LAZOLVAN sirop 100ml 30mg/5ml

15 mg/5 ml: 5 ml sirop quyidagilarni saqlaydi:
faol modda: ambroksol gidroxloridi – 15 mg;
yordamchi moddalar: benzoy kislotasi (E210), gidroksietiltsellyuloza, kaliy atsesulьfami (E950), kristallanmaydigan, suyuq sorbitol (E420), glitserin 85% (E422), “O'rmon mevalari” xushbo'yi PHL-132195, “Vanilь” aromatizatori 201629, tozalangan suv.
30 mg/5 ml 5 ml sirop quyidagilarni saqlaydi:
faol modda: ambroksol gidroxloridi – 30 mg;
yordamchi moddalar: benzoy kislotasi (E210), gidroksietiltsellyuloza, kaliy atsesulьfami (E950), kristallanmaydigan, suyuq sorbitol (E420), glitserin 85% (E422), “Sutli qulupnay” xushbo'yi PHL-132200, “Vanilь” aromatizatori 201629, tozalangan suv.

Sekretomotor, sekretolitik va balg'am ko'chiruvchi ta'sirlarga ega. LAZOLVAN ning faol moddasi bo'lgan ambroksol gidroxloridi klinik oldi tadqiqotlarda bronxial sekret seroz komponentining sekretsiyasini rag'batlantirishini ko'rsatdi. Shuningdek, u alьveolalar va bronxiolalardagi Klar hujayralarida joylashgan II tip pnevmotsitlarga bevosita ta'sir qilishi natijasida sirt-faol moddalarning sekretsiyasini oshiradi, hamda hilpillovchi epiteliy faolligini rag'batlantiradi. Ta'riflangan samaralar balg'amning qovushqoqligini kamayishini va mukotsiliar klirensning yaxshilanishini chaqiradi. Mukotsiliar klirensning yaxshilanishi klinik farmakologik tadqiqotlarda aniqlangan. Balg'amni seroz komponentining sekretsiyasini oshishi va mukotsiliar klirensning kuchayishi balg'amni ko'chirish qobiliyatiga ega va yo'talni yengillashtiradi.
Ta'siri uzaytirilgan 75 mg LAZOLVAN kapsulalarini 6 oy davomida qabul qilgan, O'SOK bo'lgan patsiyentlarda, davolashning ikkinchi oyining oxiriga kelib platseboga nisbatan xurujlarning ishonarli darajada pasayishi aniqlangan. LAZOLVAN guruhi patsiyentlarida kasallik kunlari sonini ishonarli darajada kamayishi va antibakterial preparatlarning qabul qilish kunlarining sonini kamayishi kuzatilgan. Shuningdek, platsebo guruhiga nisbatan LAZOLVAN guruhidagi bemorlarda balg'amni qiyin ajralishi, yo'tal, hansirash va auskulьtativ simptomlar kabi baholanadigan simptomlarning statistik ahamiyatli yaxshilanishi kuzatilgan.
Quyonlar ko'zining modelida o'tkazilgan tadqiqotlarda ambroksol gidroxloridining mahalliy og'riqni qoldiruvchi ta'siri kuzatilgan, ehtimol, bu preparatning natriy kanallarini bloklash xususiyati bilan bog'liqdir. In vitro sharoitda o'tkazilgan testlar preparat neyronli natriy kanallarini qaytuvchan va dozaga bog'liq holda bloklashini ko'rsatdi. Ambroksol gidroxloridining yallig'lanishga qarshi ta'sir ko'rsatish qobiliyati in vitro sharoitda tadqiqotlarda aniqlangan. In vitro sharoitda o'tkazilgan testlarda preparat aylanib yuruvchi va to'qima mononuklear va polimorf nuklear hujayralardan sitokinlarning ajralib chiqishini ahamiyatli darajada kamaytirgan.
20 mg li shimish uchun tabletkalar shaklidagi ambroksol gidroxloridi tomog'ida og'riq bo'lgan patsiyentlarda o'tkazilgan klinik tadqiqotlarda tomoqdagi og'riqni va qizarishni ahamiyatli darajada kamaytirishini ko'rsatdi.
Ushbu farmakologik xususiyatlar klinik tadqiqotlardagi samaralardan olingan qo'shimcha kuzatuvlar, yuqori nafas yo'llarining buzilishlarini ambroksolni bilan ingalyatsiya qilib davolashda qo'llaganda og'riqni tez yengillashtirishini ta'minlashini tasdiqlaydi.
Ambroksol gidroxloridini yuborish amoksitsillin, sefuroksim, eritromitsin va doksitsiklin kabi antibiotiklarning balg'amda va bronxial sekretdagi kontsentratsiyasini oshiradi. Hozirgi kunda ushbu samaraning klinik ahamiyati isbotlanmagan.

