KARDIOMAGNIL tabletkalari 75mg+15,2mg N100

ASK me'da-ichak yo'lidan deyarli to'liq so'riladi. ASK ning yarim chiqarilish davri taxminan 15 daqiqani tashkil qiladi, chunki fermentlar ishtirokida ASK ichak, jigar va qon plazmasida salitsil kislotasiga (SK) tez gidrolizlanadi. SK ning yarim chiqarilish davri taxminan 3 soatni tashkil qiladi, ammo ASK ning katta dozalari (3,0 g dan ortiq) bir vaqtda kiritilganda ferment tizimlarining to'yinishi natijasida u sezilarli darajada uzayishi mumkin.

ASK ning biokiraolishligi taxminan 70% ni tashkil qiladi, ammo bu qiymat sezilarli darajada

o'zgarib turadi, chunki ASK fermentlar ta'sirida SK ga tizim oldi gidroliziga (me'da-ichak yo'li shilliq qavati, jigar) uchraydi. SK ning biokiraolishligi 80-100% ni tashkil qiladi.

Qo'llaniladigan magniy gidroksidi dozalari atsetilsalitsil kislotasining biokiraolishligiga ta'sir qilmaydi.

Quyida keltirilgan nojo‘ya reaksiyalarning tez-tezligi quyidagicha aniqlangan:

-     juda tez-tez  ³ 1/10;  

-     tez-tez > 1/100, <1/10;

-     ba'zida > 1/1000, <1/100;

-     kam hollarda > 1/10000, <1/1000;

-     juda kam hollarda < 1/10000, shu jumladan alohida xabarlar.

Allergik reaksiyalar: eshakemi (tez-tez), Kvinke shishi (tez-tez).

Immun tizimi: anafilaktik reaksiyalar (ba'zida).

Me'da-ichak yo‘llari: ko‘ngil aynishi (tez-tez), jig‘ildon qaynashi (juda tez-tez), qusish (tez-tez), qorin sohasida og‘riq hissi, me'da va o‘n ikki barmoqli ichak shilliq qavati yaralari (ba'zida), shu jumladan perforativ (kam hollarda), me'da-ichakdan qon ketishlar (ba'zida), «jigar» fermentlari faolligining oshishi (kam hollarda), stomatit (juda kam hollarda), ezofagit (juda kam hollarda), me'da-ichak yo‘llari yuqori bo‘limlarining eroziv shikastlanishlari (juda kam hollarda), strikturalar (juda kam hollarda), kolit (juda kam hollarda), ichak ta'sirlanishining kuchayishi (juda kam hollarda).

Nafas olish tizimi: bronxospazm (tez-tez)

Qon yaratish tizimi: qon ketishiga moyillikning oshishi (juda tez-tez), anemiya (kam hollarda), gipoprotrombinemiya (juda kam hollarda), trombositopeniya (juda kam hollarda), neytropeniya, aplastik anemiya (juda kam hollarda), eozinofiliya (juda kam hollarda), agranulotsitoz (juda kam hollarda).

Markaziy nerv tizimi: bosh aylanishi (ba'zida), bosh og‘rig‘i (tez-tez), uyqusizlik (tez-tez), uyquchanlik (ba'zida), quloqlarda shovqin, miya ichiga qon quyilishi (kam hollarda).

Preparatni shifokor tayinlaganidan keyin qo'llash kerak.

ASK bronxospazmni keltirib chiqarishi, shuningdek bronxial astma xurujlarini va boshqa yuqori sezuvchanlik reaktsiyalarini chaqirishi mumkin. Xavf omillari anamnezda bronxial astma, pichan isitmasi, burun polipozi, nafas olish tizimining surunkali kasalliklari, shuningdek boshqa preparatlarga allergik reaktsiyalar (masalan, teri reaktsiyalari, qichishish, eshakemi) mavjudligi hisoblanadi.

ASK jarrohlik amaliyotlari vaqtida va undan keyin turli darajadagi qon ketishlarni chaqirishi mumkin. Rejalashtirilgan jarrohlik amaliyotidan bir necha kun oldin ASK ning past dozalarini qabul qilayotgan bemorlarda ishemik asoratlar rivojlanish xavfiga nisbatan qon ketish rivojlanish xavfi baholanishi kerak. Agar qon ketish rivojlanish xavfi sezilarli bo'lsa, ASK qabul qilish vaqtincha to'xtatilishi kerak.

