Aloе vera ekstrakti yallig'lanishga qarshi ta'sirga ega, shilliq pardalarning tiklanishini kuchaytiradi. Aloy tarkibidagi polisaxaridlar immun tizimining tabiiy faolligini rag'batlantiradi. Organik birikmalar hisobiga aloy shilliq qavatlarning yallig'lanishiga olib keladigan bakteriyalarning hayot faoliyatini bloklab qo'yishga qodir.
Moychechak ekstrakti yallig'lanishga qarshi, antiseptik, mikroblагga qarsh, regenerativ ta'sirga ega, allergik reaktsiyalarni kamaytiradi. U tish milkidagi yallig'lanishni yo'qotadi, qon ketishini kamaytiradi, tiklanish jarayonlarning sifatini oshiradi, og'izdan chiqadigan yoqimsiz hid bilan kurashishga yordam beradi. Xamazulen, bisabolol va antioksidant tarkibiy qismlar borligi tufayli, moychechak ekstrakti yanada sezilarli yallig'lanishga qarshi ta'sir ko'rsatadi.
Opuntsiya ekstrakti - kaktuslar oilasiga mansub o'simlik, yallig'lanishga qarshi, tiklovchi, mikroblarga qarshi va zamburug’ga qarshi ta'sirga ega. Tarkibida faol birikmalar mavjud: fitosterollar, ayniqsa b-sitosterol; to’yinmagan yog’ kislotalari (linolin kislotasi 61%, oleyin kislotasi 21,42% va boshqalar); polifenollar. flavonoidlar, karotenoidlar, xlorofill, E vitamini va γ-tokoferol.
Antioksidant ta'sir ko'rsatadi, neovaskulyarizasiyani rag'batlantiradi, Ⅰ, II va III turdagi kollagen va elastin, proteoglikan va gialuronan sinteziga va hujayra membranalarini shakillanishiga yordam beradi. Opunsiya urug'i ekstrakti moyidan mahalliy foydalanish himoyaviy lipid qatlamini tiklashga yordam beradi, shu bilan hujayralar yaxlitligini yaxshilaydi va tiklanish jarayonini sezilarli darajada tezlashtiradi.
Opunsiya faol tarkibiy qismlari, ayniqsa, davolanishning dastlabki bosqichlarida o'z ta'sirini ko'rsatadi va jaroxatni tez bitishini ta’minlaydi va opunsiya yog'ini ishlatmagan guruhga nisbatan taxminan bir hafta vaqtni tejaydi. Qalampirmunchoq moyi antiseptik, yallig'lanishga qarshi, og'riq qoldiruvchi, dezinfektsiyalovchi, antibakterial va og'riq qoldiruvchi ta'sirga ega. Qalampirmunchoq moyi tarkibida 70 dan 90% gacha evgenol bor – huddi shu xushbo'y modda bu yog'ning turli xil terapevtik ta'sir doirasini belgilaydi: u antiseptik va viruslarga qarshi xususiyatlarga ega.
Qalampirmunchoq moyi – bu kuchli og'riq qoldiruvchi ta'sirga ega bo'lgan tabiiy antiseptik bo'lib, u to'qimalarga tez kirib, og'riq hissini kamaytiradi. Tarkibiga kiruvchi geptanol va evgenol faol mikroblarga qarshi ta'sirga ega. O'zining yuqori bakteya va viruslarga qarshi faolligi tufayli u epidemiya paytida gripp va O'RVI ni oldini olishda antiseptik sifatida ishlatiladi. Qalampirmunchoq moyi ko'pgina patogen mikroorganizmlarga qarshi ta'sir ko'rsatadi - qalampirmunchoq moyining bu xususiyati tish shifokorlari tomonidan tish ildizi kanallarini dezinfeksiya qilish uchun qo'llaniladi. Qalampirmunchoq moyi, uning tarkibidagi evgenol tufayli, yallig'langan tishni tinchlantirishga, yallig'lanish rivojlanishini to'xtatishga va chirish jarayonlarni keltirib chiqaradigan bakteriyalarni yo'q qilishga qodir. U og'izni a'lo darajada dezodoratsiya qiladi, turli xil hidlarni, shu jumladan kariyesli tishlardan chiquvchi hidni yo'qotadi, og'iz bo'shlig'i mikroflorasining tarkibini me'yorlashtiradi. og'iz bo'shlig'idagi jarohatlarning bitishiga ko'maklashadi, pulpit va parodontozni bartaraf qiladi, shilliq pardalarni tiklaydi va tish og'rig'ini yengillashtiradi.
Qora tut ekstrakti og'riq qoldiruvchi, yumshatuvchi, antibakterial va burushtiruvchi ta'sir ko'rsatadi. Tut mevasining antotsianlari va flavonoidlari yallig'lanishga qarshi va antibakterial xususiyatlarga ega. Tomoqdagi og'riq, yallig'lanish va ta'sirlanishni davolash uchun vositadir.