So'rilishi
So'rilishi – yuqori, og'iz orqali qabul qilgandan so'ng, maksimal kontsentratsiyaga erishish vaqti –– 1-2,5 soat.
Taqsimlanishi
Ambroksol gidroxloridini qondan to'qimalarga taqsimlanishi tez amalga oshadi va yaqqol bo'ladi, bunda faol moddaning eng yuqori kontsentratsiyasi o'pkalarda aniqlanadi. Og'iz orqali qabul qilingandan so'ng taqsimlanish hajmi 552 l ni tashkil etadi. Plazma oqsillari bilan bog'lanishi – 90%, gematoentsefalik va yo'ldosh to'sig'i orqali o'tadi, ko'krak suti bilan chiqariladi.
Metabolizmi va chiqarilishi
Metabolizmi – jigarda kon'yugatsiya hisobiga kuzatiladi, dibromantranil kislotasi (dozasining taxminan 10%), glyukuron kon'yugatlari va bir qancha ikkinchi darajali metabolitlarni hosil qiladi. Odamning jigar mikrosomalarini tadqiqoti, CYP3A4 ambroksolning metabolizmiga javob beruvchi predominant izoshakli ekanligini ko'rsatdi.
Peroral buyurilgan dozaning taxminan 30% tizim oldi metabolizmi natijasida chiqariladi.
Yarim chiqarilish davri 10 soatni tashkil qiladi. Umumiy klirensi minutiga 660 ml diapozoni bo'ladi, buyrak klirensi umumiy klirensining taxminan 8% ni ta'minlaydi. 5 kundan keyin qabul qilingan dozaning taxminan 83% siydik bilan chiqariladi.
Ayrim guruh patsiyentlarda farmakokinetikasi
Dori vositasi jigarda metabolizmga uchrashi va buyrak orqali chiqarilishi sababli, buyrak funktsiyasi og'ir darajada buzilganida ambroksolning jigarda hosil bo'ladigan metabolitlarini to'planishi kuzatilishi mumkin. Jigar funktsiyasini buzilishlari bo'lgan patsiyentlarda ambroksol gidroxloridni chiqarilishi pasayadi, bu qon plazmasida uning darajasini 1,3-2 marta oshishiga olib keladi.
Tadqiqotlar ambroksolning farmakokinetikasi patsiyentning yoshi va jinsiga bog'liq emasligini va shu sababli dozasini o'zgartirishni talab qilmasligini ko'rsatdi.
Ovqatlanish ambroksol gidroxloridning biokiraolishligiga ta'sir ko'rsatmaydi.

