OKTAGAM infuziya uchun eritma 20ml 50mg/ml

Taqsimlanishi

Oktagam^® v/i yuborilgandan so'ng darhol tizimli qon oqimiga tushadi. Plazma va tomirdan tashqari bo'shliq o'rtasida nisbatan tez taqsimlanadi. Muvozanatli holatga 3-5-kuni erishiladi.

Chiqarilishi

T _{taxminan 26-34 kunni tashkil qiladi. T qiymatlari turli bemorlarda, ayniqsa birlamchi immunitet tanqisligida farq qilishi mumkin.}

Immunoglobulin va IgG-komplekslari RES hujayralari tomonidan parchalanadi.

Oktagam asosan G sinfi immunoglobulinlarini - turli infektsiyalar qo'zg'atuvchilariga qarshi antitanalarni saqlaydi. Preparatda G immunoglobulini (IgG) kichik sinflarining taqsimlanishi tabiiy plazmadagi kabi va sog'lom odamga xos bo'lgan barcha xususiyatlarga ega. Preparatning samarali dozalari IgG ning past darajasini uning normal darajasigacha tiklashi mumkin. IgG molekulalari kimyoviy yoki fermentativ ta'sir oqibatida o'zgarishga uchramaydi. Antitanalar faolligi to'liq saqlangan.

Oktagam^® 3% dan ko'p bo'lmagan polimerlarni saqlaydi, monomerlar va dimerlar miqdori kamida 90% ni tashkil qiladi.

Grippsimon sindrom: titroq, bosh og'rig'i, gipertermiya.

Ovqat hazm qilish tizimi tomonidan: ko'ngil aynishi, qusish.

Yurak-qon tomir tizimi tomonidan: AB pasayishi; kamdan-kam hollarda - kollaps; bosh miya yoki yurak ishemiyasida, keksa yoshdagi bemorlarda, semirishda, yaqqol gipovolemiyada, plazma qovushqoqligining oshishida (masalan, gipergammaglobulinemiya, giperfibrinogenemiya, o'roqsimon hujayrali anemiyada), tomirlar okklyuzion kasalliklarida - tranzitor ishemik hujumlar va/yoki tromboembolik asoratlar.

Siydik chiqarish tizimi tomonidan: giperkreatininemiya, o'tkir buyrak yetishmovchiligi (ayniqsa anamnezida buyrak yetishmovchiligi bo'lganda, qandli diabetda, gipovolemiyada, semirishda, nefrotoksik preparatlar bilan yo'ldosh terapiyada, 65 yoshdan oshgan bemorlarda).

Qon yaratish tizimi tomonidan: yakka hollarda - o'tkinchi gemolitik anemiya, gemoliz.

Allergik reaksiyalar: teri toshmasi, qichishish; kamdan-kam hollarda - anafilaktik shok.

Boshqalar: artralgiya, bel va dumg'aza sohasida og'riqlar; yakka hollarda - qaytuvchan aseptik meningit; qandli diabetda - giperglikemiya.

Nojo'ya ta'sir rivojlanganda preparatni yuborish tezligini kamaytirish yoki infuziyani to'xtatish kerak.

Preparat yuborilishi vaqtida bemor holatini nazorat qilish kerak.

V/i immunoglobulinlarni olayotgan bemorlarda infuziya boshlanishidan oldin adekvat gidratatsiya o'tkazish, diurezni, zardob kreatinini miqdorini nazorat qilish; buyrak kanalchalariga ta'sir qiluvchi diuretiklarni qo'llashni istisno qilish kerak.

Immunoglobulinni yuqori dozalarda yuborish qon plazmasi qovushqoqligi oshishiga olib kelishi mumkin, bu ishemiya va tromboembolik asoratlar xavfini oshiradi. Ko'pincha nojo'ya reaksiyalar yuborish tezligi yuqori bo'lganda, gipo- va agammaglobulinemiyada (IgA tanqisligi fonida yoki usiz), immunoglobulin birinchi marta yuborilganda yoki, kamdan-kam hollarda, boshqa immunoglobulin yuborishga o'tkazilganda yoki oxirgi infuziyadan keyin uzoq vaqt o'tganda paydo bo'lishi mumkin.

