NOVOKAIN 0,005/ML inyeksiya uchun eritma 5ml N10
NOVOKAIN 0,005/ML inyeksiya uchun eritma 5ml N10 haqida qo'llanma
Farmakokinetikasi
To'liq tizimli so'rilishga uchraydi. So'rilish darajasi yuborish joyi va yo'liga (ayniqsa, yuborish sohasidagi vaskulyarizatsiya va qon oqimi tezligiga) va yakuniy dozaga (miqdor va kontsentratsiya) bog'liq. Plazma va jigar esterazalari tomonidan tez gidrolizlanib, 2 ta asosiy farmakologik faol metabolit hosil qiladi: dietilaminoetanol (o'rtacha tomir kengaytiruvchi ta'sirga ega) va PABK (para-aminobenzoy kislotasi) (sulfanilamid kimyoterapevtik DV larining raqobatbardosh antagonisti hisoblanadi va ularning mikroblarga qarshi ta'sirini susaytirishi mumkin). Yarim chiqarilish davri (Т1/2) - 30-50 sek, neonatal davrda - 54-114 sek. Asosan buyraklar orqali metabolitlar ko'rinishida chiqariladi, o'zgarmagan holda 2% dan ko'p bo'lmagan miqdorda chiqariladi.
Nojo'ya samaralari
Markaziy va periferik asab tizimi tomonidan: bosh og'rig'i, bosh aylanishi, uyquchanlik, holsizlik, harakat bezovtaligi, hushdan ketish, tirishishlar, trizm, tremor, ko'rish va eshitish buzilishlari, nistagm, ot dumi sindromi (oyoqlar falaji, paresteziyalar), nafas olish mushaklari falaji, motor va sensor blok, respirator falaj ko'proq subaraxnoidal anesteziyada rivojlanadi.
Yurak-qon tomir tizimi tomonidan: qon bosimining oshishi yoki pasayishi, periferik vazodilatatsiya, kollaps, bradikardiya, aritmiyalar, ko'krak qafasida og'riq
Siydik chiqarish tizimi tomonidan: ixtiyorsiz siydik chiqarish.
Ovqat hazm qilish tizimi tomonidan: ko'ngil aynishi, qusish, ixtiyorsiz defekatsiya
Qon tomonidan: metgemoglobinemiya
Allergik reaksiyalar: teri qichishishi, teri toshmasi, boshqa anafilaktik reaksiyalar (shu jumladan anafilaktik shok), eshakemi (teri va shilliq qavatlarda)
Boshqalar: og'riqning qaytishi, turg'un anesteziya, gipotermiya, impotentsiya; anesteziyada lab va tilning sezmasligi va paresteziyalari, anesteziyaning uzayishi
Maxsus ko‘rsatmalari
Bemorlarga YQTT, nafas olish tizimi va MNS funksiyasini nazorat qilish talab etiladi. MAO ingibitorlarini mahalliy anestetik yuborilishidan 10 kun oldin bekor qilish zarur.
Prokain ta'siri davrida avtotransportni boshqarishdan va diqqatni yuqori jamlashni hamda psixomotor reaksiyalar tezligini talab qiladigan potensial xavfli faoliyat turlari bilan shug'ullanishdan saqlanish kerak.
Qo'llashdan oldin preparatga individual sezuvchanlikka sinamalar o'tkazish majburiydir
Mahalliy anesteziya o'tkazishda bir xil umumiy dozadan foydalanilganda, konsentrlanganroq eritma ishlatilsa, novokainning toksikligi shunchalik yuqori bo'lishini hisobga olish kerak. Shilliq qavatlardan so'rilmaydi, teriga surtilganda yuzaki anesteziyani ta'minlamaydi.
Dozani oshirib yuborish
Simptomlari: teri qoplamlari va shilliq qavatlarning oqarishi, bosh aylanishi, ko'ngil aynishi, qusish, «sovuq» ter, nafas olishning tezlashishi, taxikardiya, AB ning kollapsgacha pasayishi, apnoe, metgemoglobinemiya. MNS ga ta'siri qo'rquv hissi, gallyutsinatsiyalar, tirishishlar, harakat qo'zg'alishi bilan namoyon bo'ladi
Davolash: kislorod ingalyatsiyasi bilan adekvat o'pka ventilyatsiyasini tutib turish, umumiy anesteziya uchun qisqa ta'sir etuvchi DV larni v/i yuborish, og'ir hollarda - dezintoksikatsion va simptomatik terapiya.
Qo'llanilishi mumkin bo'lmagan holatlar
Yuqori sezuvchanlik (shu jumladan PABK va boshqa mahalliy anestetiklarga). 14 yoshgacha bo'lgan bolalar. To'qimalarda yaqqol fibroz o'zgarishlar; o'rmalovchi infiltrat usuli bilan anesteziya uchun: subaraxnoidal anesteziya uchun - AV blokada, qon ketishlar, arterial gipotenziya, shok, lyumbal punktsiya o'tkazish joyining infektsiyalanishi, septitsemiya.
