-laktam mavjudligi tufayli penisillin va ayrim tsefalosporinlarga chidamchi ko'pgina mikroorganizmlar tsefiksimga sezgir. Tsefiksim in vitro sharoitda ham va klinik infektsiyalarda ham quyidagi mikroorganizmlarning ko'pgina shtammlariga nisbatan faol bo'lishi mumkin.

Grammusbat mikroorganizmlar:

Streptococcus pneumoniae, Streptococcus pyogenes, Streptococcus agalactiae.

Grammanfiy mikroorganizmlar:

Haemophilus influenzae (beta-lactamase musbat va manfiy shtammlar), Moraxella (Branhamella) catarrhalis (ularning ko'pchiligi - beta-lactamase musbat), Escherichia coli, Proteus mirabilis, Neisseria gonorrhoeae (shu jumladan penicillinase - va non-penicillinase-shtammlari), Haemophilusparainfluenzae (beta-lactamase musbat va manfiy shtammlar), Proteus vulgaris, Klebsiella pneumoniae, Klebsiella oxytoca, Pasteurella multicida, Providencia turlari, Salmonella turlari, Shigella turlari, Citrobacteramalonaticus, Citrobacter diversus, Serratia marscescens.

Boshqa beta-laktam antibiotiklari kabi tsefiksim bakteriya xujayrasining ichki devorida penisillin bog'lovchi oqsillar bilan spesifik bog'lanadi, natijada uni va bakterial devor sintezining so'nggi bosqichini ingibitsiya qiladi. Buning natijasida xujayra lizisi autolizin kabi enzimlar tomonidan bakteriya xujayrasini autolizisi kabi amalga oshadi, ehtimol tsefiksim autolizin ingibitori bilan o'zaro ta'sirlashadi.

Preparat ichga qabul qilingandan keyin 40-50% (ovqat qabul qilishdan qat'iy nazar) so'riladi, lekin tsefiksimni ovqat bilan qabul qilganda maksimal kontsentrasiyasiga erishish vaqti 0,8 soatga uzayadi. 200 mg tsefiksimni bir marta qabul qilganda plazmadagi maksimal kontsentrasiyasi 2 mkg/ml (1 mkg/ml dan 4 mkg/ml gacha) va 400 tsefiksimni bir marta qabul qilganda plazmadagi maksimal kontsentrasiyasi 3,7 mkg/ml (1,3 mkg/ml dan 7,7 mkg/ml gacha) ga erishadi. 200 mg yoki 400 mg bir martalik dozasi qabul qilgandan 2 soat va 8 soat orasida plazmadagi cho'qqi kontsentrasiyasiga erishadi. Qabul qilingan dozaning taxminan 50% o'zgarmagan ko'rinishda siydik bilan chiqariladi. Hayvonlarda o'tkazilgan tadqiqotlarda tsefiksim shuningdek qabul qilingan dozaning 10% ko'prog'i safro bilan ham chiqarishi aniqlangan. Tsefiksim shuningdek taxminan 30% albuminlar fraktsiyasi bilan bog'lanadi. Plazma oqsillari bilan bog'lanishi 65% ni tashkil qiladi. Sog'lom ko'ngillilarda tsefiksimni plazmadan yarim chiqarilish davri o'rtacha 3-4 soatni tashkil qiladi va ayrim ko'ngillilarda 9 soatgacha etishi mumkin.

Keksa yoshdagi pasientlarda barqaror holatdagi AUCs ko'rsatkichi sog'lom ko'ngillilarga nisbatan 40% yuqori. O'rtacha darajadagi buyrak faoliyatini buzilishi (kreatinin klirensi minutiga 20-40 ml) bo'lgan pasientlarda zardobda tsefiksimning yarim parchalanish davri 6,4 soatgacha oshadi. Buyrak faoliyatini og'ir buzilishlarida (kreatinin klirensi minutiga 5-20 ml) yarim parchalanish davri 11,5 soatgacha oshadi. Preparat gemodializ yoki peritonial dializ yordamida to'liq chiqarilmaydi. Lekin tadqiqotlar 400 mg doza gemodializda bo'lgan pasientlar kreatinin klirensi minutiga 21-60 ml ga sub'ektlar kabi profilga ega ekanliklarini ko'rsatgan. In vivo sharoitda tsefiksimning metabolizmini hech qanday isbotlari yo'q.

Orqa miya suyuqligida tsefiksimning darajalari haqida adekvat ma'lumotlar yo'q.

Tsefiksim odatda yaxshi o'zlashtiriladi. Klinik tadqiqotlar vaqtida kuzatilgan nojo'ya reaktsiyalarning ko'pchiligi engil yoki chegaralangan bo'lgan.

Me'da-ichak yo'llari tomonidan: diareya tsefiksimning yuqori dozalarini qo'llash bilan bog'liq bo'lishi mumkin. Diareyaning og'ir holatlari simptomlari paydo bo'lganda Iksimni qabul qilishni to'xtatish kerak.

