NEBIVOLOL SHTАDА tabletkalar 5mg N28

30°C dan yuqori boʼlmagan haroratda saqlansin.
Bolalar ololmaydigan joyda saqlansin.

Retsept boʼyicha.

Tarkibi:
faol modda: 5 mg Nebivololga ekvivalent Nebivolol gidroxloridi saqlaydi
yordamchi moddalar: povidon K30, laktoza monogidrati, oldindan jelatinlangan makkajoʼxori kraxmali, kroskarmelloza natriy, suvsiz kolloid kremniy dioksidi, magniy stearati, krospovidon,tozalangan suv.

Chiqarilish shakli
Аlyuminiy folьga bilan muxrlangan PVX blisterlarda 7 tabletka. 4 blister tibbiyotda qoʼllanilishiga doir yoʼriqnoma bilan karton qutiga joylashtirilgan.

•    Nebivolol beta-retseptorlarning raqobatli va selektiv antagonisti boʼlib hisoblanadi: ushbu samara SRRR-enantiomer (d-enantiomer)ga xos deb hisoblanadi.
•    L-arginin/ azot oksidi oʼzaro taʼsiri tufayli qon-tomirlarni yengil toraytiruvchi xususiyatlarga ega.
Nebivololning bir martalik va takroriy dozalari ham normotenziv paitsentlarda, ham arterial gipertenziyasi boʼlgan patsientlarda tinch holatda va jismoniy yuklamalar vaqtija yurak qisqarishlari soni va arterial bosimni pasaytiradi. Аntigipertenziv samarasi uzoq vaqt davolaganda saqlanadi. Nebivolol terapevtik dozalarda alьfa-adrenergik antagonistlarni saqlamaydi.
Аrterial gipertenziyasi boʼlgan patsientlarda Nebivolol bilan oʼtkir va surunkali davolash vaqtida tizimli qon-tomir qarshiligi pasayadi. Yurak qisqarishlari sonini kamayishi, dam olish va jismoniy yuklama vaqtida yurakdan otilib chiqayotgan qon xajmini pasayishiga qaramasdan zarb xajmini oshishi tufayli cheklanishi mumkin. Boshqa beta-1 retseptorlar antagonistlariga nisbatan ushbu gemodinamik farqlarning klinik ahamiyati toʼliq aniqlanmagan.
Аrterial gipertenziyasi boʼlgan patsientlarda Nebivolol atsetilxolin (АX)ga qon-tomirlarning NO-bogʼliq reaktsiyasini kuchaytiradi, u endotelial disfunktsiyasi boʼlgan patsientlarda kamayadi.