Ehtiyotkorlik bilan
O'tkir qon yo'qotish bilan kechuvchi shoshilinch operatsiyalar, jigar qon oqimining pasayishi bilan kechuvchi holatlar (masalan, SYuE, jigar kasalliklarida), yurak-qon tomir yetishmovchiligining zo'rayishi (odatda yurak blokadalari va shok rivojlanishi oqibatida), in'ektsiya joyining yallig'lanish kasalliklari yoki infektsiyalanishi, psevdoxolinesteraza tanqisligi, buyrak yetishmovchiligi, bolalar yoshi (18 yoshgacha), keksa bemorlarda (65 yoshdan katta), og'ir kasallar, zaiflashgan kasallar, homiladorlik, tug'ruq davri.
Subaraxnoidal anesteziya uchun: belda og'riq, bosh miya infektsiyalari, bosh miyaning xavfsiz va xavfli o'smalari, koagulopatiyalar, migren, subaraxnoidal qon quyilish, arterial gipotenziya, teri paresteziyalari, psixozlar, isteriya, kontaktga kirishmaydigan bemorlar, umurtqa pog'onasi deformatsiyasi tufayli punktsiya o'tkazish imkonsizligi. Prokain ta'siri davrida avtotransportni boshqarishdan va diqqatni jamlash hamda psixomotor reaktsiyalar tezligini talab qiluvchi potentsial xavfli faoliyat turlari bilan shug'ullanishdan saqlanish kerak
Dori vositalarining o'zaro ta'siri
Mahalliy anestetiklar umumiy anesteziya uchun ishlatiladigan MNT ni susaytiruvchi DVs, uxlatuvchi, sedativ preparatlar, narkotik analgetiklar va trankvilizatorlar chaqirgan ta'sirni kuchaytiradi.
Antikoagulyantlar (ardeparin, dalteparin, danaparoid, enoksaparin, geparin, varfarin) qon ketishlar rivojlanish xavfini oshiradi.
Mahalliy anestetik in'ektsiya qilingan joy og'ir metallar saqlovchi dezinfektsiyalovchi eritmalar bilan ishlov berilganda, og'riqlilik va shish ko'rinishidagi mahalliy reaksiya rivojlanish xavfi oshadi.
Spinal va epidural anesteziya uchun mahalliy og'riqsizlantiruvchi DVs guanadrel, guanetidin, mekamilamin, trimetafan bilan ishlatilganda AB keskin pasayishi va bradikardiya rivojlanish xavfi oshadi.
MAO ingibitorlari (furazolidon, prokarbazin, selegilin) bilan foydalanish gipotenziya rivojlanish xavfini oshiradi
Miorelaksatsiya qiluvchi DVs ta'sirini kuchaytiradi va uzaytiradi
Prokain narkotik analgetiklar bilan birga tayinlanganda additiv samara qayd etiladi, bu spinal va epidural anesteziya o'tkazishda qo'llaniladi, bunda nafas susayishi kuchayadi
Vazokonstriktorlar (epinefrin, metoksamin, fenilefrin) mahalliy og'riqsizlantiruvchi ta'sirni uzaytiradi
Prokain miasteniyaga qarshi DVs ta'sirini kamaytiradi, ayniqsa u yuqori dozalarda ishlatilganda, bu miasteniya davolashni qo'shimcha to'g'irlashni talab qiladi.
Xolinesteraza ingibitorlari (miasteniyaga qarshi DVs, siklofosfamid, demekarin, ekotiofat, tiotepa) mahalliy og'riqsizlantiruvchi DVs metabolizmini kamaytiradi.
Prokain metaboliti (PABK) sulfanilamidlar antagonisti hisoblanadi
Dozirovkasi
So'rilishni kamaytirish va mahalliy anesteziyada ta'sirni uzaytirish uchun qo'shimcha ravishda 0,1% li epinefrin gidroxloridi eritmasi yuboriladi - 2-5-10 ml prokain eritmasiga 1 tomchidan.
Paranefral blokadada (A.V. Vishnevskiy bo'yicha) buyrak atrofidagi kletchatkaga 50-80 ml 0,5% li eritma yoki 100-150 ml 0,25% li eritma, vagosimpatik blokadada esa - 30-100 ml 0,25% li eritma yuboriladi.
10% li eritma elektroforetik yuborish uchun ham qo'llaniladi.
Kattalar uchun infiltratsion anesteziya uchun eng yuqori dozalar: operatsiya boshida birinchi bir martalik doza 1,25 g 0,25% li eritmadan (500 ml) yoki 0,75 g 0,5% li eritmadan (150 ml) yuqori emas. Keyinchalik, operatsiyaning har bir soati davomida 2,5 g (0,25% li eritma uchun 1000 ml) yoki 2 g (0,5% li uchun 400 ml) dan yuqori emas.
Bolalarda qo'llash uchun maksimal doza 15 mg/kg gacha.
NOVOKAIN 0,005/ML inyeksiya uchun eritma 5ml N10 o'xshash dorilari
Novokain boshqa chiqarish shakllari
NOVOKAIN 0,005/ML inyeksiya uchun eritma 5ml N10 analoglari