ASK ni antikoagulyantlar, trombolitiklar va antitrombotsitar preparatlar bilan birga qo'llash qon ketishlar rivojlanish xavfining oshishi bilan kechadi.

ASK past dozalarda moyilligi bo'lgan bemorlarda (siydik kislotasi ekskretsiyasi pasaygan) podagra rivojlanishini keltirib chiqarishi mumkin.

ASK ni metotreksat bilan birga qo'llash qon yaratish a'zolari tomonidan nojo'ya ta'sirlar rivojlanish chastotasining oshishi bilan kechadi.

ASK ning yuqori dozalari gipoglikemik ta'sir ko'rsatadi, buni qandli diabeti bo'lgan, ichga qabul qilish uchun gipoglikemik vositalar va insulin olayotgan bemorlarga tayinlashda nazarda tutish kerak.

Tizimli glyukokortikosteroidlar (GKS) va salitsilatlarni birga qo'llaganda shuni yodda tutish kerakki, davolash vaqtida qonda salitsilatlar kontsentratsiyasi pasaygan bo'ladi, tizimli glyukokortikosteroidlar (GKS) bekor qilingandan keyin esa salitsilatlarning dozasini oshirib yuborilishi mumkin.

Yurak-qon tomir kasalliklari xavfi yuqori bo'lgan bemorlarda ASK ni ibuprofen bilan birga qo'llash tavsiya etilmaydi: ibuprofen bilan bir vaqtda qo'llanilganda ASK ning 300 mg gacha bo'lgan dozalarda antiagregant ta'sirining pasayishi qayd etiladi, bu ASK ning kardioprotektiv samaralarining pasayishiga olib keladi.

ASK dozasini tavsiya etilgan terapevtik dozalardan oshirish oshqozon-ichakdan qon ketish xavfi bilan bog'liq.

Keksa yoshdagi bemorlarda ASK past dozalarini agregant terapiya sifatida uzoq muddat qabul qilishda oshqozon-ichakdan qon ketish rivojlanish xavfi tufayli ehtiyotkorlikka rioya qilish kerak.

ASK ni alkogol bilan bir vaqtda qabul qilganda oshqozon-ichak trakti shilliq qavatining shikastlanishi va qon ketish vaqtining uzayishi xavfi oshadi.

Homiladorlik vaqtida va emizish davrida qo'llanilishi

Homiladorlikning birinchi 3 oyida salitsilatlarning katta dozalarini qo'llash homila rivojlanish nuqsonlari chastotasining oshishi bilan bog'liq. Homiladorlikning II trimestrida salitsilatlarni faqat xavf va foydani qat'iy baholashni hisobga olgan holda tayinlash mumkin.

Homiladorlikning oxirgi trimestrida salitsilatlar yuqori dozada (kuniga 300 mg dan ortiq) tug'ruq faoliyatini tormozlanishini, homilada arterial yo'lning muddatidan oldin yopilishini, ona va homilada qon ketishga moyillikning oshishini chaqiradi, bevosita tug'ruqdan oldin tayinlash esa, ayniqsa chala tug'ilgan chaqaloqlarda bosh miya ichiga qon quyilishini chaqirishi mumkin. Homiladorlikning oxirgi trimestrida salitsilatlarni tayinlash mumkin emas.

Emizish davrida preparatni qo'llash mumkinligi yoki mumkin emasligini aniqlash uchun mavjud klinik ma'lumotlar yetarli emas. Emizish davrida atsetilsalitsil kislotasini tayinlashdan oldin preparat bilan davolashning potentsial foydasini emizikli bolalar uchun potentsial xavfga nisbatan baholash kerak.

Transport vositalarini va harakatlanuvchi mexanizmlarni boshqarish qobiliyatiga ta'siri

ASK preparatlari bilan davolash davrida transport vositalarini boshqarishda va diqqatni yuqori jamlashni hamda psixomotor reaktsiyalar tezligini talab qiluvchi potentsial xavfli faoliyat turlari bilan shug'ullanishda ehtiyotkorlikka rioya qilish zarur.

Preparatni bolalar ololmaydigan joyda saqlash va yaroqlilik muddati tugagandan so'ng qo'llamaslik kerak.

