Vitamin S – metabolik ta'sir ko'rsatadi, organizmda hosil bo'lmaydi, faqat oziqlanish orqali kiradi. Oksidlanish – tiklanish jarayonida ishtirok etadi, uglevodlar almashinuvi, qon quyilishida, to'qimalar regenerasiyasida; organizmni infektsiyalarga chidamligini oshiradi, tomirlar o'tkazuvchanligini kamaytiradi, temir metabolizmida ishtirok etadi, folat kislotasi, gistamin, karbogidratlarni qayta ishlash, lipidlar sintezi, proteinlar, karnitin, immun reaktsiyalarni rag'batlantiradi. Antiagregant va antioksidant xususiyatiga ega.
Vitamin V1 (tiamin gidroxloridi) - koenzim sifatida uglevod almashinuvida, asab tizimining faoliyatida ishtirok etadi.
Vitamin V2 (riboflavin) - qizil qon tanachalarini, antitelalarni xosil bo'lishini boshqarishda, organizmdagi reproduktiv funktsiyalarni tartibga solish uchun zarur. U butun organizmni sog'lom bo'lishiga; terining, tirnoqlarning, sochlarning o'sishini, sog'lom bo'lishi va qalqonsimon bezning funktsiyasi uchun zarur.
Vitamin V3(nikotin kislotasi)- organizmda nikotinamidga aylanadi, u vodorod tashuvchi I va II kodegirogenazalar (NAD va NADF) kofermenti bilan bog'lanadi, yog'lar, oqsillar, aminokislotalar, purinlar almashinuvida, to'qimalarning nafas olishida, glikogenozada va biosintez jarayonlarida ishtirok etadi.
Vitamin V6 (piridoksin) - asosan metabolizmda stimulyator sifatida ishlatiladi. U aminokislotalarni qayta ishlashda ishtirok etadi va oqsillarni o'zlashtirilishini tartibga soladi. Piridoksinni qon hujayralarining rang beruvchi pigmenti – gemoglobin ishlab chiqarishda ishtirok etadi va hujayralarni glyukoza bilan ta'minlanishida ishtirok etadi.
Folat kislotasi - qon yaratish a'zolari jarayonida faol qatnashadi, makrositar anemiyada anemiyaga qarshi ta'sir ko'rsatadi. Shuningdek jigar va ichak funktsiyalariga ijobiy ta'sir ko'rsatadi, jigarda xolin miqdorini oshirishda va yog'infiltrasiyasini oldini oladi. Folat kislotasi immun tizimni bir maromda ushlab turadi, oq qon tanachalarini normal shakllanishiga va faollashishiga hissa qo'shadi. Folat kislota homiladorlikda muhim rol o'ynaydi. U embrionning asab hujayralarining shakllanishini tartibga soladi, bu normal rivojlanish uchun juda muhimdir.
Vitamin V12- (tsianokobalamin) normal qon yaratish uchun zarur. Eritrosit hujayralarining etilishiga yordam beradi.
Jigar va asab tizimining ishiga foydali ta'sir ko'rsatadi. To'qimalarning yangilanish qobiliyatini oshiradi.
Pantoten kislotasi - atsetillanish va oksidlanish jarayonlarida muhim rol o'ynaydi. Epiteliy va endoteliyning yangilanishiga yordam beradi. Yurak mushaklarini energiya bilan ta'minlashni yaxshilaydi. Tananing infektsiyalarga chidamliligini saqlashda ishtirok etadi.
Kaltsiy - suyak moddasining shakllanishi, qon koagulyasiyasi, nerv impulslarini uzatish jarayoni, skelet va silliq mushaklarning qisqarishi va miokardning normal faoliyati uchun zarurdir.
Temir glyukonat - organizmdagi temir tanqisligini qoplaydi va temir kamqonligida gemoglobin sintezini rag'batlantiradi. Yaxshi so'riladi va o'zlashtiriladi. Plazma oqsillari bilan bog'lanib, qizil suyak iligi va boshqa to'qimalarga kiradigan transferrin hosil qiladi. Jigar xujayrasida, retikuloendotelial tizim, mushak to'qimalarida to'planadi.
Rux – leykositlar, antitelalar, gormonal faoliyatni, ayrisimon bezning faoliyatini rag'batlantiradi, bu tananing qarshiligini oshiradi va jaroxatlarni bitishini tezlashtiradi. Shuningdek, u organizmdan karbonat angidridni chiqarish orqali detoksikasiya funktsiyasini bajaradi. Rux uglevodlarni modda almashinuvida ishtirok etuvchi insulin sekresiyasi, ishlab chiqarilishi va utilizasiyasida ishtirok etadi. Rux buyrak usti bezi, qalqonsimon bez, gipofiz, tuxumdon va urug'donlarning modda almashinuvi jarayonlarida ishtirok etadi. Uni saqlanishi erkak jinsiy a'zolarini shakllanishida va prostata bezini sog'lom bo'lishida muxim rol o'ynaydi. Rux 300 dan ortiq fermentlar tarkibiga kiradi, bu fiziologik xususiyatlar soni va xilma - xilligi jixatidan mikroelementning muxim xususiyatidir.
Mis - hujayralarni antioksidant himoyasiga yordam beradi, kollagen sintezida ishtirok etadi, anemiya xamda organlar va to'qimalarning kislorod etishmovchiligini oldini oladi va osteoporoz rivojlanish xavfini kamaytiradi. Qon tomirlari devorlarini mustahkamlaydi.
Marganes - immun tizim reaktsiyalarida, to'qimalarning nafas olishida ishtirok etadi. Normal o'sish, metabolizm, suyak to'qimalarining rivojlanish jarayonlari (osteogenez) uchun zarurdir. U ko'plab fermentlarning tarkibiy qismlaridan biri bo'lib, suyak va Tog'ay to'qimalarini mustahkamlaydi.
Yod - qalqonsimon bezning normal ishlashi uchun zarur bo'lgan muhim mikroelementdir. Qalqonsimon bez gormonlari ko'plab hayot uchun muxim funktsiyalarni bajaradi, shu jumladan organizmdagi oqsillar, yog'lar, uglevodlar va energiya almashinuvini, miya, asab va yurak-qon tomir tizimlari, jinsiy va sut bezlari faoliyatini, bolaning o'sishi va rivojlanishida qatnashadi.
Lizin - aminokislota ko'p miqdorda kollagenda mavjud bo'lib, u mushaklar, Tog'ay, boylamlar va paylarga kuch beradi. Bilvosita lizin suyaklarni mustahkamlaydi, chunki u ichakdan kaltsiyning so'rilishiga yordam beradi, uning etishmasligi bilan osteoporoz rivojlanishi mumkin (suyaklarning mo'rtligi oshadi). Lizin immunitet tizimida muhim rol o'ynaydi, chunki u antitanachalarni (immunoglobulin) ishlab chiqarish uchun ko'p miqdorda kerak bo'ladi. Lizin organizmdagi metabolik jarayonlarni tartibga soluvchi gormonlar va fermentlarning bir qismidir.
Asal - vitaminlar va minerallarning boy manbaidir. Uning tarkibida V, K, E, C guruhlari vitaminlari, provitamin A mavjud bo'lib, yallig'lanishga qarshi, bakterisid, bakteriostatik, zamburug'larga qarshi va antiseptik ta'sirga ega.
