Vankomisin preparati vena ichiga infuziya shaklida kiritiladi.
Mushaklar ichiga yoki venaga oqizib kiritish (masalan, bolyus shaklida) mumkin emas!
Buyraklar faoliyati normal bo'lgan kattalar va 12 yoshdan o'tgan bolalarga preparat sutkasiga 2,0 g dan v/i ga infuziya shaklida kiritiladi (har 6 soatda 0,5 yoki har 12 soatda 1,0 g). Har bir dozani 10 mg/min dan oshmaydigan tezlikda va kamida 60 daqiqa davomida kiritish maqsadga muvofiq. Bir marotabalik maksimal doza – 1,0 g, bir marotabalik maksimal sutkalik doza 2,0 g.
1 oylikdan 12 yoshgacha bo'lgan bolalar: har 6 soatda 10 mg/kg dan v/i ga kiritiladi. Har bir doza 60 daqiqa mobaynida kiritiladi. Tavsiya etiladigan sutkalik doza 40 mg/kg.
Yangi tug'ilganlar uchun: boshlang'ich doza 15 mg/kg ni tashkil qiladi, so'ngra hayotining birinchi haftasi mobaynida 10 mg/kg dan har 12 soatda kiritiladi. Hayotining ikkinchi haftasidan boshlab bir oylikka etguncha – har 8 soatda kiritiladi. har bir dozani 60 daqiqadan kam bo'lmagan vaqt mobaynida kiritish tavsiya etiladi. Preparat yangi tug'ilganlarda qo'llanilganda qon zardobidagi kontsentrasiyasini nazorat qilib borish maqsadga muvofiq.
Tayyorlangan vankomisin eritmasining kontsentrasiyasi - 2,5-5 mg/ml dan oshmaydi. Yangi tug'ilgan chaqaloqlar uchun maksimal bir marotabalik doza tana vazniga nisbatan 15 mg/kg ni tashkil qiladi, bolaga tayinlangan kunlik dozasi kattalar uchun belgilangan sutkalik dozadan (2,0 g) oshmasligi kerak.
Semirib ketgan bemorlar uchun preparat odatdagi dozalarda buyuriladi.
Buyrak funktsiyasi buzilgan bemorlar uchun dozani individual ravishda tanlash kerak. Ushbu guruhdagi bemorlar uchun vankomisin dozasini tanlash uchun kreatinin klirensidan (kk) foydalanish mumkin. Tuzatish in'ektsiya oralig'ini oshirish yoki preparatning bitta dozasini kamaytirish orqali amalga oshirilishi mumkin.
Kreatinin klirensiga qarab dozani to'g'irlash
|
Kreatinin klirensi, ml/min
|
Vankomisin dozasi, mg/sut
|
|
100
|
1545
|
|
90
|
1390
|
|
80
|
1235
|
|
70
|
1080
|
|
60
|
925
|
|
50
|
770
|
|
40
|
620
|
|
30
|
465
|
|
20
|
310
|
|
10
|
155
|
Ushbu jadvaldan anuriya uchun preparatning dozasini aniqlash maqsadida foydalanish mumkin emas. Qon zardobida preparatning terapevtik kontsentrasiyasini tezda yaratish uchun ushbu bemorlarga tana vazniga 15 mg/kg boshlang'ich dozada vankomisin buyurilishi kerak. Preparatning barqaror kontsentrasiyasini saqlash uchun zarur bo'lgan dozasi kuniga 1,9 mg/kg ni tashkil qiladi. Anuriya uchun vankomisinni har 7-10 kunda 1,0 g dan kiritish tavsiya etiladi.
In'ektsiyalar orasidagi intervallarni oshirib, dozani sozlash
|
Kreatinin klirensi (kk), ml/min
|
Vankomisin dozasi
|
Dozalar orasidagi interval
|
|
>80
|
0,5 g yoki 1 g
|
12 soat
|
|
80-50
|
1 g
|
24 soat
|
|
50-10
|
1 g
|
3-7 sutka
|
|
>10
|
1 g
|
7-14 sutka
|
Og'ir darajada buyrak etishmovchiligi bo'lgan bemorlar uchun dozani in'ektsiya oralig'ini ko'paytirish orqali to'g'irlash maqsadga muvofiq: kk 10-50 ml / min - har 3-7 kunda 1,0 g, kk <10 ml / min - har 7-14 kunda 1,0 g.
