SEDAVIT eritma 100ml

Препаратнинг таъсири унинг таркибига кирувчи компонентларининг хусусиятларига боғлиқ. Доривор ўсимликлар экстрактларининг биологик фаол моддалари нерв тизимининг фаолиятига ижобий таъсир кўрсатади ва асосан седатив, анксиолитик самараларга эга бўлиб, қўрқув, рухий зўриқиш ҳолатларини бартараф қилади.

Препаратнинг фармакологик самарадорлиги унинг компонентларининг йиғиндисига боғлиқ, шунинг учун кинетик тадқиқотларни ўтказишнинг имконияти йўқ, чунки барча компонентларни бир вақтда маркерлар ёки биологик тадқиқотлар ёрдамида кузатиш мумкин эмас

100 мл дан орал эритма флаконларда ёки шиша банкаларда ёки полимер флаконларда ёки 200 мл дан шиша флаконларда дозатор билан картон қутига жойланган.

Алоҳида ҳолларда қуйидаги нохуш самаралар намоён бўлиши мумкин.

Аллергик реакциялар, шу жумладан гиперемия, тошма, қичишиш, шишлар, эшакеми, анафилактик реакциялар, шу жумладан анафилактик шок.

Марказий ва периферик нерв тизими томонидан: уйқучанлик, чарчоқлик, бош айланиши, руҳий тушкунлик ҳолати, қўзғалиш, бош оғриғи, парестезия, ҳолсизлик, иш қобилиятини сусайиши.

Овқат ҳазм қилиш йўллари томонидан: кўнгил айниши, қоринда оғриқ ва спазмлар, қусиш, жиғилдон қайнаши, меъда шираси ажралиб чиқишини кўпайиши, ичак фаолиятини бузилиши (диарея, қабзият).

Юрак-қон томир тизими томонидан: брадикардия, артериал босимни пасайиши, тахикардия, аритмия.

Тери томонидан: сезгир одамларда фотосенсибилизация, дерматит, терини қуриши.

Таянч-ҳаракат аппарати томонидан: оёқ-қўлларни увишиши, мушакларнинг кучсизлиги.

Моддалар алмашинуви томонидан: юқори дозаларда узоқ вақт қўлланганида – глюкозага толерантликни пасайиши.

Биокимёвий кўрсаткичларни нормадан оғиши: қонда аспартатаминотрансфераза (АСТ), лактатдегидрогеназа (ЛДГ), ишқорий фосфотаза, глюкоза даражасини ошиши, гиперурикемия.

Препарат таркибига сорбит киради. Фруктозани ўзлаштираолмаслик ёки глюкозо-галактоз мальабсорбция каби кам учрайдиган наслик касалликлари бўлган пациентлар ушбу препаратни қабул қилмасликлари керак.

Препаратни қўллаганда, айниқса оқ танли пациентлар узоқ вақт ультрабинафша нурланишдан (қуёш ванналари, солярий, диатермия) сақланишлари керак.

Меъда-қизилўнгач рефлюкси (жиғилдон қайнаши) бўлган пациентларда жиғилдон қайнаши кучайиши мумкин. Артериал босими барқарор бўлмаган ва қандли диабети бўлган пациентларда эҳтиёткорлик билан қўллаш лозим. Артериал босим ва қонда глюкоза даражасини назорат қилиш керак.

Алкоголь билан қабул қилинмасин.

Ҳомиладорлик ёки эмизиш даврида қўлланиши. Препаратни ҳомиладорлик ёки эмизиш даврида қўллаш мумкин эмас.

Педиатрияда қўлланиши. Седавит препаратнинг хавфсизлиги ва самарадорлиги 12 ёшгача болаларда аниқланмаган, шунинг учун препаратни 12 ёшдан ошган болаларда қўллаш мумкин.

Автотранспортни бошқаришда ёки бошқа механизмлар билан ишлашда реакция тезлигига таъсир қилиш қобилияти. Препаратни қўллаганда транспорт воситаларини бошқариш ва потенциал хавфли механизмлар билан ишлашдан сақланиш керак.

Препарат болалар ололмайдиган жойда сақлансин ва яроқлилик муддати ўтгач қўлланилмасин.

Таъсирчанлик, хавотирлик, қўрқув, чарчоқлик, паришонлик, хотирани бузилиши, рухий ҳолдан тойиш билан кечувчи доимий рухий зўриқиш (менеджер синдроми); гипертензив ва кардиал типидаги нейроциркулятор дистония; астеник синдром (гиперстеник шакли); артериал гипертензия I босқичи; уйқусизлик (енгил шакллари); қичишувчи дерматозлар (экзема, эшакеми); асабни зўриқиши билан боғлиқ бўлган бош оғриқлари; мигрень; климактерик синдромида ва дисменореянинг енгил шаклларида симптоматик воситаси сифатида; шунингдек қалқонсимон бези касалликларида ва қандли диабетда (декомпенсацияланган қандли диабетдан ташқари) пайдо бўлувчи симптомларни даволаш учун қўлланади.