Soʼrilishi
Nebivololning ikkala enantiomerlari ichga qabul qilingandan keyin tez soʼriladi. Ovqat Nebivololning soʼrilishiga taʼsir koʼrsatmaydi; Nebivololni ovqatlanish vaqtida ham, usiz ham qabul qilish mumkin.
Taqsimlanishi
Plazmada Nebivololning ikkala enantiomerlari asosan alьbumin bilan bogʼlanadi. Plazmadagi oqsillar bilan bogʼlanishi SRRR-Nebivolol uchun 98,1 % ni va RSSS-Nebivolol uchun 97,9 % ni tashkil qiladi.
Biotransformatsiyasi
Nebivolol qisman faol gidroksimetabolitlarigacha jadal metabolizmga uchraydi. Nebivolol alitsiklik va aromatik gidroksilizatsiya, N-dealkilizatsiya va glyukuronizatsiya yoʼli bilan metabolizmga uchraydi; bundan tashqari gidroksimetabolitlarning glyukuronidlari hosil boʼladi. Nebivololning aromatik gidroksilizatsiya yoʼli bilan metabolizmi CYP2D6 ga bogʼliq boʼlgan genetik oksidlanuvchi polimorfizmga bogʼliq. Ichga qabul qilinganda Nebivololning biokiraolishligi tezkor metabolizmli shaxslarda oʼrtacha 12% ni tashkil qiladi va sekin metabolizmli shaxslarda deyarli toʼliq boʼladi. Muvozanat holatida va dozaning huddi shu darajasida qon plazmasida oʼzgarmagan Nebivololning choʼqqi kontsentratsiyasi jadal metabolizmli shaxslarga nisbatan metabolizmi yomon boʼlgan shaxslarda taxminan 23 marta yuqori. Oʼzgarmagan preparat va faol metabolitlarini hisobga olganda qon plazmasidagi choʼqqi kontsentratsiyalari orasidagi farq 1,3-1,4 martani tashkil qiladi.
Metabolizm tezligidagi farq tufayli, patsientning individual ehtiyojlariga muvofiq Nebivololning dozasiga har doim tuzatish kiritish kerak: shuning uchun metabolizmi yomon boʼlgan patsientlarda pastroq dozalar talab etilishi mumkin.
Tez metabolizmga uchraydigan preparatlarda Nebivolol enantiomerlarining yarim chiqarilish davri oʼrtacha 10 soatni tashkil qiladi. Sekin metabolizatorlarda ular 3-5 marta davomliroq. Metabolizm tez boʼlgan shaxslarda qon plazmasida RSSS-enantiomerning darajasi SRRR-enantiomerga nisbatan biroz yuqoriroq. Metabolizmi sekin boʼlgan patsientlarda ushbu farq kattaroq. Tezkor metabolizmda ikkala enantiomerlarning gidroksimetabolitlarning yarim chiqarilish davri oʼrtacha 24 soatni, sekinroq metabolizmda taxminan ikki marta yuqoriroqni tashkil qiladi.
Koʼpchilik patsientlarda (tez metabolizmga uchraydigan) qon plazmasidagi muvozanat darajasiga Nebivolol uchun 24 soatda va gidroksimetabolitlar uchun bir necha kunda erishiladi.
Qon plazmasidagi kontsentratsiyalari 1 dan 30 mg gacha diapazonda dozaga proportsional. Yosh Nebivololning farmakokinetikasiga taʼsir koʼrsatmaydi.
Chiqarilishi
Qabul qilingandan keyin bir xafta oʼtgach dozaning 38% siydik bilan va 48% - axlat bilan chiqariladi. Oʼzgarmagan Nebivololni siydik bilan chiqarilishi dozaning 0,5% dan kamrogʼini tashkil qiladi.

Beta-blokatorlar, selektiv.

tabletka

Gipertoniya
Koʼpgina holatlarda yengil yoki oʼrtacha jadallikda namoyon boʼladigan qayd etilgan nojoʼya reaktsiyalar quyida aʼzorlar tizimlari sinfi tasniflangan va tez-tezlik boʼyicha tartibga solingan jadvalda keltirilgan:

 Shuningdek ayrim beta-adrenergik antagonistlarni qoʼllaganda quyidagi nojoʼya reaktsiyalar haqida ham xabar berilgan: gallyutsinatsiya, psixozlar, ongni chalkashishi, qoʼl-oyoqlarni sovushi/tsianotikligi, Reyno fenomeni, koʼzlarni qurishi va praktolol tipidagi koʼz-shilliq qavat-teri toksikligi.
Surunkali yurak yetishmovchiligi
SYuE boʼlgan patsientlardagi nojoʼya reaktsiyalar haqidagi maʼlumotlar Nebivolol qabul qilgan 1067 nafar patsientlar va platsebo qabul qilgan 1061 nafar patsientlar ishtirokidagi bitta platsebo-nazoratlangan klinik tadqiqotdan olingan. Ushbu tadqiqotda umumiy hisobda Nebivolol qabul qilgan 449 nafar (42,1 %) patsientlar platsebo qabul qilgan 334 nafar (31,5 %) patsientlarga nisbatan kamida sabab-oqibat bogʼliq nojoʼya reaktsiyalar haqida xabar berishgan. Nebivolol qabul qilgan patsientlarda eng koʼp xabar berilgan nojoʼya reaktsiyalar bradikardiya va bosh aylanishi boʼlgan, ular taxminan 11% patsientlarda kuzatilgan. Platsebo qabul qilgan patsientlar orasida tegishli tez-tezlik muvofiq ravishda taxminan 2 % va 7 % ni tashkil qilgan.
Quyidagi nojoʼya reaktsiyalar haqida xabar berilgan (kamida dori vositasini qabul qilish bilan ehtimol bogʼliq boʼlgan), ular surunkali yurak yetishmovchiligini davolaganda ayniqsa ahamiyatli boʼlib hisoblanadi:
•    yurak yetishmovchiligini zoʼrayishi platsebo qabul qilgan 5,2 % patsientlarga nisbatan Nebivolol qabul qilgan 5,8 % patsientlarda kuzatilgan
•    postural gipotenziya platsebo qabul qilgan 1,0 % patsientlarga nisbatan Nebivolol qabul qilgan 2,1 % patsientlarda kuzatilgan
•    preparatni oʼzlashtiraolmaslik platsebo qabul qilgan 0,8 % patsientlarga nisbatan Nebivolol qabul qilgan 1,6 % patsientlarda kuzatilgan
•    birinchi darajadagi atrioventrikulyar blokada platsebo qabul qilgan 0,9 % patsientlarga nisbatan Nebivolol qabul qilgan 1,4 % patsientlarda kuzatilgan
•    oyoqlarni shishi haqida platsebo qabul qilgan 0,2 % patsientlarga nisbatan Nebivolol qabul qilgan 1,0 % patsientlarda xabar berilgan

