OKTAGAM infuziya uchun eritma 100ml 50mg/ml

Taqsimlanishi

Oktagam^® v/i yuborilgandan so'ng darhol tizimli qon oqimiga tushadi. Plazma va tomirdan tashqari bo'shliq o'rtasida nisbatan tez taqsimlanadi. Muvozanat holatiga 3-5 sutkada erishiladi.

Chiqarilishi

T _{taxminan 26-34 sutkani tashkil qiladi. T qiymatlari turli bemorlarda, ayniqsa birlamchi immunitet tanqisligida farq qilishi mumkin.}

Immunoglobulin va IgG-komplekslari RES hujayralari tomonidan parchalanadi.

Octagam asosan G sinfidagi immunoglobulinlarni - turli infektsiyalar qo'zg'atuvchilariga antitelolarni saqlaydi. Preparatda immunoglobulin G (IgG) kichik sinflarining taqsimlanishi tabiiy plazmadagidek va sog'lom odamga xos bo'lgan barcha xususiyatlarga ega. Preparatning samarali dozalari past IgG darajasini normal darajagacha tiklashi mumkin. IgG molekulalari kimyoviy yoki fermentativ ta'sir natijasida o'zgarmaydi. Antitelolarning faolligi to'liq saqlanib qolgan.

Octagam^® 3% dan ko'p bo'lmagan polimerlarni saqlaydi, monomerlar va dimerlar miqdori kamida 90% ni tashkil qiladi.

Grippsimon sindrom: titroq, bosh og'rig'i, gipertermiya.

Ovqat hazm qilish tizimi tomonidan: ko'ngil aynishi, qusish.

Yurak-qon tomir tizimi tomonidan: AB pasayishi; kamdan-kam hollarda - kollaps; bosh miya yoki yurak ishemiyasida, keksa yoshdagi bemorlarda, semirishda, yaqqol gipovolemiyada, plazma qovushqoqligi oshganda (masalan, gipergammaglobulinemiya, giperfibrinogenemiya, o'roqsimon hujayrali anemiyada), tomirlarning okklyuzion kasalliklarida - tranzitor ishemik hujumlar va/yoki tromboembolik asoratlar.

Siydik chiqarish tizimi tomonidan: giperkreatininemiya, o'tkir buyrak yetishmovchiligi (ayniqsa anamnezda buyrak yetishmovchiligi bo'lganda, qandli diabetda, gipovolemiyada, semirishda, nefrotoksik preparatlar bilan yondosh davolashda, 65 yoshdan oshgan bemorlarda).

Qon yaratish tizimi tomonidan: alohida hollarda - o'tkinchi gemolitik anemiya, gemoliz.

Allergik reaksiyalar: teri toshmasi, qichishish; kamdan-kam hollarda - anafilaktik shok.

Boshqalar: artralgiya, bel va bel sohasida og'riqlar; alohida hollarda - qaytuvchan aseptik meningit; qandli diabetda - giperglikemiya.

Nojo'ya ta'sir rivojlanganda preparat yuborish tezligini kamaytirish yoki infuziyani to'xtatish kerak.

Preparat yuborish vaqtida bemor holatini nazorat qilish kerak.

Immunoglobulinlarni v/i olayotgan bemorlarda infuziya boshlanishidan oldin adekvat gidratatsiya o'tkazish, diurezni, zardob kreatinini miqdorini nazorat qilish zarur; buyrak naychalariga ta'sir qiluvchi diuretiklarni qo'llashni istisno qilish kerak.

Immunoglobulinni yuqori dozalarda yuborish qon plazmasi qovushqoqligining oshishiga olib kelishi mumkin, bu ishemiya va tromboembolik asoratlar xavfini oshiradi. Ko'pincha nojo'ya reaksiyalar yuborish tezligi yuqori bo'lganda, gipo- va agammaglobulinemiyada (IgA tanqisligi fonida yoki usiz), immunoglobulin birinchi marta yuborilganda yoki, kamdan-kam hollarda, boshqa immunoglobulin yuborishga o'tishda yoki oxirgi infuziyadan keyin uzoq vaqt o'tganda yuzaga kelishi mumkin.