Preparatni birinchi marta yuborishni sekin, 0,016 ml/kg/min dan ko'p bo'lmagan tezlikda o'tkazish kerak. Ayniqsa avval immunoglobulin preparatlarini olmagan, muqobil preparat bilan davolash olgan yoki oxirgi immunoglobulin yuborilgandan keyin uzoq tanaffusdan keyingi bemorlarga sinchkov kuzatuv talab etiladi. Bunday bemorlarga birinchi infuziyaning butun davri mobaynida, shuningdek yuborish tugagandan keyin 1 soat davomida nazorat talab etiladi. Qolgan bemorlar infuziyaning birinchi 20 daqiqasi davomida kuzatuv ostida bo'lishlari kerak.

Har bir yuborishda preparat seriyasi raqamini ro'yxatdan o'tkazish tavsiya etiladi.

Davolash davrida bemor qonida turli passiv o'tkazilgan antitanachalar tranzitor oshishi serologik testlarning soxta musbat natijalariga olib kelishi mumkin.

Eritrotsitar antigenlarga (masalan, A, B yoki D) antitanachalarni passiv o'tkazish eritrotsitar allo-antitanachalar bilan ba'zi serologik testlar (masalan, Kumbs sinamasi) natijalari o'zgarishiga olib kelishi, retikulotsitlar va gaptoglobin miqdoriga ta'sir qilishi mumkin.

Oktagam^® preparati tarkibidagi maltoza qon va siydikdagi glyukoza miqdori ko'rsatkichlariga uni laborator aniqlashda ta'sir qilishi mumkin.

Odam qoni yoki plazmasidan olingan preparatlar qo'llanilganda infeksion kasalliklar yuqishi ehtimolini to'liq istisno qilib bo'lmaydi. Bu avval noma'lum tabiatli infeksiyalar qo'zg'atuvchilariga ham tegishli.

Oktagam^® preparatini ishlab chiqarishda viruslarni transfuzion o'tkazishni istisno qilishga qaratilgan quyidagi choralar qo'llaniladi: sog'lom donorlarni tanlash, plazmaning har bir porsiyasini va plazma pulini gepatit B virusi antigni, OIV 1 va 2, gepatit C ga antitanachalar mavjudligiga testlash; plazma fraksiyalarini gepatit C virusi genetik materiali mavjudligiga tahlil qilish; preparatni ishlab chiqarish jarayoniga kiritilgan, samaradorligi virusli modelda tasdiqlangan solvent/detergent tizimini qo'llagan holda viruslarni yo'qotish/faolsizlantirish bo'yicha maxsus muolajalar. Ushbu muolajalar odam immunitet tanqisligi viruslari, gepatit B va C viruslarini yo'qotish/faolsizlantirish uchun samarali, ammo gepatit A virusi va parvovirus B19 kabi qobiqsiz viruslarga nisbatan cheklangan samaradorlikka ega bo'lishi mumkin.

Avtotransportni haydash va mexanizmlarni boshqarish qobiliyatiga ta'siri

Avtotransportni haydash va diqqatni yuqori jamlash va psixomotor reaksiyalar tezligini talab qiluvchi boshqa faoliyatga ta'sir qilmaydi.

— gomologik immunoglobulinlarga o'zlashtira olmaslik yoki yuqori sezuvchanlik, ayniqsa bemorda IgA ga qarshi antitelalar bo'lganda immunoglubulin A (IgA) tanqisligining o'ta kam uchraydigan holatlarida.

Oktagam yuborish qizamiq, chechak, qizilcha, epidemik parotit va suvchechakka qarshi tirik susaytirilgan virusli vaktsinalar samaradorligini 6 haftadan 3 oygacha bo'lgan muddatga pasaytirishi mumkin. Tirik susaytirilgan vaktsinalar bilan emlashdan oldin preparat qo'llanilgandan keyin kamida 3 oy o'tishi kerak. Qizamiqda bu ta'sir 1 yilgacha saqlanib qolishi mumkin. Shu munosabat bilan emlashdan 4-12 oy oldin preparat olgan shaxslarda qizamiqqa qarshi vaktsinani qo'llashdan oldin qizamiqqa qarshi antitanachalar titrini tekshirish zarur.