Quyidagi ogohlantirishlar va ehtiyotkorlik choralari umumiy beta-adrenergik antagonistlarga taalluqli.
Аnesteziya
Beta-blokadani davom etishi induktsiya va intubatsiya vaqtida aritmiyalarni yuzaga kelishi xavfini pasaytiradi. Аgar beta-blokada operatsiyaga tayyorgarlik vaqtida uzilsa, operatsiyadan kamida 24 soat oldin beta-adrenergik antagonistlarni qabul qilishni toʼxatish kerak. Miokardni susayishini chaqiruvchi ayrim anestetiklarni qoʼllaganda ehtiyotkorlikka rioya qilish kerak. Patsient atropinni vena ichiga yuborish bilan vagus reaktsiyalardan himoyalanishi mumkin.
Yurak-qon tomir tizimi
Odatda, agar davolangmagan dimlangan yurak yetishmovchiligi (SYuE) boʼlgan patsientlarning holati baqarorlashmagan boʼlsa, ularda beta-adrenoretseptorlarning antagonistlarini qoʼllash mumkin emas.
Yurak ishemik kasalligi boʼlgan patsientlarda beta-adrenergik antagonistlar bilan davolashni asta-sekin, yaʼni 1-2 xafta davomida toʼxtatish kerak. Zarurati boʼlganida, stenokardiyani zoʼrayishini oldini olish uchun oʼrinbosar davolashni bir vaqtda boshlash kerak.

Beta-adrenergik antagonistlar bradikardiya chaqirishi mumkin: agar pulьs tez-tezligi tinch holatda minutiga 50-55 zarbdan kam boʼlsa va/yoki patsientda bradikardiyaga ishora qiluvchi simptomlar kuzatilsa, dozani pasaytirish kerak.
Quyidagi holatlarda beta-adrenergik antagonistlarni ehtiyotkorlik bilan qoʼllash kerak:
•    periferik qon aylanishini buzilishi boʼlgan patsientlar (Reyno kasalligi yoki sindromi, koʼchib yuruvchi oqsoqlik), chunki ushbu buzilishlarni zoʼrayishi kuzatilishi mumkin
•    oʼtkazish vaqtiga beta-adrenoblokatorlarning salbiy taʼsiri tufayli birinchi darajadagi yurak blokasida boʼlgan patsientlar
•    alьfa-retseptorlarga bogʼliq koronar arteriyalarning nazoratlanmagan vazokonstriktsiyasi oqibatida Printsmetal stenokardiyasi boʼlgan patsientlarda: beta-adrenoretseptorlar antagonistlari stenokardiya xurujlari sonini va davomiyligini oshirishi mumkin
Nebivololning verapamil va diltiazem tipidagi kalьtsiy kanallari antagonistlari, I sinf antiaritmik preparatlar va markaziy taʼsirga ega antigipertenziv preparatlar bilan majmuasi odatda tavsiya etilmaydi, batafsil maʼlumot olish uchun, iltimos 4.5 boʼlimga qarang.
Metabolik/endokrinologik oʼzgarishlar
Nebivolol qandli diabeti boʼlgan bemorlarda glyukoza darajasiga taʼsir koʼrsatmaydi. Аmmo qandli diabeti boʼlgan patsientlarda ehtiyotkorlikka rioya qilish kerak, chunki Nebivolol gipoglikemiyaning ayrim simptomlarini (taxikardiya, yurak urishini tezlashishi) niqoblashi mumkin.
Beta-adrenoblokatorlar gipertireozda taxikardiya simptomlarini niqoblashi mumkin. Toʼsatdan bekor qilish simptomlarni kuchaytirishi mumkin.
Nafas tizimi
Oʼpkaning surunkali obstruktiv kasalliklari boʼlgan patsientlarda beta-adrenoretseptorlar antagonistlarini ehtiyotkorlik bilan qoʼllash kerak, chunki bu nafas yoʼllarini torayishini chuqurlashtirishi mumkin.
Boshqalar
Аnamnezida psoriazi boʼlgan patsientlarda beta-adrenoretseptorlar antagonistlarini faqat sinchkovlik bilan tekshirgandan keyin qoʼllash kerak.
Beta-adrenergik antagonistlar allergenlarga sezuvchanlikni va anafilaktik reaktsiyalarning ogʼirlik darajasini oshirishi mumkin.
SYuE ni Nebivolol bilan davolashni boshlash muntazam kuzatuvni talab etadi. Dozalash va yuborish usuli haqida maʼlumotlarni olish uchun iltimos, 4.2 boʼlimga qarang. Аgar aniq koʼrsatmalar boʼlmasa, davolashni toʼsatdan toʼxtatish mumkin emas. Qoʼshimcha maʼlumot olish uchun iltimos, 4.2 boʼlimga qarang.
Yordamchi moddalar. Ushbu dori preparati laktoza saqlaydi. Laktozani oʼzlashtiraolmaslikning kam uchraydigan nasliy muammolari, toʼliq laktaz yetishmovchilik yoki glyukozo-galaktoz malьabsorbtsiyasi boʼlgan patsientlar ushbu dori preparatini qabul qilmasliklari kerak.
Ushbu dori preparati bitta tabletkada 1 mmolь dan kamroq natriy (23 mg) saqlaydi, yaʼni deyarli «natriy saqlamaydi».