Markaziy nerv tizimi tomonidan buzilishlar: bosh og'rig'i, bosh aylanishi. Ayrim tsefalosporinlar tirishishlarni chaqirgan, doza kamaytirilmagan holatlar qisman buyrak etishmovchiligi bo'lgan pasientlarda kuzatilgan. Bu holat davolashni to'xtatishni talab etadi. Quyidagilar kam hollarda kuzatilgan: ko'p shaklli eritema, Stivens-Djonson sindromi va toksik epidermal nekroliz.

Laboratoriya tahlillari tomonidan buzilishlar: leykopeniya, trombositopeniya, neytropeniya, gemolitik anemiya. Buyrak va jigar faoliyatini o'rtacha darajadagi o'tkinchi buzilishlari kuzatilgan.

Jigar tomonidan buzilishlar: transaminazalar, ishqoriy fosfotaza tomonidan o'tkinchi buzilishlar va sariqlik.

Boshqa buzilishlar: jinsiy a'zolarda qichishish va vaginit.

Ko'rsatmalar bo'lmaganida yoki profilaktik maqsadda sezgir bakteriyalar bo'lganda pasientlarga tsefiksimni buyurish maqsadga muvofiq emas, chunki bu praparatga rezistent bakteriyalar rivojlanishi xavfini oshiradi.

Uzoq vaqt davolaganda rezistent mikroorganizmlarni rivojlanishi ehtimolini e'tiborga olish kerak. Bunday hollarda davolash vaqtini pasientni nazorat qilish va superinfektsiya rivojlanishi oldini olishga qaratilgan choralarni ko'rish kerak.

Buyrak etishmovchiligi bo'lgan, ambulator dializda va gemodializda bo'lgan pasientlarda tsefiksimning dozasiga tuzatish kiritish kerak.

Dializda bo'lgan pasientlar nazoratda bo'lishlari kerak.

Tsefiksimni anamnezida me'da-ichak yo'llari kasalliklari, ayniqsa koliti bo'lgan pasientlarga ehtiyotkorlik bilan buyurish kerak.

Antibiotiklar bilan davolash vaqtida va davolagandan keyin soxtamembranoz kolit simptomlari kuzatilishi mumkin va pasientning hayotini og'irlashtirishi mumkin.

Glyukozaga soxta musbat reaktsiya Benedikt yoki Fexling eritmasida yoki mis eritmasida kuzatilishi mumkin, lekin enzimatik glyukoza oksidazaga asoslangan reaktsiyada kuzatilmaydi.

Tsefalosporin antibiotiklari bilan davolaganda bevosita Kumbs tahlilida soxta ijobiy natija aniqlangan, buni Kumbs tahlilini o'tkazganda e'tiborga olish kerak.

Tsefiksim nitroprussid ishlatilganda siydikda ketonga soxta musbat reaktsiya berishi mumkin, lekin nitroferrisianid ishlatilganda kuzatilmaydi.

Homiladorlik va laktasiya davri

Homiladorlikda faqat ona uchun kutilayotgan foyda homila uchun potentsial xavfdan yuqori bo'lgandagina qo'llanadi. Laktasiya davrida preparat bilan davolash vaqtida emizishni to'xtatish kerak.

Preparat bolalar ololmaydigan joyda saqlansin va yaroqlilik muddati o'tgach ishlatilmasin

Biteksim suspenziyasi sezgir mikroorganizmlar chaqirgan quyidagi infektsion kasalliklarni davolash uchun qo'llanadi:

• Escherichia coli, Proteus mirabilis chaqirgan siydik yo'llarining asoratlanmagan infektsiyalari;

• Haemophilus influenzae (beta-laktam musbat va manfiy shtammlari), Moraxella (Branhamella) catarrhalis (ularning ko'pchiligi beta-laktam musbat), S.pyogenes Pharyngitis &Tonsillitis, S.pyogenes chaqirgan o'rta quloq infektsiyalari;

• Streptococcus pyogenes chaqirgan faringitlar va tonzillitlar.

Izoh: S.pyogenes ni davolashda, shu jumladan revmatik atakani oldini olishda tanlov preparati bo'lib penisillin hisoblanadi. Tsefiksim asosan Streptococcus pyogenes ni burun-halqumdan tarqalganida samarali, shunga qaramasdan revmatoid atakani oldini olish uchun Iksimning samaradorligi haqida ma'lumotlar mavjud emas.

• Streptococcus pneumoniae, Haemophilus influenzae (beta-laktamaza musbat va manfiy shtammlari) chaqirgan o'tkir bronxitlar va surunkali bronxitni zo'rayishi.

• Salmonella typhy chaqirgan asoratlanmagan multirezistent va xinolonga rezistent tifoz isitma.