ASK ga, preparatning yordamchi moddalariga va boshqa NYaQVlarga yuqori sezuvchanlik, bosh miyaga qon quyilishi; qon ketishga moyillik (K vitamini yetishmovchiligi, trombotsitopeniya, gemorragik diatez); salitsilatlar va NYaQV qabul qilish oqibatida kelib chiqqan bronxial astma; me'da-ichak traktining eroziv-yarali shikastlanishi (zo'rayish bosqichida); me'da-ichakdan qon ketishi; og'ir buyrak yetishmovchiligi (kreatinin klirensi minutiga 10 ml dan kam); homiladorlik (I va III trimestrlar); laktatsiya davri; glyukoza-6-fosfatdegidrogenaza yetishmovchiligi; metotreksat bilan bir vaqtda qabul qilish (haftasiga 15 mg dan ortiq); 18 yoshgacha bo'lgan bolalar.

Ehtiyotkorlik bilan

Podagra, giperurikemiya, anamnezda me'da-ichak traktining yara shikastlanishlari yoki me'da-ichakdan qon ketishlar, buyrak va/yoki jigar yetishmovchiligi, bronxial astma, pichan isitmasi, burun polipozi, allergik holatlarda, homiladorlikning II trimestrida.

Bir vaqtda qo'llanilganda ASK quyidagi dori preparatlarining ta'sirini kuchaytiradi:

·    metotreksatning buyrak klirensini pasaytirish va uni oqsillar bilan bog'lanishdan siqib chiqarish hisobiga

·    geparin va bevosita bo'lmagan antikoagulyantlarning trombotsitlar funktsiyasini buzish va bevosita bo'lmagan antikoagulyantlarni oqsillar bilan bog'lanishdan siqib chiqarish hisobiga

·    trombolitik va antiagregant va antikoagulyant preparatlarning (tiklopidinning)

·    digoksinning buyrak ekskretsiyasini pasaytirish oqibatida

·    ichga qabul qilish uchun gipoglikemik vositalar (sulfonilmoчевина hosilalari) va insulinning ASKning o'zining yuqori dozalardagi gipoglikemik xususiyatlari va sulfonilmoчевина hosilalarini qon plazmasi oqsillari bilan bog'lanishdan siqib chiqarish hisobiga

·    valproat kislotasining uni oqsillar bilan bog'lanishdan siqib chiqarish hisobiga

ASKni ibuprofen bilan bir vaqtda qo'llash ASKning kardioprotektiv ta'sirlarining pasayishiga olib keladi.

ASKni etanol (alkogol) bilan bir vaqtda qabul qilishda additiv ta'sir kuzatiladi.

ASK siydik kislotasining raqobatli tubulyar eliminatsiyasi oqibatida urikozurik vositalar (benzbromaron) ta'sirini susaytiradi.

Tizimli glyukokortikosteroidlar (GKS) salitsilatlar eliminatsiyasini kuchaytirib, ularning ta'sirini susaytiradi.

Antatsidlar va kolestiramin preparatning so'rilishini kamaytiradi.

Tabletkalar butunligicha, suv bilan yutiladi. Xohishga ko'ra tabletkani ikkiga bo'lish, chaynash yoki oldindan maydalash mumkin.

Xavf omillari mavjud bo'lganda (masalan, qandli diabet, giperlipidemiya, arterial gipertenziya, semirish, chekish, keksa yosh) tromboz va o'tkir yurak yetishmovchiligi kabi yurak-qon tomir kasalliklarining birlamchi profilaktikasi

Birinchi sutkada 150 mg dozada ASK saqlagan 1 tabletka Kardiomagnil, keyin 75 mg dozada ASK saqlagan 1 tabletka Kardiomagnil kuniga 1 marta.

Takroriy miokard infarkti va qon tomirlar trombozining profilaktikasi

75-150 mg dozada ASK saqlagan 1 tabletka Kardiomagnil kuniga 1 marta.

Tomirlardagi jarrohlik aralashuvlaridan keyin tromboemboliya profilaktikasi (aortokoronar shuntlash, teri orqali transluminal koronar angioplastika)

75-150 mg dozada ASK saqlagan 1 tabletka Kardiomagnil kuniga 1 marta.

Nostabil stenokardiya

75-150 mg dozada ASK saqlagan 1 tabletka Kardiomagnil kuniga 1 marta.