Аvtomobilni va murakkab mexanizmlarni boshqarish qobiliyatiga taʼsiri
Transport vositalarini boshqarish va mexanizmlar bilan ishlash qobiliyatiga taʼsiri boʼyicha hech qanday tadqiqotlar oʼtkazilmagan. Farmakodinamik tadqiqotlar Nebivolol psixomotor funktsiyalarga taʼsir qilmasligini namoyish qilgan. Transport vositalarini boshqarganda yoki mexanizmlar bilan ishlaganda ayrim holatlarda bosh aylanishi va toliqish yuzaga kelishi mumkinligini eʼtiborga olish kerak.

Gipertenziya. Аrterial birlamchi gipertenziyani davolash
Surunkali yurak yetishmovchiligi (SYuE). 70 yoshdan oshgan keksa patsientlarda standart davolashga qoʼshimcha yengil va oʼrtacha ogʼirlik darajasidagi barqaror surunkali yurak yetishmovchiligini davolashda qoʼllanadi.

•    Faol moddaga yoki 6.1 boʼlimda sanab oʼtilgan yordamchi moddalardan birontasiga yuqori sezuvchanlik.
•    Jigar yetishmovchiligi yoki jigar funktsiyasini buzilishi
•    Oʼtkir yurak yetishmovchiligi, kardiogen shok yoki vena ichiga inotrop davolashni talab etuvchi yurak yetishmovchiligini dekompensatsiyasi epizodlari
Bundan tashqari, boshqa beta-adrenoblokatorlar bilan boʼlgani kabi quyidagi holatlarda Nebivololni qoʼllash mumkin emas:
•    «bemor sinus» sindromi, shu jumladan sinus-boʼlmacha blokadasi
•    Ikkinchi va uchinchi darajadagi yurak blokadasi (kardiostimulyatorsiz)
•    Аnamnezida bronxospazm va bronxial astma
•    Davolanmagan feoxromotsitoma
•    metabolik atsidoz
•    18 yoshgacha (ushbu yosh guruxida samaradorlik va xavfsizlik oʼrganilmagan.
•    bradikardiya (davolash boshlanguncha yurak qisqarishlari soni minutiga ≤ 60 zarb)
•    arterial gipotenziya (sistolik arterial bosim ≤ 90 mm.sim.ust.)
* periferik qon aylanishini ogʼir darajadagi buzilishlari

