NYuFEPIM poroshok 1000mg N1

QO‘LLASH BO‘YICHA YO‘RIQNOMA

NYuFEPIM

NEWFEPIM

Preparatning savdo nomi: Nyufepim

Ta‘sir etuvchi modda (XPN): sefepim

Dori shakli: vena ichiga va mushak ichiga yuborish uchun eritma tayyorlash uchun kukun

Tarkibi:

1 flakon quyidagilarni saqlaydi:

faol modda: sefepim gidroxloridi – 1000 g (sefepimga qayta hisoblanganda);

yordamchi modda: arginin

Ta‘rifi: oq yoki och-sariq rangli kukun.

Farmakoterapevtik guruhi: Tizimli qo‘llash uchun antibakterial preparatlar. Boshqa beta-laktam antibakterial preparatlar. To‘rtinchi avlod sefalosporinlar. Sefepim.

ATX kodi: J01DE01

Farmakologik xususiyatlari

Farmakodinamikasi

IV avlod sefalosporinlar guruhiga mansub antibakterial vositadir. Mikroorganizmlarning xujayra devorini sintezini izdan chiqarib, bakterisid ta‘sir ko‘rsatadi. Grammusbat va grammanfiy bakteriyalar, aminoglikozidlar va/yoki III avlod sefalosporin antibiotiklarga rezistent shtammlarga nisbatan keng ta‘sir doirasiga ega. Ko‘pgina beta-laktamazalar gidroliziga chidamli va grammanfiy bakterial xujayralarga tez kiradi. Bakterial xujayra ichida molekulyar nishon bo‘lib penisillin-bog‘lovchi oqsillar hisoblanadi.

In vivo va in vitro sharoitlarda grammusbat aeroblarga nisbatan faol:

Staphylococcus aureus (faqat metisillinga sezgir shtammlar), Streptococcus pneumoniae, Streptococcus pyogenes (A guruhi), Streptococcus viridans;

Grammanfiy aeroblar:

Enterobacter spp., Escherichia coli, Klebsiella pneumoniae, Proteus mirabilis, Pseudomonas aeruginosa.

In vitro sharoitda grammusbat aeroblarga nisbatan faol (lekin klinik ahamiyati noma‘lum):

Staphylococcus epidermidis (faqat metisillinga sezgir shtammlari), Staphylococcus saprophyticus, Streptococcus agalactiae (V guurhi);

Grammanfiy aeroblar: Acinetobacter calcoaceticus subsp. Iwoff, Citrobacter diversus, Citrobacter freundii, Enterobacter agglomerans, Haemophilus influenzae (shu jumladan beta-laktamaza ishlab chiqaruvchi shtammlar), Hafnia alvei, Klebsiella oxytoca, Moraxella catarrhalis (shu jumladan beta-laktamaza ishlab chiqaruvchi shtammlar), Morganella morganii, Proteus vulgaris, Providencia rettgeri, Providencia stuartii, Serratia marcescens.

Enterococsus spp. ning ko‘pgina shtammlari, shu jumladan Enterococcus faecalis, metisillinga rezistent stafilokokklar, Stenotrophomonas (avval Xanthomonas maltophilia nomi bilan ma‘lum bo‘lgan va Pseudomonas maltophilia), Clostridium difficile sefepimga sezgir emas.

Farmakokinetikasi

Biokiraolishligi 100% ni tashkil qiladi. Qon plazmasidagi maksimal konsentrasiyasiga erishish vaqti 0,5 g dozada vena ichiga yuborilgandan keyin – infuziya oxirida, 0,5 g dozada mushak ichiga yuborilgandan keyin – 1-2 soatdan keyin erishiladi. 0,5 g, 1 g va 2 g dozalarda mushak ichiga yuborilganda qon plazmasidagi maksimal konsentrasiyasi (S_max) muvofiq ravishda 14, 30 va 57 mkg/ml; 0,5 g, 1 g va 2 g dozalarda vena ichiga yuborilganda – muvofiq ravishda 39, 82 va 164 mkg/ml; qon plazmasida o‘rtacha terapevtik konsentrasiyasiga erishish vaqti – 12 soatni tashkil qiladi.

