SKINOREN gel 30g 15%
SKINOREN gel 30g 15% haqida qo'llanma
Farmakokinetikasi
So'rilishi
Teri sirtiga surtilgandan so'ng azelain kislotasi tizimli qon oqimiga deyarli so'rilmaydi (5 g gel yoki krem surtilganda 3,6% dan ko'p emas).
Chiqarilishi
So'rilgan azelain kislotasining bir qismi buyraklar orqali o'zgarmagan holda, bir qismi esa beta-oksidlanish natijasida azelain kislotasidan hosil bo'lgan dikarbon kislotalar (C5, C7) ko'rinishida chiqariladi.
Nojo'ya samaralari
Mahalliy reaksiyalar: kamdan-kam hollarda (asosan davolash boshida) - mahalliy ta'sirlanish, giperemiya, po'st tashlash, eritema, achishish hissi, qichishish, ular odatda kuchli namoyon bo'lmaydi va davolash jarayonida bir necha kun ichida o'z-o'zidan o'tib ketadi.
Juda kam hollarda teri allergik reaksiyalari (toshma) bo'lishi mumkin.
Maxsus ko‘rsatmalari
Teri ta'sirlanishi hollarida gelni bir marta surtish miqdorini kamaytirish yoki preparatni qo‘llash chastotasini 1 martaga/ qisqartirish kerak; zarurat tug‘ilganda preparatni qisqa muddatga (bir necha kunga) bekor qilish mumkin.
Preparatni ko‘zga tushishidan saqlanish kerak; tasodifan tegganda - darhol suv bilan yuvish lozim.
Skinoren bilan davolash vaqtida terini UB-nurlanishdan qo‘shimcha himoya qilish talab etilmaydi.
Melazmaning epidermal va aralash epidermal-dermal turlari Skinoren kremi bilan terapiyaga yaxshi beriladi. Dermal melazmada Skinoren kremi samarasiz. Differensial diagnostika uchun Vud chirog‘idan foydalanish tavsiya etiladi.
Qo'llanilishi mumkin bo'lmagan holatlar
— preparat komponentlariga yuqori sezuvchanlik.
Dori vositalarining o'zaro ta'siri
Skinoren preparatining boshqa dori preparatlari bilan o'zaro ta'siri hozirgi vaqtgacha aniqlanmagan.
Dozirovkasi
Preparatni qo'llashdan oldin terini suv yoki yumshoq tozalovchi kosmetik vosita bilan tozalash, so'ngra quritish kerak.
Krem yoki gel terining shikastlangan joylariga yupqa qatlam qilib bir tekisda 2 marta (ertalab va kechqurun) surtiladi va yengil ishqalanadi. Preparatni yetarli miqdorda, lekin haddan tashqari ko'p bo'lmagan holda ishlatish kerak (taxminan 2,5 sm butun yuz yuzasi uchun yetarli). Preparatni butun davolash kursi davomida muntazam ravishda qo'llash kerak, uning davomiyligi kasallikning klinik manzarasi va simptomlarning yaqqollik darajasiga bog'liq). Husnbuzarlarda (acne vulgaris) yaxshilanish odatda 4 haftadan keyin kuzatiladi. Eng yaxshi natijalarga erishish uchun preparatni qo'llashni bir necha oy davomida davom ettirish kerak.
Melazmada preparat krem ko'rinishida qo'llaniladi. Terapiyaning minimal davomiyligi 3 oyni tashkil qiladi, eng yaxshi natijalarga erishish uchun Skinoren kremidan muntazam foydalanish kerak. Melazma terapiyasining butun davri davomida Skinoren bilan parallel ravishda quyosh ta'sirida kasallikning zo'rayishi va/yoki oqartirilgan joylarning takroriy pigmentatsiyasini oldini olish uchun keng spektrli quyoshdan himoyalovchi kremlarni (UVB va UVA) albatta qo'llash kerak.Dozani oshirib yuborishHozirgi vaqtgacha dozani oshirib yuborish haqida ma'lumotlar yo'q.
SKINOREN gel 30g 15% o'xshash dorilari