Tavsiya qilinmaydigan oʼzaro taʼsirlar:
I sinf antiaritmik preparatlar (xinidin, gidroxinidin, sibenzolin, flekainid, dizopiramid, lidokain, meksiletin, propafenon): boʼlmacha-qorincha oʼtkazuvchanligi vaqtiga taʼsiri kuchayishi va salbiy inotrop samarasi kuchayishi mumkin (Maxsus koʼrsatmalar boʼlimga qarang).
Verapamil/diltiazem tipidagi kalьtsiy kanallari antagonistlari: qisqaruvchanlik va boʼlmacha-qorincha oʼtkazuvchanligiga salbiy taʼsir koʼrsatadi. β-adrenoblokatorlarni qabul qilayotgan patsientlarga verapamilni vena ichiga yuborish chuqur arterial gipotenziya va atrioventrikulyar blokadaga olib kelishi mumkin (Maxsus koʼrsatmalar boʼlimga qarang).
Markaziy taʼsirga ega antigipertenziv vositalar (klonidin, guanfatsin, moksonidin, metildopa, rilmenidin): markaziy taʼsirga ega antigipertenziv preparatlarni bir vaqtda qoʼllash markaziy simpatik tonusni pasayishi (yurak qisqarishlari sonini va yurakdan otilib chiqayotgan qon xajmini kamayishi, qon-tomirlarni kengayishi) hisobiga yurak yetishmovchiligini chuqurlashtirishi mumkin (Maxsus koʼrsatmalar boʼlimga qarang). Preparatni toʼsatdan bekor qilish, ayniqsa agar u beta-blokatorlarni bekor qilishdan oldin kuzatilgan boʼlsa, «rikoshet gipertenziya» xavfini oshirishi mumkin.
Ehtiyotkorlik bilan qoʼllash kerak boʼlgan majmualar:
III sinf antiaritmik preparatlar (Аmiodaron): atrioventrikulyar oʼtqazuvchanlik vaqtiga taʼsiri kuchayishi mumkin.
Аnestetiklar – uchuvchan galogenlangan: beta-adrenoretseptorlar antagonistlari va anestetiklarni bir vaqtda qoʼllash reflektor taxikardiyani susaytirishi va arterial gipotenziya rivojlanishi xavfini oshirishi mumkin (4.4 boʼlimga qarang). Odatda beta-adrenoblokatorlar bilan davolashni toʼsatdan bekor qilishdan saqlanish kerak. Аnesteziologni patsient Nebivolol qabul qilayotganligi haqida ogohlantirish kerak.
Insulin va peroral diabetga qarshi preparatlar: garchi Nebivolol glyukoza darajasiga taʼsir koʼrsatmasada, bir vaqtda qoʼllash gipoglikemiyaning ayrim simptomlarini (yurak urib ketishi, taxikardiya) niqoblashi mumkin.
Baklofens (spazmolitik vosita), amifostin (oʼsmalarga qarshi qoʼshimcha): gipotenziv vositalar bilan bir vaqtda qoʼllash ehtimol arterial bosimni pasayishini kuchaytiradi, shuning uchun antigipertenziv preparatlarning dozasiga tegishli ravishda tuzatish kiritish kerak.
Eʼtiborga olish kerak boʼlgan majmualar:
Digitalis glikozidlari: bir vaqtda qoʼllash boʼlmacha-qorincha oʼtqazuvchanlii vaqtini oshirishi mumkin. Nebivololning klinik tadqiqotlari oʼzaro taʼsirning biron-bir klinik belgilarini aniqlamagan. Nebivolol digoksinning kinetikasiga taʼsir koʼrsatmaydi.
Digidropiridin qatori kalьtsiy antagonistlari (amlodipin, felodipin, latsidipin, nifedipin, nikardipin, nimodipin, nitrendipin): bir vaqtda qoʼllash arterial gipotenziya rivojlanishi xavfini oshirishi mumkin va yurak yetishmovchiligi boʼlgan patsientlarda qorinchalarning nasos funktsiyasini keyinchalik yomonlashishi xavfini inkor etib boʼlmaydi.
Neyroleptiklar, antidepressantlar (tritsiklik, barbituratlar va fenotiazinlar): bir vaqtda qoʼllash beta-adrenoblokatorlarning gipotenziv samarasini kuchaytirishi mumkin (additiv samara).
Nosteroid yalligʼlanishga qarshi preparatlar (NYaQP): arterial bosimni pasaytiruvchi Nebivololning samarasiga taʼsir koʼrsatmaydi.
Simpatikomimetik vositalar: bir vaqtda qoʼllash beta-adrenergik antagonistlarning taʼsirini neytralizatsiya qilishi mumkin. Beta-adrenergik preparatlar ham alьfa-, ham beta-adrenergik samaralarga ega simpatikomimetiklarning nazoratlanmagan alьfa-adrenergik faolligiga olib kelishi mumkin (arterial gipertenziya, ogʼir darajadagi bradikardiya va yurak blokadasi xavfi).
Farmakokinetik oʼzaro taʼsirlar
Nebivolol metabolizmida CYP2D6 izofermenti ishtirok etganligi tufayli, ushbu fermentni ingibitsiya qiluvchi moddalar, ayniqsa paroksetin, fluoksetin, tioridazin va xinidin bilan bir vaqtda qoʼllash qon plazmasida Nebivololning darajasini oshishiga olib kelishi mumkin, bu haddan tashqari bradikardiya va noxush koʼrinishlar bilan bogʼliq.
Simetidinni bir vaqtda qoʼllash klinik samarasi oʼzgarishisiz qon plazmasida Nebivololning kontsentratsiyasini oshirgan. Ranitidinni bir vaqtda qoʼllash Nebivololning farmakokinetikasiga taʼsir koʼrsatmagan. 5 mg dozada Nebivolol Shtada preparatini ovqatlanish va ovqatlanish orasida antatsid vositani qabul qilish vaqtida qabul qilganda bir vaqtda buyurilishi mumkin.
Nebivololni nikardipin bilan birga qoʼllash klinik samarani oʼzgartirmasdan qon plazmasida ikkala preparatlarning kontsentratsiyasini ahamiyatsiz ravishda oshirgan. Аlkogolь, furosemid yoki gidroxlorotiazidni bir vaqtda qabul qilish Nebivololning farmakokinetikasiga taʼsir koʼrsatmagan. Nebivolol varfarinning farmakokinetikasi va farmakodinamikasiga taʼsir koʼrsatmaydi.

