KAL GEL gel 10g

So'rilishi

Lidokain shilliq qavatdan tez so'riladi. Setilpiridiniy xlorid og'iz bo'shlig'i shilliq qavati orqali yomon so'riladi.

Taqsimlanishi

Lidokain qon plazmasi oqsillari bilan, shu jumladan α_{-kislotali glikoprotein (AKGP) bilan bog'lanadi. Bog'lanish darajasi o'zgarib turadi va taxminan 66% ni tashkil qiladi. Lidokainning qon plazmasi oqsillari bilan bog'lanishi lidokain va AKGP konsentratsiyalariga bog'liq. AKGP konsentratsiyasidagi har qanday o'zgarish lidokainning qon plazmasidagi konsentratsiyasiga kuchli ta'sir qilishi mumkin.}

Metabolizmi

Lidokain jigarda sezilarli darajada metabolizmga uchraydi. Jigardagi metabolizm tez kechadi. Tushgan lidokainning taxminan 90% monoetilglitsineksilidid va glitsineksilidid hosil bo'lishi bilan dezalkillanishga uchraydi.

Chiqarilishi

Lidokain metabolitlari buyraklar orqali chiqariladi, bunda lidokainning 10% dan kamrog'i o'zgarmagan holda chiqariladi.

Kalgel^® preparati og'iz bo'shlig'i shilliq qavatiga surtish uchun ishlatiladigan og'riqsizlantiruvchi vositadir. Lidokain shilliq qavatga surtilganda mahalliy og'riqsizlantiruvchi ta'sir ko'rsatadi. Setilpiridiniy xlorid antiseptik xususiyatlarga ega.

Kalgel^® preparati qo‘llash bo‘yicha yo‘riqnomaga muvofiq qo‘llanilganda noxush reaksiyalar ehtimoli kam. Shunga qaramay, kattalar va 12 yoshdan oshgan bolalarda lokal in'ektsiyalardan keyin lidokainga o‘ta yuqori sezuvchanlikning yagona holatlari qayd etilgan. Ushbu holatlarda yuzaga kelgan o‘ta yuqori sezuvchanlik nafas olishning biroz qiyinlashishi yoki generalizatsiyalangan toshma bilan kechuvchi lokalizatsiyalangan shish ko‘rinishida ifodalangan.

O‘simlik aromatizatoridagi moychechakning kam miqdori allergik reaksiyalarni keltirib chiqarishi mumkin, bu hujjatlashtirilgan. Moychechak tarkibidagi moddalarga o‘ta yuqori sezuvchanlik atopiyaga moyil bo‘lgan shaxslarda nafas olishning qiyinlashishi ko‘rinishida namoyon bo‘ladi. Anafilaktik reaksiyalar moychechak saqlagan o‘simlik choyi ichilganda qayd etilgan. O‘ta yuqori sezuvchanligi bo‘lgan shaxslarda moychechak saqlagan preparatlar qo‘llanilganda musbat teri reaksiyasi namoyon bo‘lishi mumkin.

Har qanday noxush reaksiyalar yuzaga kelganda Kalgel^® preparatini qo‘llashni to‘xtatish va maslahat uchun shifokorga murojaat qilish kerak.

Tavsiya etilgan dozalarni oshirmaslik kerak.

Avtotransportni boshqarish va mexanizmlarni boshqarish qobiliyatiga ta'siri

Qo'llanilmaydi.

• lidokainga, boshqa amidli anestetiklarga, setilpiridiniyga yoki preparatning har qanday boshqa komponentiga gipersezuvchanlik;
• kam uchraydigan irsiy fruktozaga toqat qilolmaslik;
• 3 oylikkacha bo'lgan bolalar.

Kalgel^® preparatining boshqa dori vositalari bilan o'zaro ta'siri to'g'risida ma'lumotlar yo'q.

Lidokainning (v/i yuborilganda) quyidagi preparatlar ichga qabul qilinganda ular bilan o'zaro ta'siri to'g'risida ma'lumotlar mavjud: prokainamid, fenitoin monoterapiya sifatida yoki fenobarbital, primidon yoki karbamazepin bilan kombinatsiyada, propranolol va kaliy saqlamaydigan diuretiklar, shu jumladan bumetanid, furosemid, shuningdek tiazidli diuretiklar.

Shilliq qavatga surtish uchun.

Kalgel^® preparati 3 oylikdan boshlab bolalar uchun mo'ljallangan.

Oz miqdordagi gel (taxminan 7.5 mm) toza barmoq uchiga surtiladi va ehtiyotkorlik bilan bolaning milki yallig'langan joyiga ishqalanadi. Zarurat bo'lganda gelni 20 daqiqalik interval bilan, lekin sutkasiga 6 martadan ko'p bo'lmagan holda takroran surtish mumkin.

Preparatni buyrak va/yoki jigar funksiyasi buzilgan bemorlarda qo'llash o'rganilmagan.