ROAKKUTAN kapsulalar 20mg N30

Izotretinoin va uning metabolitlarining kinetikasi chiziqli xususiyatga ega bo'lganligi sababli, terapiya davomida uning plazmadagi kontsentratsiyasini bir martalik qabul qilishdan olingan ma'lumotlarga asoslanib bashorat qilish mumkin. Preparatning bu xususiyati shuningdek, u dori vositalari metabolizmida ishtirok etadigan jigar fermentlari faolligiga ta'sir qilmasligini ko'rsatadi.

So'rilishi

Izotretinoinning me'da-ichak yo'llaridan so'rilishi o'zgaruvchan. Izotretinoinning mutlaq biokiraolishligi aniqlanmagan, chunki odamlarda vena ichiga yuborish uchun preparatning chiqarilish shakli mavjud emas. Biroq, itlarda o'tkazilgan tajribada olingan ma'lumotlarni ekstrapolyatsiya qilish juda past va o'zgaruvchan tizimli biokiraolishlikni taxmin qilishga imkon beradi. Akne bilan kasallangan bemorlarda 80 mg izotretinoin och qoringa qabul qilingandan so'ng muvozanatli holatda plazmadagi maksimal kontsentratsiyalar (C_max) 310 ng/ml ni (diapazon 188-473 ng/ml) tashkil qilgan va 2-4 soatdan keyin erishilgan. Plazmadagi izotretinoin kontsentratsiyasi qondagi kontsentratsiyadan taxminan 1,7 baravar yuqori, bu izotretinoinning eritrotsitlarga yomon kirib borishi oqibatidir.

Izotretinoinni ovqat bilan qabul qilish och qoringa qabul qilishga nisbatan biokiraolishlikni 2 baravar oshiradi.

Taqsimlanishi

Izotretinoin yuqori darajada (99,9%) plazma oqsillari, asosan albuminlar bilan bog'lanadi, shuning uchun terapevtik kontsentratsiyalarning keng diapazonida preparatning erkin (farmakologik faol) fraktsiyasi uning umumiy miqdorining 0,1% idan kamrog'ini tashkil qiladi.

Odamda izotretinoinning taqsimlanish hajmi aniqlanmagan, chunki vena ichiga yuborish uchun dori shakli mavjud emas.

Og'ir akne bilan kasallangan, sutkada 2 marta 40 mg dan preparat qabul qilgan bemorlarda qonda izotretinoinning muvozanatli kontsentratsiyalari (C _{ss min}) 120 dan 200 ng/ml gacha o'zgarib turgan.

Ushbu bemorlarda 4-okso-izotretinoin kontsentratsiyasi izotretinoinnikidan 2,5 baravar yuqori bo'lgan. Odamda izotretinoinning to'qimalarga kirib borishi to'g'risida ma'lumotlar yetarli emas. Epidermisda izotretinoin kontsentratsiyasi zardobdagidan ikki baravar past.

Metabolizmi

Ichga qabul qilingandan so'ng plazmada uchta asosiy metabolit aniqlanadi: 4-okso-izotretinoin, tretinoin (to'liq trans-retino kislotasi) va 4-okso-retinoin. Asosiy metabolit 4-okso-izotretinoin hisoblanadi, uning plazmadagi kontsentratsiyasi muvozanatli holatda dastlabki preparat kontsentratsiyasidan 2,5 baravar yuqori. Kamroq ahamiyatga ega metabolitlar, shu jumladan glyukuronidlar ham aniqlangan, ammo barcha metabolitlarning tuzilishi aniqlanmagan.

Izotretinoin metabolitlari biologik faollikka ega bo'lib, bu bir nechta laboratoriya testlarida tasdiqlangan. Shunday qilib, bemorlarda preparatning klinik samaralari izotretinoin va uning metabolitlarining farmakologik faolligi natijasi bo'lishi mumkin.

In vivo sharoitda izotretinoin va tretinoin (to'liq trans-retino kislotasi) bir-biriga qaytar aylanganligi sababli, tretinoin metabolizmi izotretinoin metabolizmi bilan bog'liq. Izotretinoin dozasining 20-30% i izomerizatsiya yo'li bilan metabolizmga uchraydi.