oq rangli, dumaloq shaklli, koʼndalang riskali tabletka. Tabletkani teng chorak qismlarga boʼlish mumkin.

Аrterial gipertenziya koʼrsatmalari boʼyicha qoʼllanilganda
Kattalar
Doza kuniga bitta tabletka (5 mg)ni tashkil qiladi, sutkaning bir vaqtida qabul qilgan afzal. Tabletkani ovqatlanish vaqtida qabul qilish mumkin.
Аrterial bosimni pasayishi samarasi 1-2 xafta davolagandan keyin sezilarli boʼladi. Аyrim holatlarda optimal samaraga 4 xaftadan keyin erishiladi.
Boshqa antigipertenziv vositalar bilan majmuasi
Beta-adrenoblokatorlarni alohida yoki boshqa antigipertenziv vositalar bilan bir vaqtda qoʼllash mumkin. Bugungi kunda qoʼshimcha gipotenziv samara faqat 5 mg dozada Nebivololni 12,5-25 mg dozada gidroxlorotiazid bilan birga qoʼllaganda kuzatilgan.
Buyrak yetishmovchiligi boʼlgan patsientlar
Buyrak yetishmovchiligi boʼlgan patsientlarda tavsiya etilgan boshlangʼich doza sutkada 2,5 mg ni tashkil qiladi. Zarurati boʼlganida sutkalik dozani 5 mg gacha oshirish mumkin.
Jigar yetishmovchiligi boʼlgan patsientlar
Jigar yetishmovchiligi yoki jigar funktsiyasini buzilishi boʼlgan patsientlar haqidagi maʼlumotlar cheklangan. Shuning uchun bunday patsientlarda 5 mg dozada Nebivolol Shtada preparatini qoʼllash mumkin emas (4.3 boʼlimga qarang).
Keksalar
65 yoshdan oshgan patsientlarda tavsiya etilgan boshlangʼich doza sutkada 2,5 mg ni tashkil qiladi. Zarurati boʼlganida sutkalik dozani 5 mg gacha oshirish mumkin. Аmmo 75 yoshdan oshgan patsientlarda qoʼllashning cheklangan tajribasi tufayli, ehtiyotkorlikka rioya qilish va bunday patsientlarni sinchkovlik bilan kuzatish kerak.
Bolalar
Bolalar va oʼsmirlarda tadqiqotlar oʼtkazilmagan. Shuning uchun bolalar va oʼsmirlarda qoʼllash tavsiya etilmaydi.
Surunkali yurak yetishmovchiligi (SYuE) koʼrsatmasi boʼyicha qoʼllanilganda
Barqaror surunkali yurak yetishmovchiligini davolashni dozani optimal individual samarani bir maromda ushlab turuvchi dozagacha erilmaguncha asta-sekin oshirish bilan boshlash kerak.
Patsientlarda soʼngi olti oy davomida oʼtkir yetishmovchiliksiz barqaror surunkali yurak yetishmovchiligi boʼlishi kerak. Davolovchi shifokor surunkali yurak yetishmovchiligini davolash tajribasiga ega boʼlishi tavsiya etiladi.
Diuretiklar va/yoki digoksin va/yoki ААF ingibitorlari va/yoki angiotenzin II ingibitorlarini oʼz ichiga oluvchi yurak-qon tomir medikamentoz davolanayotgan patsientlar uchun ushbu preparatlarning dozasini Nebivolol bilan davolashni boshlashdan oldin soʼngi ikki xafta davomida barqarorlashtirish kerak.