Dori vositasining noxush reaktsiyalarining rivojlanishi tez-tezligini baholash mezonlari: juda tez-tez (≥1/10); tez-tez (≥1/100, <1/10); tez–tez emas (≥1/1000, <1/100); kam hollarda (≥1/10000, <1/1000); juda kam hollarda (<1/10000); noma'lum (mavjud ma'lumotlar asosida aniqlashning iloji yo'q).
Immun tizimi/teri va teri osti to'qimalari tomonidan buzilishlar: kam hollarda: teri toshmasi, eshakemi; noma'lum: angionevrotik shish, qichishish, anafilaktik reaktsiyalar (jumladan, shok), boshqa o'ta yuqori sezuvchanlik reaktsiyalari.
Nerv tizimi tomonidan buzilishlar: tez-tez: ta'm bilish hissini buzilishi.
Me'da-ichak yo'llari tomonidan buzilishlar: tez-tez: ko'ngil aynishi, og'iz bo'shlig'ining gipesteziyasi; tez-tez emas: qusish, diareya, dispepsiya, qorinda og'riq, og'izni qurishi; kam hollarda: tomoqni qurishi; juda kam hollarda: qabziyat, gipersalivatsiya.
Nafas tizimi, ko'krak qafasi va ko'ks oralig'i a'zolari tomonidan buzilishlar: tez-tez: xalqumni gipesteziyasi; juda kam hollarda: rinoreya; noma'lum: xansirash (allergik reaktsiyalar simptomlari kabi).
Buyrak va siydik chiqarish yo'llari tomonidan: juda kam hollarda: dizuriya.
Umumiy buzilishlar va yuborish joyida reaktsiya: tez-tez emas: isitma, shilliq qavatlar tomonidan reaktsiyalar kuzatilishi mumkin.
Keltirilgan nojo'ya reaktsiyalar yoki qo'llanilishiga doir yo'riqnomasida eslatib o'tilmagan reaktsiyalar paydo bo'lganida shifokorga murojaat qilish kerak.

Ambroksol gidroxloridi kabi mukolitik vositalar qabul qilish bilan bog'liq terini kuchli shikastlanishi, jumladan Stivens-Djonson sindromi va toksik epidermal nekrolizni bir necha hollari xaqida xabarlar berilgan. Bu hollarni, odatda yondosh kasallikni og'irlik darajasi yoki boshqa preparatlarni bir vaqtda qabul qilish bilan tushuntirish mumkin. Bundan tashqari, Stivens-Djonson sindromi va toksik epidermal nekrolizning erta bosqichlarida patsiyentlarda grippni eslatuvchi nospetsifik kasallikni boshlang'ich belgilari: tana haroratini oshishi, butun bo'ylab tana og'riq, rinit, yo'tal va tomoqda og'riq paydo bo'lishi mumkin. Bu belgilarni paydo bo'lishi kerak bo'lmagan shamollashga qarshi preparatlar bilan simptomatik davolashga olib kelishi mumkin.
Shuning uchun teri va shilliq qavatni shikastlanishi paydo bo'lganida zudlik bilan shifokorga murojaat qilish kerak, ambroksol gidroxloridi bilan davolashni esa ehtiyotkorlik choralari sifatida to'xtatish kerak.
Buyrak funktsiyasini buzilishlarida yoki jigar funktsiyasini og'ir darajadagi buzilishlarida LAZOLVAN ni faqat shifokor bilan maslahatlashgandan so'ng qabul qilish kerak. Dori vositasi jigarda metabolizmga uchrashi va buyrak orqali chiqarilishi sababli buyrak funktsiyasini og'ir darajadagi buzilishida ambroksolning jigarda hosil bo'ladigan metabolitlarini to'planishi amalga oshishi mumkin.
2 yoshdan 6 yoshgacha bo'lgan bolalarga buyurilganida xavf/foyda nisbatini hisobga olish kerak.
Bronxlar motorikasini buzilishi va bronxial sekretni ko'p miqdorda ajralishi bo'lgan (masalan, kam kuzatiladigan birlamchi siliar diskineziya sindromida) patsiyentlarga ko'p miqdorda balg'am ajralishini qiyinlashishi va bronxlarda tiqilib qolish xavfi borligi sababli, LAZOLVAN ni ehtiyotkorlik bilan qo'llash kerak.
LAZOLVAN ning 30 mg/5 ml li siropi: 5 ml sirop 1,2 g sorbitol saqlaydi, bu sorbitolning tavsiya etilgan sutkalik dozasining 4,9 g (20 ml) ni tashkil etadi. Fruktozani kam uchraydigan nasliy o'zlashtirolmasligi bo'lgan patsiyentlarga bu preparatni qo'llash mumkin emas.
LAZOLVAN ning 15 mg/5 ml siropi: 5 ml sirop 1,2 g sorbitol saqlaydi, bu sorbitolning tavsiya etilgan sutkalik dozasining 7,4 g (30 ml) ni tashkil etadi. Fruktozani kam uchraydigan nasliy o'zlashtirolmasligi bo'lgan patsiyentlarga bu preparatni qo'llash mumkin emas. Shuningdek u biroz ich suruvchi ta'sir ko'rsatishi mumkin.