Odamda izotretinoin farmakokinetikasida enterojigar aylanishi muhim rol o'ynashi mumkin.

In vitro metabolizm tadqiqotlari shuni ko'rsatdiki, izotretinoinning 4-okso-izotretinoin va tretinoinga aylanishida bir nechta CYP fermentlari ishtirok etadi. Aftidan, izoformalarning hech biri bunda dominant rol o'ynamaydi. Roakkutan va uning metabolitlari CYP tizimi fermentlari faolligiga sezilarli ta'sir ko'rsatmaydi.

Chiqarilishi

Radioaktiv nishonlangan izotretinoin ichga qabul qilingandan so'ng siydik va axlatda taxminan bir xil miqdor aniqlanadi. Akne bilan kasallangan bemorlarda o'zgarmagan preparat uchun terminal fazaning yarim chiqarilish davri o'rtacha 19 soatni tashkil qiladi. 4-okso-izotretinoin uchun terminal fazaning yarim chiqarilish davri, aftidan, kattaroq va o'rtacha 29 soatga teng.

Izotretinoin tabiiy (fiziologik) retinoidlarga kiradi. Retinoidlarning endogen kontsentratsiyalari Roakkutan qabul qilish to'xtatilgandan taxminan 2 hafta o'tgach tiklanadi.

Maxsus klinik holatlarda farmakokinetikasi

Jigar funktsiyasi buzilganda izotretinoin qo'llash mumkin emasligi sababli, ushbu guruh bemorlarida preparatning farmakokinetikasi to'g'risidagi ma'lumotlar cheklangan.

Buyrak yetishmovchiligi izotretinoin farmakokinetikasiga ta'sir qilmaydi.

Husnbuzar kasalligini tizimli davolash uchun retinoid.

Izotretinoin - to'liq trans-retinoy kislotaning (tretinoin) stereoizomeri.

Roakkutanning aniq ta'sir mexanizmi hali aniqlanmagan, ammo akne og'ir shakllarining klinik manzarasi yaxshilanishi yog' bezlari faolligini bostirish va ularning o'lchamlarini gistologik tasdiqlangan kamayishi bilan bog'liqligi aniqlangan. Bundan tashqari, izotretinoinning teriga yallig'lanishga qarshi ta'siri isbotlangan.

Soch piyozchasi va yog' bezi epiteliysi hujayralarining giperkeratozi korneotsitlarning bez yo'liga ko'chishi va uning keratin va ortiqcha yog' sekreti bilan tiqilib qolishiga olib keladi. Buning ortidan komedon hosil bo'lishi va ba'zi hollarda yallig'lanish jarayonining qo'shilishi kuzatiladi. Roakkutan sebotsitlar proliferatsiyasini bostiradi va hujayralar differentsiatsiyasining normal jarayonini tiklab, aknega ta'sir qiladi. Teri yog'i – Propionibacterium acnes o'sishi uchun asosiy substrat, shuning uchun teri yog'i hosil bo'lishining kamayishi yo'lning bakterial kolonizatsiyasini bostiradi.

Roakkutanning ko‘pchilik nojo‘ya ta’sirlari dozaga bog‘liq. Qoida tariqasida, tavsiya etilgan dozalar buyurilganda foyda va xavf nisbati, kasallik og‘irligini inobatga olgan holda, bemor uchun maqbuldir. Odatda nojo‘ya ta’sirlar doza korreksiyasi yoki preparat bekor qilingandan so‘ng qaytuvchan xarakterga ega, ammo ba’zilari davolash to‘xtatilgandan keyin ham saqlanib qolishi mumkin.

MNS va ruhiy soha tomonidan: xulq-atvor buzilishi, depressiya, bosh og‘rig‘i, kalla ichi bosimining oshishi («bosh miya soxta o‘smasi»: bosh og‘rig‘i, ko‘ngil aynishi, qusish, ko‘rishning buzilishi, ko‘rish nervi shishi), talvasa xurujlari.