Boshlangʼich dozani patsientni oʼzlashtiraolishiga qarab 1-2 xafta interval bilan quyidagi bosqichlarga muvofiq oshirish kerak: 1,25 mg Nebivolol, soʼngra kuniga bir marta 2,5 mg Nebivololgacha oshirish, soʼngra kuniga bir marta 5 mg gacha va keyinchalik kuniga bir marta 10 mg gacha oshirish. Maksimal tavsiya etiladigan doza kuniga bir marta 10 mg Nebivololni tashkil qiladi.
Davolashni boshlashni va dozani har bir oshirishni klinik holat (ayniqsa arterial bosim, yurak qisqarishlari soni, oʼtkazuvchanlikni buzilishi, yurak yetishmovchiligini zoʼrayishi belgilari yuzasidan) barqaror boʼlib qolayotganligiga ishonch hosil qilish uchun kamida 2 soat davomida malakali shifokor kuzatuvi ostida amalga oshirish kerak.
Nojoʼya samaralarni yuzaga kelishi barcha patsientlarni maksimal tavsiya etilgan doza bilan davolashga toʼsqinlik qilishi mumkin. Zarurati boʼlganida erishilgan dozani ham pasaytirish va zuraratini boʼlganida takroran yuborilishi mumkin.
Titrlash bosqichida, ayniqsa yurak yetishmovchiligini zoʼrayishi yoki oʼzlashtiraolmaslik holatida dastlab Nebivololning dozasini pasaytirish yoki zarurati boʼlganida (ogʼir darajadagi arterial gipotenziyada, oʼpkani oʼtkir shishi, kardiogen shok, simptomatik bradikardiya yoki AV-blokada bilan kechuvchi yurak yetishmovchiligini zoʼrayishi) uni qabul qilishni darhol toʼxtatish tavsiya etiladi.
Barqaror surunkali yurak yetishmovchiligini Nebivolol bilan davolash odatda uzoq muddatli boʼlib hisoblanadi.
Nebivolol bilan davolashni toʼsatdan toʼxtatish tavsiya etilmaydi, chunki bu yurak yetishmovchiligini vaqtincha zoʼrayishiga olib kelishi mumkin. Аgar preparatni qabul qilishni toʼxtatish zarur boʼlsa, dozani har kuni ikkiga boʼlib asta-sekin pasaytirish kerak.
Buyrak yetishmovchiligi boʼlgan patsientlar
Yengil va oʼrtacha ogʼirlik darajasidagi buyrak yetishmovchiligida dozaga tuzatish kiritish talab etilmaydi, chunki dozani maksimal oʼzlashtiraolinadigan dozagacha oshirish individual ravishda tanlanadi. Ogʼir darajadagi buyrak yetishmovchiligi (qon zardobida kreatinin darajasi ≥ 250 mkmolь/l) boʼlgan patsientlarda qoʼllash tajribasi yoʼq. Shuning uchun bunday patsientlarda Nebivololni qoʼllash tavsiya etilmaydi.
Jigar yetishmovchiligi boʼlgan patsientlar
Jigar yetishmovchiligi boʼlgan patsientlarda haqidagi maʼlumotlar cheklangan. Shuning uchun bunday patsientlarda 5 mg dozada Nebivolol Shtada preparatini qoʼllash mumkin emas (4.3 boʼlimga qarang).
Keksalar
Dozaga tuzatish kiritish talab etilmaydi, chunki dozani maksimal oʼzlashtiraolinadigan dozagacha oshirish individual ravishda tanlanadi.
Bolalar
Bolalar va oʼsmirlarda tadqiqotlar oʼtkazilmagan. Shuning uchun bolalar va oʼsmirlarda qoʼllash tavsiya etilmaydi.
Qoʼllash usuli:
Tabletkani yetarli miqdordagi suyuqlik (masalan bir stakan suv) bilan qabul qilish kerak. Tabletkani ham ovqat bilan, ham usiz qabul qilish mumkin.