Kattalarda 500 mg, 1 g va 2 g dozalarni o‘ttiz minutlik bir marta yuborilgandan keyin qon plazmasidagi sefepimning o‘rtacha konsentrasiyasi (mkg/ml):

Yuqori konsentrasiyalari siydikda, safroda, peritoneal suyuqlikda, pufak ekssudatida, bronxlarning shilliq sekretida, balg‘amda, prostata bezi to‘qimasida, appendiksda va o‘t qopida aniqlanadi. Taqsimlanish xajmi – 0,25 l/kg, 2 oylikdan 16 yoshgacha bo‘lgan bolalarda – 0,33 l/kg. Plazma oqsillari bilan bog‘lanishi – 20%.

Jigarda va buyraklarda 15% metabolizmga uchraydi. Yarim chiqarilish davri (T1/2) – 2 soat, umumiy klirensi – minutiga 120 ml, buyrak klirensi – minutiga 110 ml ni tashkil qiladi. Buyraklar orqali (glomerulyar filtrasiya yo‘li bilan o‘zgarmagan ko‘rinishda – 85%), ko‘krak suti bilan chiqariladi. Buyrak funksiyasini og‘ir buzilishi bo‘lgan bemorlarda T1/2 gemodializda – 13 soat, uzluksiz peritoneal dializda – 19 soatni tashkil qiladi. Buyrak funksiyasini buzilishi bo‘lgan bemorlarda preparatning dozasi individual ravishda aniqlanishi kerak. Buyrak funksiyasi normal bo‘lgan 65 yoshdan oshgan bemorlarda sefepimning dozasiga tuzatish kiritish talab etilmaydi.

Jigar funksiyasini buzilishi yoki mukovissedozi bo‘lgan bemorlarda sefepimning farmakokinetikasi o‘zgarmaydi. Bunday bemorlarda uchun dozaga tuzatish kiritish talab etilmaydi.

Qo‘llanilishi

Preparatga sezgir mikroorganizmlar chaqirgan infeksion-yallig‘lanish kasalliklari:

• quyidagi mikroorganizmlar: Streptococcus pneumoniae (shu jumladan yondosh bakteriemiya bilan assosiasiyalangan holatlar), Pseudomonas aeruginosa, Klebsiella pneumoniae yoki Enterobacter spp. Chaqirgan pnevmoniya (o‘rtacha og‘irlikdagi yoki og‘ir)
• febril neytropeniya (empirik davolash)
• quyidagi mikroorganizmlar Escherichia coli, Klebsiella pneumoniae, Proteus mirabilis chaqirgan siydik chiqarish yo‘llarining asoratlangan va asoratlanmagan infeksiyalari (shu jumladan pielonefrit)
• Staphylococcus aureus (faqat metisillinga sezgir shtammlar), Streptococcus pyogenes chaqirgan terining asoratlangan va asoratlanmagan infeksiyalari
• quyidagi mikroorganizmlar Escherichia coli, Klebsiella pneumoniae, Pseudomonas aeruginosa, Enterobacter spp., Bacteroides fragilis chaqirgan asoratlangan intraabdominal infeksiyalar (majmuaviy davolash tarkibida metronidazol bilan majmuada)
• qorin bo‘shlig‘idagi jarroxlik aralashuvlarida infeksiyalarni oldini olishda qo‘llanadi.

Qo‘llash usuli va dozalari

Vena ichiga, mushak ichiga (faqat Escherichia coli chaqirgan yengil va o‘rtacha og‘irlik darajasidagi siydik chiqarish yo‘llarining asoratlangan yoki asoratlanmagan infeksiyalarida) buyuriladi.

Preparatning dozasi va yuborish yo‘llari qo‘zg‘atuvchi mikroorganizmlarning sezgirligi, infeksiyaning og‘irlik darajasi, shuning bemorning buyrak funksiyasi holatiga qarab

o‘zgaradi.

Streptococcus pneumoniae (shu jumladan yondosh bakteriemiya bilan assosiasiyalangan holatlar), Pseudomonas aeruginosa, Klebsiella pneumoniae yoki Enterobacter spp. chaqirgan pnevmoniya (o‘rtacha og‘irlikda va og‘ir): vena ichiga 1-2 g har 12 soatda 10 kun davomida buyuriladi.

Febril neytropeniya (empirik davolash): vena ichiga 2 g har 8 soatda 7 kun davomida yoki neytropeniya bartaraf etilguncha buyuriladi.