Nafas yo'llarini qovushqoq balg'amni ajralishi bilan kechadigan o'tkir va surunkali kasalliklari: o'tkir va surunkali bronxit, pnevmoniya, o'pkaning surunkali obstruktiv kasalligi, balg'amni qiyin ajralishi bilan kechuvchi bronxial astma, bronxoektatik kasallikda qo'llanadi.

Ambroksol yoki preparatning boshqa komponentlariga yuqori sezuvchanlik.
Preparatning biron-bir komponentini kam kuzatiladigan nasliy o'zlashtirolmaslik (“Ehtiyotkorlik choralari” bo'limiga qarang).
2 yoshgacha bo'lgan bolalarda qo'llash mumkin emas.

Tug'ruq faoliyatini tormozlovchi preparatlar bilan mutanosib. Yo'talga qarshi preparatlar bilan birga qo'llash yo'talni kamayishi hisobiga balg'am ajralib chiqishini qiyinlashishiga olib keladi. Bronxial sekretga amoksitsillin, sefuroksim va eritromitsinning o'tishini va kontsentratsiyasini oshiradi.

15 mg/5 ml sirop
6-12 yoshdagi bolalar: 5 ml (15 mg ambroksol gidroxloridi) dan kuniga 2-3 marta.
Ambroksol gidroxloridining maksimal dozasi kuniga 45 mg. 2-3 kundan keyin, agar patsiyentning holati yaxshilangan bo'lsa, LAZOLVAN ni kuniga 2 marta, ya'ni har 12 soatda qabul qilish mumkin.
2-5 yoshdagi bolalar: 2,5 ml (7,5 mg ambroksol gidroxloridi) dan kuniga 3 marta (har 8 soatda). Ambroksol gidroxloridining maksimal dozasi kuniga 22,5 mg. 2-3 kundan keyin, agar patsiyentning holati yaxshilangan bo'lsa, LAZOLVANNI kuniga 2 marta, ya'ni har 12 soatda qabul qilish mumkin.
2 yoshgacha bo'lgan bolalar: ushbu dori vositasini 2 yoshgacha bo'lgan bolalarga qo'llash mumkin emas.
30 mg/5 ml sirop
Kattalar: 10 ml (60 mg ambroksol gidroxloridi) dan kuniga 2 marta (har 12 soatda). Ambroksol gidroxloridining maksimal dozasi kuniga 120 mg. Agar patsiyentning holati yaxshilangan bo'lsa, LAZOLVAN ning dozasini 2 marta kamaytirish mumkin.
12 yoshdan oshgan bolalar: 5-7,5 ml (30-45 mg ambroksol gidroxloridi) dan kuniga 2 marta (har 12 soatda). Ambroksol gidroxloridining maksimal dozasi kuniga 60-90 mg.
6-12 yoshdagi bolalar: 2,5 ml (15 mg ambroksol gidroxloridi) dan kuniga 2-3 marta.
Ambroksol gidroxloridining maksimal dozasi kuniga 45 mg. 2-3 kundan keyin, agar patsiyentning holati yaxshilangan bo'lsa, LAZOLVAN ni kuniga 2 marta, ya'ni har
12 soatda qabul qilish mumkin.
2-5 yoshdagi bolalar: 1,25 ml (7,5 mg ambroksol gidroxloridi) dan kuniga 3 marta (har
8 soatda). Ambroksol gidroxloridining maksimal dozasi kuniga 22,5 mg. 2-3 kundan keyin, agar patsiyentning holati yaxshilangan bo'lsa, LAZOLVANNI kuniga 2 marta, ya'ni har 12 soatda qabul qilish mumkin.
2 yoshgacha bo'lgan bolalar: ushbu dori vositasini 2 yoshgacha bo'lgan bolalarga qo'llash mumkin emas.
Buyrak va jigar funktsiyasini buzilishlari bo'lgan patsiyentlar
Buyrak funktsiyasini buzilishlari yoki jigar funktsiyasini og'ir darajadagi buzilishlari bo'lgan patsiyentlar dori vositasini faqat shifokorning tavsiyasi bo'yicha va shifokorning nazorati ostida qabul qilishlari kerak. Bunda dori vositasining dozasini kamaytirish, yoki qabul qilishlar o'rtasidagi vaqtni oshirish kerak.
O'tkazib yuborilgan doza
Agar siz LAZOLVAN qabul qilishni unutgan bo'lsangiz yoki yetarli miqdorda qabul qilmagan bo'lsangiz, dori vositasini dozalash tartibiga muvofiq qabul qilishni davom ettiring.
Siropni suv bilan qabul qilish tavsiya etiladi.
LAZOLVAN ni ovqatlanishdan qat'iy nazar qabul qilish mumkin.
Agar simptomlar 5 kun davomida davolashdan so'ng yaxshilanmasa yoki og'irlashsa, shifokorga murojaat qilish kerak.