Sezgi a’zolari tomonidan: ko‘rish o‘tkirligi buzilishining alohida holatlari, yorug‘likdan qo‘rqish, qorong‘uga moslashishning buzilishi (shom ko‘rish o‘tkirligining pasayishi), kam hollarda – rang ajratishning buzilishi (preparat bekor qilingandan so‘ng o‘tib ketuvchi), lentikulyar katarakta, keratit, blefarit, kon’yunktivit, ko‘z ta’sirlanishi, ko‘rish nervi shishi (kalla ichi gipertenziyasi ko‘rinishi sifatida); ma’lum tovush chastotalarida eshitishning buzilishi.

Ovqat hazm qilish tizimi tomonidan: ko‘ngil aynishi, diareya, ichak yallig‘lanish kasalliklari (kolit, ileit), qon ketishlar; pankreatit (ayniqsa 800 mg/dl dan yuqori yondosh gipertriglitseridemiyada). O‘lim bilan yakunlangan kam uchraydigan pankreatit holatlari ta’riflangan. Jigar transaminazalari faolligining tranzitor va qaytuvchan oshishi, alohida gepatit holatlari. Ko‘p hollarda o‘zgarishlar me’yor chegarasidan chiqmagan va davolash jarayonida dastlabki ko‘rsatkichlarga qaytgan, ammo ba’zi vaziyatlarda dozani kamaytirish yoki Roakkutanni bekor qilish zarurati tug‘ilgan.

Qon yaratish tizimi tomonidan: anemiya, gematokritning pasayishi, leykopeniya, neytropeniya, trombotsitlar sonining ortishi yoki kamayishi, EChT tezlashishi.

Nafas olish tizimi tomonidan: kam hollarda - bronxospazm (ko‘proq anamnezda bronxial astmasi bo‘lgan bemorlarda).

Suyak-mushak tizimi tomonidan: zardobda KFK darajasi oshishi bilan yoki usiz mushaklarda og‘riqlar, bo‘g‘imlarda og‘riqlar, giperostoz, artrit, bog‘lamlar va paylarning ohaklanishi, suyaklardagi boshqa o‘zgarishlar, tendinitlar.

Dermatologik reaksiyalar: toshma, qichishish, yuz eritemasi/dermatit, terlash, piogen granuloma, paronixiyalar, onixodistrofiyalar, granulyatsiya to‘qimasining kuchli o‘sib ketishi, sochlarning turg‘un yupqalashishi, sochlarning qaytuvchan to‘kilishi, aknening fulminant shakllari, hirsutizm, giperpigmentatsiya, fotosensibilizatsiya, fotoallergiya, terining yengil jarohatlanuvchanligi. Davolash boshida aknening zo‘rayishi yuz berishi mumkin, bir necha hafta saqlanib turadi.

Gipervitaminoz A bilan bog‘liq effektlar: teri, shilliq qavatlar, sh.j. lablar (xeylit), burun bo‘shlig‘i (qonashlar), halqum-tomoq (ovoz bo‘g‘ilishi), ko‘z (kon’yunktivit, shox pardaning qaytuvchan xiralashishi va kontakt linzalarni ko‘tara olmaslik) qurishi.

Laborator ko‘rsatkichlar: gipertriglitseridemiya, giperxolesterinemiya, giperurikemiya, yuqori zichlikdagi lipoproteinalar darajasining pasayishi, kam hollarda – giperglikemiya. Roakkutan qabul qilish davomida birinchi marta aniqlangan qandli diabet holatlari qayd etilgan. Ba’zi bemorlarda, ayniqsa intensiv jismoniy yuklama bilan shug‘ullanuvchilarda, zardobda KFK faolligining oshishi bo‘yicha alohida holatlar ta’riflangan.

Immun tizimi tomonidan: grammusbat qo‘zg‘atuvchilar (Staphylococcus aureus) chaqirgan mahalliy yoki tizimli infeksiyalar.

Boshqalar: limfadenopatiya, gematuriya, proteinuriya, vaskulit (Vegener granulematozi, allergik vaskulit), tizimli o‘ta yuqori sezuvchanlik reaksiyalari, glomerulonefrit.