Escherichia coli, Klebsiella pneumoniae, Proteus mirabilis chaqirgan yengil va o‘rtacha og‘irlik darajasidagi siydik chiqarish yo‘llarining asoratlangan yoki asoratlanmagan infeksiyalari: vena ichiga yoki mushak ichiga (faqat Escherichia coli chaqirgan infeksiyalar uchun) 0,5-1 g dan har 12 soatda 7-10 kun davomida buyuriladi.

Escherichia coli yoki Klebsiella pneumoniae chaqirgan siydik chiqarish yo‘llarining og‘ir asoratlangan yoki asoratlanmagan infeksiyalari (shu jumladan pielonefrit): vena ichiga 2 g har 12 soatda 10 kun davomida.

Staphylococcus aureus (faqat metisillinga sezgir shtammlar), Streptococcus pyogenes chaqirgan teri va yumshoq to‘qimalarning o‘rtacha og‘irlikdagi va og‘ir infeksiyalari: vena ichiga 2 g har 12 soatda 10 kun davomida.

Escherichia coli, Klebsiella pneumoniae, Pseudomonas aeruginosa, Enterobacter spp., Bacteroides fragilis chaqirgan asoratlangan intraabdominal infeksiyalar (metronidazol bilan majmuada): vena ichiga 2 g har 12 soatda 7-10 kun davomida.

Qorin bo‘shlig‘idagi jarroxlik aralashuvlarida infeksiyalarni oldini olish uchun: jarroxlik operasiyasini boshlashdan 60 minut oldin 2 g preparat 30 minut davomida vena ichiga yuboriladi. Yuborish yakunlangandan keyin qo‘shimcha 500 mg metronidazol vena ichiga yuboriladi. Metronidazol eritmalarini sefepim bilan bir vaqtda yuborish mumkin emas. Metronidazolni yuborishdan oldin infuzion tizimni yuvish kerak.

Davomli (12 soatdan ortiq) jarroxlik operasiyalari vaqtida birinchi dozadan keyin 12 soat o‘tgach 2 g preparatni 30 minut davomida takroran yuborish, keyinchalik 500 mg metronidazolni yuborish tavsiya etiladi.

2 oylikdan 16 yoshgacha bo‘lgan va tana vazni 40 kg gacha bo‘lgan bolalarda barcha ko‘rsatmalar (febril neyropeniyadan tashqari) bo‘yicha dozalashning tavsiya etilgan tartibi – 50 mg/kg har 12 soatda vena ichiga; febril neyropeniyada – 50 mg/kg har 8 soatda buyuriladi.

Davolash davomiyligi kattalardagidek (7-10 kun).

Buyrak funksiyasini buzilishlari (kreatinin klirensi <30 ml/min) bo‘lgan bemorlarda preparatning dozasiga tuzatish kiritish kerak.

Sefepimning dastlabki dozasi buyrak funksiyasi normal bo‘lgan bemorlardagidek bo‘lishi kerak.

Gemodializda bo‘lgan pasientlarga 1-chi kuni 1 g, so‘ngra barcha infeksiyalar uchun 0,5 g dan har 24 soatda va febril neytropeniyani davolash uchun 1 g dan har 24 soatda yuboriladi. Gemodializ o‘tkaziladigan kuni preparat gemodializ muolajasi yakunlangandan keyin yuboriladi; sefepimni kunning bir vaqtida yuborgan afzal.

Yondosh surunkali buyrak yetishmovchiligi bo‘lgan bolalarda preparatni qo‘llash yuzasidan ma‘lumotlar yetarli emas, lekin bolalarda va kattalarda farmakokinetikasini o‘xshashligini inobatga olib, surunkali buyrak yetishmovchiligi bo‘lgan bolalardagi dozalash tartibi (dozani kamaytirish yoki yuborishlar orasidagi intervalni oshirish) kattalardagi dozalash tartibiga o‘xshash.

Preparat eritmalarini tayyorlash va yuborish

Vena ichiga yuborish uchun 1 g Nyufepim preparati 10 ml in‘eksiya uchun suv, 5% li glyukoza eritmasi yoki 0,9% li natriy xloridi eritmasida eritiladi (sefepimning taxminiy konsentrasiyasi 100 mg/ml), 3-5 minut davomida vena ichiga yuboriladi.

Vena ichiga yuborish uchun tizim orqali yuborish uchun tayyorlangan eritma vena ichiga yuborish uchun boshqa eritmalar bilan almashtiriladi va kamida 30 minut davomida yuboriladi.