Qon zardobidagi kreatininning ma'lum kontsentrasiyasiga ko'ra, kreatinin klirensi quyidagi formula bilan hisoblanadi:
Ayollar uchun = olingan natija 0,85 ga ko'paytiriladi.
Gemodializdagi bemorlar: o'tkazuvchanligi yuqori bo'lgan membranalardan foydalanganda dastlabki doza 20-25 mg/kg ni tashkil qiladi. Ta'minot dozalari preparatning qon plazmasidagi qoldiq kontsentrasiyasi asosida qo'llaniladi va preparatning qoldiq kontsentrasiyasini 15-20 mkg/ml darajasida ushlab turish uchun kiritiladi.
Vankomisin yuqori o'tkazuvchanlik membranalari yordamida (masalan, Polisulfon) gemodializ orqali samarali ravishda chiqarib yuboriladi, ammo normal o'tkazuvchan membranalardan foydalanilganda yomon tozalanadi.
Erta tug'ilgan chaqaloqlarda va keksa bemorlarda buyrak funktsiyasining pasayishi natijasida dozani sezilarli darajada kamaytirish talab qilinishi mumkin.
Jigar etishmovchiligi bo'lgan bemorlarda dozani o'zgartirish talab qilinmaydi.
Infuziya uchun eritma tayyorlash va kiritish
Infuziya uchun eritma ikki bosqichda tayyorlanadi.
Buning uchun vankomisinning quruq, steril kukuni bo'lgan flakonga in'ektsiya uchun kerakli miqdorda suv qo'shing: 50 mg/ml kontsentrasiyali eritma olish uchun 1,0 g vankomisin in'ektsiya uchun 20 ml suvda suyultiriladi .
Shu tarzda tayyorlangan eritmani xona haroratida (25°C dan yuqori bo'lmagan) 24 soat davomida yoki muzlatgichda 2 dan 8°C gacha bo'lgan haroratda 96 soat davomida saqlash mumkin.
Tayyorlangan eritmani yanada suyultirish talab etiladi!
Qo'llashdan oldin yuqorida ko'rsatilgan usulda tayyorlangan vankomisin eritmasi 5 mg/ml dan ko'p bo'lmagan kontsentrasiyaga qadar ko'proq suyultirilishi kerak. Erituvchilar sifatida siz in'ektsiya uchun 5% dekstroza (glyukoza) eritmasidan yoki in'ektsiya uchun 0,9% natriy xlorid eritmasidan foydalanish mumkin; erituvchining hajmi 200 ml ni tashkil qiladi. Shu tarzda suyultirilgan preparatning kerakli dozasi kamida 60 minut davomida vena ichiga infuzion shaklda kiritilishi kerak.
0,9% natriy xlorid eritmasi yoki 5% dekstroza eritmasida tayyorlangan preparatning infuzion eritmalarini muzlatgichda 2 dan 8°C gacha bo'lgan haroratda 14 kun davomida faollikni yo'qotmasdan saqlash mumkin.
Parenteral kiritish uchun tayyorlangan eritmani infuziyadan oldin mexanik aralashmalar yo'qligi va rang o'zgarishi uchun vizual tekshiruvdan o'tkazilishi lozim. Mikrobiologik nuqtai nazardan, agar preparat nazorat ostida va tasdiqlangan aseptik sharoitda olib borilmagan bo'lsa, preparat eritmalarini tayyorlashdan so'ng darhol foydalanish kerak. Agar preparatning eritmalari tayyorlangandan so'ng darhol foydalanilmasa, ularni saqlash shartlari va davomiyligi foydalanuvchi zimmasida bo'ladi va yuqorida ko'rsatilgan muddatlardan oshmasligi kerak.