Postmarketing kuzatuv

Postmarketing kuzatuv davomida Roakkutan qo‘llanilganda ko‘p shaklli eritema,Stivens-Djonson sindromi, toksik epidermal nekroliz (shuningdek «Maxsus ko‘rsatmalar» bo‘limiga qarang) kabi og‘ir teri reaksiyalari rivojlanishi holatlari ta’riflangan.

Roakkutanni faqat tizimli retinoidlarni qo‘llash tajribasiga ega bo‘lgan va preparatning teratogenlik xavfini biladigan shifokorlar, afzalrog‘i dermatologlar tayinlashlari kerak. Ayol va erkak jinsidagi bemorlarga bemor uchun ma'lumotnoma risolasining nusxasini berish zarur.

Preparatning boshqa odamlar organizmiga tasodifiy ta'sirini oldini olish uchun Roakkutan olayotgan yoki yaqinda (1 oy) olgan bemorlardan donorlik qonini olish mumkin emas.

Jigar funksiyasi va jigar fermentlarini davolashdan oldin, u boshlangandan 1 oy o‘tgach, keyin esa har 3 oyda yoki ko‘rsatmalar bo‘yicha nazorat qilish tavsiya etiladi. Jigar transaminazalarining o‘tkinchi va qaytuvchan oshishi qayd etilgan, ko‘pchilik hollarda normal qiymatlar chegarasida. Agar jigar transaminazalari darajasi normadan oshsa, preparat dozasini kamaytirish yoki uni bekor qilish kerak.

Shuningdek zardobdagi lipidlar darajasini och qoringa davolashdan oldin, u boshlangandan 1 oy o‘tgach, keyin esa har 3 oyda yoki ko‘rsatmalar bo‘yicha aniqlash kerak. Odatda lipidlar konsentratsiyasi dozani kamaytirgandan yoki preparat bekor qilingandan so‘ng, shuningdek dietaga rioya qilinganda normallashadi. Trigliseridlar darajasining klinik ahamiyatli oshishini nazorat qilish zarur, chunki ularning 800 mg/dl yoki 9 mmol/l dan yuqori ko‘tarilishi o‘tkir pankreatit rivojlanishi bilan kechishi mumkin, o‘lim holati ehtimoli mavjud. Turg‘un gipertrigliseridemiya yoki pankreatit simptomlarida Roakkutanni bekor qilish kerak.

Kamdan-kam hollarda Roakkutan olgan bemorlarda depressiya, psixotik simptomatika va juda kam hollarda - o‘z joniga qasd qilishga urinishlar ta'riflangan. Garchi ularning preparatni qo‘llash bilan sabab-oqibat bog‘liqligi aniqlanmagan bo‘lsa-da, anamnezida depressiya bo‘lgan bemorlarda alohida ehtiyotkorlikka rioya qilish va barcha bemorlarni preparat bilan davolash davomida depressiya yuzaga kelishiga kuzatish, zarurat tug‘ilganda ularni tegishli mutaxassisga yo‘naltirish kerak. Biroq, Roakkutanni bekor qilish simptomlarning yo‘qolishiga olib kelmasligi mumkin va mutaxassisda keyingi kuzatuv va davolash talab etilishi mumkin.

Kamdan-kam hollarda terapiya boshida akne zo‘rayishi qayd etiladi, u 7-10 kun ichida preparat dozasini to‘g‘irlashsiz o‘tib ketadi.

Diskeratozlarni davolash uchun Roakkutan qo‘llanilgandan bir necha yil o‘tgach, umumiy kurs dozasi va terapiya davomiyligi akneni davolash uchun tavsiya etilganidan yuqori bo‘lganda, suyak o‘zgarishlari, shu jumladan o‘sish zonalarining muddatidan oldin yopilishi, giperostoz, boylamlar va paylarning kalsifikatsiyasi rivojlangan. Shuning uchun har qanday bemorga preparatni tayinlashda ehtimoliy foyda va xavf nisbatini oldindan sinchkovlik bilan baholash kerak.