Preparatning 1 dan 40 mg/ml gacha konsentrasiyali eritmalari in‘eksiya uchun eritmalar: 0,9% li natriy xloridi eritmasi; 5% li yoki 10% li glyukoza eritmasi; 1/6 M natriy laktat eritmasi, 5% li glyukoza eritmasi va 0,9% li natriy xloridi eritmasi; laktat bilan Ringer erimtasi va 5% li dekstroza eritmasi bilan mutanosib.

Boshqa preparatlar bilan o‘zaro ta‘siridan saqlanish uchun sefepim preparatining eritmalari (ko‘pgina boshqa beta-laktam antibiotiklari kabi) metronidazol, vankomisin, gentamisin, tobramisin sulfati va netilmisin sulfati eritmalari bilan bir vaqtda yuborish mumkin emas. Sefepimni sanab o‘tilgan preparatlar bilan birga buyurilganda har bir antibiotikni alohida yuborish kerak.

Mushak ichiga yuborish uchun 1 g Nyufepim preparati 2,4 ml in‘eksiya uchun suv, 5% li glyukoza eritmasi yoki 0,9% li natriy xloridi eritmasi, 0,5% li yoki 1% li lidokain gidroxloridi eritmasida eritiladi (sefepimning taxminiy konsentrasiyasi 280 mg/ml).

Nojo‘ya ta‘sirlari

• allergik reaksiyalar: teri toshmasi (shu jumladan eritematoz toshma), qichishish, isitma, anafilaktoid reaksiyalar, musbat Kumbs reaksiyasi, eozinofiliya, ko‘p shaklli ekssudativ eritema (shu jumladan Stivens-Djonson sindromi), kam hollarda – toksik epidermal nekroliz (Layell sindromi)
• nerv tizimi tomonidan: bosh og‘rig‘i, bosh aylanishi, uyqusizlik, paresteziya, bezovtalik hissi, ongni chalkashishi, tirishishlar
• siydik-tanosil tizimi tomonidan: vaginit, genital qichishish, nospesifik kandidoz
• siydik chiqarish tizimi tomonidan: buyrak funksiyasini buzilishi
• ovqat hazm qilish tizimi tomonidan: diareya, ko‘ngil aynishi, qusish, qabziyat, qorinda og‘riq, dispepsiya, soxtamembranoz enterokolit
• qon yaratish a‘zolari tomonidan: anemiya, trombositopeniya, leykopeniya, neytropeniya, pansitopeniya, gemolitik anemiya, qon ketishi
• nafas tizimi tomonidan: yo‘tal
• yurak-qon tomir tizimi tomonidan: ko‘krakda og‘riq, taxikardiya, hansirash, periferik shishlar
• laborator ko‘rsatkichlar: gematokritni pasayishi, protrombin vaqtini uzayishi, mochevina konsentrasiyasini oshishi, giperkreatininemiya, giperkalsiemiya, “jigar” transaminazalari va ishqoriy fosfotaza faolligini oshishi, giperbilirubinemiya
• mahalliy reaksiyalar: vena ichiga yuborilganda – flebitlar, mushak ichiga yuborilganda – yuborish joyida giperemiya va og‘riq
• boshqalar: tomoqda og‘riq, ko‘p terlash, belda og‘riq, asteniya, superinfeksiya rivojlanishi, orofaringeal kandidoz.

Qo‘llash mumkin bo‘lmagan holatlar

• preparatning tarkibiga kiruvchi komponentlarga (shu jumladan sefalosporinlar, penisillinlar va boshqa beta-laktam antibiotiklariga) o‘ta yuqori sezuvchanlik
• 2 oylikkacha bo‘lgan bolalar (2 oylikdan kichik bolalarda xavfsizligi va samaradorligi aniqlanmagan)\
• 12 yoshgacha bo‘lgan bolalarda (mushak ichiga yuborish uchun) qo‘llash mumkin emas.

Ehtiyotkorlik bilan

Me‘da-ichak yo‘llarining kasalliklari (shu jumladan anamnezida): soxtamembranoz kolit, yarali kolit, regional enterit yoki antibiotik-assosiasiyalangan kolit; surunkali buyrak yetishmovchiligi.

Dorilarning o‘zaro ta‘siri

Mikroblarga qarshi boshqa dori vositalari va geparin bilan farmasevtik nomutanosib.

