METOTREKSAT EBEVE 0,005 tabletkalari N50

GET orqali arzimas darajada o'tadi (qo'llaniladigan dozaga qarab). Intratekal yuborilganda tizimli qon oqimiga sezilarli miqdorda tushadi. Plazma oqsillari (asosan albumin) bilan bog'lanishi taxminan 50%. Jigarda biotransformatsiyaga uchraydi. Buyraklar orqali (o'zgarmagan holda) va safro bilan (10% dan kam) chiqariladi. T1/2 qo'llaniladigan dozaga bog'liq va sezilarli individual farqlarga ega. Takroriy yuborilganda to'qimalarda metabolitlar ko'rinishida to'planadi.

Ovqat hazm qilish tizimi tomonidan: yarali stomatit, anoreksiya, gingivit, faringit, ko‘ngil aynishi bo‘lishi mumkin; kam hollarda - diareya, melena, enterit, pankreatit; alohida hollarda (har kuni uzoq muddat qo‘llanilganda) - jigar nekrozi, sirroz, yog‘li atrofiya, jigar periportal fibrozi.



Qon yaratish tizimi tomonidan: leykopeniya, anemiya, trombotsitopeniya.

MNS tomonidan: charchoq hissi, bosh aylanishi; kam hollarda - bosh og‘rig‘i, afaziya, uyquchanlik, tirishishlar.

Reproduktiv tizim tomonidan: oogenez va spermatogenez buzilishlari, oligospermiya, hayz siklining buzilishi, libidoning pasayishi, impotensiya.

Siydik chiqarish tizimi tomonidan: gematuriya, sistit, buyrak funksiyasining yaqqol buzilishlari.

Allergik reaksiyalar: qaltirash, infeksiyaga qarshilikning pasayishi; kam hollarda - eshakemi, toksik epidermal nekroliz, Stivens-Djonson sindromi.

Dermatologik reaksiyalar: teri toshmasi, fotosensibilizatsiya, pigmentatsiya buzilishlari, teleangiektaziyalar, akne, furunkulyoz.

Astsit, plevral ekssudat, oshqozon va o'n ikki barmoqli ichak yara kasalligi, yarali kolit, podagra yoki nefropatiyada (shu jumladan anamnezda) metotreksatni qo'llamaslik kerak.

Suvchechak (shu jumladan yaqinda o'tkazilgan yoki bemorlar bilan aloqadan keyin), o'rab oluvchi gerpes va boshqa o'tkir infektsion kasalliklari bo'lgan bemorlarda qo'llash tavsiya etilmaydi.

Terapiyani boshlashdan oldin va o'tkazilayotgan davolash fonida periferik qon manzarasi, jigar va buyrak funktsiyasini, ko'krak qafasi rentgenografiyasini nazorat qilish kerak.

Revmatoid artrit yoki psoriazni davolashda qonning kengaytirilgan umumiy tahlilini oyiga kamida 1 marta, jigar yoki buyrak funktsiyasining laboratoriya tekshiruvlarini esa 1-2 oyda kamida 1 marta o'tkazish kerak.

Psoriaz bo'yicha qo'llanilganda kasallikni mahalliy davolashni to'xtatmaslik kerak. Dozani oshirib yuborilganda kaltsiy folinatini qo'llash tavsiya etiladi (lekin 4 soatdan kechiktirmasdan).

Majmuaviy o'smaga qarshi terapiya o'tkazilganda metotreksatni yuqori dozalarda nefrotoksik ta'sir ko'rsatuvchi preparatlar (masalan, tsisplatin bilan) bilan bir vaqtda qo'llashda alohida ehtiyotkorlikka rioya qilish kerak.

Bemorlarni va ularning oila a'zolarini emlash tavsiya etilmaydi.

Metotreksatni (hatto past dozalarda ham) atsetilsalitsil kislotasi bilan ehtiyotkorlik bilan birga qo'llash kerak.

Eksperimental tadqiqotlarda metotreksatning kantserogen va mutagen ta'siri aniqlangan.

Jigar va/yoki buyrak funksiyasining yaqqol buzilishlari, leykopeniya, trombotsitopeniya, homiladorlik. Metotreksatni immunitet tanqisligi holatlarida qo'llash kerak emas.

Foliy kislotasi yoki uning hosilalarini saqlovchi vitaminli preparatlar bilan bir vaqtda qo'llanilganda metotreksat samaradorligi pasayishi mumkin.

NYQVSni yuqori dozalarda bir vaqtda qo'llash plazmada metotreksat kontsentratsiyasining oshishiga va uning chiqarilish davrining uzayishiga, shuningdek plazma albuminlari bilan bog'lanmagan metotreksat kontsentratsiyasining oshishiga olib kelishi mumkin, bu o'z navbatida metotreksatning toksik ta'sirlarini (birinchi navbatda OIT va qon yaratish tizimiga) kuchaytiradi.

Metotreksatni (hatto past dozalarda ham) penitsillinlar bilan bir vaqtda qo'llash uning toksik ta'sirlarini kuchaytirishi mumkin.

Sulfanilamidlar, ayniqsa ko-trimoksazol bilan bir vaqtda qo'llanilganda mielodepressiv ta'sir kuchayishi xavfi mavjud.

Metotreksat olayotgan bemorlarda azot oksidi (zakisi) qo'llanilganda og'ir kutilmagan mielodepressiya, stomatit rivojlanishi mumkin