GIOKSIZON maz 10g

Majmuaviy preparat, preparat tarkibiga kiruvchi komponentlarning yig‘indi ta’siri natijasida terining yallig‘lanish reaksiyalari, ayniqsa bakterial infeksiya bilan asoratlangan allergik kelib chiqishga ega bo‘lgan reaksiyalar rivojlanishini susaytiradi. Oksitetratsiklin — tetratsiklinlar guruhiga mansub antibiotik, bakteriostatik ta’sir ko‘rsatadi. Grammusbat va grammanfiy bakteriyalar, Rickettsia spp., Treponema spp., Chlamydia spp., Mycoplasma spp. ga nisbatan faol. Gidrokortizon — glyukokortikosteroid, yallig‘lanishga qarshi, allergiyaga qarshi, antiekssudativ va qichishishga qarshi samaralar ko‘rsatadi. Fagotsitozni tormozlaydi; fosfolipaza A2 faolligini susaytirish va hujayra qobiqlari fosfolipidlaridan araxidon kislotasi ajralib chiqishini kamaytirish yo‘li bilan prostaglandinlar va leykotrienlar sintezini kamaytiradi. Yallig‘lanish jarayonini chaqiruvchi interleykinlar va boshqa sitokinlar ozod bo‘lishini susaytiradi; gistamin ozod bo‘lishini va mahalliy allergik reaksiyalar yuzaga kelishini tormozlaydi. Terida oqsillar sintezini va kollagen to‘planishini pasaytiradi, biriktiruvchi to‘qima rivojlanishiga to‘sqinlik qiladi, proliferativ jarayonlarni susaytiradi.

Kamdan-kam hollarda bo'lishi mumkin - allergik reaksiyalar, terining ta'sirlanishi, qichishish, toshma.

Uzoq muddat qo'llanilganda va/yoki katta yuzalarga surtilganda - GKS tizimli nojo'ya ta'sirlari.

Yuz terisida qo'llanilganda - teleangiektaziyalar, og'iz sohasida teri osti kletchatkasi atrofiyasi bo'lishi mumkin.

Glyukokortikosteroidlar (GKS) bilan davolash vaqtida chechakka qarshi emlash va boshqa turdagi immunizatsiyani rejalashtirish mumkin emas (GKS ning immunodepressiv ta'siri tufayli).
Bolalarda preparatni keng yuzalarga va okklyuzion bog'lamlar ostiga surtishdan saqlanish kerak.
Preparatni yuz terisida qo'llash zarurati bo'lganda, so'rilishning kuchayishi va nojo'ya ta'sir paydo bo'lishi ehtimoli tufayli davolash qisqa muddatli bo'lishi kerak.

- Yuqori sezuvchanlik;
- teri sili;
- teri o'smalari, o'sma oldi holatlari, mikoz;
- terining virusli kasalliklari (gerpes, suvchechak);
- homiladorlik, laktatsiya davri (keng shikastlanish o'choqlarida qo'llanganda).

Boshqa dori vositalari bilan o‘zaro ta’sir yoki nomutanosiblik holatlari tasvirlanmagan.

Mahalliy, sirtqi.
Maz 0,5-1 g miqdorda terining zararlangan joylariga kuniga 1-3 marta yoki steril doka bog'lam ostiga yupqa qatlam qilib surtiladi.
Davolash davomiyligi individual.