Preparatni birinchi marta yuborishni sekin, 0,016 ml/kg/daq tezlikdan oshmagan holda o'tkazish kerak. Ilgari immunoglobulin preparatlarini olmagan, muqobil preparat bilan davolash olgan yoki oxirgi immunoglobulin yuborilgandan keyin uzoq tanaffus bo'lgan bemorlarga ayniqsa sinchkov kuzatuv talab etiladi. Bunday bemorlarga birinchi infuziyaning butun davri mobaynida, shuningdek yuborish tugagandan so'ng 1 soat davomida nazorat talab etiladi. Qolgan bemorlar infuziyaning birinchi 20 daqiqasi davomida kuzatuv ostida bo'lishlari kerak.

Har bir yuborishda preparat seriya raqamini qayd etish tavsiya etiladi.

Davolash davrida bemor qonida turli passiv o'tkazilgan antitelalarning vaqtinchalik oshishi serologik testlarning soxta musbat natijalariga olib kelishi mumkin.

Eritrotsitar antigenlarga (masalan, A, B yoki D) antitelalarning passiv o'tkazilishi eritrotsitar allo-antitelalar bilan ba'zi serologik testlar natijalarining o'zgarishiga olib kelishi (masalan, Kumbs sinamasi), retikulotsitlar va gaptoglobin soniga ta'sir qilishi mumkin.

Oktagam^® preparatida mavjud bo'lgan maltoza laboratoriya aniqlashda qon va siydikdagi glyukoza miqdori ko'rsatkichlariga ta'sir ko'rsatishi mumkin.

Odam qoni yoki plazmasidan olingan preparatlar qo'llanilganda infektsion kasalliklar yuqish ehtimolini to'liq istisno qilib bo'lmaydi. Bu shuningdek ilgari noma'lum bo'lgan tabiatli infektsiyalar qo'zg'atuvchilariga ham tegishli.

Oktagam^® preparatini ishlab chiqarishda viruslarning transfuzion o'tishini istisno qilishga qaratilgan quyidagi choralar qo'llaniladi: sog'lom donorlarni tanlab olish, har bir plazma porsiyasini va plazma pulini gepatit B virusi antigeni, OIV 1 va 2 ga antitelalar, gepatit C ga testlash; plazma fraktsiyalarini gepatit C virusi genetik materiali mavjudligiga tahlil qilish; virus modelida samaradorligi tasdiqlangan, preparatni ishlab chiqarish jarayoniga kiritilgan solvent/detergent tizimini qo'llash bilan viruslarni olib tashlash/inaktivatsiya qilishning maxsus muolajalari. Ushbu muolajalar odam immunitet tanqisligi viruslari, gepatit B va C viruslarini olib tashlash/inaktivatsiya qilish uchun samarali, ammo gepatit A virusi va parvovirus B19 kabi qobiqsiz viruslarga nisbatan cheklangan samaradorlikka ega bo'lishi mumkin.

Avtotransportni haydash va mexanizmlarni boshqarish qobiliyatiga ta'siri

Avtotransportni haydash va diqqatni yuqori jamlashni va psixomotor reaksiyalar tezligini talab qiladigan boshqa faoliyatga ta'sir qilmaydi.

— gomologik immunoglobulinlarga o'zlashtiraolmaslik yoki yuqori sezuvchanlik, ayniqsa bemorda IgA ga antitanachalar mavjud bo'lgan immunoglobulin A (IgA) tanqisligining juda kam uchraydigan holatlarida.

Oktagamni yuborish qizamiq, chechak, qizilcha, epidemik parotit va suvchechakka qarshi tirik susaytiruvchi virusli vaksinalarning samaradorligini 6 haftadan 3 oygacha bo'lgan davrda kamaytirishi mumkin. Tirik susaytiruvchi vaksinalar bilan emlashdan oldin preparat qo'llanilgandan keyin kamida 3 oy o'tishi kerak. Qizamiqda bu ta'sir 1 yilgacha saqlanib qolishi mumkin. Shu munosabat bilan emlashdan 4-12 oy oldin preparat olgan shaxslarda qizamiq vaksinasini qo'llashdan oldin qizamiqqa qarshi antitanalar titrini tekshirish zarur.

