KYUPEN tabletkalari 50mg/500mg N100

Diklofenak ovqat hazm qilish traktidan yaxshi so'riladi. Ovqat bilan bir vaqtda qabul qilinganda absorbsiya tezligi biroz sekinlashadi. Sinovial suyuqlikka kirishga qodir. Metabolizm asosan jigarda amalga oshiriladi. Metabolitlarning bir qismi farmakologik jihatdan faol. Metabolitlar ekskretsiyasi asosan buyraklar orqali, qisman – safro bilan amalga oshiriladi. Diklofenakning taxminan 1% buyraklar orqali o'zgarmagan holda ekskretsiya qilinadi.
Paratsetamolning ovqat hazm qilish traktida so'rilishi tez, asosan ingichka ichakda sodir bo'ladi. Paratsetamol metabolizmi jigarda sodir bo'ladi. Almashinuv mahsulotlari buyraklar orqali ekskretsiya qilinadi. Buyraklar preparatning 5% ini o'zgarmagan holda ekskretsiya qiladi.

Kyupen tabletkalari NYQV guruhiga kiruvchi 2 ta moddani – paratsetamol va diklofenak natriyni saqlaydi. Ikkala vosita ham araxidon kislotasidan siklik endoperoksidlar hosil bo'lishiga yordam beruvchi siklooksigenaza faolligini bostiradi. Siklik endoperoksidlar yallig'lanish va uning klinik ko'rinishlari – og'riq, shish, harorat ko'tarilishida ishtirok etuvchi prostaglandinlar hosil bo'lish jarayonida boshlang'ich material bo'lib xizmat qiladi.
Diklofenak siklooksigenazaning har ikkala turini faolligini susaytirish hisobiga prostaglandinlar hosil bo'lishini bostiradi. Shu tariqa yaqqol og'riqsizlantiruvchi va yallig'lanishga qarshi ta'sir ko'rsatadi. Isitmani tushiruvchi ta'siri o'rtacha darajada namoyon bo'ladi. Diklofenakning og'riqsizlantiruvchi ta'sirining markaziy mexanizmi nerv tizimida prostaglandinlar hosil bo'lishini ingibirlash bilan bog'liq.
Paratsetamol nerv tizimida prostaglandinlar hosil bo'lishini susaytirib, asosan markaziy ta'sir ko'rsatadi. Kuchli analgetik va antipiretik hisoblanadi. Yallig'lanishga qarshi ta'siri kuchsiz namoyon bo'ladi.

- Anoreksiya, qabziyat, ko‘ngil aynishi, abdominal og‘riqlar, diareya;
- ovqat hazm qilish trakti yaralari, qon ketish bilan asoratlanishi mumkin (qoida tariqasida, faqat uzoq vaqt qo‘llanilganda uchraydi);
- depressiya, uyquchanlik, bosh og‘rig‘i;
- gematuriya, nefrotik sindrom, o‘tkir buyrak yetishmovchiligi, proteinuriya;
- trombositopeniya, anemiya;
- allergik reaksiyalar.
Nojo‘ya ta'sirlar simptomlari (agar mavjud bo‘lsa) dori bekor qilingandan keyin pasayishi kerak. Agar simptomlar o‘tib ketmasa, shifokorga murojaat qiling.

Buyrak va jigar funktsiyalari buzilishlari bo'lgan bemorlarda preparatni ishlatishda ehtiyotkorlikka rioya qilish kerak. O'ramdagi yaroqlilik muddatini tekshiring va preparatni yaroqlilik muddati tugagandan so'ng ishlatmang. Preparatni bolalar ololmaydigan joyda saqlash va yaroqlilik muddati tugagandan so'ng qo'llamaslik kerak

Quyidagi hollarda mumkin emas:
- yara kasalligining zo'rayishi;
- homiladorlik;
- buyrak kasalliklari;
- laktatsiya davrida;
- «aspirinli triada» (burun va yondosh bo'shliqlar polipozi, NYQP o'zlashtira olmaslik va bronxial astma kombinatsiyasi);
- 12 yoshgacha bo'lgan bolalar..

Kyupen furosemid va gipotenziv preparatlarning klinik samaralarini pasaytiradi, kaliy tejovchi diuretiklar samarasini potentsiyalaydi. Plazmada digoksin miqdorini oshiradi. Kortikosteroidlarni bir vaqtda tayinlash ovqat hazm qilish trakti yaralari rivojlanish xavfini oshiradi. Metotreksatning toksik samaralarini oshiradi. Siklosporinning nefrotoksik samarasini kuchaytiradi. Antikoagulyantlar ta'sirini potentsiyalash mumkin.

Peroral qo'llash uchun.
12 yoshdan kichik bolalarda qo'llanilmasin.
Kattalar va 12 yoshdan oshgan bolalar: 1 tabletkadan kuniga 2 – 3 marta ovqatdan keyin.
Yoki shifokor ko'rsatmasi bo'yicha.