Oktagamni emizikli bolalarda kaltsiy glyukonat bilan bir vaqtda qo'llash mumkin emas.

Farmatsevtik o'zaro ta'sir

Oktagam^В® ni boshqa dori preparatlari bilan aralashtirmaslik kerak.

Dozalar va terapiya davomiyligi ko'rsatmalar va aniq bemordagi farmakokinetik parametrlarga qarab individual ravishda belgilanadi. Tavsiya sifatida preparatni quyidagi dozalarda qo'llash mumkin.

Birlamchi immunitet tanqisligida o'rinbosar terapiya: yuborish rejimi plazmadagi IgG ning muvozanatli darajasini 4-6 g/l oraliqda bo'lishiga yordam berishi kerak (aniqlashni har bir keyingi infuziyadan oldin o'tkazish kerak). Davolash boshlanganidan beri buning uchun 3-6 oy talab etiladi. Tavsiya etilgan boshlang'ich doza klinik vaziyatga qarab (masalan, o'tkir infeksiyada) 400-800 mg/kg ni tashkil qiladi, keyinchalik har 3 haftada 200 mg/kg yuboriladi. 6 g/l darajaga erishish uchun zarur bo'lgan doza oyiga 200 dan 800 mg/kg gachani tashkil qiladi. Barqaror darajaga erishilganda yuborishlar orasidagi interval 2 dan 4 haftagachani tashkil qiladi. Yuboriladigan dozalar va yuborish intervallarini aniqroq belgilash uchun vaqti-vaqti bilan IgG darajasini o'lchash tavsiya etiladi.

Og'ir ikkilamchi gipogammaglobulinemiya va qaytalanuvchi infeksiyalar bilan kechuvchi miyeloma kasalligi yoki surunkali limfoleykozda; tug'ma OIV infeksiyasi va qaytalanuvchi infeksiyalari bo'lgan bolalarda o'rinbosar terapiya: tavsiya etilgan doza har 3-4 haftada 200-400 mg/kg ni tashkil qiladi.

Idiopatik trombotsitopenik purpura: o'tkir epizodlarni davolashda – 1-kuni 0,8-1 g/kg, zarurat bo'lganda – 3-kuni qayta yuborish yoki 2-5 kun davomida 400 mg/kg/sut. Qayta epizod bo'lgan taqdirda davolashni takrorlash mumkin.

Giyen-Barre sindromi: 3-7 kun davomida >400 mg/kg/sut.

Kavasaki kasalligi: 2-5 kun davomida teng dozalarda 1,6-2 g/kg yoki bir marta 2 g/kg dozada yuboriladi. Bemorlar bir vaqtning o'zida atsetilsalitsil kislotasini qabul qilishlari kerak.

Suyak iligi transplantatsiyasi: immunoglobulinni tayyorgarlik terapiyasining bir qismi sifatida, shuningdek transplantatsiyadan keyin qo'llash mumkin. Doza individual ravishda belgilanadi. Tavsiya etilgan boshlang'ich doza haftasiga 500 mg/kg ni tashkil qiladi. Davolash davomiyligi - transplantatsiyadan keyin 3 oy.

Eritmani yuborish qoidalari

Oktagam^® v/i ga 15 daqiqa davomida 0,75-1 ml/daq (15 tomchi/daq) boshlang'ich tezlikda, keyin - keyingi 15 daqiqa davomida 1,2-1,5 ml/daq (25 tomchi/daq) tezlikda yuborilishi kerak. Agar bunda biron-bir noxush reaksiyalar kuzatilmasa, qolgan qismini yuborish tezligini maksimal mumkin bo'lgan tezlikka - 3 ml/daq (54 tomchi/daq) gacha oshirish mumkin.

Yuborishdan oldin eritmani xona haroratiga yoki tana haroratiga yetkazish kerak.

Infuziyani v/i yuborish uchun alohida tizim orqali o'tkazish kerak, Oktagam^®ni boshqa preparatlar bilan aralashtirmaslik kerak.

Loyqa va cho'kma saqlagan eritma qo'llashga yaroqsiz. Qolgan har qanday miqdordagi eritmani yo'q qilish kerak.