Препаратнинг компонентларига шахсий юқори сезувчанлик, депрессия ва марказий нерв тизими фаолиятини сусайиши билан кечувчи ҳолатлар, бронхиал астма, спазмофилия, яққол артериал гипотензия, брадикардия, миастения, меъда ва ўн икки бармоқ ичакнинг яра касаллиги, юрак ишемик касаллиги, жигар касалликлари, гиперурикемия, подагра, декомпенсацияланган қандли диабет, сийдик-тош касаллиги.

Препарат марказий нерв тизимига сусайтирувчи таъсир кўрсатувчи моддалар, шунингдек алкоголнинг таъсирини кучайтиради. Леводопа ва пиридоксин гидрохлоридининг таъсири ўзаро сусайиши мумкин.

Циклосерин, гидралазин, изониазид, пенициламин ва перорал контрацептивларни бир вақтда қабул қилиш пиридоксинга бўлган эҳтиёжни оширади.

Тешик далачой цитохром Р450 3А4, 1А2 ва 2С9 изоферментларининг индукциясини чақириши мумкин, бу бир вақтда қабул қилинадиган ва бу изоферментлар томонидан метаболизмга учрайдиган бошқа препаратларнинг таъсирини камайишини чақириши мумкин. Шунинг учун препаратни қуйидагилар билан бир вақтда қўллаш тавсия этилмайди:

-     индинавир ёки бошқа антиретровирус препаратлар;

-     циклоспорин, дигоксин, теофиллин, иринотекан, такролимус, гиполипидемик воситалар (симвастатин), фексофенадин, трициклик антидепрессантлар (амитриптилин, нортриптилин), тутқаноққа қарши воситалар (карбамазепин, фенобарбитал, фенитоин), серотонинни қайта нейронал қамраб олинишининг селектив ингибиторлари (циталопрам, флувоксамин, сертралин, пароксетин), буспирин, шунингдек триптанлар (суматриптан, наратриптан, золмитриптан) ва гипотензив воситалар (кальций каналлари блокаторлари);

-     варфарин ва бошқа антикоагулянтлар – кумарин ҳосилалари;

-     перорал контрацептивлар (мунтазам бўлмаган қон кетишларни пайдо бўлиши билан кечувчи ҳомилага қарши воситаларнинг самарадорлигини сусайиши туфайли исталмаган ҳомиладорлик юз бериши мумкин).

Юрак гликозидлари билан бирга қўллаш тавсия этилмайди.

Диуретиклар – пиридоксин билан бирга қўлланилганда диуретикларнинг таъсири кучаяди.

Ухлатувчи ва седатив воситалар – пиридоксин билан мажмуавий қўлланилганда ухлатувчи самараси пасаяди.

Паркинсонга қарши воситалар - пиридоксин билан мажмуавий қўлланилганда Паркинсон касаллигини даволаш учун воситаларнинг самарадорлиги камаяди.

Кортикостероидлар - пиридоксин билан мажмуавий қўлланилганда организмда В₆ витаминининг миқдори камаяди.

Никотин кислотасини антитромботик воситалар ёки ацетилсалицил кислотаси билан бир вақтда қўлланилганда қон кетиши ривожланиши хавфи мавжуд.

Гипотензив воситалар билан қўлланилганда артериал гипотензияни кучайишига олиб келади. Гиполипидемик воситалар билан қўлланилганда препаратнинг токсик самараларини кучайиши, спазмолитиклар билан қўлланилганда – спазмолитикларнинг самарасини кучайиши кузатилади.

Метилдопа билан бир вақтда қўллаш артериал босимни аҳамиятли пасайишига, пробенецид билан – пробенециднинг самарасини камайишига олиб келади.

Катталарга ва 12 ёшдан ошган болаларга препарат ичга суткада 3 марта 5 мл дан буюрилади. Зарурати бўлганида бир марталик доза 10 мл гача оширилади. Нерв тизими томонидан нохуш реакциялар (уйқучанлик, бош айланиши) пайдо бўлганда эрталаб ва кундузи 2,5 мл дан ва кечасига 5 мл дан буюрилади. Қабул қилишлар орасидаги интервал - 8 соат. Мумкин бўлган эмоционал юкланишдан 20-30 минут олдин препарат 5-10 мл дан бир марта қабул қилиниши мумкин. Препарат суюлтирилмаган ҳолда ёки ичимликлар (чой, шарбат) билан бирга қабул қилиниши мумкин. Кўнгил айниши пайдо бўлган ҳолларда, препаратни овқатланиш вақтида қабул қилиш керак.

Симптомлари: ножўя самараларни кучайиши; тушкунлик ва уйқучанлик ҳисси. Кейинчалик бу симптомлар кўнгил айниши, мушакларнинг кучсизлиги, увишиш ҳисси, бўғимларда оғриқ ва меъдада оғирлик ҳисси, парестезия билан кечиши мумкин. Шунингдек никотинамид дозасини ошириб юборилишининг симптомлари (тахикардия, бош оғриғи, бош айланиши, тиришишлар, тремор, кўнгил айниши, қусиш, кўп терлаш, йўтал, тери тошмаси, артериал гипотензия) билан намоён бўлиши мумкин.

Даволаш: препаратни бекор қилиш. Шифокор буюрадиган симптоматик даволаш.