Temir glyukonat - organizmdagi temir tanqisligini qoplaydi va temir kamqonligida gemoglobin sintezini rag'batlantiradi.
Vitamin S - organizmda hosil bo'lmaydi, faqat oziqlanish orqali kiradi. Oksidlanish – tiklanish jarayonida ishtirok etadi, uglevodlar almashinuvi, qon quyilishida, to'qimalar regenerasiyasida; organizmni infektsiyalarga chidamligini oshiradi, tomirlar o'tkazuvchanligini kamaytiradi. Temir metabolizmida ishtirok etadi, folat kislotasi, gistamin, karbogidratlarni qayta ishlash, lipidlar sintezi, proteinlar, karnitin, immun reaktsiyalarni rag'batlantiradi. Antiagregant va antioksidant xususiyatiga ega.
Folat kislotasi - qon yaratish a'zolari jarayonida faol qatnashadi, makrositar anemiyada anemiyaga qarshi ta'sir ko'rsatadi. Shuningdek jigar va ichak funktsiyalariga ijobiy ta'sir ko'rsatadi, jigarda xolin miqdorini oshirishda va yog'infiltrasiyasini oldini oladi. Folat kislotasi immun tizimni bir maromda ushlab turadi, oq qon tanachalarini normal shakllanishiga va faollashishiga hissa qo'shadi. Folat kislota homiladorlikda muhim rol o'ynaydi. U embrionning asab hujayralarining shakllanishini tartibga soladi, bu normal rivojlanish uchun juda muhimdir.
Vitamin B12 - qon yaratish organlarining faoliyatini tartibga solishda muhim rol o'ynaydi. Eritropoez jarayoni uchun zarur bo'lgan purin va purimidin asoslarini, nuklein kislotalarini sintez qilishda ishtirok etadi, eritrositlarga sulfgidril guruhlari bo'lgan birikmalarning to'planishiga faol ta'sir ko'rsatadi. Shu jumladan vitamin B12 transmetillanish, vodorodni o'tkazish jarayonlarida ishtirok etadi, metionin sintezini faollashtiradi. Organizmda protein sintezini va to'planish qobiliyatini oshirib, bu anabolik ta'sirni kuchaytiradi.
Vitamin V6 - aqliy va jismoniy mexnatga layoqatlikni oshiradi, qonda glyukoza darajasini boshqaradi, qalqonsimon bez, buyrak ustki bezi va jinsiy a'zolar bezi, miya to'qimasidagi modda almashinuvini yaxshilaydi, nerv tizimini mustaxkamlaydi, antidepressant xisoblanadi. Markaziy va periferik nerv tizimi kasalliklariga yaxshi ta'sir ko'rsatadi. Piridoksin etishmovchiligi anemiya, dermatit va tirishishni chaqiradi.
Rux – leykositlar, antitelalar, gormonal faoliyatni, ayrisimon bezning faoliyatini rag'batlantiradi, bu tananing qarshiligini oshiradi va jaroxatlarni bitishini tezlashtiradi. Shuningdek, u organizmdan karbonat angidridni chiqarish orqali detoksikasiya funktsiyasini bajaradi. Rux uglevodlarni modda almashinuvida ishtirok etuvchi insulin sekresiyasi, ishlab chiqarilishi va utilizasiyasida ishtirok etadi. Rux buyrak usti bezi, qalqonsimon bez, gipofiz, tuxumdon va urug'donlarning modda almashinuvi jarayonlarida ishtirok etadi. Uni saqlanishi erkak jinsiy a'zolarini shakllanishida va prostata bezini sog'lom bo'lishida muxim rol o'ynaydi. Rux 300 dan ortiq fermentlar tarkibiga kiradi, bu fiziologik xususiyatlar soni va xilma - xilligi jixatidan mikroelementning muxim xususiyatidir.
Mis - hujayralarni antioksidant himoyasiga yordam beradi, kollagen sintezida ishtirok etadi, anemiya xamda organlar va to'qimalarning kislorod etishmovchiligini oldini oladi va osteoporoz rivojlanish xavfini kamaytiradi. Qon tomirlari devorlarini mustahkamlaydi.
