NOVOKAIN 0,1 suppozitorii N10

To'liq tizimli absorbsiyaga uchraydi. Plazma va jigar esterazalari tomonidan 2 ta asosiy farmakologik faol metabolitlar: dietilaminoetanol (o'rtacha tomir kengaytiruvchi ta'sirga ega) va para-aminobenzoy kislotasi (sulfanilamid kimyoterapevtik dori vositalarining raqobatli antagonisti hisoblanadi va ularning mikroblarga qarshi ta'sirini susaytirishi mumkin) hosil bo'lishi bilan tez gidrolizlanadi.

Markaziy va periferik asab tizimi tomonidan: bosh og‘rig‘i, bosh aylanishi, uyquchanlik, holsizlik, harakat bezovtaligi, hushdan ketish, tirishishlar, trizm, tremor, ko‘rish va eshitish buzilishlari, nistagm, ot dumi sindromi (oyoqlar falaji, paresteziyalar), nafas mushaklari falaji, sensor va motor o‘tkazuvchanlikning buzilishi, nafas markazi falaji ko‘proq subaraxnoidal anesteziyada rivojlanadi.

Yurak-qon tomir tizimi tomonidan: arterial bosimning oshishi yoki pasayishi, periferik vazodilatatsiya, kollaps, bradikardiya, aritmiyalar, ko‘krak qafasida og‘riq.

Siydik chiqarish tizimi tomonidan: ixtiyorsiz siydik chiqarish.

Ovqat hazm qilish tizimi tomonidan: ko‘ngil aynishi, qusish, ixtiyorsiz defekatsiya.

Qon tomonidan: metgemoglobinemiya.

Allergik reaksiyalar: teri qichishishi, teri toshmasi, boshqa anafilaktik reaksiyalar (sh.j. anafilaktik shok), eshakemi (teri va shilliq qavatlarda), bosh aylanishi, holsizlik, arterial bosimning pasayishi. Bunday hollarda preparatni qo‘llashni to‘xtatish va shifokorga murojaat qilish kerak.

Mahalliy reaksiyalar: preparat qo‘llanilgan ilk kunlarda defekatsiyaga qistov va diskomfort hissi bo‘lishi mumkin, ular keyinchalik mustaqil o‘tib ketadi va preparatni bekor qilishni talab etmaydi. Kam hollarda - anal teshigi sohasida giperemiya va qichishish (yuqori dozalarda qo‘llanilganda).

Dozani oshirib yuborish

Simptomlari: teri qoplamalari va shilliq qavatlar rangparligi, bosh aylanishi, ko‘ngil aynishi, qusish, "sovuq" ter, nafasning tezlashishi, taxikardiya, arterial bosimning pasayishi, kollapsgacha, apnoe, metgemoglobinemiya. Markaziy asab tizimiga ta’siri qo‘rquv hissi, gallyutsinatsiyalar, tirishishlar, harakat qo‘zg‘alishi bilan namoyon bo‘ladi.

Davolash: kislorod ingalyatsiyasi bilan o‘pkaning adekvat ventilyatsiyasini tutib turish, umumiy anesteziya uchun qisqa ta’sir etuvchi dori vositalarini vena ichiga yuborish, og‘ir hollarda - dezintoksikatsion va simptomatik davolash.

Davolash davrida avtotransportni boshqarishda va diqqatni yuqori jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanishda ehtiyotkorlikka rioya qilish zarur.

Bemorlarda yurak-qon tomir tizimi, nafas olish tizimi va markaziy asab tizimi funksiyalarini nazorat qilish talab etiladi. Mahalliy anesteziya yuborilishidan 10 kun oldin monoaminoksidaza ingibitorlarini bekor qilish kerak.

Gipersezuvchanlik (shu jumladan para-aminobenzoy kislotasiga va boshqa efir-mahalliy anestetiklarga), bolalar yoshi (18 yoshgacha).

Ehtiyotkorlik bilan

O'tkir qon yo'qotish bilan kechadigan shoshilinch operatsiyalar, jigar qon oqimining pasayishi bilan kechadigan holatlar (masalan, surunkali yurak yetishmovchiligi, jigar kasalliklarida), yurak-qon tomir yetishmovchiligining kuchayishi (odatda yurak blokadalari va shok rivojlanishi oqibatida), proktit, soxta xolinesteraza yetishmovchiligi, buyrak yetishmovchiligi, keksa bemorlarda (65 yoshdan katta), og'ir kasallar, zaiflashgan bemorlar, homiladorlik, tug'ruq davri.

Homiladorlik va ko'krak suti bilan emizish davrida qo'llanilishi

Homiladorlik va emizish davrida preparatni faqat ona uchun foyda homila yoki bola uchun xavfdan yuqori bo'lgan hollarda qo'llash kerak.

Mahalliy anestetiklar boshqa dori vositalarining markaziy asab tizimiga susaytiruvchi ta'sirini kuchaytiradi. Antikoagulyantlar (ardeparin natriy, dalteparin natriy, danaparoid natriy, enoksaparin natriy, geparin, varfarin) qon ketish rivojlanishi xavfini oshiradi.

Monoaminoksidaza ingibitorlari (furazolidon, prokarbazin, selegilin) bilan foydalanilganda arterial qon bosimining pasayishi xavfini oshiradi. Vazokonstriktorlar (epinefrin, metoksamin, fenilefrin) mahalliy og'riqsizlantiruvchi ta'sirni uzaytiradi.

Prokain antixolinesteraza dori vositalarining miasteniyaga qarshi ta'sirini kamaytiradi, ayniqsa u yuqori dozalarda foydalanilganda, bu miasteniyani davolashni qo'shimcha to'g'irlashni talab qiladi.

Xolinesteraza ingibitorlari (miasteniyaga qarshi dori vositalari, siklofosfamid, demekariya bromid, ekotiopat yodid, tiotepa) mahalliy og'riqsizlantiruvchi dori vositalarining metabolizmini kamaytiradi. Prokain metaboliti (para-aminobenzoy kislotasi) sulfanilamidlarning antagonisti hisoblanadi, bu mikroblarga qarshi ta'sirning susayishiga olib keladi.