Odamda dozani oshirib yuborilishi simptomlari ta'riflanmagan. Dozasi bexosdan oshirib yuborilganida va/yoki shifokorning xatolari xabar berilgan holatlar tavsiya etilgan dozalarda qabul qilinganda kuzatiladigan simptomlar LAZOLVAN ning ma'lum nojo'ya ta'sirlariga mos keladi. Ko'ngil aynishi, qusish, diareya, dispepsiya bo'lishi mumkin. Davolash: preparat qabul qilinganidan so'ng birinchi 1-2 soat davomida qusishni sun'iy ravishda chaqirish, me'dani yuvish; yog'li mahsulotlarni qabul qilish, simptomatik davolash o'tkaziladi.

Homiladorlik
Ambroksol gidroxloridi yo'ldosh to'sig'i orqali o'tadi. Hayvonlardagi o'tkazilgan tadqiqotlarda preparatning homiladorlikka, embrional/fetal rivojlanishga, tug'ruqqa yoki postnatal rivojlanishga bevosita yoki bilvosita salbiy ta'siri aniqlanmagan. Preparatni homiladorlikning 28 xaftasidan keyingi muddatlarida keng klinik qo'llash tajribasi homilaga salbiy ta'siri bo'yicha xech qanday tasdiqlarni aniqlamagan.
Shu bilan birga, homiladorli vaqtida xar qanday dori vositalarini qo'llanilishiga tegishli odatdagi ehtiyotkorlik choralariga rioya qilish tavsiya etiladi.
LAZOLVAN preparatini, ayniqsa homiladorlikning birinchi uch oyligi vaqtida qo'llash tavsiya etilmaydi.
Emizish davri
Hayvonlarda o'tkazilgan tadqiqotlarda Ambroksol organizmdan ko'krak suti bilan chiqarilishi aniqlangan. Emizish davrida preparatni qo'llash tavsiya etilmaydi.
Fertillik
Hayvonlarda o'tkazilgan tadqiqotlarda preparatning fertillikka bevosita yoki bilvosita noxush ta'siri aniqlanmagan.