Kyupen

Preparatning savdo nomi: Kyupen (Qupen)

Ta’sir qiluvchi moddalar (XPN): paratsetamol va diklofenak natriy

Dori shakli: tabletkalar

Farmakoterapevtik guruhi: analgetik-antipiretik

ATX kodi: N02BE51

Chiqarilish shakli: 10 tabletka kontur-uyali o‘ramda, 10 kontur-uyali o‘ram qo‘llash bo‘yicha yo‘riqnomasi bilan karton qutida.

Dorixonalardan berish tartibi: Shifokor retsepti bo‘yicha.

Shamollash kasalliklari, bosh og‘rig‘i, nevralgiya, tish og‘rig‘i, lyumbago, osteoartroz, ishias, revmatoid artrit, radikulit, isitmali holatlar, bursitlar, tendinitlar, miozitlar, dismenoreyani va operatsiyadan keyingi og‘riqni simptomatik davolash uchun tavsiya qilinadi.

Quyidagilarda qo‘llash mumkin emas:

– me’da yara kasalligini zo‘rayishi;

– homiladorlik;

– buyrak kasalliklari;

– laktatsiya davrida;

– «aspirin uchligida» (burun va qo‘shimcha bo‘shliqlarning polipozi, NYAQV o‘zlashtiraolmaslik va bronxial astmani birga qo‘shilishi);

– 12 yoshgacha bo‘lgan bolalar.

Har bir tabletka saqlaydi:

Faol moddalar:

Paratsetamol 500 mg

Diklofenak natriy 50 mg

Yordamchi moddalar: kraxmal, jelatin, tozalangan talk, magniy stearati, natriy kraxmal glikolyati, Sunset Yellow FCF bo‘yovchisi, suvsiz kolloid kremniy dioksidi, tozalangan suv (yetarli miqdorda).

Diklofenak ovqat hazm qilish yo‘llaridan yaxshi so‘riladi. So‘rilish tezligi bir vaqtda ovqat qabul qilinganda biroz sekinlashadi. Sinovial suyuqlikka kirish qobiliyatiga ega. Metabolizmi asosan jigarda amalga oshadi. Metabolitlarining bir qismi farmakologik jihatdan faoldir. Metabolitlarini chiqarilishi asosan buyraklar orqali, qisman – safro bilan amalga oshiriladi. Diklofenakning taxminan 1% buyraklar orqali o‘zgarmagan holda chiqariladi.

Paratsetamolni ovqat hazm qilish yo‘llarida tez so‘riladi, asosan ingichka ichakda yuz beradi. Paratsetamolning metabolizmi jigarda kechadi. Almashinuv mahsulotlari buyraklar orqali chiqariladi. Preparatning 5% o‘zgarmagan holda buyraklar orqali chiqariladi.

Kyupen tabletkalari NYAQV guruhidan 2 moddani – paratsetamol va diklofenak natriy saqlaydi. Ikkala vosita ham araxidon kislotasidan siklik endoperoksidlarni hosil bo‘lishiga yordam beruvchi siklooksigenazaning faolligini susaytiradi. Siklik endoperoksidlar, yallig‘lanish va uning klinik ko‘rinishlari – og‘riq, shish, haroratni oshishini rivojlanishida ishtirok etuvchi prostaglandinlarni hosil bo‘lish jarayonida boshlang‘ich material bo‘lib xizmat qiladi.

Diklofenak prostaglandinlarni hosil bo‘lishini, siklooksigenazaning ikkala turini ham faolligini susaytirish hisobiga bostiradi. Shu yo‘l bilan kuchli og‘riq qoldiruvchi va yallig‘lanishga qarshi ta’sir ko‘rsatadi. Isitmani tushiruvchi samarasi o‘rtacha namoyon bo‘ladi. Diklofenakning og‘riq qoldiruvchi ta’sirining markaziy mexanizmi nerv tizimida prostaglandinlarni hosil bo‘lishini ingibirlashi bilan bog‘liq.

Paratsetamol asosan markaziy ta’sirga ega bo‘lib, markaziy nerv tizimida prostaglandinlarni hosil bo‘lishini susaytiradi. Kuchli analgetik va antipiretikdir. Yallig‘lanishga qarshi samarasi kuchsiz namoyon bo‘ladi.

– Anoreksiya, qabziyat, ko‘ngil aynishi, abdominal og‘riqlar, diareya;

– qon ketishi bilan asoratlanishi mumkin bo‘lgan ovqat hazm qilish yo‘llarining yaralari (odatda, faqat uzoq muddat davomida ishlatilganda uchraydi);

– depressiya, uyquchanlik, bosh og‘rig‘i;

– gematuriya, nefrotik sindrom, o‘tkir buyrak yetishmovchiligi, proteinuriya;

– trombotsitopeniya, anemiya;

– allergik reaksiyalar.

Nojo‘ya samaralarning simptomlari (agar ular bo‘lsa) dori vositasi bekor qilinganidan keyin yo‘qolishi kerak. Agar simptomlar o‘tib ketmasa, shifokorga murojaat qiling.

12 yoshgacha bo‘lgan bolalarda qo‘llash mumkin emas, preparat qarshi ko‘rsatilgan.

Homiladorlik yoki laktatsiya davrida ishlatish mumkin emas. Homiladorlikda faqat agar patsiyent uchun potensial foyda, homila uchun potensial xavfdan ustun bo‘lgandagina qo‘llash mumkin.

Buyrak faoliyati buzilgan bemorlarda ehtiyotkorlik bilan qo‘llanadi. Og‘ir buyrak yetishmovchiligida qo‘llash mumkin emas.

Simptomlari: buyrak yetishmovchiligi, arterial gipotenziya, tirishishlar, dispeptik holatlar, nafasni buzilishi.

Davolash – simptomatik davolash o‘tkaziladi.

Oq-zarg‘aldoq, ikki qavatli, dumaloq, ikki tomonlama qavariq, ikki tomonlama silliq (bo‘lish chizig‘isiz), qobiq bilan qoplangan tabletka.

Preparatni buyrak va jigar faoliyatini buzilishlari bo‘lgan patsiyentlarda ishlatilganida ehtiyotkorlikka rioya qilish lozim.

O‘ramidagi yaroqlilik muddatini tekshiring va yaroqlilik muddati o‘tganidan keyin preparatni ishlatmang.

Kyupen furosemid va gipotenziv preparatlarning klinik samaralarini pasaytiradi, kaliyni tejovchi diuretiklarning samarasini potensiatsiyalaydi. Plazmada digoksinning miqdorini oshiradi. Metotreksatning toksik samaralarini kuchaytiradi. Siklosporinning nefrotoksik samarasini kuchaytiradi. Antikoagulyantlarning ta’sirini potensiatsiyalashi mumkin.

Qorong‘u joyda, 25ºC dan yuqori bo‘lmagan haroratda saqlansin.

Yaroqlilik muddati: 4 yil.

Preparat bolalar olaolmaydigan joyda saqlansin va yaroqlilik muddati o‘tgach qo‘llanilmasin.

Peroral qo‘llash uchun buyuriladi.

12 yoshdan kichik bolalarda qo‘llanmasin.

Kattalar va 12 yoshdan oshgan bolalarga: 1 tabletkadan kuniga 2-3 marta ovqatdan keyin.

Yoki shifokorning ko‘rsatmasiga ko‘ra.