Oktagamni emizikli bolalarda kalsiy glyukonati bilan bir vaqtda qo'llash mumkin emas.

Farmatsevtik o'zaro ta'sir

Oktagam^® ni boshqa dori preparatlari bilan aralashtirish mumkin emas.

Dozalar va terapiya davomiyligi individual ravishda, ko'rsatmalar va aniq bemorning farmakokinetik parametrlariga qarab belgilanadi. Tavsiya sifatida preparatni quyidagi dozalarda qo'llash mumkin.

Birlamchi immunitet tanqisligida o'rinbosar terapiya: yuborish rejimi plazmadagi IgG ning muvozanatli darajasiga 4-6 g/l chegarasida erishishga yordam berishi kerak (aniqlashni har bir keyingi infuziyadan oldin o'tkazish kerak). Davolash boshlangan paytdan boshlab buning uchun 3-6 oy talab etiladi. Tavsiya etilgan boshlang'ich doza klinik vaziyatga qarab (masalan, o'tkir infektsiyada) 400-800 mg/kg ni tashkil qiladi, keyinchalik har 3 haftada 200 mg/kg dan yuboriladi. 6 g/l darajaga erishish uchun zarur bo'lgan doza oyiga 200 dan 800 mg/kg gachani tashkil qiladi. Barqaror darajaga erishilganda yuborishlar orasidagi interval 2 dan 4 haftagacha.

Mielom kasalligida yoki og'ir ikkilamchi gipogammaglobulinemiya va takrorlanuvchi infektsiyalar bilan kechuvchi surunkali limfoleykozda o'rinbosar terapiya; tug'ma OIV-infektsiyasi va takrorlanuvchi infektsiyalari bo'lgan bolalarda: tavsiya etilgan doza har 3-4 haftada 200-400 mg/kg ni tashkil qiladi.

Idiopatik trombotsitopenik purpura: o'tkir epizodlarni davolashda – 1-kuni 0,8-1 g/kg, zarurat bo'lganda – 3-kuni takroran yuborish yoki 2-5 kun davomida 400 mg/kg/sut. Davolashni takroriy epizod bo'lganda takrorlash mumkin.

Giyen-Barre sindromi: 3-7 kun davomida >400 mg/kg/sut.

Kavasaki kasalligi: 2-5 kun davomida teng dozalarda 1,6-2 g/kg yoki bir marta 2 g/kg dozada yuboriladi. Bemorlar bir vaqtning o'zida atsetilsalitsil kislotasini qabul qilishlari kerak.

Suyak iligi transplantatsiyasi: immunoglobulinni tayyorgarlik terapiyasining komponenti sifatida, shuningdek transplantatsiyadan keyin qo'llash mumkin. Doza individual ravishda belgilanadi. Tavsiya etilgan boshlang'ich doza haftasiga 500 mg/kg ni tashkil qiladi. Davolash davomiyligi - transplantatsiyadan keyin 3 oy.

Eritmani yuborish qoidalari

Oktagam^® v/i ga boshlang'ich 0,75-1 ml/daq tezlikda 15 daqiqa davomida (15 tomchi/daq), so'ngra - keyingi 15 daqiqada 1,2-1,5 ml/daq (25 tomchi/daq) yuborilishi kerak. Agar bunda qandaydir nojo'ya reaktsiyalar qayd etilmagan bo'lsa, qolgan qismini yuborish tezligini maksimal mumkin bo'lgangacha oshirish mumkin - 3 ml/daq (54 tomchi/daq).

Yuborishdan oldin eritmani xona haroratigacha yoki tana haroratigacha yetkazish kerak.

Infuziyani Oktagam^® ni boshqa preparatlar bilan aralashtirmasdan, v/i yuborish uchun alohida tizim orqali o'tkazish kerak.

Loyqa va cho'kmasi bor eritma qo'llashga yaroqsiz. Har qanday qolgan eritma miqdorini yo'q qilish kerak.