• Neisseria gonorrhoeae (penisillaza ishlab chiqaruvchi va ishlab chiqarmaydigan shtammlari) chaqirgan asoratlanmagan gonoreyada qo'llanadi.

Tsefiksimni tsefalosporinlarga ma'lum o'ta yuqori sezuvchanligi bo'lgan pasientlarda qo'llash mumkin emas.

Diqqat!

Tsefiksim bilan davolashni boshlashdan oldin pasientda tsefalosporinlar, penisillinlarga yoki boshqa preparatlarga o'ta yuqori sezuvchanligi bo'lganligini aniqlang.

Agar preparat penisillinlarga yuqori sezuvanligi bo'lgan pasientlarga buyurilgan bo'lsa, ehtiyotkorlikka rioya qilish kerak, chunki adabiyotlarda beta-laktam antibiotiklar orasida kesishgan o'ta yuqori sezuvchanlik ta'riflangan va penisillinlarga yuqori sezuvchanligi bo'lgan pasientlarning 10% da kuzatilishi mumkin.

Tsefiksimga allergik reaktsiya simptomlari paydo bo'lgan hollarda davolashni to'xtatish kerak.

O'ta yuqori sezuvchanlikning og'ir darajadagi o'tkir reaktsiyalari shoshilinch tibbiy yordamni, shu jumladan kislorod, suyuqlikni vena ichiga yuborish, antigistamin, kortikosteroid, pressor aminlarni vena ichiga yuborish va klinik ko'rsatmalarga qarab sun'iy ventilyasiyani talab etishi mumkin.

Boshqa Tsefalosporin antibiotiklari kabi tsefiksim protrombin vaqtini uzaytiradi, buni antikoagulyantlar bilan davolanayotgan pasientlarda e'tiborga olish kerak.

Karbamazepin.

Bir vaqtda qo'llanilganida tsefiksim karbamazepinning darajasini oshiradi. Plazmada karbamazepinning darajasini nazorat qilish kerak.

Varfarin va antikoagulyantlar.

Antikoagulyantlar bilan bir vaqtda qo'llanganida qon ketishining biron-bir klinik simptomlarisiz protrombin vaqtini uzayishi kuzatiladi.

Probenesid.

Bir vaqtda qo'llanganida tsefiksimning buyrak klirensi va taqsimlanish xajmini kamayishi bilan plazmada probenesid va AUC oshadi.

Boshqa preparatlar.

Tsefiksim nifedipin bilan bir vaqtda qo'llanganida plazmada preparatning kontsentrasiyasini va egri chiziq ostidagi maydonni oshishi bilan tsefiksimning Biokiraolishligi oshadi.

12 yoshdan katta bo'lgan hamda tana og'irligi 50 kg katta bo'lgan bolalarda Biteksim suspenziyasining bir martalik dozasi 400 mg ni tashkil qiladi.

Siydik yo'llari va bachadon qinining gonoreyasida 400 mg bir vaqtda.

12 yoshgacha bo'lgan bolalarda tavsiya etilgan doza 8 mg/kg sutkasiga bir marta yoki 4 mg/kg sutkasiga 2 sarta (har 12 soatda)

5-11 yoshdagi bolalarda suspenziyaning dozasi 6-10 ml, 2-4 yoshda – 5 ml, 6 oydan 1 yoshgacha bo'lgan bolalarda esa 2,5 - 4 ml tavsiya etiladi.

Davolashning o'rtacha davomiyligi 7-10 kun tashkil etadi.

Streptococcus pyogenes chaqirgan infektsiyalarni davolash biteksimning terapevtik dozasini 10 kun davomida buyurishdan iborat.

Buyrak etishmovchiligi

Tsefiksimni buyrak etishmovchiligida qon zardobidagi kreatinin klirensi (kk) ko'rsatkichidan kelib chiqib qabul qilish dozasi buyuriladi:

• Kk minutiga 21-60 ml – standart dozaning 75% va dozalashning standart intervali;

• minutiga 21 ml dan kam - standart dozaning 50% va dozalashning standart intervali.

Suspenziya tayyorlash usuli. Flakonni aylantirib yazshilab silkitiladi. Xona haroratigacha sovutilgan yangi qaynatilgan suvning taxminan yarmi (17 ml) (34 ml) flakonga qo'shiladi, qopqoq bilan yopiladi, bir hil suspenziya hosil bo'lguncha yaxshilab chayqatiladi. So'ngra sovitilgan qaynatilgan suvni yorliqda ko'rsatilgan belgisigacha qo'shib, qopqog'ini yopib, bir hil suspenziya hosil bo'lguncha yaxshilab silkitiladi. 5 daqiqa davomida qoldiriladi.

Ishlatishdan oldin tayyor suspenziya yaxshi silkitiladi.

Suspenziya tayyorlangandan keyin 14 kun davomida qabul qilish mumkin.