Roakkutan olayotgan bemorlarga terapiya boshida teri va shilliq qavatlarning qurishini kamaytirish uchun tana uchun namlantiruvchi maz yoki krem, lablar uchun balzam ishlatish tavsiya etiladi.

Roakkutan preparatini qo‘llashda postmarketing kuzatuv davomida ko‘p shaklli eritema, Stivens-Djonson sindromi, toksik epidermal nekroliz kabi og‘ir teri reaksiyalari rivojlanishi holatlari ta'riflangan. Ushbu holatlar jiddiy xarakterga ega bo‘lishi va mehnat qobiliyatini yo‘qotish, hayotga xavf soluvchi holatlar, gospitalizatsiya yoki o‘limga olib kelishi mumkin. Roakkutan olayotgan bemorlar og‘ir teri reaksiyalarini aniqlash va zarurat tug‘ilganda preparatni bekor qilish masalasini hal qilish maqsadida sinchkov kuzatuvga muhtoj bo‘ladilar.

Roakkutan qabul qilish fonida mushaklar va bo‘g‘imlarda og‘riqlar, qon zardobida kreatinfosfokinaza oshishi mumkin, bu jismoniy yuklamani o‘zlashtira olishning pasayishi bilan kechishi mumkin.

Roakkutan olayotgan bemorlarda chuqur kimyoviy dermoabraziya va lazer bilan davolashni o‘tkazishdan saqlanish kerak, shuningdek davolash tugagandan keyin 5-6 oy davomida, chunki atipik joylarda chandiqlanish kuchayishi va giper- hamda gipopigmentatsiya yuzaga kelishi mumkin. Roakkutan bilan davolash davomida va undan keyin 6 oy davomida mumli applikatsiyalar yordamida epilyatsiya o‘tkazish mumkin emas, chunki epidermis ko‘chishi, chandiqlar va dermatit rivojlanishi xavfi mavjud.

Ba'zi bemorlarda tungi ko‘rish o‘tkirligining pasayishi kuzatilishi mumkinligi sababli, bu ba'zan terapiya tugagandan keyin ham saqlanib qoladi, bemorlarni ushbu holat ehtimoli haqida xabardor qilish, ularga tunda avtomobilni haydashda ehtiyotkorlikka rioya qilishni tavsiya etish kerak. Ko‘rish o‘tkirligi holatini sinchkovlik bilan nazorat qilish kerak.

Ko‘z kon'yunktivasining qurishi, shox pardaning xiralashishi, tungi ko‘rishning yomonlashishi va keratit odatda preparat bekor qilingandan so‘ng o‘tib ketadi. Ko‘z shilliq qavati qurishida namlantiruvchi ko‘z mazi yoki sun'iy ko‘z yoshi preparatini qo‘llash mumkin. Kon'yunktiva qurishi bo‘lgan bemorlarni keratit rivojlanishi ehtimoli yuzasidan kuzatish zarur. Ko‘rishdan shikoyat qilgan bemorlarni oftalmologga yuborish va Roakkutanni bekor qilish maqsadga muvofiqligi masalasini ko‘rib chiqish kerak. Kontakt linzalarni o‘zlashtira olmaslikda terapiya vaqtida ko‘zoynak taqish kerak.

Quyosh va UB-nurlari ta'sirini cheklash kerak. Zarurat tug‘ilganda kamida 15 SPF yuqori himoya faktoriga ega quyoshdan himoyalovchi kremdan foydalanish kerak.

Xavfsiz kalla ichi gipertenziyasi («bosh miyaning soxta o‘smasi») rivojlanishining kamdan-kam holatlari ta'riflangan, sh.j. tetratsiklinlar bilan birga qo‘llanilganda. Bunday bemorlarda Roakkutanni darhol bekor qilish kerak.

Roakkutan bilan terapiyada ichakning yallig‘lanish kasalligi yuzaga kelishi mumkin. Yaqqol gemorragik diareyasi bo‘lgan bemorlarda Roakkutanni darhol bekor qilish zarur.

