Sintomitsin

- preparat komponentlariga yuqori sezuvchanlik;
- suyak iligi qon yaratishining susayishi;
- o'tkir almashinib turuvchi porfiriya;
- glyukoza-6-fosfatdegidrogenaza tanqisligi;
- jigar va/yoki buyrak yetishmovchiligi;
- qinning zamburug'li kasalliklari.

Qiz bolalarda jinsiy yetilish davri boshlangunga qadar preparat qo'llanilmaydi.

Xloramfenikol - keng ta'sir doirasiga ega bakteriostatik antibiotik, mikrob hujayrasida oqsil sintezi jarayonini buzadi (yaxshi lipofillikka ega bo'lib, bakteriyalarning hujayra membranasi orqali o'tadi va bakterial ribosomalarning 50S subbirligi bilan qaytar bog'lanadi, bunda aminokislotalarning o'sib borayotgan peptid zanjirlariga harakati to'xtatiladi, bu esa oqsil sintezining buzilishiga olib keladi).

Ko'plab grammusbat va grammanfiy bakteriyalarga, yiringli, ichak infektsiyalari, meningokokk infektsiyasi qo'zg'atuvchilariga nisbatan faol: Escherichia eoli, Shigella dysenteria, Shigella flexneri spp., Shigella boydii spp., Shigella sonnei, Salmonella spp. (shu jumladan Salmonella typhi, Salmonella paratyphi), Staphylococcus spp., Streptococcus spp. (shu jumladan Streptococcus pneumoniae), Neisseria meningitidis, Neisseria gonorrhoeae, Proteus spp. ning qator shtammlari, Burkholderia pseudomalleij Rickettsia spp., Treponema spp., Leptospira spp., Chlamydia spp. (shu jumladan Chlamydia trachomatis), Coxiella burnetii, Ehrlichia canis, Bacteroides fragilis, Klebsiella pneumoniae, Haemophilus influenzae.

Kislotaga chidamli bakteriyalarga (shu jumladan Mycobacterium tuberculosis), anaeroblarga, metitsillinga chidamli stafilokokklar shtammlariga, Acinetobacter, Enterobacter, Seiratia marcescens, Proteus spp. ning indol-musbat shtammlariga, Pseudomonas aeruginosa spp., sodda hayvonlar va zamburug'larga ta'sir qilmaydi.

Mikroorganizmlarning xloramfenikolga chidamliligi sekin rivojlanadi.

Intravaginal. Suppozitoriyni konturli o'ramdan chiqarib, chalqancha yotgan holda, qinga chuqur kiritiladi, kuniga 2-3 marta 1 suppozitoriydan. Maksimal sutkalik doza - 4 suppozitoriy.
Pubertat davriga yetgan qizlarga preparat kuniga 1-2 marta 1 suppozitoriydan tayinlanadi. O'rtacha davolash davomiyligi 8-10 kun.

Allergik reaksiyalar bo'lishi mumkin, kamdan-kam hollarda - qon yaratishning susayishi.