KYUPEN gel 20g N1

Kyupen gel yaqqol yallig‘lanishga qarshi, analgetik va isitma tushiruvchi ta’sir ko‘rsatuvchi nosteroid tuzilishdagi modda - diklofenak natriy saqlaydi. Diklofenak ta’sirining asosiy mexanizmi, eksperiment sharoitida aniqlangan, prostaglandinlar biosintezini tormozlash hisoblanadi. Prostaglandinlar yallig‘lanish, og‘riq va isitma genezida muhim rol o‘ynaydi. Revmatik kasalliklarda diklofenakning yallig‘lanishga qarshi va analgetik xususiyatlari tinch holatdagi va harakatdagi og‘riq, bo‘g‘imlarning ertalabki qotib qolishi va shishi kabi simptomlar va shikoyatlar yaqqolligining sezilarli kamayishi, shuningdek funksiyaning yaxshilanishi bilan ifodalanuvchi klinik samarani ta’minlaydi. In vitro sharoitda diklofenak natriy, bemorlarni davolashda erishiladigan konsentratsiyalarga ekvivalent konsentratsiyalarda, tog‘ay to‘qimasi proteoglikanlari biosintezini bostirmaydi. Jarohatdan keyingi va operatsiyadan keyingi yallig‘lanish ko‘rinishlarida diklofenak og‘riqlarni (ham spontan, ham harakatda yuzaga keluvchi) tez bartaraf etadi, yallig‘lanish shishini va operatsiya jarohati shishini kamaytiradi.

Toshma, qichishish va qizarish kabi nojo'ya ta'sirlar bo'lishi mumkin. Nojo'ya ta'sirlar odatda preparatni qo'llash to'xtatilgandan so'ng yo'qoladi. Agar simptomlar saqlanib qolsa, iltimos, shifokor bilan maslahatlashing.

Diklofenak mahalliy qo'llanilganda tizimli nojo'ya ta'sirlar rivojlanishi ehtimoli ichga qabul qilish bilan solishtirganda past, ammo Kyupen gelini terining nisbatan katta yuzalariga uzoq vaqt davomida surtilganda ortadi.

Kyupen gelini faqat shikastlanmagan teri sohalariga surtish, shikastlangan, yallig'langan yoki infeksiyalangan sohalarga va ochiq yaralarga tushishining oldini olish tavsiya etiladi. Uni ko'zga va boshqa shilliq qavatlarga tushishiga yo'l qo'ymaslik kerak. Preparatni ichga qabul qilish mumkin emas.

Har qanday teri toshmasi paydo bo'lganda preparat bilan davolashni to'xtatish kerak. Kyupen gelini namlik o'tkazmaydigan okklyuzion bog'lam ostida qo'llash tavsiya etilmaydi. Boylamlar cho'zilganda shikastlangan sohaga bintli bog'lam qo'yilishi mumkin.

Kyupen geli ochiq yaralarda qo'llanilmaydi.

Kyupen gel diklofenak, aspirin, boshqa nosteroid yallig'lanishga qarshi dori vositalari va preparatning boshqa ingredientlariga yuqori sezuvchanligi bo'lgan bemorlarga qo'llash mumkin emas.

Preparat mahalliy qo'llanilishi oqibatida diklofenakning tizimli so'rilishi juda past bo'lganligi sababli, o'zaro ta'sirlar paydo bo'lish ehtimoli juda past. Preparatni boshqa NYQV bilan kombinatsiyada ehtiyotkorlik bilan qo'llash kerak. Diklofenak fotosensibilizatsiyani keltirib chiqaruvchi vositalar ta'sirini kuchaytirishi mumkin.

Kyupen geli kuniga 3-4 marta zararlangan joylarga surtiladi, massaj qilinib, dori massasi yo'qolguncha singdiriladi.