Anafilaktik reaksiyalarning kamdan-kam holatlari ta'riflangan, ular faqat retinoidlarni oldingi sirtga qo‘llashdan keyin yuzaga kelgan. Og‘ir allergik reaksiyalar preparatni bekor qilishni va bemorni sinchkovlik bilan kuzatishni taqozo etadi.

Yuqori xavf guruhidagi bemorlarga (qandli diabet, semizlik, surunkali alkogolizm yoki yog‘ almashinuvi buzilishlari bo‘lgan) Roakkutan bilan davolashda glyukoza va lipidlar darajasini tez-tez laborator nazorat qilish talab etilishi mumkin.

Diabet mavjud bo‘lganda yoki unga shubha qilinganda glikemiyani tez-tez aniqlash tavsiya etiladi.

• jigar yetishmovchiligi;
• A gipervitaminozi;
• yaqqol giperlipidemiya;
• tetratsiklinlar bilan yondosh terapiya;
• homiladorlik;
• emizish davri;
• 12 yoshgacha bo‘lgan bolalar;
• preparatga yoki uning komponentlariga yuqori sezuvchanlik.

Ehtiyotkorlik bilan: anamnezda depressiya, qandli diabet, semizlik, lipid almashinuvining buzilishi, alkogolizm.

Gipervitaminoz A belgilari kuchayishi ehtimoli tufayli Roakkutan va A vitaminini bir vaqtda buyurishdan saqlanish kerak.
Tetratsiklinlar ham bosh miya ichki bosimi oshishini keltirib chiqarishi mumkinligi sababli, ularni Roakkutan bilan birga qo'llash mumkin emas.
Izotretinoin progesteron preparatlari samaradorligini susaytirishi mumkin, shuning uchun progesteronning kichik dozalarini saqlovchi kontraseptiv vositalardan foydalanmaslik kerak.
Akne davolash uchun mahalliy keratolitik yoki eksfoliativ preparatlar bilan birga qo'llash mahalliy ta'sirlanish kuchayishi ehtimoli tufayli mumkin emas.

Ichga, ovqat vaqtida kuniga bir yoki ikki marta.

Roakkutanning terapevtik samaradorligi va uning nojo'ya ta'sirlari dozaga bog'liq va turli bemorlarda o'zgarib turadi. Bu davolash davomida dozani individual tanlash zarurligini taqozo etadi.

Roakkutan bilan davolashni 0,5 mg/kg tana vazniga/sut dozasidan boshlash kerak. Ko'pchilik bemorlarda doza sutkasiga 0,5 dan 1,0 mg/kg tana vazniga oralig'ida o'zgarib turadi. Kasallikning juda og'ir shakllari yoki tana aknesi bo'lgan bemorlarga yuqoriroq sutkalik dozalar - 2,0 mg/kg/sut gacha talab qilinishi mumkin. Remissiya chastotasi va qaytalanishlarni oldini olish kurs dozasi 120 -150 mg/kg (davolash kursiga) ishlatilganda optimal ekanligi isbotlangan, shuning uchun muayyan bemorlarda terapiya davomiyligi sutkalik dozaga qarab o'zgaradi. Akne to'liq remissiyasiga ko'pincha 16-24 haftalik davolashda erishish mumkin. Tavsiya etilgan dozani juda yomon o'zlashtiradigan bemorlarda davolashni kamroq dozada davom ettirish mumkin, ammo uni uzoqroq o'tkazish kerak.

Ko'pchilik bemorlarda akne bir martalik davolash kursidan keyin butunlay yo'qoladi. Yaqqol qaytalanishda Roakkutan bilan takroriy davolash kursini birinchisi kabi xuddi shunday sutkalik va kurs dozasida ko'rsatilgan. Yaxshilanish preparat bekor qilingandan keyin 8 haftagacha davom etishi mumkinligi sababli, takroriy kursni ushbu muddat tugashidan oldin tayinlamaslik kerak.

Maxsus holatlarda dozalash

Og'ir buyrak yetishmovchiligi bo'lgan bemorlarda davolashni kichikroq dozadan (masalan, 10 mg/sutka) boshlash va keyinchalik 1 mg/kg/sutkaga yoki maksimal o'zlashtiriladigan dozagacha oshirish kerak.