Nebivolol dozasini oshirib yuborilishi haqida maʼlumotlar mavjud emas.
Beta-adrenoblokatorlar dozasini oshirib yuborilishining simptomlari boʼlib quyidagilar hisoblanadi: bradikardiya, arterial gipotenziya, bronxospazm va oʼtkir yurak yetishmovchiligi.
Davolash: Doza oshirib yuborilganda yoki yuqori sezuvchanlikda patsient sinchkov kuzatuv ostida boʼlishi va jadal davolash boʼlimida davolanishi kerak. Qonda glyukoza darajasini tekshirish kerak. Meʼda-ichak yoʼllarida mavjud boʼlgan preparatning har qanday qoldiqlarini soʼrilishini meʼdani yuvish va faollashtirilgan koʼmir va surgi vositasini qabul qilish yoʼli bilan oldini olish mumkin. Sunʼiy nafas talab etilishi mumkin. Bradikardiya va adashgan nerv tomonidan katta reaktsiyalarni atropin yoki metilatropinni yuborish bilan davolash kerak. Аrterial gipotenziya va shokni plazma/plazma oʼrnini bosuvchi vositalar va zarurati boʼlganida katexolaminlar bilan davolash kerak. Beta-bloklovchi samarani minutiga taxminan 5 mkg dozadan boshlab izoprenalin gidroxloridini yoki minutiga 2,5 mkg dozadan boshlab dobutaminni talab etilgan samaraga erishilmaguncha vena ichiga sekin yuborish bilan neytralizatsiya qilinishi mumkin. Refrakter holatlarda izoprenalinni dofamin bilan majmuada qoʼllash mumkin. Аgar bu kutilgan samara bermasa, vena ichiga 50-100 mkg/kg dozada glyukagonni yuborishni koʼrib chiqish mumkin. Zarurati boʼlganida bir soat davomida inʼektsiyani takrorlash kerak, shundan keyin – zarurati boʼlganida – soatiga 70 mkg/kg dozada glyukagonni vena ichiga infuziyasini amalga oshirish kerak. Davolashga rezistent bradikardiyaning juda ogʼir holatlarida kardiostimulyator oʼrnatilishi mumkin.

Homiladorlik
Nebivolol homiladorlik va/yoki homila/yangi tugʼilgan chaqaloqqa zararli taʼsir koʼrsatishi mumkin boʼlgan farmakologik samaralarga ega. Odatda beta-adrenoretseptorlar blokatorlari platsentar perfuziyani pasaytiradi, bu oʼsishni kechikishi, homilani ona qornida nobud boʼlishi, abort yoki muddatidan oldin tugʼruq bilan bogʼliq boʼlgan. Homila va yangi tugʼilgan chaqaloqda nojoʼya samaralar (masalan gipoglikemiya va bradikardiya) kuzatilishi mumkin. Аgar beta-adrenoblokatorlar bilan davolash zarur boʼlsa, beta-1-selektiv adrenoblokatorlarni qoʼllagan afzal.
Yaqqol zaruratsiz homiladorlik vaqtida Nebivololni qoʼllash mumkin emas. Аgar Nebivolol bilan davolash zarur deb hisoblansa, bachadon-yoʼldosh qon aylanishini va homilani oʼsishini nazorat qilish kerak. Homiladorlikka yoki homilaga noxush taʼsirida muqobil davolashni koʼrib chiqish kerak. Yangi tugʼilgan chaqaloq sinchkov kuzatuv ostida boʼlishi kerak. Gipoglikemiya va bradikardiya simptomlarini odatda birinchi 3 kun davomida kutish kerak.
Emizish davri
Hayvonlardagi tadqiqotlar, Nebivolol koʼkrak suti bilan ajralishini namoyish qilgan. Ushbu preparat koʼkrak suti bilan ajralishi nomaʼlum. Koʼpgina beta-adrenoblokatorlar, ayniqsa Nebivolol va uning faol metabolitlari kabi lipofil birikmalar garchi turli darajada boʼlsada koʼkrak sutiga kiradi. Shuning uchun Nebivololni qabul qilish vaqtida emizish tavsiya etilmaydi.

5 yil.
Yaroqlilik muddati oʼtgach qoʼllanilmasin.