Diuretiklar, aminoglikozidlar, polimiksin V sefepimning kanalchalar sekresiyasini kamaytiradi va uning qon zardobidagi konsentrasiyasini oshiradi, yarim chiqarilish davrini uzaytiradi, nefrotoksiklikni kuchaytiradi (nefronekroz rivojlanishi xavfi oshadi).

Nosteroid yallig‘lanishga qarshi preparatlar sefalosporinlarni chiqarilishini sekinlashtirib, qon ketishi xavfini oshiradi.

Bakterisid antibiotiklari (aminoglikozidlar) bilan bir vaqtda buyurilganda sinergizm, bakteriostatik antibiotiklar (makrolidlar, xloramfenikol, tetrasiklinlar) bilan – antagonizm namoyon bo‘ladi.

Metronidazol eritmalari bilan nomutanosib (jarrohlik aralashuvlarini o‘tkazganda infeksiyalarni oldini olish uchun metronidazol eritmasini yuborishdan oldin infuzion tizimni sefepim eritmasidan yuvish kerak).

Aminoglikozidlarning nefro- va ototoksikligini oshiradi.

Maxsus ko‘rsatmalar

Sefepimni qo‘llaganda soxtamembranoz kolit yuzaga kelishi mumkin. Shuning uchun preparat bilan davolash vaqtida diareya yuzaga kelgan hollarda bu diagnozni e‘tiborga olish kerak. Kolitning yengil shakllari preparatni qabul qilishni to‘xtatishga javob berishlari mumkin; o‘rtaga yoki og‘ir holatlar maxsus davolashni talab etishi mumkin.

Penisillinga allergik reaksiyalari bo‘lgan pasientlarda kesishgan o‘ta yuqori sezuvchanlik kuzatilishi mumkin.

Og‘ir buyrak va jigar yetishmovchiligi birga kuzatilganda plazmada preparatning konsentrasiyasini muntazam aniqlash kerak (kreatinin klirensiga qarab dozasiga tuzatish kiritiladi).

Uzoq vaqt davolaganda periferik qon, jigar va buyrak funksional holati ko‘rsatkichlarini muntazam nazorat qilish kerak.

Aerob-anaerob aralash infeksiyalarda qo‘zg‘atuvchini aniqlaguncha anaeroblarga nisbatan faol dori vositalair bilan majmuada qo‘llash maqsadga muvofiq.

Uzoqdagi infeksiya o‘chog‘idan meningeal dissimenasiya bo‘lgan, meningitga shubha qilingan yoki meningit diagnozi tasdiqlangan bemorlarda ushbu holatda klinik samaradorligi tasdiqlangan muqobil antibiotikni buyurish kerak.

Musbat Kumbs testi, siydikda glyukozaga soxta-musbat test kuzatilishi mumkin.

Homiladorlik va laktasiya davrida qo‘llanishi

Preparat homiladorlikda agar ona uchun kutilayotgan foyda homila uchun xavfdan yuqori bo‘lsa qo‘llanadi. Laktasiya davrida preparat bilan davolash vaqtida emizishni to‘xtatish kerak.

Transport vositalarini boshqarish va mexanizmlar bilan ishlash qobiliyatiga ta‘siri

Avtomobilni boshqarganda va diqqatni yuqori jamlash va psixomotor reaksiyalarni tezligini talab etuvchi potensial xavfli faoliyat turlari bilan shug‘ullanganda ehtiyotkorlikka rioya qilish kerak.

Preparatning yaroqlilik muddati o‘tgach ishlatilmagan flakonlar ehtiyotkorlik bilan ochilsin, ichidagisi ko‘p miqdordagi suvda eritilsin va kanalizasiyaga to‘kilsin.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin!

Dozani oshirib yuborilishi

Simptomlari (ko‘pincha surunkali buyrak yetishmovchiligi bo‘lgan bemorlarda kuzatiladi): tirishishlar, ensefalopatiya, qo‘zg‘alish.

Davolash: simptomatik, gemodializ.

Chiqarilish shakli

1,0 g faol modda alyumin qalpoqchali rezini tiqin bilan berkitilgan 10 ml sig‘imli I tip shisha flakonlarda. 1 flakon qo‘llash bo‘yicha yo‘riqnomasi bilan karton qutiga joylanadi.

Saqlash sharoiti

20°S-25°S haroratda, yorug‘likdan himoyalangan joyda saqlansin.

Yaroqlilik muddati

2 yil.

Dorixonalardan berish tartibi

Resept bo‘yicha.