BISILLIN 5 suspenziya 1500000YeD

Bitsillin®-5 uzaytirilgan ta'sirga ega preparat hisoblanadi, qonda antibiotikning yuqori kontsentratsiyasi 4 haftagacha saqlanib turadi.

Benzatin benzilpenitsillin.

Mushak ichiga in'ektsiyadan so'ng benzatin benzilpenitsillin juda sekin gidrolizlanib, benzilpenitsillinni ajratib chiqaradi. Qon zardobidagi maksimal kontsentratsiyaga in'ektsiyadan so'ng 12-24 soat o'tgach erishiladi. Uzoq yarim chiqarilish davri qonda preparatning barqaror va uzoq muddatli kontsentratsiyasini ta'minlaydi: 2400000 XB preparat yuborilgandan so'ng 14-kuni zardobdagi kontsentratsiya 0,12 mkg/ml ni tashkil qiladi; 1200000 XB Preparat yuborilgandan so'ng 21-kuni - 0,06 mkg/ml (1 XB = 0,6 mkg). Preparatning suyuqliklarga diffuziyasi to'liq, to'qimalarga diffuziyasi juda kuchsiz. Plazma oqsillari bilan bog'lanishi 40-60 %. Benzatin benzilpenitsillin oz miqdorda yo'ldosh to'sig'i orqali o'tadi, shuningdek ona sutiga kiradi. Preparatning biotransformatsiyasi arzimas darajada. Asosan buyraklar orqali o'zgarmagan holda chiqariladi. 8 sutka ichida yuborilgan dozaning 33 % gachasi chiqariladi.

Benzilpenitsillin.

Mushak ichiga yuborilganda qon plazmasidagi maksimal kontsentratsiyaga 20-30 daqiqadan so'ng erishiladi. Preparatning yarim chiqarilish davri 30- 60 daqiqani, buyrak yetishmovchiligida 4-10 soat va undan ko'proqni tashkil qiladi. Plazma oqsillari bilan bog'lanishi - 60 %. Likvor, ko'z to'qimalari va prostata bezidan tashqari organlar, to'qimalar va biologik suyuqliklarga kiradi. Meningeal qobiqlar yallig'lanishida gematoensefalik to'siq orqali o'tadi. Yo'ldosh orqali o'tadi va ko'krak sutiga kiradi. Buyraklar orqali o'zgarmagan holda chiqariladi.

Allergik reaksiyalar: anafilaktik shok, anafilaktoid reaksiyalar, eshakemi, isitma, artralgiya, angionevrotik shish, ko'p shaklli ekssudativ eritema, eksfoliativ dermatit.

Laboratoriya ko'rsatkichlari: anemiya, trombotsitopeniya, leykopeniya, gipokoagulyatsiya. Boshqalar: stomatit, glossit.

Teri ostiga, vena ichiga, endolyumbal, shuningdek tana bo'shliqlariga yuborish mumkin emas. Tasodifan tomir ichiga yuborilganda o'tkinchi tushkunlik hissi, xavotir va ko'rish buzilishi (uane sindromi) qayd etilishi mumkin. Preparatni tasodifan tomir ichiga yuborishdan saqlanish uchun mushak ichiga in'eksiya o'tkazishdan oldin ignaning tomirga tushish ehtimolini aniqlash maqsadida aspiratsiya qilish tavsiya etiladi.

Zaxmni davolashda terapiyani boshlashdan oldin va keyin 4 oy davomida mikroskopik va serologik tekshiruvlar o'tkazish zarur. Zamburug'li infeksiyalar rivojlanishi munosabati bilan bir vaqtda B guruhi vitaminlari va C vitaminini, zarurat tug'ilganda esa - tizimli qo'llash uchun zamburug'larga qarshi preparatlarni tayinlash maqsadga muvofiq. Shuni hisobga olish kerakki, yetarli bo'lmagan dozalarni qo'llash yoki davolashni juda erta to'xtatish ko'pincha qo'zg'atuvchilarning rezistent shtammlari paydo bo'lishiga olib keladi.

Preparatga, benzilpenitsillinga va boshqa beta-laktam antibiotiklarga yuqori sezuvchanlik. Laktatsiya davri.

Ehtiyotkorlik bilan:

Homiladorlik, buyrak yetishmovchiligi, og'irlashgan allergik anamnez, bronxial astma, soxtamembranoz kolit.

Homiladorlik va laktatsiya:

Bitsillin®-5 oz miqdorda platsentar to'siq orqali va ona sutiga o'tadi. Homiladorlik davrida qo'llash faqat ona uchun kutilayotgan foyda homila uchun potensial xavfdan yuqori bo'lgan hollarda mumkin.

Preparatni tayinlash zarurati tug'ilganda emizishni to'xtatish tavsiya etiladi.

Bakteritsid antibiotiklar (shu jumladan sefalosporinlar, vankomitsin, rifampitsin, aminoglikozidlar) sinergik ta'sir ko'rsatadi; bakteriostatiklar (shu jumladan makrolidlar, xloramfenikol, linkozamidlar, tetratsiklinlar) - antagonistik. Bilvosita antikoagulyantlar samaradorligini oshiradi (ichak mikroflorasini bostirib, protrombin indeksini pasaytiradi); peroral kontratseptivlar, metabolizm jarayonida paraaminobenzoy kislotasi hosil bo'ladigan dori vositalari, etinilestradiol samaradorligini pasaytiradi - "yorib o'tuvchi" qon ketishlar rivojlanish xavfi. Diuretiklar, allopurinol, naychalar sekretsiyasi blokatorlari, fenilbutazon, nosteroid yallig'lanishga qarshi preparatlar naychalar sekretsiyasini kamaytirib, qon va to'qimalarda benzilpenitsillin konsentratsiyasini oshiradi. Allopurinol allergik reaksiyalar (teri toshmasi) rivojlanish xavfini oshiradi.